परिवारहरूको लागि मार्गदर्शन
तपाईंको किन्डर किटबारे
तपाईंको बच्चालाई खेलमा संलग्न गराउनु उनीहरूको सिकाइ र विकासलाई सहयोग गर्ने एक उत्तम तरिका हो। आमाबाबु, हेरचाहकर्ता र परिवारहरू त्यो यात्राको सबैभन्दा महत्त्वपूर्ण हिस्सा हुन्।
किन्डर किटहरू पुस्तकहरू, शैक्षिक खेलौनाहरू र तपाईंको बच्चा र परिवारका लागि घरमै रमाउनका लागि बनाइएका गतिविधिहरूले भरिएका छन्।
प्रत्येक किन्डर किटमा विशेषगरि तीन वर्षका बच्चाहरूका लागि बनाइएका वस्तुहरू समावेश हुन्छन्।
भिक्टोरियाको प्रारम्भिक वर्षको सिकाइ र विकासको रूपरेखा (Victorian Early Years Learning and Development Framework)
प्रारम्भिक बाल्यकालका शिक्षक र शिक्षाविदहरूले तपाईंको बच्चालाई हुर्कन र सिक्न मद्दत गर्छन्।
किन्डरगार्टेन कार्यक्रमहरूले बच्चाहरूको सिकाइ र विकासलाई मार्गदर्शन गर्न भिक्टोरियाको प्रारम्भिक वर्षहरूको सिकाइ तथा विकासको रूपरेखा (Victorian Early Years Learning and Development Framework) (VEYLDF) प्रयोग गर्दछन्।
तपाईंको किन्डर किटमा भएका सबै कुराहरू VEYLDF मा भएका एक वा बढी परिणामहरूसँग सम्बन्धित हुन्छन्।
- परिचय
- सिकाइ
- समुदाय
- सञ्चार
- कल्याण
ब्याकप्याक
किन्डर किट ब्याकप्याक (झोला) हरूलाई हरेक दिन सामानहरू बोक्न र खेल्नको लागि प्रयोग गर्न सकिन्छ।
तपाईंको बच्चाले पछाडि रहेको कार्डबोर्ड ट्यागमा चित्र कोर्न सक्छ, ताकि कुन ब्याकप्याक आफ्नो हो भनेर उनीहरूलाई थाहा होस्।
ब्याकप्याक खोल्नुहोस् र कल्पनाशील खेलको लागि फिल्ट सतह प्रयोग गर्न भेल्क्रो ट्याब (टाँसिने पट्टीहरू) हरू तानेर टाँस्नुहोस्।
- ब्याकप्याकका पट्टिहरू कसेर वा खुकुलो गरेर मिलाउनुहोस् ताकि झोला तपाईंको बच्चाको ढाडमा रहोस्।
- फिल्ट स्टिकरहरू प्रयोग गरेर एउटा कथा सिर्जना गर्नुहोस्।
- नामको ट्यागमा चित्र कोर्न प्रोत्साहित गर्नुहोस्।
- पूर्व-लेखन सीपको अभ्यास गर्नुहोस्।
पढाइ
परिवारको रूपमा सँगै समय बिताउनको लागि पढाइ एक उत्तम तरिका हो। यो साक्षरता विकासलाई सहायता गर्ने सबैभन्दा महत्त्वपूर्ण तरिकाहरू मध्ये एक हो।
तपाईंको बच्चासँग नियमित कथा सुनाउने समय बिताउनाले उनीहरूको कल्पना र शब्दावली विकास गर्न मद्दत गर्दछ।
- सँगै पुस्तक छान्नुहोस्।
- बबस्न र पढ्नको लागि आरामदायी ठाउँ खोज्नुहोस्।
- कथामा अब के हुन्छ होला भनेर आफ्नो बच्चालाई सोध्नुहोस्।
