Victoria government logo

Faatatau i lau Ato o Meaaoga mo le Aoga Faata’ita'i

Mo tamaiti, e o faatasi le taalo ma a’oa’oga. O le taalo o se auala e suesue ma a’oa’o ai tamaiti e uiga ia latou ma le lalolagi o loo siomia ai latou. O matua ma aiga o se vaega telē lea o lena folauga. O mea uma i totonu o le Ato o Meaaoga o le Aoga Faata’ita’i a lou alo na faia ia mafai ona faasoa ma faatupu le fiafia e ala i le taaalo faatasi ai o le aiga.

I le aoga faata’ita’i, e faaaogaina le Faavae o A’oa’oga ma Atina’e o Aoga Amata a Vitoria (YEYLDF) e tu’ufaatasi ai ni masaniga i a’oa’oga e lagolago i lou alo ina ia tupu ma atia’e lelei i taunuuga e lima o a’oa’oga ma atina’e. O nei taunuuga e 5 o:

  • Faasinomaga
  • Nuu ma Alalafaga
  • Soifua Lelei
  • Aoaoga
  • Fesootaiga

Poloka Faamatala tala

O le faamatala tala o se vaega taua i le faavasegaina faalemafaufau o le tamaititi o mea e tutupu i latou olaga i aso ta’itasi. E lagolagoina lenei faiga i le atina’eina o le faitautusi ma e fesoasoani ia i latou ina ia malamalama pe faapefea ona faafesoota’i ma tagata o loo si’omia i latou.

E mafai ona e fesoasoani i lou alo ina ia a’oa’oina upu fou i poloka i le Faaperetania poo isi gagana.

  • Auaua’i, faaigoa ata
  • Fausia faatasi ma latou
  • Faamatala tala
  • Fai fesili

Penivali ma Pepa Tusiata

O tusigaata i penivali e tuuina atu ai le tele o auala e a’oa’o ai:

  • faamalosia lelei o le faagaioiga o le tino e pei o le uuina o le penitala
  • fesootaiga o lima ma mata
  • a’oa’oga e uiga i lanu ma siepi
  • faailoa o fatufatuga i pepa ma isi mea faaaoga.

O le mea pito sili ona taua, o le a a’oa’oina e lou alo le faamatalaina o latou lagona i se auala saogalemu ma le mautinoa. O isi tamaiti e faia ni tusitusiga e lē mafai ona iloa ma e leai se mea e leaga ai. O le faasologa masani lava lenei o le a’oa’o e tusi ata

  • Faaaoga le Pepa Tusiata e faaoso ai manatu
  • Faamalosia le aiga i poto masani i tusigaata
  • Talanoa a’o e tusiata
  • Faaigoa lanu ma siepi

Fatu Laau

O le totoina o fatu faatasi ma tamaiti o se a’oa’oga e ‘oa ma faavae i le saienisi e mafai ai ona latou vaai i le mata’utia o le natura o le lalolagi. O le a latou a’oa’oina e uiga i le natura, fausia gagana ma a’oa’o e mulimuli i faatonuga faigofie. O le a latou a’oa’oina foi i auala e matau ai mea i le faasologa o le taimi

  • Talanoa e uiga i laau ma faaigoa latou vaega
  • Toto faatasi i latou.
  • Siaki le tuputupu a’e i taeao ta’itasi
  • Faaigoa fualaauaina ma fualaau faisua i le makeki

Manu fau i Filo

O le aoga amata o le taimi e amata mafai ona faagaioiga maso laiti o lima o tamaiti, o latou tama’ilima, tapulima, vae ma tamaivae. O le atinaeina o maso laiti o lima ma tama’ilima e taua mo le tausia lelei e le tamaitiiti o ia lava ia ma le tusitusi i le lumanai. E mafai ona atinaeina e lou alo le tomai o gaioiga laiti i le faaaogaina o paluga’o taalo, vali ga’o poo manu fau i filo. O nisi nei o auala e mafai ona e faataitaia ou tomai o gaioiga laiti:

