د وړکتون ګټې (Benefits of kindergarten) - پښتو (Pashto)

په 2023 کې وړیا وړکتون

له 2023 کال څخه به، د وړکتونونوپروګرامونه د درې او څلورکلنوګډون کونکود خدمتونولپاره وړیا وي. په دې کې د اوږدې ورځې د پاملرنې اود خپلواک وړکتون خدمتونه شامل دي.

د وړکتون وړیا کول د ویکتوریا له ټولو ماشومانو سره مرسته کوي، چې د ښوونځي له پیل څخه دوه کاله مخکې د لوړ کیفیت پروګرام ته لاسرسی پیدا کړي.

مخکې له دې چې ښوونځي پیل کړي، دا سپارښتنه کیږي چې ماشومان :

• په اونۍ کې له 5 څخه تر 15 ساعتونو پورې د درې کلن وړکتون پروګرام ته، او ورپسې
• په اونۍ کې 15 ساعته (په کال کې 600 ساعته) د څلورکلن وړکتون پروګرام ته ولاړ شي.

وړیا وړکتون په دې مانا چې هرماشوم تر2,500 ډالرو پورې، هر کال د ځانګړي وخت په وړکتون کې سپما کوي او2,000 ډالره د اوږدې ورځې په پاملرنه کې (کوم چې د کامنویلت( ګډوګټو) د وړکتونونو د مالي مرستې ورکړه (CCS) هم جذبوي).

وړکتوني خدمتونه چې وړیا پاملرنه برابروي د ویکتوریا له حکومت څخه به نېغ په نېغه پیسې ترلاسه کړي. دا په دې مانا چې کورنۍ د سپما د پیسوبیرته غوښتنه کولای نشي. هغه کورنۍ چې د وړکتون د اوږدې ورځې د پاملرنې پروګرامونه کاروي، وبه کولای شي د وړیا وړکتون څخه د هربیل د دورې سپما وګوري چې د ویکټوریا حکومت د وړیا وړکتون له انډول سره به په روښانه ډول په رسیدونوکې په نښه شوئ وي.

د درې کلن وړکتون په اړه

وړکتون، چې د "کینډر" یا "د ماشومتوب لومړنۍ زده کړې" په نوم هم یادیږي، ستاسو د ماشوم د ودې او زده کړې یوه مهمه برخه ده. د دوه کلونو لپاره د وړکتون په پروګرام کې ستاسود ماشوم شاملول، د دوی د مهارتونو په وده کې مرسته کولای شي، ترڅو دوی په ژوند او ښوونځي کې ښه پرمخ ولاړشي. په ویکتوریا کې، تاسو کولای شئ ماشومان د وړکتون په پروګرام کې شامل کړئ کله چې دوی درې کلن وي. تاسو کولای شئ د خپل ماشوم د زېږېدنې نیټه د عمرد پیل په محاسبه کې دننه کړئ ترڅو معلومه کړئ چې دوی په کوم کال کې درې او څلور کلن وړکتون پیل کولای شي.

ثابتې پایلې:

هغه ماشومان چې د وړکتون پروګرام ته ځي د مهارتونو پراختیا پیل کوي لکه څنګه شمېرنه وکړي اوحرفونه اونمرې وپیژني، او څنګه ستونزې حل کړي. ستاسوماشوم به په وړکتون کې په خپل ځان باوراوخپلواکي ترلاسه کړي، ټولنیزاواحساساتي مهارتونه به زده کړي. دوی به نوي ملګري پیدا کړي.

په 16 کلنۍ کې څیړنې دا ښیي، هغو زده کونکو چې د ښوونځي له پیل څخه مخکې دوه یا درې کاله د وړکتون په پروګرام کې برخه اخیستې وي، په انګلیسي اوریاضي کې د هغو په پرتله چې برخه یې نه وي اخیستې لوړې نمرې درلودې.

والدین اود وړکتون ښوونکي څنګه یوځای کاروکړي:

وړکتون د والدینو، کورنیو او ښوونکو ترمنځ په ګډه توګه ښه کار کوي. د موراو پلار په توګه، تاسو د خپل ماشوم د پرمختګ ترټولو مهمه برخه یاست. تاسو دوی ته له غلط څخه سم درس ورکوئ، ستاسو ژبه، کلتوراو ارزښتونه لکه مهرباني او درناوی. ښوونکي به له تاسوسره، چې په وړکتون کې څه پیښیږي اوستاسوله ماشوم سره په کورکې د دوامداره زده کړود لارو چارو په اړه خبرې وکړي. دوی غواړي ستاسود ماشوم د شوق په اړه پوه شي او دوی څنګه زده کړه خوښوي.

تاسوکولای شئ د خپل وړکتون له ښوونکي څخه وغواړئ چې هروخت تاسو ته ژباړونکی ونیسي. دا کیدای شي چې مخامخ یا د تلیفون یا د ویډیو له لارې وي هیڅ لګښت په کې نشته

په وړکتون کې څه پیښیږي:

ښوونکي ماشومان هڅوي چې د لوبو له لارې زده کړه وکړي. په فعالیتونوکې کیدای شي انځورایستل، سندرې ویل، ختل، کیندل او په بهرکې منډې وهل، د لوبو په شیانو لوبې کول اود کتابونولوستل شامل وي. لوبې ماشومان هڅوي چې خپل تخیل وکاروي او کشفونه وکړي، کله چې له نورو سره د شریک کولو او بدلولو له لارې په نوبت سره همکاري کوي. ماشومان به د غږونو، لغتونواو ژبې په اړه زده کړه وکړي، په شمول ددې چې څنګه خبرې وکړي او انګلیسي پوه شي.