- पात्रहरूलाई मेल गराउन विभिन्न आवाजहरूमा पढ्नुहोस्।
चित्र कोर्ने र चिन्ह बनाउने
चित्र कोर्नाले र चिन्ह निर्माणले बच्चाहरूलाई रचनात्मक रूपमा आफूलाई अभिव्यक्त गर्न र आत्मविश्वास निर्माण गर्न अनुमति दिन्छ। कागजमा क्रेयन्सको प्रयोग गरेर बच्चाहरूले:
- राम्रो मोटर (औँला चलाउने) सीपहरूको विकास गर्छन्, जुन लेख्न सिक्नको लागि महत्त्वपूर्ण छ
- उनीहरूको हात-आँखाको समन्वय सुधार गर्छन्
- रङ, आकार, बान्की र रेखाहरूका बारेमा सिक्छन्
- रचनात्मकता अभिव्यक्त गर्छन्
- अरूसँग सञ्चार गर्छन्।
- आफ्नो बच्चालाई चित्र बनाउने प्रक्रियाको आनन्द लिन प्रोत्साहित गर्नुहोस्।
- तपाईंको बच्चालाई उनीहरूले कोरेको चित्रको बारेमा कुरा गर्न खुला प्रश्नहरू सोध्नुहोस्।
- तपाईंले देख्नु भएको रङ र आकारहरूको नाम बताउनुहोस्।
रचनात्मक गतिविधिहरू
रचनात्मक खेलले तपाईंको बच्चाको सबै ५ इन्द्रियहरू – दृष्टि, गन्ध, श्रवण, स्पर्श र स्वादलाई समयबद्ध गर्दछ। यो तपाईंको वरपरको संसारको बारेमा अन्वेषण गर्ने, पत्ता लगाउने र सिक्ने रमाइलो तरिका हो।
- तपाईंको बच्चालाई फेरि सुरु गर्दा केही हुँदैन भनेर देखाउँदै लचिलोपनलाई प्रोत्साहित गर्नुहोस्। यदि ब्लकहरू ढल्छन् भने, केही गहिरा सासहरू लिनुहोस् र सँगै पुन: र्निर्माण गर्नुहोस्।
- प्लेडोलाई बेलेर बल बनाउने प्रयास गर्नुहोस्, आकारहरू बनाउनुहोस्, यसलाई समतल गर्नुहोस्, यसलाई थिच्नुहोस्।
- सँगै सङ्गीत बनाउनुहोस्। आफ्नो हातले ताली बजाएर वा घरमा भएका वस्तुहरूमा हातले ठोकेर विभिन्न ताल र धडकहरू सिर्जना गर्नुहोस्।
बाहिरी खेल
सुपरिवेक्षित बाहिरी खेल तपाईंको बच्चाको लागि वृद्धि, विकास र कल्याणको ठूलो हिस्सा हो।
बच्चाहरूले:
- प्रकृति अवलोकन गरेर विज्ञानको बारेमा उनीहरूको बुझाइ बढाउनुहोस्
- स्वतन्त्रताको भावना प्राप्त गर्न लगाउनुहोस्
- अन्य बच्चाहरूसँग सामाजिक रूपमा अन्तरक्रिया गर्न सक्छन्
- खेल खेल्दा राम्रो छनौट कसरी गर्ने भनेर पत्ता लगाउन र सिक्न सक्छन्
- सम्पूर्ण शरीरको चाल, हात-आँखाको समन्वय र राम्रो मोटर (औँला चलाउने) र रचनात्मकता सीपहरूको विकास गर्न सक्छन्।
- पातहरूको बारेमा कुरा गर्नुहोस् र विभिन्न रङहरू र आकारहरूलाई नाम दिनुहोस्।
- सँगै बीउहरू रोप्नुहोस्।
- प्रकृतिसँग जोडिनुहोस्। हाम्रो वातावरणको रक्षा गर्नेबारे कुरा गर्नुहोस्।
- बालुवाका महलहरू बनाउने।
नाटकीय खेल
