ܟܲܪܡܘܼܟܼܬܵܐ ܕܓܲܢܬܵܐ ܕܫܲܒܼܪܹ̈ܐ (Kinder Kits) - (ܐܵܬܘܿܪܵܝܵܐ) Assyrian

ܟܠ ܫܲܒ݂ܪܵܐ ܡܣܘܿܓ݂ܠܵܐ ܓܵܘ ܚܲܕ݉ ܚܘܼܪܙܵܐ ܡܘܿܘܸܠܵܐ ܕܬܠܵܬܵܐ ܫܸܢܹ̈ܐ ܕܓܲܢܬܵܐ ܕܫܲܒ݂ܖܹ̈ܐ (ܟܸܢܕܝܼ) ܒܫܹܢ݉ܬܵܐ ܕ2024 ܚܫܝܼܚܵܐ ܝܠܹܗ ܕܩܲܒܸܠ ܚܕܵܐ ܟܸܪܡܘܼܟ݂ܬܵܐ ܕܟܸܢܕܝܼ.

Title page on green background with illustration of two children playing, text displayed is Guide for Families.

ܒܘܼܕ ܟܸܪܡܘܼܟ݂ܝܵܬܹ̈ܐ ܕܟܸܢܕܝܼ

ܩܵܐ ܫܲܒܼܪܹ̈ܐ، ܛܲܐܲܠܬܵܐ ܘܝܠܵܦܬܵܐ ܟܹܐ ܓ̰ܵܘܓ̰ܝܼ ܥܲܡܚܕܵܕܹ̈ܐ. ܛܲܐܲܠܬܵܐ ܝܼܠܵܗܿ ܗܿܝ ܐܘܼܪܚܵܐ ܕܕܵܐܟܼܝܼ ܫܲܒܼܪܹ̈ܐ ܟܹܐ ܡܲܫܟܼܚܝܼ ܘܝܵܠܦܝܼ ܒܘܼܬ ܓܵܢܲܝܗܝ ܘܒܘܼܬ ܕܘܼܢܝܹܐ ܕܚܲܕܸܪܘܵܢܲܝܗܝ. ܐܲܒ݂ܵܗܹ̈ܐ، ܝܵܨܘܿܦܹ̈ܐ ܘܒܲܝܬܘܼܝܵܬܹ̈ܐ ܝܼܢܵܐ ܚܲܕ݉ ܣܲܗܡܵܐ ܓܘܼܒ݂ܪܵܐ ܕܗ̇ܘ ܚܙܘܼܩܝܵܐ. ܟܠܚܲܕ ܡܸܢܕܝܼ ܓܵܘ Kinder Kit ܕܫܲܒܼܪܵܘܟܼܘܿܢ ܦܝܼܫܵܐ ܝܠܹܗ ܡܬܘܼܪܨܵܐ ܕܦܵܐܹܫ ܫܘܼܪܸܟܵܐ ܘܚܡܝܼܠܵܐ ܒܝܼܹܗ ܐܲܝܟܼ ܒܲܝܬܘܼܬܵܐ.

Illustration of two children playing outside. One is riding on a scooter one is playing with building blocks.

ܓܵܘ ܓܲܢܬܵܐ ܕܫܲܒܼܪܹ̈ܐ، ܟܲܪܟܘܼܒܼܵܐ ܒܼܸܟܬܘܿܪܵܝܵܐ ܕܝܠܵܦܬܵܐ ܘܡܛܲܘܪܵܢܘܼܬܵܐ ܕܒܫܸܢܹ̈ܐ ܒܟܼܝܼܪ̈ܵܝܹܐ (VEYLDF) (Victorian Early Years Learning and Development Framework) ܦܝܼܫܵܐ ܝܠܹܗ ܡܘܼܦܠܸܚܵܐ ܩܵܐ ܡܲܒܪܵܝܬܵܐ ܕܢܸܣܝܵܢܹ̈ܐ ܕܝܠܵܦܬܵܐ ܕܟܹܐ ܣܵܢܕܝܼ ܠܫܲܒܼܪܵܘܟܼܘܿܢ ܕܓܲܪܘܸܣ ܘܡܲܢܬܹܐ ܓܵܘ ܚܲܡܫܵܐ ܦܠܵܛܹ̈ܐ ܕܝܠܵܦܬܵܐ ܘܡܛܲܘܪܵܢܘܼܬܵܐ. ܐܲܢܹܐ ܚܲܡܫܵܐ ܦܠܵܛܹ̈ܐ ܝܼܢܵܐ:

  • ܗܲܝܵܝܘܼܬܵܐ
  • ܝܘܼܠܦܵܢܵܐ
  • ܟܢܘܼܫܬܵܐ
  • ܝܵܗܒܼܫܩܵܠܵܐ
  • ܛܵܒܼܘܼܬܵܐ ܕܚܲܝܹ̈ܐ

ܨܲܢܕܘܼܩܵܐ ܕܥܒ݂ܵܕܹ̈ܐ

Illustration of two adults with two children using the Kinder Kit outdoors.

ܨܲܢܕܘܼܩܵܐ ܕܥܒ݂ܵܕܹ̈ܐ ܝܼܠܹܗ ܒܘܼܫ ܙܵܘܕܵܐ ܡ݂ܢ ܥܘܼܠܒܵܐ ܕܛܵܥܹܢ ܟܬܵܒܹ̈ܐ ܘܛܲܐܲܠܝܵܬܹ̈ܐ. ܡܸܬܡܵܨܝܵܢܬܵܐ ܝܠܵܗ̇ ܕܦܵܐܹܫ ܡܘܿܦܠܸܚܵܐ ܩܵܐ ܗܲܝܲܪܬܵܐ ܕܝܘܼܠܦܵܢܵܐ ܘܛܘܼܘܵܪܵܐ ܒܪܲܒܵܐ ܐܘܼܖ̈ܚܵܬܹܐ.

  • ܫܩܘܿܠܘܼܢ ܠܨܲܢܕܘܼܩܵܐ ܕܥܵܒ݂ܘܿܕܘܼܝܵܬܹ̈ܐ ܥܲܡܵܘܟ݂ܘܿܢ ܠܚܲܕ݉ ܛܘܼܝܵܠܵܐ ܐܵܘ ܦܠܵܛܬܵܐ ܥܲܡ ܚܲܒ݂ܖ̈ܵܘܵܬܹܐ ܘܒܢܲܝ̈ ܒܲܝܬܵܐ
  • ܦܪܝܼܣܬܵܐ ܕܠܵܝܫܵܐ ܕܛܲܐܲܠܬܵܐ
  • ܚܲܕ݉ ܡܣܵܢܕܵܢܵܐ ܕܛܲܐܲܠܬܵܐ

ܟܹܐ ܝܵܕܥܝܼܬܘܿܢ ܗܘܵܐ؟ ܓ̰ܲܢܬܵܐ ܕܥܵܒܼܘܿܕܘܼܬܵܐ ܕ Kit ܝܼܠܵܗܿ ܬܘܼܪܸܨܬܵܐ ܕܗܵܘܝܵܐ ܚܲܕ ܗܘܼܠܵܐ ܠܵܐ ܚܲܙܕܸܓܵܢܵܐ ܠܡܲܚܕܘܼܪܵܐ. ܦܝܼܫܵܐ ܝܠܹܗ ܡܬܘܿܪܨܵܐ ܡ݂ܢ ܡܸܢܕܝܵܢܹ̈ܐ ܡܖ̈ܘܿܦܝܹܐ ܐܲܝܟ݂ ܕܡܸܬܡܵܨܝܵܢܬܵܐ ܝܠܵܗ̇ ܘܡܵܨܝܼܬܘܿܢ ܡܲܦܠܸܚܝܼܬܘܿܢ ܠܗ݉ܘܿܢ ܩܵܐ ܚܲܡܵܝܬܵܐ ܕܡܸܢܕܝܵܢܹ̈ܐ ܛܝܼܡܵܢܹ̈ܐ ܕܫܲܒ݂ܪܵܘܟ݂ܘܿܢ. ܛܥܘܿܦܘܼܢ ܠܟܝܼܣܬܵܐ ܥܲܠ ܡܣܵܢܕܵܢܵܐ ܐܵܘ ܦܲܫܩܘܼܢ ܠܵܗ̇ ܕܦܵܝܫܵܐ ܦܵܬܵܐ ܩܝܼܢܬܵܐ ܡܘܿܦܠܸܚܬܵܐ ܩܵܐ ܛܲܐܲܠܬܵܐ ܡܨܘܿܠܡܸܢܬܵܐ.

ܐܲܪܒܘܼܒܝܵܐ، ܠܘܼܚܵܐ ܘܫܵܝܦܵܢܬܵܐ

Illustration of a child drawing a teddy bear using the Kinder Kit chalk and activity case inside. Adult female wearing Hijab supervising child.

ܠܘܼܚܵܐ ܘܐܲܪܒܘܼܒܝܵܐ ܝܼܢܵܐ ܪܲܒܵܐ ܨܦܵܝ ܩܵܐ ܒܵܪܘܿܝܘܼܬܵܐ ܘܛܘܼܘܵܪܵܐ ܕܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ ܟܲܕ ܫܲܒ݂ܖܹ̈ܐ ܒܸܕܒ݂ܵܩܵܐ ܝܢܵܐ ܠܐܲܪܒܘܼܒܝܵܐ ܒܐܝܼܕܵܝ̈ܗܝ. ܠܘܼܚܵܐ ܕܐܲܪܒܘܼܒܝܵܐ ܡܸܬܡܵܨܝܵܢܬܵܐ ܝܠܵܗ̇ ܕܦܵܐܹܫ ܡܘܿܦܠܸܚܵܐ ܐܲܝܟ݂ ܚܕܵܐ ܦܵܬܵܐ ܩܵܐ ܪܫܵܡܬܵܐ ܥܲܠܵܗ̇ ܒܐܲܪܒܘܼܒܝܵܐ ܘܩܵܐ ܒܪܵܝܬܵܐ ܕܦܸܨܠܹ̈ܐ ܒܠܵܝܫܵܐ ܕܛܲܐܲܠܬܵܐ.

