भिक्टोरियाको बिरामी भत्ता ग्यारेन्टी (Sick Pay Guarantee) ले अस्थायी (क्याजुअल) र स्वरोजगारी कामदारहरूलाई उनीहरू बिरामी हुँदा वा उनीहरूका प्रियजनहरूको हेरचाह गर्नको लागि वर्षमा ३८ घण्टा बिरामी तथा हेरचाहकर्ता भत्ता दिन्छ। कुनै पनि कामदारले एक दिनको तलब कमाउन जाने कि आफ्नो स्वास्थ्य हेर्ने भनेर रोज्नु पर्ने अवस्था नआओस् भन्नका लागि यस्तो नियम लागु गरिएको हो।
यो परीक्षण कार्यक्रम भिक्टोरिया सरकारद्वारा पूर्णरूपमा अनुदानित छ।
आजै दर्ता गर्नुहोस्। यो निःशुल्क दर्ता गर्न सक्नुहुन्छ।
यसपछि यदि तपाईं बिरामी हुनुहुन्छ वा कसैको हेरचाह गर्दै हुनुहुन्छ र तपाईंले कामबाट समय निकाल्न आवश्यक छ भने, तपाईंले छुटेको घण्टाको लागि बिरामी भुक्तानी ग्यारेन्टी दावी गर्न सक्नुहुन्छ।
तपाईंले दर्ता बिना चाहिं दावी गर्न सक्नुहुन्न।
बिरामी भत्ता ग्यारेन्टी प्रति घण्टा $२१.३८ (१ जुलाई २०२३देखि) को राष्ट्रिय न्यूनतम तलबको आधारमा भुक्तान गरिनेछ।
यस परीक्षण कार्यक्रममा समावेश जागिरहरू
| काम(नोकरी) | कामको प्रकार |
|---|---|
| आतिथ्य सेवा (हस्पिटालिटी) कामदारहरू | होटल, बार, क्याफे, रेष्टुरेन्ट, क्यासिनो र यस्तै व्यवसायहरूमा ग्राहकहरूको लागि सेवाहरू प्रदान गर्ने। |
| खाद्यान्न तयारीकर्ताहरू (Food preparation assistants) |
|
| खाद्यान्न व्यवसायका कर्मचारीहरू |
|
| बिक्रेता कामदारहरू (Sales support workers) | खुद्रा वा थोक वस्तुहरू र सेवाहरू बेच्ने व्यवसायहरूलाई सहयोग प्रदान गर्ने। यसमा निम्न कामदारहरू समावेश छन्:
|
| बिक्रीकर्ता (Sales assistants) | खुद्रा वा थोक वस्तुहरू र सेवाहरू बेच्नेहरू। |
| सुपरमार्केटको आपूर्ति प्रणालीहरूमा काम गर्ने अन्य कामदारहरू | सुपरमार्केट आपूर्ति श्रृंखला (सप्लाई चेन) मा काम गर्नेहरू। यसमा निम्न कामदारहरू समावेश छन्:
|
| वृद्ध तथा अपांग हेरचाहकर्ताहरू | वृद्ध मानिसहरू तथा अपाङ्गता भएका मानिसहरूलाई सहयोग, भावनात्मक सहयोग, हेरचाह र सङ्गति प्रदान गर्नेहरू। सहायता वृद्ध व्यक्ति वा अशक्त व्यक्तिको घरमा प्रदान गरिएको हुनुपर्छ। घर अन्तर्गत निम्न स्थानहरू समावेश छन्:
यसमा परिवार र साथीहरूको लागि अवैतनिक हेरचाहकर्ता सहायता प्रदान गर्ने व्यक्तिहरू पर्दैनन्। |
| हेरचाहकर्ता तथा सहयोगीहरू | मानिसहरूलाई उनीहरूको शिक्षा, स्वास्थ्य, कल्याण, सहजता सुधार गर्न मद्दत गर्न हेरचाह, पर्यवेक्षण र सहायता सेवाहरू प्रदान गर्ने। |
| कल्याण सहायता कामदारहरू | सेवाग्राहीलाई उनीहरूको कल्याण सुधार गर्न सहयोग, जानकारी र सल्लाह प्रदान गर्नेहरू। कल्याणकारी तथा सामुदायिक सेवा एजेन्सीहरूको सेवाहरूको मूल्याङ्कन र समन्वय गर्नेहरू। |
| सरसफाई सम्बन्धि र लुगा धुने कामदारहरू | सरसफाईकर्ताको रूपमा निम्न सफाई काम गर्नेहरू:
|
| सुरक्षा अधिकारी तथा गार्डहरू | संगठन तथा व्यक्तिहरूलाई सुरक्षा र अनुसन्धान सेवाहरू प्रदान गर्नेहरू। यसमा बख्तरबंद गाडी पहरेदार (armoured car escorts) र निजी छानविनकर्ताहरू समावेश छैनन्। |
| खेती, वानिकी (फरेष्ट्री) र बगैंचाका कामदारहरू |
|
| पशु तथा बागवानी सम्बन्धि दक्ष कामदारहरू |
|
| खेलकुद र व्यक्तिगत सेवाकर्मीहरू |
|
| कल सेन्टरका कामदार र रिसेप्शनिस्टहरू |
|
| पुरोहित कामदारहरू | निम्न कार्यहरू सहित कार्य सम्पादन गर्नेहरू:
|
| कारखाना प्रक्रिया कामदारहरू | कारखानाहरूमा काम गर्नेहरू। यसमा प्रशोधन, निर्माण र प्याकेजिङ्ग कार्यहरू समावेश छन्। |
| सडक चालकहरू | मानिस र माल ढुवानी गर्न कार, भ्यान र ट्रकहरू चलाउनेहरू। |
| कलाकर्मीहरू | कलात्मक र रचनात्मक कार्यहरू सिर्जना गर्ने, उत्पादन गर्ने र प्रदर्शन गर्नेहरू। |
योग्य कामहरूको पूर्ण सूची हेर्नुहोस्
के म योग्य छु?
