(ܡܘܿܣܝܼܩܵܐ ܫܠܝܼܬܵܐ)
ـ [ܗܲܩܝܵܢܵܐ] ܡܨܵܝܬܵܐ
ܠܦܲܪܡܘܼܝܹܐ ܘܡܕܲܒܘܼܪܹܐ ܕܢܸܒܼܗܹܐ
ܟܹܐ ܗܵܘܝܵܐ ܒܘܼܫ ܨܦܵܝܝܼ ܓܵܘ ܥܠܲܝܡܘܼܢܘܼܬܵܐ.
ܐܝܼܢܵܐ ܥܲܙܪܵܪܬܵܐ (ܥܸܕܵܢܵܐ ܕܥܠܲܝܡܘܼܬܵܐ)
ܡܵܨܝܵܐ ܡܲܒܪܸܝܵܐ ܟܘܼܬܵܫܹܐ ܢܸܒܼܗܵܢܵܝܹܐ.
ܚܲܕܟܡܵܐ ܥܠܲܝܡܘܼܢܹܐ ܡܲܒܝܘܼܢܹܐ ܟܹܐ
ܓ̰ܵܪܛܝܼ ܒܗܵܣܵܢܵܝܘܼܬܵܐ
ܓܵܘ ܕܐܵܗܵܐ ܡܸܬܚܵܐ ܕܥܸܕܵܢܵܐ.
ܟܠ ܕܵܐܟܼܝܼ ܕܗܵܘܝܵܐ، ܩܵܐ ܪܵܒܵܐ ܥܠܲܝܡܘܼܢܹܐ
ܫܓܼܘܼܫܝܵܐ ܡܲܒܝܘܼܢܹܐ ܟܹܐ ܓܲܪܘܸܣ ܘܓܲܪܘܸܣ.
ܪܵܒܵܐ ܓܵܗܹܐ ܟܹܐ ܚܵܙܲܚ
ܡܲܠܒܼܵܟܼܬܵܐ ܘܟܲܪܒܵܐ ܙܝܼܕܹܐ،
ܦܪܝܼܫܵܐܝܼܬ ܕܲܠܩܘܼܒܼܠ ܐܲܒܼܵܗܹܐ
ܘܗܲܕܵܡܹܐ ܐ݉ܚܹܪ݉ܢܹܐ ܕܒܲܝܬܘܼܬܵܐ.
ܝܲܢ ܐܝܼܬ ܥܸܕܵܢܵܬܹܐ ܐܝܼܡܲܢ
ܕܡܲܒܝܸܢܝܼ ܟܡܝܼܠܵܐܝܼܬ ܕܠܵܐ ܢܸܒܼܗܹܐ
ܘܙܲܗܡܲܬ ܠܡܛܵܝܵܐ ܐܸܠܲܝܗܝ.
(ܨܸܨܪܹܐ ܨܲܪܨܘܼܪܹܐ)
ܗܲܠ ܕܚܲܕ ܡܸܢܕܝܼ ܗܵܘܹܐ ܕܐܵܢܝܼ ܗܵܘܹܐܠܗܘܿܢ
ܪܓܼܵܫܝܵܬܹܐ ܚܲܝܠܵܢܹܐ ܒܘܼܬ ܕܝܼܹܗ.
(ܕܲܠܩܘܼܒܼܠܵܝܵܐ ܡܲܩܘܘܼܚܹܐ)
ܒܘܼܨܵܝܵܐ ܡܘܼܚܙܹܝܵܐ ܠܹܗ
ܕܚܲܕ ܡܸܢܝܵܢܵܐ ܕܫܘܼܚܠܵܦܹ̈ܐ ܟܹܐ ܡܲܒܝܸܢܝܼ
ܐܵܢܝܼ ܕܟܹܐ ܦܲܫܩܝܼ ܠܟܸܟ̰ܚܵܐ ܘܙܝܵܕܬܵܐ
ܓܵܘ ܢܸܒܼܗܹܐ.
ܐܝܼܬ ܓܲܪܘܲܣܬܵܐ ܦܲܓܼܪܵܢܵܝܬܵܐ
ܪܵܒܵܐ ܓܘܼܒܼܪܬܵܐ.
ܠܸܒܵܐ ܟܹܐ ܗܵܘܝܵܐ ܓܘܼܒܼܪܘܼܬܹܗ ܬܪܹܝܢ ܬܲܩܹܐ.
ܚܲܕ ܫܘܼܚܠܵܦܵܐ ܓܵܘ ܢܸܡܘܼܢܵܐ ܕܕܡܵܟܼܬܵܐ.
(ܣܵܥܲܬ ܡܚܵܝܵܐ)
(ܡܙܲܗܪܵܢܵܐ ܒܸܡܚܵܝܵܐ)
ܦܠܵܛܵܐ ܝܼܠܹܗ ܕܟܸܟ̰ܚܵܐ ܝܼܠܹܗ ܒܘܼܫ ܚܸܪܒܵܐ
ܒܕܲܪܓܼܹܐ ܒܘܼܫ ܟܘܼܦܹܐ
ܕܡܠܘܿܐܹܐ ܟܝܼܡܝܵܝܹܐ ܕܪܓܼܵܫܬܵܐ ܨܦܵܝܝܼ
ܕܕܘܿܦܵܡܝܼܢ ܘܲܕܣܸܪܘܿܬܘܿܢܝܼܢ،
ܐܲܝܢܝܼ ܕܡܵܨܹܐ ܫܵܒܼܹܩ ܠܥܠܲܝܡܘܼܢܹܐ
ܪܵܓܼܫܝܼ ܟܘܼܦܹܐ،
ܠܵܐ ܚܵܦܛܵܢܹܐ، ܘܠܵܒܼܟܼܵܢܹܐ ܒܗܵܣܵܢܵܝܘܼܬܵܐ.