  • ܡܲܫܟ̣ܚܘܼܢ ܚܕܵܐ ܕܘܼܟܬܵܐ ܠܒܲܕܲܪ ܘܪܫܘܿܡܘܼܢ ܡܵܐ ܕܒܸܚܙܵܝܵܐ ܝܬܘܿܢ ܠܐܲܪܙܝܼܒܵܢܵܘܟ݂ܘܿܢ
  • ܡܲܦܠܸܚܘܼܢ ܠܐܲܪܒܘܼܒܝܵܐ ܩܵܐ ܒܪܵܝܬܵܐ ܕܚܲܕ݉ ܥܵܠܡܵܐ ܡ݂ܢ ܨܲܠܡܲܢܬܵܘܟ݂ܘܿܢ
  • ܡܲܦܠܸܚܘܼܢ ܟܬܵܒ݂ܬܵܐ ܕܫܸܡܵܘܟ݂ܘܿܢ
  • ܡܲܦܠܸܚܘܼܢ ܠܟܘܼܘܵܠܵܐ ܥܲܠ ܫܵܝܦܵܢܬܵܐ ܩܵܐ ܡܲܒܪܵܝܬܵܐ ܕܐܘܼܡܵܢܘܼܬܵܐ ܕܫܝܵܦܬܵܐ. ܡܲܬܒ݂ܘܼܢ ܠܟܘܼܘܵܠܵܐ ܬܚܘܿܬ ܚܲܕܟܡܵܐ ܘܲܖ̈ܵܩܹܐ ܘܦܪܘܿܚܘܼܢ ܠܵܗ̇ ܢܝܼܚܵܐ ܒܐܲܪܒܘܼܒܝܵܐ

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܫܵܝܦܵܢܬܵܐ ܕܐܲܪܒܘܼܒܝܵܐ ܟܹܐ ܚܵܒ݂ܫܵܐ ܦܠܵܣܬܝܼܟ ܡܬܘܿܢܝܵܐ ܠܡܬܲܪܲܨܬܵܐ ܦܝܼܫܵܐ ܡ݂ܢ ܬܲܪܲܨܬܵܐ ܕܙܘܼܙܹ̈ܐ ܕܐܘܿܣܬܪܵܠܝܵܐ.

ܒܲܪܙܵܪ̈ܥܹܐ

Illustration of child and two adults outside. Child is wearing a hat and watering the Kinder Kit seeds in pots.

ܙܪܵܥܬܵܐ ܕܒܲܪܙܵܪ̈ܥܹܐ ܥܲܡ ܫܲܒܼܪܹ̈ܐ ܝܼܠܵܗܿ ܚܲܕ ܢܸܣܝܵܢܵܐ ܕܝܠܵܦܬܵܐ ܥܲܬܝܼܪܵܐ، ܒܸܢܝܵܐ ܥܲܠ ܥܸܠܡܵܐ ܕܟܹܐ ܫܵܒܼܸܩܠܗܘܿܢ ܕܚܵܙܝܼ ܥܵܓ̰ܝܼܒܘܼܝܵܬܹ̈ܐ ܕܕܘܼܢܝܹܐ ܟܝܵܢܵܝܬܵܐ. ܐܵܢܝܼ ܒܸܕ ܝܵܠܦܝܼ ܒܘܼܬ ܟܝܵܢܵܐ، ܘܒܵܢܝܼ ܠܠܸܫܵܢܵܐ ܘܝܵܠܦܝܼ ܕܬܵܒܥܝܼ ܦܘܼܩܕܵܢܹ̈ܐ ܦܫܝܼܛܹ̈ܐ. ܐܵܦ ܒܸܕ ܝܵܠܦܝܼ ܕܵܐܟܝܼ ܚܵܙܝܼ ܠܡܸܢܕܝܼܵܢܹ̈ܐ ܒܥܒܼܵܪܬܵܐ ܕܥܸܕܵܢܵܐ.

  • ܗܲܡܙܸܡܘܼܢ ܒܘܼܬ ܢܸܨܒܵܬܹ̈ܐ ܘܡܲܕܟܼܸܪܘܼܢ ܠܫܸܡܵܐ ܕܣܵܗܡܲܝܗܝ.
  • ܙܪܸܥܡܘܼܢ ܠܗܘܿܢ ܥܲܡܚܕܵܕܹ̈ܐ
  • ܝܠܘܿܦܘܼܢ ܒܘܼܕ ܕܘܼܪܬܵܐ ܕܚܲܝܹ̈ܐ ܕܙܪܘܼܥܬܵܐ
  • ܡܲܕܟܸܪܘܼܢ ܫܸܡܵܢܹ̈ܐ ܕܦܹܐܟܹ̈ܐ (ܦܹܐܖܹ̈ܐ) ܘܝܲܪܩܘܼܢܹ̈ܐ ܓܵܘ ܕܘܼܟܵܢܵܢܹ̈ܐ

ܟܹܐ ܝܵܕܥܝܼܬܘܿܢ ܗܘܵܐ؟ ܒܲܪܣܝܼܡܵܐ ܝܼܠܹܗ ܚܲܕ ܒܲܩܠܵܐ ܡܼܢ ܬܲܗܵܪܵܐ ܕܒܲܙܵܠܝܵܐ ܕܡܸܠܝܵܐ ܝܠܹܗ ܒܼܵܝܬܵܡܝܼܢܹ̈ܐ ܘܚܸܦܪܹ̈ܐ. ܐܝܼܡܲܢ ܕܛܲܪ̈ܦܹܐ ܕܢܸܨܸܒܬܵܐ ܦܵܝܫܝܼ ܚܘܼܙܕܸܓܹܐ ܟܹܐ ܫܲܕܪܵܐ ܚܕܵܐ ܐܸܓܲܪܬܵܐ ܩܵܐ ܕܸܒܘܿܪܹ̈ܐ (ܙܲܪ̈ܩܸܛܹܐ ܓܘܼܒܼܪܹ̈ܐ) ܕܐܵܡܪܵܐܠܗܘܿܢ ܕܗܲܝܸܪܝܼ ܠܵܗܿ ܒܬܢܵܝܬܵܐ ܕܛܲܥܲܡܬܵܐ. ܐܵܦ ܡܵܨܝܼܬܘܿܢ ܡܲܦܠܸܚܝܼܬܘܿܢ ܠܹܗ ܓܵܘ ܒܲܫܲܠܬܵܘܟ݂ܘܿܢ!

ܚܲܝܘܵܬܹ̈ܐ ܡܘܿܡܛܝܹ̈ܐ ܒܓܸܕܵܐ

Illustration of child, adult and dog sitting on the floor inside. The adult and the child are using the Threading Animals activity from the Kinder Kit.

ܫܲܒ݂ܪܘܼܬܵܐ ܒܟ݂ܝܼܪܵܝܬܵܐ ܝܼܠܵܗ̇ ܐܝܼܡܲܢ ܕܫܲܒܼ̈ܪܹܐ ܫܲܪܝܼ ܩܢܵܝܵܐ ܚܲܟܲܡܬܵܐ ܥܲܠ ܥܨܵܠܝܵܬܹ̈ܐ ܒܘܼܫ ܙܥܘܿܖܹ̈ܐ ܓܵܘ ܐܝܼܕܵܬܵܝ̈ܗܝ، ܨܸܒܥܵܬܵܝ̈ܗܝ، ܟܢܘܼܢܝܵܬܵܝ̈ܗܝ، ܐܲܩܠܵܬܵܝ̈ܗܝ ܘܨܸܒܥܵܬܹ̈ܐ ܕܐܲܩܠܵܬܵܝ̈ܗܝ. ܛܲܘܲܪܬܵܐ ܕܥܨܵܠܝܵܬܹ̈ܐ ܕܲܩܝܼܩܹ̈ܐ ܕܓ̰ܘܵܓ̰ܵܐ ܓܵܘ ܐܝܼܕܵܬܹ̈ܐ ܘܨܸܒܥܵܬܹ̈ܐ ܝܼܠܵܗ̇ ܐܵܢܲܢܩܵܝܬܵܐ ܩܵܐ ܡܲܣܲܡܬܵܐ ܒܵܠܵܐ ܕܫܲܒܼ̈ܪܹܐ ܥܲܠ ܓܵܢܵܝܗܝ، ܘܒܵܬܲܪ ܗܵܕܵܟ݂، ܩܵܐ ܟܬܵܒ݂ܬܵܐ. ܫܲܒ݂ܪܵܘܟ݂ܘܿܢ ܡܵܨܹܐ ܡܛܲܘܸܪ ܠܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ ܒܡܲܦܠܲܚܬܵܐ ܕܠܵܝܫܵܐ ܕܛܲܐܲܠܬܵܐ، ܩܲܠܵܡܹ̈ܐ ܕܓܵܘܢܹ̈ܐ ܐܵܘ ܚܲܝܘܵܬܹ̈ܐ ܡܘܿܡܛܝܹ̈ܐ ܒܓܸܕܵܐ ܘܒܵܬܲܪ ܗܵܕܵܟ݂، ܩܵܐ ܟܬܵܒ݂ܬܵܐ. ܠܐܲܟ݂ܵܐ ܝܼܢܵܐ ܚܲܕ݉ܟܡܵܐ ܐܘܼܖ̈ܚܵܬܹܐ ܕܡܵܨܝܼܬܘܿܢ ܡܲܦܠܸܚܝܼܬܘܿܢ ܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ:

