ولې ماشومان اړتیا لري چې زیات حرکت ولري
داسې سپارښتنه کیږي چې هغه ماشومان چې 5-12 کلونو پورې عمرونه لري او هغه ځوان اشخاص چې عمرونه یې 13-17 پورې دي باید هره ورځ د 60 دقیقو لپاره فزیکي فعالیت ولري. د دې لپاره چې دغه فعالیت اسانه شي، موږ سپارښتنه کوو چې یاده موده باید په 15 دقیقو، او په ورځ کې په 4 ځلو ووېشل شي.
فزیکي فعالیت هر هغه څه دي چې ستاسو بدن ته حرکت ورکوي، ستاسو ساه اخېستل او د زړه ضربان ته چټکتیا وربخښي. فزیکي فعالیت ماشومانو ته خوشحالي او روغتیا وربخښي، او له دوی سره د ژوندانه په اوږدو کې د سالمو عادتونو په پراختیا کې مرسته کوي.
په ورځني ډول حرکت کول ګڼ شمېر ګټې لري، چې عبارت دي له:
- عمومي روغتیايي حالت ښه کوي
- انرژي زیاتوي
- د انسان د روغتیا د خرابوالي، ناروغیو او په غیر سالم ډول د وزن د زیاتېدو خطر را کموي
- د وینې فشار، د وینې غوړ او د وینې د شکر کچې په ښه حالت کې ساتي
- انسان ته له ملګرو او کورنۍ سره له اړیکو خوند وربخښي
- په غیر ټولنیز عادت کې کموالی راولي
- همکاري او د ډلییز مهارتونه لوړوي
- د ځان قدر زیاتوي او په ځان باندې باور لوړوي
- په خفګان او ذهني فشار کې کموالی راولي
- تمرکز زیاتوي
- له سالمې ودې او پراختیا سره مرسته کوي
- عضلات او هډوکي غښتلي کوي
- فزیکي جوړتیا، د غړو همغږي او حرکت ته پراختیا ورکوي
15 دقیقې، په ورځ کې 4 ځله
موږ سپارښتنه کوو چې فزیکي فعالیت په ورځ کې څلور ځله د 15-دقیقو لپاره ترسره شي.
دا فعالیتونه کېدی شي په لاندې ډول وي:
- قدم وهل او ښوونځي ته یا په خپل ګاونډ کې پر بایسکل ګرځېدل
- له کورني سپي سره قدم وهل
- له ملګرو سره پارک ته تلل
- فوټبال
- پر تخته سکیټ کول
- په انګر کې لوبې کول
- ټېنس
- لامبو وهل
- نڅا کول
- منډې وهل یا ځغاستل
- باسکېټبال
- ختل
- یوګا
- وزن پورته کول
- نېټبال
Reviewed 07 December 2022