وړکتون زموږ د څو کلتوري ټولنې برخه ده:

د وړکتون پروګرامونه د ټولو کلتورونو والدینو ته ښه راغلاست وايي چې د دوی د ټولنو برخه شي. دا یوداسې ځای دئ چیرې چې والدین کولای شي سره وګوري او کیسې شریکې کړي اویو له بل څخه یې زده کړي.

ښوونکي غواړي ستاسود ماشوم اوستاسود کلتور په اړه پوه شي. دا له دوی سره مرسته کوي، هغه پروګرامونه چمتوکړي چې ستاسود ماشوم لپاره مانا ولري، د کلتوري ورځواوپیښو پربنسټ د فعالیتونه شمول او په ویکتوریا کې بیلابېل لمانځل.

ښوونکي هریو په فعالیتونوکې شاملوي، نوهغه ماشومان چې انګلیسي خبرې نه کوي د نورو په څیرد لوبې او زده کړې فرصت لري. د وړکتون ځینې پروګرامونه دوه ژبي ښوونکي لري څوک چې له هغوماشومانوسره مرسته کوي چې په انګلیسي لږ یا هیڅ خبرې نشي کولای. ماشومانو ته دا هم ښوول کیږي چې له نورو سره یوځای شي او نور ومني اوکلتوري توپیرونو ته درناوی وکړي.

د اوږدې ورځې د پاملرنې (ماشوم پاملرنې) د وړکتون په پروګرام اود خپلواک (ځانګړي وخت) د وړکتون په خدمت کې څه توپیر دی؟

ماشومان کولای شي د درې کلن وړکتون په پروګرام کې یا د اوږدې ورځې د پاملرنې ( ماشوم پاملرنې) په مرکز یا په خپلواک (د ځانګړي وخت) د وړکتون په خدمت کې برخه واخلي. دا خدمتونه معمولأ د څلور کلن ماشوم د وړکتون پروګرام هم وړاندې کوي.

د اوږدې ورځې د پاملرنې مرکز کولای شي د وړکتون د پروګرام په شمول، ټوله ورځ زده کړه او پاملرنه وړاندې کړي. د ښوونکي په مشرۍ د وړکتون پروګرام د زده کړې او پاملرنې له اضافي ساعتونو سره یوځای کیدای شي. په خپلواک خدمت کې، د وړکتون پروګرام به یوازې په ځانګړو ورځو او ځانګړو وختونو کې کار وکړي. دا ورځې او ساعتونه د وړکتون د خدمت له خوا ټاکل شوي.

ژر پیل کیدونکی وړکتون

په 2023 کال کې، د درې کلن وړکتون پروګرامونه په اونۍ کې له 5 څخه تر 15 ساعتونو پورې دي او د څلور کلن وړکتون پروګرامونه د 15 ساعتونو لپاره دي. که تاسود مهاجرو یا پناه غوښتونکي له ډلې څخه یاست، یو پروګرام چې د (ESK) یا (ژر پیل کیدونکی وړکتون) په نوم یادیږي شته. ESK دهغو ماشومانو لپاره هم شته چې اصلي بوميان یا د توریس سټریټ له ټاپو څخه دي یا هغه څوک چې د ماشومانو د ملاتړله خدمتونو سره اړیکه لري.

ESK کولای شي د دې ډاډ په ترلاسه کولو کې له تاسوسره مرسته وکړي چې تاسوهره اونۍ د خپل ماشوم لپاره د وړکتون د وړیا پروګرام د ساعتونو ډېره اندازه ترلاسه کړئ. هغه ماشومان چې د ESK لپاره وړدي په هره اونۍ کې د 15 ساعتونو وړیا وړکتون حق لري، دا مهمه نده چې د درې کلن وړکتون په پروګرام کې څومره ساعتونه وړاندې کیږي.

د ESK په اړه د نورو معلوماتو لپاره د خپل سیمه ایز وړکتون له خدمت سره خبرې وکړئ، یا https://www.vic.gov.au/early-start-kindergarten څـخه لیدنه وکړئ.

خپل ماشوم شامل کړئ:

د هغو خدمتونود موندلولپاره چې د منظورشوي وړکتون پروګرامونه یې وړاندې کوي، د وړکتون د موندنې پروګرام ویب پاڼې ته ولاړ شئ Find A Kinder Program – د پوهنې او روزنې څانګه، ویکتوریا (educationapps.vic.gov.au))

د خپل سیمه ایزوړکتون له خدمت سره د دوی د نوم لیکنې د پروسې په اړه خبرې وکړئ. که تاسومرستې ته اړتیا لرئ، تاسو کولای شئ د خپلې سیمه ایزې ښاروالۍ سره اړیکه ونیسئ یا د درې کلن وړکتون تیلفوني کرښې ته په 1800338663 شمېره زنګ ووهئ یا 3YO.kindergarten@education.vic.gov.au ته ایمېل ولېږئ. د ژبې د مرستې لپاره یا د ژباړونکي د ترلاسه کولو لپاره، لومړی 131450 ته زنګ ووهئ.

د وړکتون ټیک (Tick) لپاره وګورئ:

د وړکتون Tick د ویکتوریا له کورنیو سره مرسته کوي چې د خپلو ماشومانو لپاره د وړکتون یو منل شوی پروګرام پیدا کړي.

د خپل سیمه ایزوړکتون خدمت کې د وړکتون ټیک لوګو، په خدمتونویا مرکزي ودانۍ یا میدانونو، یا د دوی په ویب پاڼه یا د دوی په معلوماتي موادوکې وګورئ.