  • ܡܲܥܒܼܸܪܘܼܢ ܠܹܗ ܓܸܕܵܐ ܓܵܘ ܒܸܙܥܹ̈ܐ ܕܚܲܝܘܵܬܹ̈ܐ
  • ܦܬܘܿܚܘܼܢ ܘܕܒ݂ܘܿܪܘܼܢ ܠܨܲܢܕܘܼܩܵܐ ܕܥܵܒ݂ܘܿܕܘܼܝܵܬܹ̈ܐ
  • ܡܲܦܠܸܚܘܼܢ ܕܐ݉ܣܵܪܬܵܐ ܕܫܸܫܸܠܝܵܬܹ̈ܐ ܝܲܢ ܬܪܵܩܬܵܐ ܕܬܪ̈ܘܼܩܝܵܬܹܐ
  • ܦܬܘܿܠܘܼܢ ܠܠܵܝܫܵܐ ܕܛܲܐܲܠܬܵܐ ܒܐܝܼܕܵܬܹ̈ܐ ܘܨܸܒܥܵܬܹ̈ܐ

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܓܸܕܹ̈ܐ ܕܨܵܘܠܹ̈ܐ ܦܝܼܫܹܐ ܝܢܵܐ ܡܘܼܦܠܸܚܹܐ ܗܵܐ ܡܼܢ ܩܘܼܪܒܵܐ ܠ 3000 ܫܸܢܹ̈ܐ ܡܼܢ ܩܵܕ݉ܡ ܡܫܝܼܚܵܐ ܩܵܐ ܐ݉ܣܵܪܬܵܐ ܕܓܸܠܕܵܐ ܠܐܲܩܠܵܬܹ̈ܐ.

ܐܘܼܚܕܬܵܐ ܕܡܵܦܵܐ ܕܐܘܿܣܬܪܵܠܝܵܐ

Illustration of a family of two adults and one child sitting on the floor inside. The Australia map puzzle is partially complete. They are working on the puzzle together. One adult and the child are both holding a piece of the puzzle.

ܐܘܼܚܕܝܵܬܹ̈ܐ ܦܫܝܼܛܹ̈ܐ ܟܹܐ ܡܗܲܝܸܪܝܼ ܠܫܲܒ݂ܪܵܘܟ݂ܘܿܢ ܕܡܛܲܘܸܪ ܠܡܣܲܝܒܪܵܢܘܼܬܵܐ، ܩܲܢܛܪܲܢܬܵܐ ܕܬܲܚܡܲܢܬܵܐ، ܫܪܵܝܬܵܐ ܕܥܲܣܩܘܼܝܵܬܹ̈ܐ ܕܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ. ܟܲܕ ܫܲܒ݂ܪܵܘܟ݂ܘܿܢ ܒܸܒܠܵܓܵܐ ܝܠܹܗ ܒܗ̇ܝ ܐܘܼܚܕܬܵܐ، ܥܒ݂ܵܕܵܐ ܝܠܹܗ ܓܘܼܒܵܝܹ̈ܐ، ܒܝܼܕܵܥܵܐ ܝܠܹܗ ܦܸܨܠܹ̈ܐ ܘܡܲܦܠܘܿܚܹܐ ܝܠܹܗ ܕܟ݂ܵܪܬܹܗ.

  • ܡܲܦܠܸܚܘܼܢ ܠܡܗܝܼܪܘܼܬܵܐ ܕܡܸܫܬܲܚܠܦܵܢܘܼܬܵܐ ܒܥܒ݂ܵܕܬܵܐ ܕܓ̰ܲܪܲܒܬܵܐ ܘܚܸܠܛܵܐ ܩܵܐ ܬܲܡܲܡܬܵܐ ܕܐܘܼܚܲܕܬܵܐ
  • ܗܲܡܙܸܡܘܼܢ ܒܘܼܕ ܚܲܝܘܵܬܹ̈ܐ
  • ܓ̰ܲܪܒܘܼܢ ܦܠܘܿܚܘܼܢ ܒܢܵܘܒܵܬܹ̈ܐ
  • ܡܚܲܦܛܘܼܢ ܠܫܲܒ݂ܖ̈ܵܘܟ݂ܘܿܢ ܕܗܲܡܙܸܡܝܼ ܒܘܼܕ ܦܸܨܠܹ̈ܐ ܘܐܸܢ ܒܸܠܚܵܡܵܐ ܝܢܵܐ ܥܲܡ ܚܕܵܕܹ̈ܐ

ܟܹܐ ܝܵܕܥܝܼܬܘܿܢ ܗܘܵܐ؟ ܐܝܼܟܸܕܢܵܐ ܘܦܠܵܬܝܼܦܘܼܣ ܝܼܢܵܐ ܐܲܚܟ̰ܝܼ ܚܲܝܘܵܬܹ̈ܐ ܬܲܕܝܼܵܬܹ̈ܐ ܓܵܘ ܬܹܒܹܝܠ ܕܟܹܹܐ ܪܵܡܝܼ ܒܝܼܥܹ̈ܐ.

ܕܲܦ̮ܬܲܪ ܕܐܘܼܡܵܢܘܼܬܵܐ ܘܩܲܠܵܡܹ̈ܐ ܕܓܵܘܢܹ̈ܐ

Illustration of a family using the Kinder Kit Activity Pad. One parent is standing holding a newborn baby watching the second parent holding the activity pad while a child using a walking frame draws a dog on the pad with a green crayon.

ܪܫܵܡܬܵܐ ܕܨܘܼܪ̈ܝܵܬܹܐ ܒܩܲܠܵܡܹ̈ܐ ܕܓܲܘܲܢܬܵܐ ܟܹܐ ܡܲܩܪܸܒܼܵܐ ܪܵܒܵܐ ܐܘܼܪ̈ܚܵܬܹܐ ܩܵܐ ܝܠܵܦܬܵܐ:

  • ܥܒܼܵܕܬܵܐ ܕܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ ܐܲܝܟܼ ܕܒܼܵܩܬܵܐ ܕܩܲܠܵܡܵܐ
  • ܡܲܠܚܲܡܬܵܐ ܕܥܲܝܢܵܐ ܘܐܝܼܕܵܐ
  • ܝܠܵܦܬܵܐ ܒܘܼܬ ܓܵܘܢܵܐ ܘܦܸܨܠܵܐ
  • ܡܲܚܙܲܝܬܵܐ ܕܡܲܒܪܵܝܬܵܐ ܒܘܲܪܵܩܵܐ ܘܡܸܢܕܝܼܵܢܹ̈ܐ ܐ݉ܚܹܪ̈݉ܢܹܐ.

ܒܘܼܫ ܐܵܢܲܢܩܵܝܬܵܐ ܝܠܵܗ̇، ܫܲܒܼ̈ܪܹܐ ܒܸܕ ܝܵܠܦܝܼ ܕܡܲܕܥܝܼܠܵܗ̇ ܓܵܢܵܝܗܝ ܒܐܘܼܪܚܵܐ ܫܲܝܢܵܝܬܵܐ ܘܒܡܗܘܼܡܢܘܼܬܵܐ. ܚܲܕܟܡܵܐ ܫܲܒܼܪܹ̈ܐ ܒܲܠܟܵܐ ܪܵܫܡܝܼ ܝܵܕܥܹ̈ܐ ܕܠܹܐ ܝܢܵܐ ܦܝܼܫܹܐ ܝܕܝܼܥܹ̈ܐ ܩܵܐܠܵܘܟܼܘܿܢ ܘܐܲܝܵܐ ܡܸܬܩܲܒܠܵܢܬܵܐ ܝܠܵܗܿ. ܐܵܗܵܐ ܝܼܠܵܗ̇ ܬܲܥܒܲܕܬܵܐ ܟܝܵܢܵܝܬܵܐ ܕܝܠܵܦܬܵܐ ܕܪܫܵܡܬܵܐ ܘܟܬܵܒ݂ܬܵܐ.

  • ܡܲܦܠܸܚܘܼܢ ܠܠܘܼܚܵܐ ܕܐܘܼܡܵܢܘܼܬܵܐ ܩܵܐ ܕܚܵܦܛܝܼܬܘܿܢ ܬܲܚܡܲܢܝܵܬܹ̈ܐ
  • ܚܲܦܛܘܼܢ ܠܪܫܵܡܬܵܐ ܕܢܸܣܝܵܢܹ̈ܐ ܕܒܲܝܬܘܼܬܵܐ
  • ܗܲܡܙܸܡܘܼܢ ܟܲܕ ܐܲܚܬܘܿܢ ܒܸܪܫܵܡܵܐ ܝܬܘܿܢ
  • ܡܲܕܟܼܸܪܘܼܢ ܠܗܘܿܢ ܫܸܡܵܢܹ̈ܐ ܕܓܵܘܢܹ̈ܐ ܘܦܸܨܠܹ̈ܐ

ܟܹܐ ܝܵܕܥܝܼܬܘܿܢ ܗܘܵܐ؟ ܩܲܠܵܡܹ̈ܐ ܕܓܵܘܢܹ̈ܐ ܡܬܘܿܪܨܹܐ ܝܢܵܐ ܡ݂ܢ ܫܲܡܥܵܐ ܕܕܲܒܵܫܹ̈ܐ، ܕܟܹܐ ܐܵܬܹܐ ܡ݂ܢ ܫܵܢܵܐ ܕܕܸܒ݂ܫܵܐ ܡܬܘܿܪܸܨܬܵܐ ܒܝܲܕ ܕܲܒܵܫܹ̈ܐ ܕܒ݂ܝܼܟܬܘܿܪܝܵܐ. ܐܝܼܡܲܢ ܕܕܲܒܵܫܹ̈ܐ ܝܼܢܵܐ ܓܵܘ ܓܲܢܬܵܐ ܘܡܲܫܟܼܚܝܼ ܚܲܕ ܡܸܢܕܝܼ ܐܵܢܲܢܩܵܝܵܐ ܩܵܐ ܒܲܝܬܘܼܬܲܝܗܝ ܟܹܐ ܕܵܥܪܝܼ ܠܩܸܢܵܐ ܕܕܲܒܵܫܹ̈ܐ ܘܪܵܩܕܝܼ ܚܲܕ ܪܸܩܕܵܐ ܙܥܘܿܪܵܐ ܫܵܥܫܵܢܵܐ.

