Manlo Tuallengsianginn cu Victoria chung pumpi aa telmi riantuanpiaknak pawl ah Kum Thum le Li Ngakchia ca Tuallengsianginn prokarem pawl ah ngah khawh a si. Hi ah hin chun i saupi zohkhenhnak le amah tein a dirmi (a tem ningin ti zongin auhmi) tuallengsianginn lei riantuanpiaknak pawl an pahnih ningin aa tel.
Innchungkhar pawl caah Khonmi
Manlo Tuallengsianginn timi a sullam cu kum fatin ngakchia pakhat ah $2,500 tiang khon khawh a si tinak a si.
Aa telmi amah tein a dirmi tuallengsianginn ah minpeknak a tuahmi ngakchia ngei innchungkhar pawl nih manlo prokarem an ngah lai.
Aa telmi chun i saupi zohkhenhnak ah minpeknak a tuahmi ngakchia ngei innchungkhar pawl nih ngakchia pakhat ah $2,000 tiang thawh dingmi tangka an ngah lai. Suimilam 15 nak tlawmdeuh Kum Thum Ngakchia ca Tuallengsianginn prokarem ah minpeknak kha na fa nih aa tuah ahcun, zatuak chungin rulhpiak dingmi zat kha nan ngah lai.
Manlo in kaimi Tuallengsianginn lei phung nih a onhmi sinak
Manlo Tuallengsianginn cu aho paoh caah a si.
Innchungkhar pawl nih Ngandamnak lei Zohkhenhnak Kat asilole Pensen Kat, Australian rammi sinak asilole hmuhnak dingah phung nih a onhmi langhtertu tehte an ngeih a hau lo. Manlo Tuallengsianginn ngah dingah Australia Acozah Ngakchia Zohkhenhnak lei Bawmhnak (CCS) caah phung nih a onhmi na si a hau fawn lo.
Manlo Tuallengsianginn nih tuallengsianginn riantuanpiaknak a tuahmi caan ah voikhat lawng na ngah khawh lai. Na tuallengsianginn riantuanpiaknak nih cakuat ah minthut an fial lai, riantuanpiaknak lei min langhtermi sin in Manlo Tuallengsianginn nan ngah lai. Na fa cu tuallengsianginn pakhat nih riantuanpiaknak in tamdeuh a kai ahcun, Manlo Tuallengsianginn ngah na duhnak hmun kha riantuanpiak pakhat cio na theihter hna a hau lai.
Manlo Tuallengsianginn tangka bawmhnak hmuh khawh ning
Tuallengsianginn lei riantuanpiaknak pawl nih Victorian Acozah sin in Manlo Tuallengsianginn nih dairek in a ngahmi tangka bawmhnak a pek. Hihi a sullam cu innchungkhar pawl nih khonmi tangka hal than a hau lo, cu nak cha cun na pek dingmi tangka pawl kha zuh an si lai.
A tem ningin a kalmi tuallengsianginn ah nan prokarem cu manlo a si.
Chun i saupi zohkhenhnak ah $2,000 Manlo Tuallengsianginn rulhpiaknak kha kum khat chung pumpaluk punghmaan na pekmi tangka pawl sin ah hman a si lai. ‘Victoria Acozah Manlo Tuallengsianginn rulhpiaknak’ bantukin nangmah tangka halnak ah fiang tein langhtermi azat kha na hmuh khawh lai.
Commonwealth Ngakchia Bawmhnak caah phung nih a onhmi an si ahcun, mah cu hman hmasat a si lai. Mah a sullam cu CCS hnu le Manlo Tuallengsianginn rulhpiaknak hnu ah a taangmi azat lawng na pek a hau lai.
Chun i saupi zohkhenhnak tuallengsianginn program pawl a hmangmi innchungkhar pawl nih tangka pek dingmi pawl ah fiang tein hmatthahnak tuahmi ‘Victoria Acozah Man Lo Tuallengsianginn rulhmi’ he a dotdot in tangka pekmi kip ah Man Lo Tuallengsianginn sin in tangka khawnmi pawl an hmuh khawh lai.
Nangmah tangka chuah in pek dingmi pawl ah tangka pek dingmi rulhpiaknak hman ning
Manlo Tuallengsianginn rulhpiaknak cu kumkhat chung pumpaluk punghmaan in na pek dingmi pawl caah hman a si lai (tch. zarh fatin in asilole zarh hnih voikhat in). ‘Victoria Acozah Manlo Tuallengsianginn rulhpiaknak’ bantukin nangmah tangka halnak ah fiang tein langhtermi azat kha na hmuh khawh lai.
Na pek dingmi tangka pawl ah rulhpiaknak hman ningcang kong le na tangka halnak ah hihi langhter a si dingmi kong thawngthanhmi hmuhnak caah, zaangfahnak in na tuallengsianginn riantuanpiaknak kha dairek in chawn. Na fa cu zarh khat ah suimilam 15 nak tamdeuh a ngah ahcun, hi chapmi caan pawl cu rulhmi nih a huap lo.
Commonwealth Ngakchia Bawmhnak caah phung nih a onhmi an si ahcun, mah cu hman hmasat a si lai. Mah a sullam cu CCS hnu le Manlo Tuallengsianginn rulhpiaknak hnu ah a taangmi azat lawng na pek a hau lai.
Tahchunhnak:
- Kum 4 a simi ngakchia pakhat cu tuallengsianginn prokarem he zarh khat ah ni 3 chung chun i saupi zohkhenhnak ah a kal.
- Ni 3 caah riantuanpiaknak ca pek dingmi cu $360 a si (tuallengsianginn kai caan le chapchihmi zohkhenhnak caan pawl telhchih in).
- Innchungkhar nih $252 i CCS a ngah.
- Riantuanpiaknak nih zarh 40 leng (zarh khat $50) zarh fatin $2,000 Manlo Tuallengsianginn rulhmi kha a hman.
- Innchungkhar nih CCS le Manlo Tuallengsianginn rulhmi hnu ah $58 a pek
Zaangfahnak in i chinchiah. Hihi cu tahchunnak pakhat lawng a si i pumpak thilsining pawl cungah hngat in aman pawl cu aa dang lai.
Updated