ꤕꤚꤟꤢꤧ꤬ꤡꤟꤛꤢꤘꤢꤧ꤬ ꤥ꤬ꤢꤧꤜꤢ꤭ ꤗꤢ꤬ꤔꤢꤚꤢꤪ VCE ꤒꤣ꤬ꤡꤣ꤬ꤒꤌꤣ꤭ ꤕꤚꤢꤧ (Many Talents One VCE) - ꤊꤢ꤬ꤛꤢ꤭ ꤜꤟꤤ꤬ (Karenni)

VCE ꤗꤢ꤬ ꤢ꤬ꤓꤢꤨ꤬ꤜꤛꤢ꤬ꤒꤢ꤬ꤊꤜꤛꤢ꤬ ꤟꤢꤪ꤯

ꤒꤟꤢꤧ꤬ꤔꤝꤥꤖꤛꤢꤩ ꤘꤣ ꤢ꤬ꤞꤢꤧ꤭ ꤒꤢ꤬ꤟꤢꤩ꤬ ꤗꤢ꤬ ꤢ꤬ꤔꤟꤤ ꤕꤚꤢꤧ꤯ ꤔꤟꤢꤧ꤬ ꤒꤟꤢꤧ꤬ꤡꤟꤛꤢꤒꤟꤢꤧ꤬ꤘꤢꤧ꤬ ꤤ꤭ꤒꤢꤩ꤭꤮ ꤙꤢꤧ꤬꤬ꤙꤢꤧ꤬, ꤋꤥ꤭ꤑꤟꤢ ꤔꤟꤢꤧ꤬ ꤜꤟꤢꤦ꤬ꤗꤟꤢꤩ꤬ ꤘꤣ VCE ꤒꤣ꤬ꤡꤣ꤬ꤒꤌꤣ꤭ ꤢ꤬ꤜꤟꤢꤧ꤬꤭ ꤗꤢ꤬ ꤢ꤬ꤔꤟꤤ ꤕꤚꤢꤧ꤯

VCE ꤒꤟꤢꤧ꤬ꤢꤩ꤬ꤚꤟꤛꤢ꤬ꤗꤟꤢꤩ꤬ꤡꤟꤛꤢ ꤘꤢꤨ꤬ ꤘꤣ ꤢ꤬ꤞꤢꤧ꤭ ꤗꤢ꤬ ꤑꤟꤢꤩ꤭ꤔꤢ꤬ ꤕꤚꤥ꤬ꤊꤚꤟꤢꤧ꤬ ꤘꤣ VCE ꤢ꤬ꤊꤢꤨ꤭꤯ ꤞꤝꤥꤜꤤ꤬ꤟꤥ꤭ꤖꤢꤨ ꤒꤢ꤬ꤟꤢꤩ꤬ ꤗꤟꤢꤩ꤬ꤘꤢꤨ꤬ꤓꤛꤢ꤬ꤓꤢꤨ꤭ꤓꤛꤢ꤬ ꤒꤟꤢꤧ꤬ꤞꤢꤧꤋꤢꤨ꤬ꤞꤢꤧꤑꤢꤩ꤭, ꤒꤟꤢꤧ꤬ꤞꤢꤧꤕꤜꤢꤪ꤬ꤋꤢꤦ꤭ ꤔꤢ ꤒꤟꤢꤧ꤬ꤗꤟꤢꤩ꤬ꤡꤟꤛꤢꤗꤟꤢꤩ꤬ꤘꤢꤧ꤬ ꤒꤢ꤬ꤟꤢꤩ꤬ ꤘꤣ ꤒꤟꤢꤧ꤬ꤖꤛꤢꤩꤒꤟꤢꤧ꤬ꤗꤟꤢꤩ꤬ ꤔꤢ ꤒꤟꤢꤧ꤬ꤓꤝꤥ꤭ꤕꤚꤟꤢꤧ꤬ ꤢ꤬ꤑꤢꤩ꤭꤯

ꤛꤢꤩ꤭ ꤢ꤬ꤍꤟꤥꤜꤢ꤬ꤏꤢ ꤗꤢ꤬ VCE ꤔꤌꤣ꤬ ꤢ꤬ꤊꤢꤦ ꤒꤟꤥ꤭ꤗꤢꤔꤟꤤ ꤊꤚꤟꤢꤦ꤬ꤑꤟꤢ꤬ ꤞꤝꤥꤜꤤ꤬ꤟꤥ꤭ꤖꤢꤨ ꤘꤣ ꤢ꤬ꤋꤥ꤬ꤜꤢꤨ꤭ ꤒꤢ꤬ꤟꤢꤩ꤬ ꤕꤢ꤭꤯