ܫܵܓ݂ܫܵܢܹ̈ܐ ܕܦܸܨܠܵܐ

Illustration of adult and child inside, playing music. The adult is playing the triangle, and the child is using the Shape Shakers from the Kinder Kit. There is a guitar against the wall in the background and a snare drum on the floor in the foreground.

ܒܪܵܝܬܵܐ ܕܡܘܿܣܝܼܩܝܼ ܝܼܠܵܗ̇ ܐܘܼܪܚܵܐ ܕܒܘܼܣܵܡܵܐ ܩܵܐ ܫܲܒ݂ܼ̈ܪܹܐ ܕܝܵܠܦܝܼ ܚܲܒ̈ܪܹܐ ܚܲܕܬܹ̈ܐ، ܙܵܡܪܝܼ ܙܡܝܼܖ̈ܝܵܬܹܐ، ܝܵܠܦܝܼ ܕܵܐܟ݂ܝܼ ܡܵܢܝܼ ܘܪܵܓ݂ܫܝܼ ܨܦܵܝ ܒܘܼܕ ܓܵܢܵܝܗܝ. ܪܸܩܕܵܐ، ܙܡܵܪܵܐ، ܫܲܢܘܿܝܹܐ ܘܢܕܵܝܵܐ ܝܼܢܵܐ ܟܠܲܝܗܝ ܚܲܕ݉ ܣܲܗܡܵܐ ܡ݂ܢ ܒܘܼܣܵܡܵܐ. ܠܲܐܟܼܵܐ ܝܼܢܵܐ ܚܲܕ݉ܟܡܵܐ ܬܲܚܡܲܢܝܵܬܹ̈ܐ ܩܵܐ ܕܡܲܒܣܸܡܝܼܬܘܿܢ ܒܡܘܿܣܝܼܩܵܐ ܥܲܡ ܫܲܒܼܪܵܘܟܼܘܿܢ:

  • ܓ̰ܲܪܒܘܼܢ ܥܒ݂ܵܕܬܵܐ ܕܖܸ̈ܟ݂ܢܹܐ ܦܖ̈ܝܼܫܹܐ
  • ܪܩܘܿܕܘܼܢ، ܓ̰ܘܘܿܓ̰ܘܼܢ ܘܫܓ݂ܘܿܫܘܼܢ ܠܙܡܲܪܬܵܐ ܕܒܘܼܫ ܟܹܐ ܡܲܚܸܒܝܼܬܘܿܢ ܠܵܗ̇
  • ܡܢܝܼܡܘܼܢ ܠܡܚܲܝܵܬܹ̈ܐ
  • ܡܲܦܠܸܚܘܼܢ ܙܡܲܖ̈ܝܵܬܹܐ ܐܵܘ ܖܸ̈ܟܼܢܹܐ ܠܸܒܢܵܝܹܗ ܟܘܼܢܵܫ ܚܲܫܚܵܬ̈ܐ ܕܫܲܒ݂ܪܵܘܟ݂ܘܿܢ

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܪܲܒܵܐ ܡܲܪܕܘܼܝܵܬܹ̈ܐ ܟܹܐ ܡܗܲܝܡܸܢܝܼ ܒܡܲܦܠܲܚܬܵܐ ܕܩܲܝܣܹ̈ܐ ܕܡܸܛܪܵܐ ܐܲܝܟ݂ ܡܵܐܢܵܐ ܕܡܘܿܣܝܼܩܝܼ ܩܵܐ ܡܲܨܠܲܝܬܵܐ ܕܡܸܛܪܵܐ ܒܥܸܕܵܢܵܐ ܕܝܲܒܝܼܫܘܼܬܵܐ.

ܠܵܝܫܵܐ ܕܛܲܐܲܠܬܵܐ

Illustration of a family of two adult males and a child playing with the Kinder Kit playdough. The child is holding a ball of playdough, one of the adults is holding a rolling pin and the other is holding a toy hammer. There is playdough on the activity mat and a feather on the floor beside the mat.

ܐܝܼܡܲܢ ܕܫܲܒܼܪܵܘܟܼܘܿܢ ܡܲܦܠܘܼܚܹܐ ܝܠܹܗ ܠܵܝܫܵܐ ܕܛܲܐܲܠܬܵܐ ܩܵܐ ܕܡܲܒܪܹܐ ܚܲܕ ܡܸܢܕܝܼ، ܗܿܘ ܒܸܥܒܼܵܕܵܐ ܝܠܹܗ ܚܲܕܕܵܪܝܵܐ ܡܸܢܕܝܼܵܢܹ̈ܐ ܪܵܒܵܐ ܐܵܢܲܢܩܵܝܹ̈ܐ:

  • ܡܲܪܘܼܡܹܐ ܕܲܪܓܼܵܐ ܕܛܵܒܼܘܼܬܵܐ ܕܡܗܝܼܪ̈ܘܼܝܵܬܹܐ ܙܵܘܥܵܝܹ̈ܐ ܕܲܩܝܼܩܹ̈ܐ
  • ܡܲܦܠܲܚܬܵܐ ܕܪ̈ܓܼܵܫܝܵܬܹܗ ܩܵܐ ܦܲܠܬܲܫܬܵܐ
  • ܡܲܦܠܲܚܬܵܐ ܕܨܲܠܡܲܢܬܹܗ.

ܡܲܒܪܵܝܬܵܐ ܒܠܵܝܫܵܐ ܕܛܲܐܲܠܬܵܐ ܝܼܠܹܗ ܚܲܕ ܣܵܗܡܵܐ ܐܵܢܲܢܩܵܝܵܐ ܕܝܠܵܦܬܵܐ ܩܵܐ ܫܲܒܼܪܵܘܟܼܘܿܢ.

  • ܦܲܪܬܸܠܗܘܿܢ ܚܕܵܐ ܓܘܼܕܬܵܐ، ܡܚܹܝܡܘܼܢ ܠܵܗܿ، ܚܫܘܿܠܗܘܿܢ ܠܵܗܿ، ܛܲܚܛܸܚܘܼܢ ܠܵܗܿ
  • ܡܲܦܠܸܚܘܼܢ ܠܟܘܼܘܵܠܵܐ ܥܲܠ ܫܵܝܦܵܢܬܵܐ ܐܲܝܟ݂ ܣܬܵܡܦܵܐ
  • ܡܲܙܝܸܕܘܼܢ ܡܠܘܿܐܹ̈ܐ ܐ݉ܚܹܪ̈݉ܢܹܐ ܐܲܝܟܼ ܩܲܝܣܹ̈ܐ ܝܲܢ ܦܲܪܹ̈ܐ ܝܲܢ ܨܲܕܲܦ̮ܹ̈ܐ
  • ܥܒܼܘܿܕܘܼܢ ܕܡܘܼܝܵܬܹ̈ܐ ܒܡܸܢܕܝܼ ܕܡܲܫܟܼܚܝܼܬܘܿܢ ܠܹܗ

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܠܵܝܫܵܐ ܕܛܲܐܲܠܬܵܐ ܗܵܣܵܢܵܝ ܝܠܵܗܿ ܬܲܪܲܨܬܹܗ ܓܵܘ ܒܲܝܬܵܐ ܘܐܝܼܬ ܪܵܒܵܐ ܐܘܼܪ̈ܚܵܬܹܐ ܩܵܐ ܬܲܪܲܨܬܵܐ ܕܡܸܢܕܝܼܵܢܹ̈ܐ ܡܸܢܹܗ ܥܲܠ ܐܸܢܬܸܪܢܸܬ. ܬܲܪܲܨܬܵܐ ܕܠܵܝܫܵܐ ܕܛܲܐܲܠܬܵܐ ܕܕܝܼܵܘܟܼܘܿܢ ܝܼܠܵܗܿ ܚܕܵܐ ܥܵܒܼܘܿܕܘܼܬܵܐ ܡܲܚܡܸܠܵܢܬܵܐ ܕܝܠܵܦܬܵܐ ܩܵܐ ܡܲܠܲܦܬܵܐ ܕܟܠ ܡܸܢܕܝܼ ܡܼܢ ܡܲܢܵܝܘܼܬܵܐ ܒܟܼܝܼܪܵܝܬܵܐ ܠܥܸܠܡܵܐ ܩܵܐ ܫܲܪܝܵܢܹ̈ܐ.

ܟܬܵܒܹ̈ܐ ܕܫܲܒܼ̈ܪܹܐ

Illustration of a child looking at a book while sitting between their grandparents on a couch.

