کارای دواطلبانه رسمی زیادتر وقتا توسط نهاد های غیرانتفاعی یا خیریه که ده جامعه استه هماهنگ موشه. ای همچنان نام شی "کارداوطلبنه نهادها" یاد موشه. درخواست ددو بلدی کار داوطلبانه رسمی شبیه درخواست ددون کار رسمی استه.
نهاد های که کار دوطلبانه انجام میدین معمولا دنبال افرادی استه که بهترین گزینه بلدی نیاز های خودون شی باشن. اگر میخوایین بلدی کار داوطلبانه رسمی درخواست بیدین، ای مهم استه که تاحد ممکن ده باره او نهاد و کارای ره که انجام میدین ره مالومات بیگرین. ای بلدی شیم کمک موشه که بوفامین که ای واقعا او چیزی استه که میخوایین انجام بیدین.
شروع کدو
اولین مرحله آمادگی گرفتو بلدی کار داوطلبانه فکر کدو ده باره ای چیزا استه:
- نوع از کار داوطلبانه ره که شمو میخوایین انجام بیدین
- علاقه مندی و اشتیاق شیم، و نوع نهادای که شمو دوست دارین همرای شان کار کید
- شمو ازتجربه کار داوطلبی چیز خیل می خواین که تجربه بیگرین
- شمو چه قدر وقت خو دوست دارین که صرف ازی کار کید
- معمولا چه زمانا میخوایین کار داوطلبانه انجام بیدین، بلدی مثال یک بار ده هفته یا ماهانه.
الزامات اضافی یا دیگه چیز خیل لازمه
نهادها ممکنه رضایت والدین ره بلدی کار دواطلبانه جوانا ممکنه لازم داشته باشه که اونا بیتنن کار داوطلبانه انجام کلانسالان ممکنه استه که یک پولیس چک ارائه کنه یا چک کار کدون همرای کودکان. شمو شاید لازم باشه که یک مصاحبه یا دوره آموزش ره بلدی بعضی نقش های کار داوطلبانه انجام بیدین. ای میتنه مهارتها و تجربه ارزشمند ره بلدی شیم به ارمغان بیره.
پیدا کدون نهاد های که کار داوطلبانه انجام میدین
راه های مختلف موجود استه که نهاد داوطلبی ره ده جامعه و نقش کار داوطلبانه که مناسب شیم باشه ره پیدا کید. بعضی گزینه ها شامل ای چیزا موشه:
- از فامیلا و دوستای خو سوال کید که چیز کار مونن
- تابلوی اعلانات جامعه ره ده کتابخانه محلی خو سیل کنید
- از ایزی (Izzy) سوال کید یک راهنما بلدی نهادهای محلی استه که خدمات متنوع داره
- شورای شهر محلی وبسایت ازونا معمولا یک راهنما داره، و شاید پروگرام های مختلف کار دواطلبانه ره داشته باشه
- نهاد کار داوطلبانه ویکتوریا (Volunteering Vicoria) مالومات و وسیله تحقیقی ارائه مونه که همرای شیم کمک کنه که یک نقش کار داوطلبانه ره بلدی خو پیدا کید
- وبسایت های کار یابی شاید لیست کارای داوطلبانه ره لیست مونن.
شمو همچنان میتنین صفحه منابع کار داوطلبی ره بیخواینین و مالومات کار داوطلبانه ده بخش مختلف ده ویکتوریا ره مالومات بیگرین.
Updated