नाटकीय खेलले बच्चाहरूलाई काल्पनिक कथाहरूको अभिनय गर्न र अन्य पात्रहरूको भूमिका खेल्न प्रोत्साहित गर्दछ।
बच्चाहरूले महत्त्वपूर्ण भाषा र सामाजिक सीपहरूको अभ्यास गर्न नाटकीय खेल प्रयोग गर्छन्, जसमा निम्न समावेश छन्:
- नयाँ संसारहरूको अन्वेषण र सिर्जना गर्न
- साझा गर्न र पालो लिन
- विभिन्न तरिकाहरूले एक-अर्कासँग अन्तरक्रिया गर्न र कुराकानी गर्न।
- अँग्रेजी र अन्य भाषाहरूमा जनावरहरूको नाम भन्नुहोस्।
- पात्रहरू सिर्जना गर्नुहोस्।
- कथाहरू बनाउनुहोस्।
- अनुभूतिहरू र विभिन्न भावनाहरू अन्वेषण गर्न र व्यक्त गर्न जनावरहरू प्रयोग गर्नुहोस्।
खेलहरू
परिवार र साथीहरूसँग खेल खेल्नु तपाईंको बच्चाको सामाजिक सीपहरू निर्माण गर्ने उत्तम तरिका हो।
खेलहरूले बच्चाहरूलाई संख्यात्मकता, भाषा र समस्या समाधान गर्ने सीपहरू सिक्न मद्दत गर्न सक्छन्।
- खेलको नियमहरू सिक्नुहोस् र पालो लिने अभ्यास गर्नुहोस्।
- समस्या समाधान गर्ने र सम्झने सीपलाई सुदृढ पार्नुहोस्।
- संख्याहरू छलफल गर्नुहोस् र वस्तुहरूको प्रयोग गरेर गणना गर्ने अभ्यास गर्नुहोस्।
समुदाय निर्माण गर्ने
खेलद्वारा नै बच्चाहरूले आफू र वरपरको संसारको बारेमा पत्ता लगाउँछन् र सिक्छन्। बच्चाहरूको लागि, खेल र सिकाइ सँगसँगै जान्छ। तपाईंका किन्डर किटका वस्तुहरूले तपाईंलाई विविधता र विभिन्न संस्कृतिहरूका बारेमा कुराकानी गर्न मद्दत गर्दछ।
- अन्य देशहरू र तिनीहरूका मूल जनावरहरूका बारेमा आफ्नो बच्चासँग कुरा गर्नुहोस्।
- विभिन्न भाषाहरू कहाँबाट सुरू भए भनेर हेर्न विश्वको नक्सा हेर्नुहोस्।
पहिचानको सम्मान गर्ने
बच्चाबच्चीहरूलाई सबै संस्कृतिहरूका बारेमा सिक्न प्रोत्साहित गर्नाले समझदारी, स्वीकृति र गर्व निर्माण हुन्छ। आदिवासी र टोरेस स्ट्रेट टापूवासी संस्कृतिहरू, र यहाँ भिक्टोरियामा, Koorie संस्कृतिहरू, आज जीवित छन् र फस्टाइरहेका छन्। हामी उनीहरूलाई किटमा लेखक र कलाकारको रूपमा मनाउनमा गर्व गर्छौं।
यहाँ केही गतिविधिहरू छन् जसले तपाईंको बच्चालाई कूरी (Koorie) परम्परा र संस्कृतिको बारेमा थप जान्न मद्दत गर्दछ:
- वस्तु वा जनावरहरूका लागि प्रयोग हुने Koorie प्रतीकहरू सिक्नुहोस्।
- Koorie संस्कृति, अगुवा र नायकहरूका बारेमा सिक्नुहोस् र कुरा गर्नुहोस्।
- देशको कदर गर्नुको महत्त्व पत्ता लगाउनुहोस्।
अष्लान (Auslan) भाषामा पुस्तकहरू