ܩܪܵܝܬܵܐ ܕܟܬܵܒܼܹ̈ܐ ܥܲܡܚܕܵܕܹ̈ܐ ܝܼܠܵܗܿ ܚܕܵܐ ܐܘܼܪܚܵܐ ܪܹܫܵܝܬܵܐ ܕܐܸܣܘܼܪܵܐ ܘܡܲܥܒܼܲܪܬܵܐ ܕܥܸܕܵܢܵܐ ܐܲܝܟܼ ܒܲܝܬܘܼܬܵܐ. ܩܪܵܝܬܵܐ ܕܟܬܵܒܼܹ̈ܐ ܝܼܠܵܗܿ ܚܕܵܐ ܡܼܢ ܐܘܼܪ̈ܚܵܬܹܐ ܟ̰ܸܡ ܐܵܢܲܢܩܵܝܹ̈ܐ ܩܵܐ ܣܢܵܕܬܵܐ ܕܡܛܲܘܪܵܢܘܼܬܵܐ ܕܣܸܦܪܵܝܘܼܬܵܐ. ܫܲܪܲܟܬܵܐ ܕܚܕܵܐ ܥܸܕܵܢܵܐ ܪܹܐܙܵܢܵܝܬܵܐ ܕܬܘܼܢܝܼܬܵܐ ܥܲܡ ܫܲܒܼܪܵܘܟܼܘܿܢ ܒܸܕ ܫܵܒܼܩܵܐ ܠܨܲܠܡܲܢܬܹܗ ܘܠܚܲܫܚܵܬܹܗ ܕܗܵܘܝܼ ܒܘܼܫ ܨܦܵܝܝܼ.

  • ܦܪܘܿܫܘܼܢ ܠܚܲܕ ܟܬܵܒܼܵܐ ܥܲܡܚܕܵܕܹ̈ܐ
  • ܡܲܫܟܼܚܘܼܢ ܚܕܵܐ ܕܘܼܟܬܵܐ ܪܵܗܲܬ ܩܵܐ ܫܪܵܝܬܵܐ ܓܵܘܘܿܗܿ ܘܩܪܵܝܬܵܐ
  • ܫܒ݂ܘܿܩܘܼܢ ܠܗ݉ܘܿܢ ܕܡܲܩܠܸܒܝܼ ܠܦܵܬܘܵܬܹ̈ܐ
  • ܡܲܦܠܸܚܘܼܢ ܩܵܠܹ̈ܐ ܦܪܝܼܫܹ̈ܐ ܩܵܐ ܦܲܪܨܘܿܦܹ̈ܐ، ܗܲܡܙܸܡܘܼܢ ܒܘܼܕ ܫܸܟܠܹ̈ܐ

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐ ܝܵܕܥܝܼܬܘܿܢ ܗܘܵܐ؟ ܐܝܼܬ ܚܲܕ ܝܘܼܬܪܵܢܵܐ ܒܩܪܵܝܬܵܐ ܕܗܲܪ ܗܿܘ ܟܬܵܒܼܵܐ ܪܵܒܵܐ ܓܵܗܹ̈ܐ ܘܠܵܐ ܐܲܚܟ̰ܝܼ ܩܲܢܛܪܵܢܬܵܐ ܕܚܝܼܵܠܵܘܟܼܘܿܢ ܥܲܠ ܬܘܼܢܝܼܬܵܐ. ܒܲܩܪܘܼܢ ܠܹܗ ܫܲܒܼܪܵܘܟܼܘܿܢ ܒܘܼܬ ܡܘܿܕܝܼ ܝܠܹܗ ܒܸܚܙܵܝܵܐ، ܗܲܡܙܸܡܘܼܢ ܒܘܼܬ ܨܘܼܪ̈ܝܵܬܹܐ ܘܒܲܩܪܘܼܢ ‘ܐܵܢܵܐ ܒܵܥܝܵܢ ܝܵܕܥܵܢ ܝܵܐ ܪܲܒ ܡܘܿܕܝܼ ܒܸܕ ܗܵܘܹܐ ܒܵܬ݉ܪ ܗܵܕܵܟܼ؟’

ܒܘܼܩܝܵܬܹ̈ܐ ܕܨܸܒܥܵܐ

Illustration of adult and child outside, sitting on a picnic rug playing with Kinder Kit finger puppets.

ܒܘܼܩܝܵܬܹ̈ܐ ܕܨܸܒܥܵܐ ܡܵܨܝܼ ܗܲܝܸܪܝܼ ܩܵܐ ܫܲܒ݂ܼ̈ܪܹܐ ܕܗܵܘܝܼ ܡܗܝܼܖܹ̈ܐ ܒܠܸܫܵܢܵܐ، ܨܲܚܨܝܼ ܠܖܸ̈ܓ݂ܫܹܐ، ܘܝܵܠܦܝܼ ܠܐܘܼܖ̈ܚܵܬܹܐ ܕܡܵܨܝܼ ܡܕܲܒܪܝܼ ܠܗ݉ܘܿܢ ܒܐܘܼܪܚܵܐ ܕܛܲܐܲܠܬܵܐ ܕܪܵܡܵܝܬܵܐ. ܬܲܢܲܝܬܵܐ ܕܬܘܼܢܝܼܬܵܐ ܘܡܘܼܬܵܠܵܐ ܝܼܠܵܗ̇ ܚܲܕ݉ ܣܲܗܡܵܐ ܐܵܢܲܢܩܵܝܵܐ ܕܕܵܐܟ݂ܝܼ ܫܲܒܼ̈ܪܹܐ ܟܹܐ ܦܲܪܡܝܼ ܠܬܹܒܹܝܠ ܘܠܓܵܢܵܝܗܝ.

  • ܐ݉ܡܘܿܪܘܼܢ ܫܸܡܵܢܹ̈ܐ ܕܚܲܝܘܵܬܹ̈ܐ ܒܠܸܫܵܢܵܐ ܐܸܢܓܠܸܣܢܵܝܵܐ ܘܒܠܸܫܵܢܹ̈ܐ ܐ݉ܚܖܹ̈ܢܹܐ
  • ܒܪܝܼܡܘܼܢ ܠܦܲܪܨܘܿܦܹ̈ܐ ܕܛܲܐܲܠܬܵܐ
  • ܡܲܒܪܘܼܢ ܠܬܘܼܢܝܵܬܹ̈ܐ
  • ܡܲܦܠܸܚܘܼܢ ܠܒܘܼܩܝܵܬܹ̈ܐ ܠܓܵܘܵܐ ܘܠܒܲܕܲܪ ܕܒܲܝܬܵܐ

ܟܹܐ ܝܵܕܥܝܼܬܘܿܢ ܗܘܵܐ؟ ܡܵܨܝܼܬܘܿܢ ܒܵܪܝܼܬܘܿܢ ܩܵܠܹ̈ܐ ܦܪܝܼܫܹ̈ܐ ܩܵܐ ܟܠ ܒܘܼܩܬܵܐ، ܥܵܒ݂ܕܝܼܬܘܿܢ ܠܵܗ̇ ܚܕܵܐ ܐܘܼܪܚܵܐ ܕܒܘܼܣܵܡܵܐ ܩܵܐ ܕܚܵܡܠܝܼܬܘܿܢ ܒܛܲܐܲܠܬܵܐ ܒܵܪܝܵܢܬܵܐ.

ܫܵܘܝܘܼܬܵܐ ܕܟܹܐܦܹ̈ܐ ܛܝܼܡܵܢܹ̈ܐ

Illustration of a family inside playing with the Kinder Kits balancing gems. There is a child on a mat balancing gems on top of a box. An adult male holding a baby is watching as the child places the third gem on the tower.

ܫܵܘܝܘܼܬܵܐ ܕܟܹܐܦܹ̈ܐ ܛܝܼܡܵܢܹ̈ܐ ܟܹܐ ܡܚܲܦܛܵܐ ܠܛܲܐܲܠܬܵܐ ܒܵܪܝܵܢܬܵܐ. ܐܝܼܡܲܢ ܕܝܵܠܦܝܼܬܘܿܢ ܕܡܲܬܒ݂ܝܼܬܘܿܢ ܪܹܫ ܚܕܵܕܹ̈ܐ ܘܒܵܢܝܼܬܘܿܢ، ܙܵܘܝܼܵܬܹ̈ܐ ܘܦܸܨܠܹ̈ܐ ܦܪܝܼܫܹ̈ܐ ܕܟܹܐܦܹ̈ܐ ܛܝܼܡܵܢܹ̈ܐ ܡܲܛܐܸܒ݂ܝܼ ܫܪܵܝܬܵܐ ܕܩܸܛܖܹ̈ܐ ܘܦܲܪܡܵܝܬܵܐ ܕܘܼܟܬܵܢܵܝܬܵܐ ܘܡܗܝܼܪܘܼܝܵܬܹ̈ܐ ܙܵܘܥܵܝܹ̈ܐ ܕܲܩܝܼܩܹ̈ܐ.

