የመዋእለ ሕጻናት ዕቃ/ኪንደር ኪት (Kinder Kits) - አማርኛ (Amharic)

ልጅዎን በጨዋታ ውስጥ ማሳተፍ ትምህርታቸውን እና እድገታቸውን ለመደገፍ ጥሩ መንገድ ነው። ወላጆች፣ ተንከባካቢዎች እና ቤተሰቦች የዚያ ጉዞ እጅግ በጣም አስፈላጊው አካል ናቸው።

ኪንደር ኪት (Kinder Kits) በመፅሃፍ፣ ትምህርታዊ መጫወቻዎች እና ለልጅዎ እና ለቤተሰብዎ በቤት ውስጥ እንዲዝናኑባቸው በተዘጋጁ እንቅስቃሴዎች የተሞሉ ናቸው።

እያንዳንዱ ኪንደር ኪት (Kinder Kit) በተለይም ለሶስት አመት ህጻናት እንዲሆኑ ተደርገው የተሰሩ እቃዎችን ያካትታል።

የቪክቶሪያ የመጀመርያ ዓመታት (የልጅነት) ትምህርት እና የእድገት ማዕቀፍ (Development Framework)

የልጅነት ጊዜ አስተማሪዎች እና ባለሞያዎች ልጅዎ እንዲያድግ እና እንዲማር ይደግፋሉ።

የመዋዕለ ሕፃናት መርሃ-ግብሮች የልጆችን ትምህርት እና እድገት ለመምራት የቪክቶሪያ የመጀመሪያ ዓመታት ትምህርት እና ልማት ማዕቀፍን (VEYLDF) ይጠቀማሉ።

በእርስዎ ኪንደር ኪት ውስጥ ያለው ነገር ሁሉ በVEYLDF ውስጥ ካሉት 1 ወይም ከዚያ በላይ ውጤቶች ጋር ይገናኛል።

• ማንነት
• መማር
• ማህበረሰብ
• የሐሳብ ልውውጥ ማድረግ
• ደህንነት

ቦርሳ

የኪንደር ኪት ቦርሳዎች እቃዎችን ለመሸከም እና ለመጫወት በየቀኑ ሊያገለግሉ ይችላሉ።

የትኛው ቦርሳ የእርሱ መሆኑን እንዲያውቅ፣ ልጅዎ ከኋላ ባለው የካርቶን መለያ ላይ ስዕል መሳል ይችላል።

የጀርባ ቦርሳውን ይክፈቱ እና ልሙጡን ገጽታ ለምናባዊ ጨዋታ ለመጠቀም የቬልክሮ ማጣበቂያውን ቦርሳው ውስጥ ይለጥፉ።

• ቦርሳው በልጅዎ ጀርባ ላይ እንዲሆን የቦርሳውን ማሰሪያዎችን ያጥብቁ ወይም ያላሉ
• በጨርቅ ማጣበቂያው ታሪክ ይፍጠሩ
• በስም መለያው ላይ መሳል ያበረታቱ
• የቅድመ-ጽሑፍ ችሎታዎችን ይለማመዱ

ማንበብ

ስዕል እና ምልክት ማድረግ ልጆች ሀሳባቸውን በፈጠራ እንዲገልጹ እና በራስ መተማመንን እንዲገነቡ ያስችላቸዋል። በወረቀት ላይ ክሬይኖችን በመሞከር፣ ልጆች፦

• እንዴት እንደሚጻፍ ለመማር ጠቃሚ የሆነውን ጥሩ የእንቅስቃሴ ክህሎቶችን ያዳብራሉ
• የእጆቻቸውን እና የዓይኖቻቸውን ቅንጅት ያሻሽላሉ
• ስለ ቀለሞች፣ ቅርጾች፣ ቅጦች እና መስመሮች ይማራሉ
• የፈጠራ ችሎታን ያሳያሉ
• ከሌሎች ጋር ሃሳብ ይለዋወጣሉ።

• ልጅዎን በመሳሉ ሂደት እንዲደሰት ያበረታቱት
• ልጅዎ ስለ ስዕሉ እንዲናገር ለማድረግ ግልጽ ጥያቄዎችን ይጠይቁ
• እርስዎ የሚያዩዋቸውን ቀለማት እና ቅርጾች ይሰይሙ