  • Tui le filo i pu laiti o le manu
  • Tatalaina ma le tapunia o le Ato o Meaaoga o le Aoga Faataitai
  • Faata’ita’i i le tosoina o sipi ma faamau
  • Faata’avaleina o paluga’o taalo i lima ma tama’ilima

Paluga’o taalo

Pe a faaaoga e lou alo le paluga’o taaloa e fausia ai ni mea, ua latou faia le tele o mea taua eseese:

  • faaleleia gaioiga o le tino
  • faaaogaina o latou faalagona e su’e su’e
  • faaaogaina o le mafaufau.

O le fausia o mea i le paluga’o taalo o se vaega taua i le aoaoga o lou alo.

  • Faatavale le polo, po, tu’i, oomi
  • Talanoa e uiga iai.
  • Faaopoopo nisi meafaitino e pei o laau po o fulumoa po o atigi
  • Fai ni mamanu i mea e mafai ona e maua.

Tusi Faitau mo Tamaiti

O le faitau faatasi o tusi o se tasi auala taua tele e fesoota’i ma faaalu lelei ai le taimi o se aiga. O se tasi o auala taua e lagolagoina ai le atinaeina o le faitautusi. O le fefaasoaa’i o taimi masani mo faamatalaina o tala ma lau tama o le a fesoasoani e faaleleia ai le atina’eina o le fai’ai, mafaufauga ma upu

  • Filifili faatasi se tusi
  • Saili se nofoaga lelei e nofo ai ma faitau
  • Tuu iai e susu’e e latou itulau
  • Faaaoga leo eseese mo tagata eseese i le tusi, talanoa e uiga i ata

Fai Musika

E tele penefiti o le musika mo le a’oa’oina ma le atina’eina o tamaiti . O le faia o musika o se auala manaia mo le aoaoina o upu fou o lou alo, usu faatasi ni pese faatasi ma aiga ma le maua o ni lagona lelei mo latou. O le siva, pese, gaioi, osooso ma le kiliki o kataneti o vaega fiafia uma.

O nisi nei o auala e te lua fiafia ai i musika ma lou alo:

  • Siva ma luelue i le pese e te fiafia ai
  • Faitau le nota ina ia aoao i numera
  • Faata’ita’i pese pupuu taulotoina o pese
  • Faaaoga kataneti ina ia faitau silapela i upu

Ato o Gaioiga

O le Ato o gaioiga e sili atu nai lo le ato e feaveai ai tusi ma meataalo – e mafai ona faaaoga e lagolago ai i aoaoga ma le atina’e i le tele o auala. O laupapa pa’epa’e e sili ona lelei mo le taalo i maneta, paluga’o taalo, ma le tusiata. Gaugau le Ato e avea ma tafatolu faatū. Faataatia faamafolafola le Ato ina ia mafai ona faaaogaina le pito lanumeamata mo taaloga faataitai. E mafai ona avea o se sami po o se auala i le aai. Toe faia nisi auala e te malaga atu ai i le Aoga. O nisi nei o auala e mafai ona faaaogaina ai le Ato:

  • Tusi ata o ni lalolagi fou
  • Falataalo mo paluga’o taaloa
  • Ato feaveai mo tusi ma meataalo
  • O se faataitaiga o meataalo

O le Ato o gaioiga ua faia o se oloa e lē afaina ai le siosiomaga. O loo fausia mai mea eseese e mafai ona fausia ai mea fou, pe afai e mafai ma ua fausia ina ia toe faataua o se alaoa e mafai ona teuina ma avea o se faamanatu o le taimi o le aoga faataitai o lou alo.

Fausia o Nuu ma Alalafaga

O Vitoria o se nuu o tagata eseese, nofoaga mo tagata o aganuu e tele ma gagana eseese. O eseesega, o se vaega tele o le mafuaaga o matou. O mea taitasi i le Ato e lagolagoina ai talanoaga e faatatau i nuu ma tagata eseese.