  • ܒܢܹܝܡܘܼܢ ܚܲܕ ܒܸܢܝܵܢܵܐ ܐܵܘ ܫܲܪܸܟܘܼܢ ܠܗܘܿܢ ܥܲܡ ܒܸܢܝܵܢܹ̈ܐ ܘܟܵܪ̈ܬܘܿܢܹܐ ܐ݉ܚܪ݉ܢܹ̈ܐ
  • ܡܲܦܠܸܚܘܼܢ ܡܣܲܝܒܪܵܢܘܼܬܵܐ ܐܝܼܡܲܢ ܕܡܲܬܒ݂ܝܼܬܘܿܢ ܟܹܐܦܹ̈ܐ ܛܝܼܡܵܢܹ̈ܐ ܒܪܹܫ ܚܕܵܕܹ̈ܐ. ܐܸܢ ܢܦܝܼܠ ܠܗ݉ܘܿܢ، ܓܪܘܿܫܘܿܢ ܢܵܦܵܣ ܥܲܡܘܼܩܵܐ 3 ܓܵܗܹ̈ܐ ܘܓ̰ܲܪܒܘܼܢ ܡܸܢܕܪܹܫ
  • ܡܲܦܠܸܚܘܼܢ ܨܲܠܡܲܢܬܵܘܟ݂ܘܿܢ ܩܵܐ ܒܪܵܝܬܵܐ ܕܥܵܠܡܹ̈ܐ ܦܪܝܼܫܹ̈ܐ ܡ݂ܢ ܟܹܐܦܹ̈ܐ ܛܝܼܡܵܢܹ̈ܐ
  • ܓ̰ܲܪܒܘܼܢ ܠܸܫܵܢܵܐ ܕܡܫܲܡܲܗܬܵܐ ܒܘܼܕ ܦܸܨܠܵܐ، ܟܲܝܠܵܐ ܘܓܵܘܢܵܐ

ܟܹܐ ܝܵܕܥܝܼܬܘܿܢ ܗܘܵܐ؟ ܟܹܐܦܹ̈ܐ ܝܲܩܝܼܪܹ̈ܐ ܐܲܝܟ݂ ܙܵܪܓܵܐ (ܓܵܪܢܝܼܬ)، ܛܘܿܦܵܙܝܘܿܢ (ܬܘܼܦܵܙ) ܘܙܝܼܪܟܘܿܢ ܦܝܼܫܹ̈ܐ ܝܢܵܐ ܡܫܟ݂ܝܼܚܹ̈ܐ ܓܵܘ ܒ݂ܝܼܟܬܘܿܪܝܵܐ.

ܒܢܵܝܬܵܐ ܕܟܢܘܼܫܬܵܐ

Illustration of an adult male and child standing at a round table looking at a world globe. There is a piece of paper on the table with “hello” written in different languages.

ܒܼܝܼܟܬܘܿܪܝܵܐ ܝܼܠܵܗܿ ܚܕܵܐ ܟܢܘܼܫܬܵܐ ܕܒܸܚܒܼܵܫܵܐ ܝܠܵܗܿ ܡܲܪ̈ܕܘܼܝܵܬܹܐ ܡܫܲܚܠܦܹ̈ܐ، ܘܝܼܠܵܗܿ ܒܲܝܬܵܐ ܩܵܐ ܪܵܒܵܐ ܡܲܪ̈ܕܘܼܝܵܬܹܐ ܕܠܸܫܵܢܹ̈ܐ ܦܪܝܼܫܹ̈ܐ ܕܟܹܐ ܦܵܝܫܝܼ ܗܘܼܡܙܸܡܹܐ. ܦܪܝܼܫܘܼܬܵܐ ܝܼܠܵܗܿ ܚܲܕ ܣܵܗܡܵܐ ܓܘܼܒܼܪܵܐ ܕܡܘܿܕܝܼ ܟܹܐ ܥܵܒܼܹܕܠܲܢ ܡܵܢܝܼ ܐܲܚܢܲܢ ܝܘܲܚ. ܡܸܢܕܝܼܵܢܹ̈ܐ ܕܓܵܘ Kit ܟܹܐ ܣܵܢܕܝܼ ܠܗܲܡܙܲܡܝܵܬܹ̈ܐ ܒܘܼܬ ܟܢܘܼܫܝܵܬܹ̈ܐ ܦܪ̈ܝܼܫܹܐ. ܩܵܐ ܫܲܒܼܪܹ̈ܐ، ܛܲܐܲܠܬܵܐ ܘܝܠܵܦܬܵܐ ܟܹܐ ܓ̰ܵܘܓ̰ܝܼ ܥܲܡܚܕܵܕܹ̈ܐ. ܛܲܐܲܠܬܵܐ ܝܼܠܵܗܿ ܕܵܐܟܼܝܼ ܫܲܒܼܪܹ̈ܐ ܟܹܐ ܡܲܫܟܼܚܝܼ ܘܝܵܠܦܝܼ ܒܘܼܬ ܓܵܢܲܝܗܝ.

  • ܡܲܦܠܸܚܘܼܢ ܠܵܝܫܵܐ ܕܛܲܐܲܠܬܵܐ ܩܵܐ ܡܲܚܫܲܒܼܬܵܐ ܕܥܒܼܵܕܬܵܐ ܕܡܹܐܟܼܘܼܠܬܵܐ ܡܼܢ ܡܲܪ̈ܕܘܼܝܵܬܹܐ ܐ݉ܚܹܪ̈݉ܢܹܐ، ܝܲܢ ܡܼܢ ܡܲܪܕܘܼܬܵܘܟܼܘܿܢ
  • ܫܓ݂ܘܿܫܘܼܢ ܠܹܗ ܦܲܓ݂ܪܵܘܟ݂ܘܿܢ ܡܲܫܓܸܫܵܢܬܵܐ ܕܦܸܨܠܵܐ ܐܝܼܡܲܢ ܕܡܲܫܡܘܿܥܹܐ ܝܬܘܿܢ ܠܡܘܿܣܝܼܩܝܼ ܕܡܣܲܦܝܵܢܘܼܬܵܐ ܡ݂ܢ ܡܲܖ̈ܕܘܼܝܵܬܹܐ ܐ݉ܚܹܪ݉ܢܹ̈ܐ، ܐܵܘ ܡ݂ܢ ܡܲܪܕܘܼܬܵܘܟ݂ܘܿܢ
  • ܗܲܡܙܸܡܘܼܢ ܥܲܡ ܫܲܒܼܪܵܘܟܼܘܿܢ ܒܘܼܕ ܐܲܬܪ̈ܵܘܵܬܹܐ ܐ݉ܚܹܪ̈݉ܢܹܐ ܘܚܲܝܘܵܬܹ̈ܐ ܐܵܨܠܵܝܹ̈ܐ ܕܕܝܼܲܝܗܝ

ܟܹܐ ܝܵܕܥܝܼܬܘܿܢ ܗܘܵܐ؟ ܡܵܨܝܼܬܘܿܢ ܕܡܵܛܝܼܬܘܿܢ ܠܡܲܗܕܝܵܢܹ̈ܐ ܒܪܲܒܵܐ ܠܸܫܵܢܹ̈ܐ ܠܐܲܟ݂ܵܐ: vic.gov.au/kinder/translations(opens in a new window).

ܟܬܵܒܼܹ̈ܐ ܒܠܸܫܵܢܵܐ ܕ Auslan

Illustration of an adult and child sitting on a purple mat inside while they watch a person on TV use sign language. The child is holding a book.

ܟܠܲܝܗܝ ܟܬܵܒܼܹ̈ܐ ܚܒܼܝܼܫܹ̈ܐ ܓܵܘ Kinder Kit ܕܫܹܢ݉ܬܵܐ ܕ 2024 ܐܝܼܬܠܗܘܿܢ ܬܲܪ̈ܓܲܡܝܵܬܹܐ ܡܸܬܩܲܢܝܵܢܹ̈ܐ ܕ Auslan. ܡܵܨܝܼܬܘܿܢ ܡܲܦܠܸܚܝܼܬܘܿܢ ܠܪܸܡܙܵܐ ܕ QR ܕܐܸܠܬܸܚܬ ܩܵܐ ܕܐܵܣܪܝܼܬܘܿܢ ܠܵܗܿ ܓܵܢܵܘܟܼܘܿܢ ܒܒܼܝܼܕܝܘܿܝܹ̈ܐ ܕܟܬܵܒܼܹ̈ܐ. ܐܵܦ Auslan ܘܥܲܠܲܩܬܵܐ ܚܒܼܝܼܫܹܐ ܝܢܵܐ ܥܲܡ ܒܼܝܼܕܝܘܿܝܹ̈ܐ.

Auslan ܝܼܠܹܗ ܗܿܘ ܠܸܫܵܢܵܐ ܕܪ̈ܘܼܫܡܹܐ ܕܦܝܼܫܵܐ ܝܠܹܗ ܡܘܼܦܠܸܚܵܐ ܒܣܵܗܡܵܐ ܙܵܘܕܵܐ ܕܟܢܘܼܫܬܵܐ ܐܘܿܣܬܪܵܠܝܵܝܬܵܐ ܕܟܲܪܹ̈ܐ ܘܐܵܦ ܝܼܠܹܗ ܚܲܕ ܣܵܗܡܵܐ ܕܚܘܼܪܙܵܐ ܕܠܸܫܵܢܹ̈ܐ ܕܫܲܒܼܪܘܼܬܵܐ ܒܟܼܝܼܪܵܝܬܵܐ ܓܵܘ ܒܼܸܟܬܘܿܪܝܵܐ ܓܵܘ ܚܲܕܟܡܵܐ ܓܲܢܵܬܹ̈ܐ ܕܫܲܒܼܪܹ̈ܐ ܕܝܼܢܵܐ ܩܵܐ ܫܲܒܼܪܹ̈ܐ ܒܥܘܼܡܪܵܐ ܐܲܪܒܥܵܐ ܫܸܢܹ̈ܐ.