ꤠꤤ꤬ꤒꤥ꤭ꤚꤤ꤬ꤛꤢ꤬ ꤊꤜꤛꤢꤊꤜꤥ꤭ ꤜꤤ꤬ꤙꤢ꤬ꤘꤛꤢꤩꤗꤢ ꤗꤢ꤬ ꤒꤟꤢꤧ꤬ꤋꤢ꤭ꤏꤛꤢꤩꤋꤢ꤭ꤚꤟꤛꤢ꤬ ꤘꤣ ꤢ꤬ꤐꤢꤨ꤭ꤢ꤬ꤚꤛꤢ ꤒꤟꤢꤧ꤬ꤞꤝꤥꤒꤥ꤭ ꤑꤟꤢꤩ꤭ꤒꤟꤥꤒꤣ꤬ꤒꤟꤥ ꤘꤣ ꤢꤨ꤭ ꤒꤢ꤬ꤚꤤ꤬ꤒꤢ꤬ꤚꤛꤢ꤭ ꤕꤟꤢꤩ ꤔꤢ ꤞꤝꤥꤜꤤ꤬ꤟꤥ꤭ꤖꤢꤨ ꤕꤢ꤬ꤒꤤꤕꤚꤟꤢꤧ꤬ ꤘꤣ ꤢ꤬ꤔꤢ꤬ꤥ꤬ ꤁꤁ ꤔꤢ ꤁꤂ ꤒꤢ꤬ꤟꤢꤩ꤬ ꤘꤣ ꤢ꤬ꤚꤤ꤬ꤢ꤬ꤊꤛꤢ꤭ ꤥ꤬ꤒꤢ꤬ꤟꤢꤩ꤬ꤟꤢꤩ꤬ ꤚꤢꤪ ꤢ꤬ ꤤ꤬ꤞꤝꤥꤔꤟꤤꤡꤟꤛꤢ ꤟꤤ ꤘꤣ VCE ꤗꤟꤢꤒꤥ꤬ꤚꤢꤪ VCE ꤒꤟꤢꤧ꤬ꤢꤩ꤬ꤏꤢꤧ꤬ꤚꤟꤛꤢ꤬ꤒꤟꤢꤧ꤬ ꤘꤣ ꤢ꤬ꤘꤢꤨ꤬ ꤒꤥ꤬ ꤢ꤬ꤑꤢꤩ꤬꤭ ꤕꤚꤢꤧ꤯

ꤋꤥ꤭ꤑꤟꤢ ꤔꤟꤢꤧ꤬ ꤒꤟꤢꤧ꤬ꤞꤤꤒꤟꤢꤧ꤬ꤖꤢꤧ ꤢ꤬ꤒꤟꤢꤧ꤬ꤔꤝꤥꤖꤛꤢꤩ ꤒꤢ꤬ꤟꤢꤩ꤬ ꤥ꤬ꤜꤣꤊꤜꤢꤪ꤭ꤕꤟꤥꤔꤢ ꤒꤟꤢꤧ꤬ꤤ꤬ꤞꤝꤥꤒꤟꤢ꤭ ꤘꤣ ꤢ꤬ꤚꤛꤢꤜꤣꤊꤜꤢꤪ꤭ ꤔꤢ ꤒꤟꤢꤧ꤬ꤖꤛꤢꤩꤒꤟꤢꤧ꤬ꤗꤟꤢꤩ꤬ ꤢ꤬ꤒꤟꤢꤧ꤬ꤗꤛꤢꤓꤛꤢꤩ꤬ꤞꤢꤧꤑꤢꤩ꤭ ꤘꤣ ꤢ꤬ꤚꤛꤢꤜꤣꤊꤜꤢꤪ꤭ ꤒꤢ꤬ꤟꤢꤩ꤬ - ꤒꤢ꤬ꤚꤤ꤬ꤒꤢ꤬ꤚꤛꤢ꤭ꤥ꤬ ꤔꤟꤢꤧ꤬ ꤔꤢ ꤒꤟꤢꤧ꤬ꤕꤟꤢꤨ꤭ꤞꤢꤧꤑꤢꤩ꤭ ꤏꤛꤢꤩꤔꤥ꤬ꤏꤛꤢꤩꤋꤛꤢꤩ꤭ ꤢ꤬ꤑꤢꤩ꤭ ꤒꤟꤢꤧ꤬ꤞꤝꤥꤒꤥ꤬ ꤗꤟꤢꤒꤥ꤬ꤚꤢꤪ ꤒꤟꤢꤧ꤬ꤖꤛꤢꤩꤒꤟꤢꤧ꤬ꤗꤟꤢꤩ꤬ ꤕꤚꤢꤧ꤯

Updated