የፈጠራ እንቅስቃሴዎች

የፈጠራ ጨዋታ ሁሉንም 5 የልጅዎን ስሜቶች ያነቃቃል - ማየት፣ ማሽተት፣ መስማት፣ መዳሰስ እና ጣዕምን መለየት። በዙሪያዎ ያለውን አለም ለማሰስ፣ ለማግኘት እና ለመማር አስደሳች መንገድ ነው።

• ለልጅዎ እንደገና መጀመር ምንም ችግር እንደሌለው በማሳየት የመቋቋም ችሎታን ያበረታቱ። ብሎኮቹ ከወደቁ፣ ጥቂት ጥልቅ ትንፋሾችን ይተንፍሱ እና አብረው እንደገና ይገንቡ።
• የመጫወቻውን ሊጥ እንደ ኳስ ለማድቦልቦል ይሞክሩ፣ ቅርጾችን ይስሩ፣ ጠፍጣፋ ያድርጉት፣ ይጫኑት።
• አብረው ሙዚቃ ይስሩ። እጆችዎን በማጨብጨብ ወይም በቤት ውስጥ ያሉትን እቃዎች በመነካካት የተለያዩ ዜማዎችን እና ምቶች ይፍጠሩ።

የውጪ ጨዋታ

ክትትል የሚደረግበት የውጪ ጨዋታ የልጅዎ እድገት እና ደህንነት ትልቅ አካል ነው።

ልጆች የሚከተሉትን ማድረግ ይችላሉ፦

• ተፈጥሮን በመመልከት ስለ ሳይንስ ያላቸውን ግንዛቤ ያሳድጉ
• የነጻነት ስሜት ያግኙ
• ከሌሎች ልጆች ጋር ማህበራዊ ግንኙነት ማድረግ
• በሚጫወቱበት ጊዜ ጥሩ ምርጫዎችን ማድረግን ያስሱ እና ይማሩ
• መላውን የሰውነት እንቅስቃሴ፣ የእጅ-ዓይን ቅንጅት እና ትናንሽ የሰውነት ጡንቻዎች ቅንጅት እና እንቅስቃሴ እና የፈጠራ ችሎታዎችን ያዳብራሉ።

• ስለ ቅጠሎች ይናገሩ እና የተለያዩ ቀለሞችን እና ቅርጾችን ይሰይሙ
• ዘሮችን አንድ ላይ ይትከሉ
• ከተፈጥሮ ጋር ይገናኙ። አካባቢያችንን ስለመጠበቅ ይነጋገሩ
• የአሸዋ ቤተመንግስት ይገንቡ

ድራማዊ ጨዋታ

• አዲስ ዓለምን ማሰስ እና መፍጠር
• ማጋራት እና ተራ መጠበቅ
• እርስ በርስ የመገናኘት እና የመደራደር መንገዶች።

• እንስሶቹን በእንግሊዝኛ እና በሌሎች ቋንቋዎች ይሰይሙ
• ገጸ ባህሪያትን ይፍጠሩ
• ታሪኮችን ይፍጠሩ
• አስተያየቶችን በተለይም የተለያዩ ስሜቶችን ለመመርመር እና ለመግለጽ እንስሳትን ይጠቀሙ

ጨዋታዎች

ከቤተሰብ እና ከጓደኞች ጋር ጨዋታዎችን መጫወት የልጅዎን ማህበራዊ ክህሎቶች ለመገንባት ጥሩ መንገድ ነው።

ጨዋታዎች ልጆች የቁጥር፣ የቋንቋ እና ችግር የመፍታት ክህሎቶችን እንዲማሩ ያግዛቸዋል።

• የጨዋታ ህጎችን ይማሩ እና ተራ በተራ መጫወት ይለማመዱ
• የችግር አፈታት እና የማስታወስ ችሎታዎችን ያጠናክሩ
• ቁጥሮችን ተወያዩ እና በእቃዎች መቁጠር ተለማመዱ

ማሕበረሰብ መገንባት

ጨዋታ፤ ልጆች ስለ ራሳቸው የሚያውቁበት እና በዙርያቸው ስላለው ዓለም የሚማሩበት መንገድ ነው። ለልጆች፣ መጫወትና መማር እጅ ለእጅ ተያይዘው የሚሄዱ ናቸው። በእርስዎ ኪንደር ኪት (Kinder Kit) ውስጥ ያሉት እቃዎች ስለ ብዝሃነት እና ስለተለያዩ ባህሎች ውይይቶች እንዲያደርጉ ይረዱዎታል።