ܚܲܒܝܼܪܹ̈ܐ ܕܝܘܼܠܦܵܢܵܐ ܡܘܼܫܟܼܸܚܠܗܘܿܢ ܕܐܝܼܬ ܪܵܒܵܐ ܝܘܼܬܪ̈ܵܢܹܐ ܩܵܐ ܝܠܵܦܬܵܐ ܕܫܲܒܼܪܹ̈ܐ ܒܚܲܕ ܠܸܫܵܢܵܐ ܐ݉ܚܹܪ݉ܢܵܐ ܒܥܘܼܡܪܵܐ ܕܙܥܘܿܪܘܼܬܵܐ، ܒܸܚܒܼܵܫܵܐ:

  • ܡܗܝܼܪ̈ܘܼܝܵܬܹܐ ܙܵܘܕܵܢܹ̈ܐ ܕܡܼܢ ܩܵܕ݉ܡ ܩܪܵܝܬܵܐ ܘܕܡܼܢ ܩܵܕ݉ܡ ܟܬܵܒܼܬܵܐ:
  • ܡܸܬܠܲܚܡܵܢܘܼܬܵܐ ܕܡܸܬܝܲܕܥܵܢܘܼܬܵܐ
  • ܡܲܩܘܵܝܬܵܐ ܕܩܲܕܪܵܐ ܕܓܵܢܵܐ ܘܛܵܒܼܘܼܬܵܐ ܕܚܲܝܹ̈ܐ
  • ܗܲܝܵܝܘܼܬܵܐ ܡܲܪܕܘܼܬܵܢܵܝܬܵܐ ܡܚܘܼܠܸܢܬܵܐ.

ܢܩܘܿܪܘܼܢ ܥܲܠ ܐܵܗܵܐ ܐܲܣܘܼܪܵܐ ܩܵܐ ܕܚܵܙܝܼܬܘܿܢ ܒ݂ܝܼܕܝܘܿܝܹ̈ܐ ܕܩܪܵܝܬܵܐ ܕܟܬܵܒܹ̈ܐ ܕܒܸܚܒ݂ܵܫܵܐ ܝܢܵܐ ܐܘܿܣܠܵܐܢ ܘܡܲܢܗܲܪܬܵܐ.

ܟܹܐ ܝܵܕܥܝܼܬܘܿܢ ܗܘܵܐ؟ ܫܘܼܠܛܵܢܵܐ ܕܒ݂ܝܼܟܬܘܿܪܝܵܐ ܟܹܐ ܡܲܩܪܸܒ݂ ܙܘܼܙܹ̈ܐ ܙܵܘܕܵܢܹ̈ܐ ܩܵܐ ܓܲܢܬܵܐ ܕܫܲܒ݂ܼ̈ܪܹܐ ܡܫܲܖܸ̈ܟܵܢܹܐ ܩܵܐ ܡܲܦܠܲܚܬܵܐ ܕܡܲܠܦܵܢܵܐ ܦܣܝܼܣܵܐ ܕܠܸܫܵܢܵܐ ܩܵܐ ܕܡܲܩܪܸܒ݂ ܚܲܕ݉ ܣܲܗܡܵܐ ܡ݂ܢ ܚܘܼܪܙܵܐ ܕܐܲܪܒܥܵܐ ܫܸܢܹ̈ܐ ܕܓܲܢܬܵܐ ܕܫܲܒ݂ܼ̈ܪܹܐ ܒܠܸܫܵܢܵܐ ܐ݉ܚܪܹܢܵܐ ܕܠܵܐ ܦܘܼܪܥܵܢܵܐ ܙܵܘܕܵܢܵܐ ܡ݂ܢ ܐܲܒ݂ܵܗܹ̈ܐ. ܝܠܘܿܦܘܼܢ ܒܘܼܫ ܙܵܘܕܵܐ ܡܼܢ ܥܲܠ ܫܵܘܦܵܐ: vic.gov.au/early-childhood-language-program.

ܛܵܒ݂ܘܼܬܵܐ ܘܗܲܝܲܪܬܵܐ ܙܵܘܕܵܢܬܵܐ

Illustration of two adults talking inside while two children are sitting on the floor playing with blocks.

ܟܠܲܝܗܝ ܫܲܒܼܪܹ̈ܐ ܟܹܐ ܝܵܠܦܝܼ ܒܐܘܼܪ̈ܚܵܬܹܐ ܦܪ̈ܝܼܫܹܐ ܘܒܓ̰ܲܠܕܘܼܬܵܐ ܕܠܲܚܡܵܐ ܥܲܡܲܝܗܝ. Kinder Kitܟܹܐ ܡܲܩܪܸܒܼܵܐ ܟܬܵܒܼܹ̈ܐ ܘܒܘܼܩܝܵܬܹ̈ܐ ܩܵܐ ܫܲܒܼܪܵܘܟܼܘܿܢ ܕܡܵܨܝܼ ܦܵܝܫܝܼ ܡܘܼܦܠܸܚܹܐ ܒܐܘܼܪ̈ܚܵܬܹܐ ܦܪ̈ܝܼܫܹܐ ܩܵܐ ܕܚܵܦܛܝܼ ܩܵܐ ܟܠܲܝܗܝ ܡܨܵܝܵܬܹ̈ܐ. ܐܸܢ ܒܸܚܫܵܒ݂ܵܐ ܝܬܘܿܢ ܕܐܲܚܬܘܿܢ ܐܵܘ ܫܲܒ݂ܪܵܘܟ݂ܘܿܢ ܩܵܘܡܵܐ ܕܣܵܢܩܝܼܬܘܿܢ ܠܚܲܕ݉ܟ̰ܵܐ ܗܲܝܲܪܬܵܐ ܙܵܘܕܵܢܬܵܐ، ܐܝܼܬ ܚܲܕ݉ ܡܸܢܝܵܢܵܐ ܡ݂ܢ ܐܘܼܖ̈ܚܵܬܹܐ ܕܡܵܛܝܼܬܘܿܢ ܠܗܲܝܲܪܬܵܐ:

  • ܡܲܠܦܵܢܹ̈ܐ ܕܓܲܢܬܵܐ ܕܫܲܒܼܪܹ̈ܐ ܕܓܵܘ ܒܼܸܟܬܘܿܪܝܵܐ ܐܝܼܬܠܗܘܿܢ ܡܗܝܼܪ̈ܘܼܝܵܬܹܐ ܕܝܕܵܥܬܵܐ ܩܵܐ ܗܲܝܲܪܬܵܐ. ܗܲܡܙܸܡܘܼܢ ܥܲܡ ܡܲܠܦܵܢܵܐ ܕܫܲܒܼܪܵܘܟܼܘܿܢ ܒܘܼܬ ܒܘܼܩܵܪ̈ܵܘܟܼܘܿܢ
  • ܫܩܘܿܠܘܼܢ ܚܲܕ ܘܲܥܕܵܐ ܩܵܐ ܕܚܵܙܝܼܬܘܿܢ ܐܵܣܝܵܘܟܼܘܿܢ ܝܲܢ ܝܵܨܘܿܦܬܵܐ (ܢܹܪܣ) ܕܐܸܡܗܵܝܘܼܬܵܐ ܘܕܚܘܼܠܡܵܢܵܐ ܕܫܲܒܼܪܵܐ ܩܵܐ ܕܪܵܫܬܵܐ ܕܒܘܼܩܵܪ̈ܵܘܟܼܘܿܢ.
  • ܡܲܚܒܸܪܘܼܢ ܩܵܐ ܚܘܼܛܵܐ ܕܐܲܒܼܵܗܹ̈ܐ (Parentline) ܥܲܠ ܡܸܢܝܵܢܵܐ 13 2289 ܩܵܐ ܡܵܠܘܿܟܼܘܼܬܵܐ ܘܣܢܵܕܬܵܐ ܡܲܓܵܢܵܝܹ̈ܐ ܘܐ݉ܪ̈ܵܙܵܢܵܝܹܐ.

ܣܢܝܼܩܹ̈ܐ ܝܬܘܿܢ ܠܣܢܵܕܬܵܐ؟ ܩܵܐ ܕܡܲܫܟܼܚܝܼܬܘܿܢ ܒܘܼܫ ܙܵܘܕܵܐ ܒܘܼܬ ܬܲܗܵܪܹ̈ܐ ܕܣܢܵܕܬܵܐ ܕܒܲܠܟܵܐ ܐܝܼܬ ܩܵܕ݉ܡ ܐܝܼܕܵܐ ܩܵܐ ܫܲܒܼܪܵܘܟܼܘܿܢ ܪܚܘܿܫܘܼܢ ܠܫܵܘܦܵܐ: www.vic.gov.au/kindergarten-programs-and-initiatives. ܐܵܦ ܡܵܨܝܼܬܘܿܢ ܒܲܩܪܝܼܬܘܿܢ ܡܼܢ ܡܲܠܦܵܢܹ̈ܐ ܕܓܲܢܬܵܐ ܕܫܲܒܼܪܹ̈ܐ ܕܕܝܼܵܘܟܼܘܿܢ ܩܵܐ ܡܗܲܕܝܵܢܘܼܬܵܐ ܙܵܘܕܵܢܬܵܐ ܒܘܼܬ ܣܢܵܕܝܵܬܹ̈ܐ ܠܚܝܼܡܹ̈ܐ ܩܵܐ ܫܲܒܼܪܵܘܟܼܘܿܢ.

ܡܝܲܩܲܪܬܵܐ ܕܗܲܝܼܵܝܘܼܬܵܐ

Illustration of two children sitting inside on the floor while an adult points to symbols on a yellow mat. There is an Acknowledgement of Country sign on the wall in the background.