  • Mo tamaiti, e o faatasi le taalo ma a’oa’oga. O le taalo o se auala e suesue ma a’oa’o ai tamaiti e uiga ia latou lava ia.
  • Faaaoga le paluga’o taalo e faataitai ai le faiga o meaai mai isi aganuu, poo lou oe lava aganuu
  • Oomi le kataneti ao e faaloglogo i musika faaleaganuu mai isi aganuu, po o lou oe lava aganuu
  • Talanoa i lou alo e uiga i isi atunuu ma latou manu

O tusi faaliliu i le gagana fai taga (Auslan)

O tusi uma o loo aofia i le Ato o Meaaoga mo le Aoga Faata’ita’i mo le tausaga 2023 o loo mauaina i le gagana fai taga o le Auslan. O le Auslan ma upu o talanoaga i le ata o loo aofia fo’i i totonu faatasi ma ata leo.

O le Auslan o se gagana fai taga e faaaogaina e le toatele o tagata Ausetalia e Logonoa ma o se vaega fo’i o le Polokalame Tau Gagana mo Aoaoga ma Atina’e o Aoga Amata a Vitoria ma e avanoa i isi Aoga Faata’ita’i mo tamaiti Fa Tausaga.

Sa maua e tagata atamamai o aoga le tele o penefiti o le aoaoina o tamaiti i isi gagana mai lo latou laiti, e aofia ai:

  • Faateteleina o le tomai amata o le faitau tusi ma le tusitusi
  • Fegauiaiga faalemafaufau
  • Siitia o le faatāua o le lagona lelei o le tagata lava ia ma lona ola soifua lelei
  • Faamalosia o le faasinomaga faaleaganuu

Faaaloalo i le Faasinomaga

O aganuu otatou tagata Atunuu Muamua o se vaega taua o le talafaasolopito o Ausetalia. O le faamalosiau i le fanau e a’oa’o e uiga i aganuu uma e fausia ai le malamalama, taliagofie ma le mitamita. Matou te mitamita e faamanatu tusitala ma tagata amatamea o le Atunuu Muamua i lenei Ato. O se faataitaiga, o poloka faamatala tala, e faailoa ai le lauusiusi o aganuu faamatala tala o Tagata Apoliki. O nisi nei o gaioiga e fesoasoani i tamaiti e a’oa’o atili ai i tu ma aganuu o tagata o le Atunuu Muamua.

  • A’oa’o i faailoga faa Apoliki mo manu po o mea faitino.
  • Talanoa e uiga i taitai Apoliki po o tagata taaalo tauoloa.
  • A’oa’o atili e uiga i tagata ma aganuu o tagata Atunuu Muamua

Soifua lelei ma le Lagolago Faaopoopo

E eseese uma auala ma le televave e a’oa’o ai tamaiti. O le Ato o Aoga Faata’ita’i e tuuina atu tusi mo lou alo ma meataalo e mafai ona faaaogaina i auala eseese e uunaia lona mafai lautele. Ae o isi taimi e manaomia le lagolago faaopoopo mo le a’oa’oina o lou alo. Afai e te mafaufau e manaomia e oe po o lou alo se fesoasoani faaopoopo, e tele auala e mafai ona faia lena tulaga.

  • E iai le tomai ma le iloa e fesoasoani ai faiaoga o aoga faata’ita’i a Vitoria ia te oe. Talanoa i le faiaoga o lou alo e uiga i ni au fesili
  • Faatulaga sou taimi e vaai ai le foma’i po o se tausi soifua mo tamaiti e faatalanoa ni au fesili.
  • Valaau le Laina Valaau mo Matua i le 13 2289 mo se fesoasoani e ofo fua, faalilolilo faufautua ma le lagolago.

Reviewed 21 February 2023

Was this page helpful?