• ስለ ሌሎች ሃገሮች እና ስለ የሃገራቸው እንስሳት ከልጅዎ ጋር ይነጋገሩ።
• የተለያዩ ቋንቋዎች ከየት እንደመጡ ለማየት የዓለምን ካርታ ይመልከቱ።

ማንነትን ማክበር

በኣውስላን/Auslan የተጻፉ መጻሕፍት

አውስላን በቪክቶሪያ የቅድመ ልጅነት ቋንቋ ፕሮግራም ውስጥ ጥቅም ላይ የሚውል የምልክት ቋንቋ ነው። ይህ መርሃ-ግብር በአንዳንድ መዋእለ ሕጻናት ውስጥ ይገኛል።

ልጆች ገና በለጋ እድሜያቸው ሌላ ቋንቋ ሲማሩ ብዙ ጥቅሞች አሉት፤ እነዚህም የሚከተሉትን ያካትታሉ፦

• የቅድመ-ንባብ እና ቅድመ-ጽሑፍ ችሎታን መጨመር
• የተሻሻለ ተለዋዋጭ አስተሳሰብ
• ለራስ ከፍ ያለ ግምት እና ደህንነት
• የተጠናቀረ የባህል ማንነት።

በ 2026 ኪንደር ኪትስ ውስጥ የተካተቱት ብዙዎቹ መጽሃፍት ኦውስላን ትርጉሞች አሏቸው።

• ስሜቶችን በአውስላን በኩል ይግለጹ።
• በአውስላን ሰላም ይበሉ።

የልጆች ደህንነት፣ ህልውና እና ተጨማሪ ድጋፍ

ከልጆች ደህንነት እና ህልውና የበለጠ አስፈላጊ ነገር የለም። የልጆችን ደህንነት እንዴት እንደሚጠብቁ አገልግሎትዎን ይጠይቁ።

ሁሉም ልጆች የሚማሩት በተለያየ መንገድና በራሳቸው ፍጥነት ነው። የሚያሳስብዎት ነገር ካለ የቅድመ መዋእለ ህጻናት መምህርዎን ያነጋግሩ። እርስዎ ወይም ልጅዎ ተጨማሪ ድጋፍ ከፈለጉ፣ እገዛ በሚከተሉት መንገዶች ይገኛል፦

• ባልዎት ጥያቄዎች ላይ ለመወያየት ሀኪምዎን ወይም የእናትና ህጻን ጤና ጥበቃ ነርስን ለማየት ቀጠሮ ይያዙ
• ከተወለዱበት ጊዜ ጀምሮ እስከ 6 አመት ዕድሜ የሆናቸው ልጆች ያሏቸው የቪክቶሪያ ቤተሰቦች በ13 22 29 በእናቶች እና ልጆች የጤና መስመር (Maternal and Child Health line) በቀን 24 ሰዓት በሳምንት 7 ቀናት ይደውሉ

በቪክቶሪያ እያደገ ባለው የመዋዕለ ሕፃናት ዘርፍ ሥራ ለመጀመር ያስቡበት። እርስዎን የቅድመ ልጅነት መምህር ወይም አስተማሪ እንዲሆኑ ለመደገፍ፣ እነዚህ አሉ፦

• ተለዋዋጭ የጥናት አማራጮች
• ለጋስ ስኮላርሺፕ
• የገንዘብ ማበረታቻዎች።

የእርስዎን ኪንደር ኪት (Kinder Kit) በመለገስ ላይ

አንዴ ልጅዎ የኪንደር ኪት እቃዎቹን ከጨረሰ/ች በኋላ፣ እባክዎን በኃላፊነት ያስወግዷቸው።

እቃዎች በጥሩ ሁኔታ ላይ ከሆኑ፣ ለበጎ አድራጎት ድርጅት ለመለገስ ያስቡበት። እራስዎን 'ይህን ለጓደኛዬ እሰጠዋለሁ?' ብለው ጠይቁ። መልሱ አዎ ከሆነ፣ ለበጎ አድራጎት መለገስ ተገቢ ነው።

እቃዎችዎ ለመለገስ ተገቢ ካልሆኑ፣ እባክዎን በተቻለ መጠን እንደገና ጥቅም ላይ እንዲውሉ ያድርጉ።

ቆሻሻን በአግባቡ መቀነስ እና ማስወገድ ንፁህ እና አረንጓዴ ቪክቶሪያን ለመገንባት ይረዳል።