ܡܲܪܕܘܼܝܵܬܹ̈ܐ ܕܟܘܼܪܝܼ ܝܼܢܵܐ ܚܲܕ݉ ܣܲܗܡܵܐ ܐܵܢܲܢܩܵܝܵܐ ܡ݂ܢ ܬܲܫܥܝܼܬܵܐ ܕܐܘܿܣܬܪܵܠܝܵܐ. ܚܲܦܲܛܬܵܐ ܕܟܠܲܝܗܝ ܫܲܒܼܪܹ̈ܐ ܕܝܵܠܦܝܼ ܒܘܼܬ ܟܠܲܝܗܝ ܡܲܪ̈ܕܘܼܝܵܬܹܐ ܟܹܐ ܒܵܢܝܵܐ ܦܲܪܡܵܝܬܵܐ، ܩܒܲܠܬܵܐ ܘܫܘܼܒܼܗܵܪܵܐ. ܡܲܪܕܘܼܝܵܬܹ̈ܐ ܕܐܵܒܘܼܖ̈ܝܼܓ̰ܝܼܢܵܝܹܐ ܘܕܐ݉ܢܵܫܹ̈ܐ ܕܓܵܙܲܪ̈ܝܵܬܹܐ ܕܬܘܼܪܥܬܵܐ ܕܬܘܿܪܝܼܣ ܒܸܚܵܝܵܐ ܝܢܵܐ ܘܡܲܢܬܘܿܝܹܐ ܝܢܵܐ ܐܸܕܝܘܿܡ، ܘܐܝܼܬܠܲܢ ܫܘܼܒ݂ܗܵܪܵܐ ܕܡܙܲܝܸܚܲܚ ܠܗ݉ܘܿܢ ܐܲܝܟ݂ ܣܵܝܘܿܡܹ̈ܐ ܘܐܲܡܵܢܹ̈ܐ ܓܵܘ ܟܲܪܡܘܼܟ݂ܝܵܬܹ̈ܐ. ܠܐܲܟ݂ܵܐ ܝܼܢܵܐ ܚܲܕ݉ܟܡܵܐ ܡ݂ܢ ܥܵܒ݂ܘܿܕ̈ܘܼܝܵܬܹܐ ܕܟܹܐ ܗܲܝܸܪܝܼ ܠܫܲܒ݂ܪܵܘܟ݂ܘܿܢ ܝܵܠܹܦ ܒܘܼܫ ܙܵܘܕܵܐ ܒܘܼܕ ܡܲܪܕܘܼܝܵܬܹ̈ܐ ܘܡܣܲܦܝܵܢܘܼ̈ܝܵܬܹܐ ܕܟܘܼܪܝܼ.

  • ܝܠܘܿܦܘܼܢ ܖܸ̈ܡܙܹܐ ܕܟܘܼܪܝܼ ܩܵܐ ܡܸܢܕܝܵܢܹ̈ܐ ܐܵܘ ܚܲܝܘܵܬܹ̈ܐ
  • ܗܲܡܙܸܡܘܼܢ ܒܘܼܕ ܡܗܲܕܝܵܢܹ̈ܐ ܕܟܘܼܪܝܼ، ܕܲܪܵܖܹ̈ܐ ܕܐܵܬܠܹܝܛܘܼܬܵܐ ܐܵܘ ܐܲܡܵܢܹ̈ܐ
  • ܝܠܘܿܦܘܼܢ ܒܘܼܫ ܙܵܘܕܵܐ ܒܘܼܕ ܡܲܪܕܘܼܝܵܬܹ̈ܐ ܘܐ݉ܢܵܫܹ̈ܐ ܕܟܘܼܪܝܼ

ܟܹܐ ܝܵܕܥܝܼܬܘܿܢ ܗܘܵܐ؟ ܫܵܘܦܵܐ ܐܸܠܸܟܬܪܘܿܢܵܝܵܐ ܕܫܵܘܬܵܦܘܼܬܵܐ ܕܝܘܼܠܦܵܢܵܐ ܐܵܒܘܿܝܖ̈ܝܼܼܓ̰ܝܼܢܵܝܵܐ ܕܒ݂ܝܼܟܬܘܿܪܝܵܐ ܐܝܼܬܠܹܗ ܥܵܒ݂ܘܿܕܘܼܝܵܬܹ̈ܐ ܡܲܚܡܸܠܵܢܹ̈ܐ ܘܫܲܪܸܟܵܢܹ̈ܐ ܕܟܹܐ ܨܲܚܨܝܼ ܠܡܲܪܕܘܼܝܵܬܹ̈ܐ ܘܡܣܲܦܝܵܢܘܼܝܵܬܹܐ ܕܟܘܼܪܝܼ. ܪܚܘܿܫܘܼܢ ܠܫܵܘܦܵܐ ܐܸܠܸܟܬܪܘܿܢܵܝܵܐ ܥܲܠ: vaeai.org.au.

ܦܘܼܠܚܵܢܵܐ ܐܲܡܢܵܝܵܐ ܕܐܵܒܘܿܖ̈ܝܼܓ̰ܝܼܢܵܝܹܐ

Illustration of a koala sitting in a tree at nighttime. This is the Aboriginal artwork designed for the Kinder Kit activity box.

ܥܸܕܵܢܵܐ ܝܼܠܵܗ̇ ܒܠܲܝܠܹܐ ܓܵܘ ܓܸܢܕܝܼܓ̰ܡܵܪܵܐ ܡܝܼܪܸܢܓ (ܐܲܬܪܵܐ)܇ ܣܲܗܪܵܐ ܘܪܲܒܵܐ ܟܵܘܟ݂ܒܹ̈ܐ ܡܲܒܪܘܿܩܹܐ ܝܢܵܐ ܓܵܘ ܫܡܲܝܵܐ.

ܫܵܘܦܵܢܹ̈ܐ ܕܐܲܩܠܹ̈ܐ ܕܟܵܪܵܝܢ (ܟܲܢܓܵܪܘܼ) ܝܼܢܵܐ ܦܪܝܼܣܹ̈ܐ ܓܵܘ ܟܠܵܗ̇ ܡܝܼܪܝܼܢܓ. ܚܲܕ݉ܟܡܵܐ ܓܵܗܹ̈ܐ ܡܵܨܝܼܬܘܿܢ ܚܵܙܝܼܬܘܿܢ ܟܵܪܵܝܢ ܒܸܢܕܵܝܵܐ ܐܵܘ ܒܹܐܟ݂ܵܠܵܐ ܓܸܠܵܐ.

ܘܝܼܢܓܟܝܼܠ (ܟܘܼܘܵܠܵܐ) ܝܼܠܹܗ ܩܝܼܡܵܐ ܘܕܒ݂ܝܼܩܵܐ ܒܚܲܕ݉ ܦܲܥܘܵܐ ܕܐܝܼܠܵܢܵܐ ܕܫܘܼܘܸܠܬܵܐ ܣܡܘܿܩܬܵܐ ܕܢܲܗܪܵܐ. ܐܵܗܵܐ ܐܝܼܠܵܢܵܐ ܝܼܗܘܵܐ ܡܘܿܦܠܸܚܵܐ ܩܵܐ ܒܪܵܝܬܵܐ ܕܡܸܢܕܸܝܵܢܹ̈ܐ ܐܲܝܟ݂ ܣܸܬܵܖܹ̈ܐ، ܘܟܵܠܵܟܹ̈ܐ ܘܟܘܼܠܵܡܘܿܢܣ (ܟܵܠܵܟ ܕܐܵܒܘܿܖ̈ܘܼܓ̰ܝܼܢܵܝܹܐ).

ܐܲܪܥܵܐ، ܫܡܲܝܵܐ، ܡܲܝ̈ܵܐ ܘܚܲܝܘܵܬܹ̈ܐ ܝܼܢܵܐ ܐܵܢܲܢܩܵܝܹ̈ܐ. ܕܟ݂ܘܿܪܘܼܢ ܕܡܝܲܩܪܝܼܬܘܿܢ ܠܗ݉ܘܿܢ.

ܢܵܟܝܵܐ ܟܵܐܕ ܝܼܠܵܗ ܚܕܵܐ ܒܲܟ݂ܬܵܐ ܕܓܲܢܕܝܼܬܓ̰ܡܵܪܵܐ، ܝܘܿܪܬܵܐ ܝܘܿܪܬܵܐ، ܕܓ̰ܵܐ ܕܓ̰ܵܐ ܘܘܼܪܵܢܓ، ܒܵܢܢܝܼܬܓ̰، ܒܘܼܢ ܘܘܿܪܵܢܓ ܘܬܘܿܢܓܵܪܵܢܓ. ܢܵܟܝܵܐ ܝܼܠܵܗ̇ ܚܕܵܐ ܝܸܡܵܐ، ܐܲܡܵܢܬܵܐ ܡܵܪܬܵܐ ܕܚܲܕ݉ ܒܸܣܢܝܼܣ ܙܥܘܿܪܵܐ ܕܒܘܼܫ ܙܵܘܕܵܐ ܡ݂ܢ ܣܸܪܛܹ̈ܐ ܘܐܝܼܬܠܵܗ̇ ܚܘܼܒܵܐ ܕܬܸܪܘܵܝܗܝ ܩܦܵܝܬܵܐ ܘܫܲܪܲܟܬܵܐ ܕܬܘܼܢܵܝܹ̈ܐ ܒܐܘܼܪܚܵܐ ܕܐܘܼܡܵܢܘܼܬܵܐ.

ܒܲܩܪܘܼܢ: ܡܵܢܝܼ ܝܢܵܐ ܡܵܖ̈ܵܘܵܬܹܐ ܐܲܨܠܵܝܹ̈ܐ ܕܐܲܪܥܵܐ ܕܒܸܚܵܝܵܐ ܝܬܘܿܢ ܘܒܝܼܠܵܦܵܐ ܝܬܘܿܢ ܘܛܲܐܘܿܠܹܐ ܝܬܘܿܢ ܥܲܠܵܗ̇؟ ܐܝܼܡܲܢ ܕܝܼܬܘܿܢ ܠܒܲܕܲܪ، ܡܘܿܕܝܼ ܒܸܚܙܵܝܵܐ ܝܬܘܿܢ، ܒܸܢܫܵܡܵܐ ܝܬܘܿܢ ܘܒܸܫܡܵܥܵܐ ܝܬܘܿܢ؟

Back cover instructions about the kinder kit packaging, includes an illustration of a child holding the Kinder Kit.

Updated