Auslan भिक्टोरियाको प्रारम्भिक बाल्यकाल भाषा कार्यक्रममा प्रयोग गरिने साङ्केतिक भाषा हो। यो कार्यक्रम केही किन्डरगार्टेनहरूमा उपलब्ध छ।
सानो उमेरमा अर्को भाषा सिक्दा बच्चाबच्चीहरूलाई निम्न लगायत धेरै फाइदाहरू हुन्छन्:
- पूर्व-पठन र पूर्व-लेखनका सीपहरू बढ्ने
- सुधारिएको लचिलो सोच
- आत्मसम्मान र कल्याणलाई बढावा दिने
- सांस्कृतिक पहिचानलाई बलियो बनाउने।
२०२६ किन्डर किटमा समावेश गरिएका धेरै पुस्तकहरूमा Auslan अनुवादहरू उपलब्ध छन्।
- Auslan मार्फत भावनाहरू व्यक्त गर्नुहोस्।
- Auslan मा नमस्ते भन्नुहोस्।
कल्याण तथा अतिरिक्त सहयोग
बच्चाहरूको सुरक्षा र कल्याण भन्दा महत्त्वपूर्ण अरू केही छैन। तपाईंको सेवालाई तिनीहरूले बच्चाहरूलाई कसरी सुरक्षित राख्छन् भनेर सोध्नुहोस्।
हरेक बच्चाहरूले फरक तरिकाले र आफ्नै गतिमा सिक्छन्। यदि तपाईंलाई कुनै चिन्ताहरू छन् भने आफ्नो प्रारम्भिक बाल्यकाल शिक्षकसँग कुरा गर्नुहोस्। यदि तपाईंलाई वा तपाईंको बच्चालाई थप सहयोग चाहिन्छ भने, निम्न मार्गहरू मार्फत मद्दत उपलब्ध छ:
- तपाईंको प्रश्नहरू छलफल गर्नका लागि आफ्नो डाक्टर वा प्रसूती र शिशू स्वास्थ्य नर्सलाई भेट्न अपोइन्टमेन्ट लिनुहोस्।
- जन्मदेखि 6 वर्षसम्मका बच्चाहरू भएका भिक्टोरियाली परिवारहरूका लागि 24 सै घण्टा, हप्ताको 7 दिन उपलब्ध मातृ र बाल स्वास्थ्य लाइन (Maternal and Child Health line) लाई 13 22 29 मा फोन गर्नुहोस्।
प्रारम्भिक बाल्यकाल शिक्षामा करियरहरू
भिक्टोरियाको बढ्दो किन्डरगार्टेन क्षेत्रमा करियर सुरू गर्ने विचार गर्नुहोस्। तपाईंलाई प्रारम्भिक बाल्यकालको शिक्षक वा शिक्षाविद बन्न मद्दत गर्न, निम्न कुराहरू छन्:
- लचिलो अध्ययन विकल्पहरू
- उदार छात्रवृत्तिहरू
- आर्थिक प्रोत्साहनहरू।
तपाईंको किन्डर किट दान गर्दै
एकचोतपाईंको बच्चाले उनीहरूको किन्डर किट सामाग्रीहरू चलाएर सकेपछि, कृपया तिनीहरूलाई जिम्मेवारीपूर्वक फालिदिनुहोस्।
यदि सामाग्रीहरू राम्रो अवस्थामा छन् भने त्यसलाई परोपकारी संस्थामा दान गर्नेबारे सोच्नुहोस्। आफैँलाई सोध्नुहोस् ‘के मैले यो मेरो साथीलाई दिन्थेँ होला?'। यदि उत्तर दिन्थेँ हो भने, परोपकारी संस्थालाई दान दिनु उचित हुन्छ।
यदि तपाईंका सामाग्रीहरू दान गर्न उपयुक्त छैनन् भने, कृपया सम्भव भएसम्म तिनीहरूलाई पुनः चक्रण (रिसाइकल) गर्नुहोस्।
फोहोरलाई घटाउनाले र राम्ररी फाल्नाले सफा, अझ हरियो भिक्टोरिया निर्माण गर्न मद्दत गर्दछ।
Updated