बिरामी भत्ता ग्यारेन्टीको लागि योग्य हुन:
- तपाईंसंग अष्ट्रेलियामा काम गर्ने अधिकार हुनुपर्छ
- तपाईं १५ वर्ष वा सोभन्दा माथिको हुनुपर्छ
- तपाईंले प्रति हप्ता ७.६ घण्टा वा बढी काम गरेको हुनुपर्छ
- तपाईंको कुनै पनि काममा तलबी बार्षिक बिदा व्यक्तिगत, बिरामी वा हेरचाहकर्ताको बिदा नपाएको हुनुपर्छ
- तपाईं भिक्टोरियामा काम गर्ने हुनुपर्छ
- माथि सूचीबद्ध कार्यहरू मध्ये कुनै एकमा काम गरेको हुनुपर्छ।
यदि अष्ट्रेलियामा काम गर्ने अधिकार सहित योग्यता मापदण्डहरू पूरा गरेका छन् भने अस्थायी बासिन्दा, स्थायी बासिन्दा, भिसा धारकहरू र न्यूजील्याण्डका मानिसहरूले परीक्षण कार्यक्रम भाग लिन सक्छन्।
अस्थायी (क्याजुअल) कामदार भनेको के हो?
अस्थायी कामदारसँग नियमित, सधैं कामको ग्यारेन्टी हुँदैन। तिनीहरूको समय वा रोस्टर हप्तामा हप्तामा परिवर्तन हुनसक्छ। तिनीहरूले सामान्यतया: बिरामी बिदा भुक्तानी पाउँदैनन्।
थप जानकारीको लागि, Fair Work वेबसाइटमा जानुहोस्।
अहिले दर्ता गर्नुहोस्
तपाईंले Service Victoria मार्फत बिरामी भुक्तानी ग्यारेन्टीको लागि दर्ता गर्न सक्नुहुन्छ।
तपाईंले बिरामी वा हेरचाहकर्ताको तलब दाबी गर्नुअघि दर्ता गर्नुपर्छ र त्यो स्वीकृत भएको हुनुपर्छ।
कामदारहरूले मात्र दर्ता गर्न सक्छन्। रोजगारदाताहरूले आफ्ना कामदारहरूको तर्फबाट दर्ता वा दावी गर्न सक्दैनन्।
अनलाइन आवेदनको समयमा हामी तपाईंसंग निम्न कुराहरू माग्नेछौं :
- दुई वटा परिचयपत्रका कागजात
- कामको प्रमाणको कागजात
- आफ्नो बैंक विवरण।
यदि तपाईंसँग दुई प्रकारका परिचयपत्रहरू छैनन् र तपाईं अष्ट्रेलियाको नागरिक वा स्थायी बासिन्दा हुनुहुन्न भने, एक प्रकारको परिचयपत्र प्रदान गर्नुहोस्। यस्तो अवस्थामा "तपाईँको आईडी स्क्रिन छान्नुहोस् (Choose your ID screen)" भन्ने दोस्रो प्रश्नमा तपाईं "मसँग यो छैन (I don’t have this)" भन्ने विकल्प चयन गर्न सक्नुहुन्छ।
परिचयपत्र र कामको कागजातहरूको प्रमाणको बारेमा थप जान्नुहोस्।
तपाईंले आफ्नो आवेदन पेश गरेपछि हामी तपाईंलाई इमेल मार्फत सम्पर्क गर्नेछौं। त्यसमा हामीले थप जानकारीको लागि अनुरोध गर्न सक्छौं।
यदि तपाईंलाई साइन अप गर्न वा आफ्नो आवेदन पूरा गर्न मद्दत चाहिन्छ भने तपाईं हामीलाई ईमेल वा फोन मार्फत सम्पर्क गर्न सक्नुहुन्छ।
हामीलाई सम्पर्क गर्नुहोस्
भिक्टोरियाको बिरामी भत्ता ग्यारेन्टी (Victorian Sick Pay Guarantee)
फोन: 1800 979 641(opens in a new window)
इमेल: sickpayguarantee@ecodev.vic.gov.au
अनुवाद र दोभाषे सेवा (TIS): 131 450(opens in a new window) मा फोन गर्नुहोस् र भिक्टोरियाको बिरामी भत्ता ग्यारेन्टी (Victorian Sick Pay Guarantee) मा सम्पर्क गराईदिन आग्रह गर्नुहोस्।
Updated