ܡܘܼܚܵܐ ܟܹܐ ܫܲܪܹܐ ܫܲܚܠܘܼܦܹܐ ܓܵܢܹܗ،
ܒܸܗܘܵܝܵܐ ܒܘܼܫ ܠܚܝܼܡܵܐ ܘܡܲܥܒܕܵܢܵܐ.
ܐܵܗܵܐ ܟܹܐ ܫܲܪܹܐ ܒܫܘܼܚܠܵܦܹ̈ܐ ܓܵܘ ܩܸܢܛܪܘܿܢ
ܕܢܸܒܼܗܹܐ ܕܡܘܼܚܵܐ.
ܢܸܒܼܗܹܐ ܟܹܐ ܦܵܝܫܝܼ ܡܢܘܼܣܝܹܐ
ܒܚܲܝܠܵܐ ܒܘܼܫ ܙܵܘܕܵܐ،
ܡܘܼܕܒܼܸܩܹܐ ܥܲܡ ܫܲܒܼܪܹܐ ܘܟܡܝܼܠܹܐ ܒܫܸܢܹܐ.
ܟܲܕ ܣܲܗܡܹܐ ܕܡܘܼܚܵܐ ܕܣܵܢܩܲܚ ܐܸܠܲܝܗܝ
ܕܗܲܝܸܪܝܼ ܠܲܢ ܡܕܲܒܪܲܚ ܠܐܵܢܝܼ ܢܸܒܼܗܹܐ
ܗܵܠܵܐ ܛܲܘܘܼܪܹܐ ܝܢܵܐ
ܘܠܹܐ ܝܢܵܐ ܦܪܝܼܩܹܐ ܡܼܢ ܓܲܪܘܲܣܬܵܐ ܗܲܠ ܦܲܠܓܵܐ
ܝܲܢ ܦܪܵܩܬܵܐ ܕܥܘܼܡܪܵܐ ܕܫܸܢܹܐ ܕܥܸܣܪܝܼܹܐ.
ܥܠܲܝܡܘܼܢܹܐ ܪܵܒܵܐ ܓܵܗܹܐ ܟܹܐ ܚܲܡܝܼ ܠܢܸܒܼܗܹܐ
ܓܵܘܲܝܗܝ ܝܲܢ ܠܹܐ ܬܲܚܡܸܢܝܼ ܒܘܼܬ ܕܝܼܲܝܗܝ،
ܘܐܵܗܵܐ ܟܹܐ ܫܵܒܼܩܵܐ ܠܗܘܿܢ
ܕܗܵܘܝܼ ܒܘܼܫ ܙܲܒܘܼܢܹܐ ܠܦܩܵܥܬܵܐ
ܐܝܼܡܲܢ ܕܝܘܼܩܪܵܐ ܕܢܸܒܼܗܹܐ
ܗܵܘܹܐ ܪܵܒܵܐ ܙܵܘܕܵܐ.
ܐܵܦ ܚܕܵܐ ܟܡܵܝܘܼܬܵܐ ܙܥܘܿܪܬܵܐ ܕܥܝܼܩܘܼܬܵܐ
ܡܵܨܝܵܐ ܒܓ̰ܲܠܕܘܼܬܵܐ ܡܲܛܒܸܥܵܐ ܠܥܠܲܝܡܘܼܢܹܐ.
ܫܘܼܚܠܵܦܹ̈ܐ ܪܵܒܵܐ ܦܲܓܼܪܵܢܵܝܹܐ ܘܢܸܒܼܗܵܢܵܝܹܐ
ܡܵܨܝܼ ܐܵܬܝܼ ܥܲܡ ܪܓܼܵܫܝܵܬܹܐ ܚܲܝܠܵܢܹܐ
ܕܢܟܼܵܦܬܵܐ ܘܡܲܢܟܼܵܦܬܵܐ،
ܐܲܝܢܝܼ ܕܝܼܢܵܐ ܪܵܒܵܐ ܙܲܗܡܲܬ ܠܡܲܚܙܘܼܝܹܐ
ܘܡܼܢ ܓܹܒܵܐ ܕܐܵܗܵܐ ܦܲܩܥܝܼ ܐܲܝܟܼ
ܟܲܪܒܵܐ ܝܲܢ ܓܪܵܫܬܵܐ ܠܓܵܢܵܐ.
ܚܲܝܲܝܗܝ ܝܵܘܡܵܝܹܐ ܝܼܢܵܐ
ܡܸܠܝܹܐ ܡܼܢ ܢܸܒܼܗܹܐ ܦܪܝܼܫܹܐ.
ܐܝܼܬ ܪܵܒܵܐ ܠܵܐ ܚܲܬܝܼܬܘܼܬܵܐ ܘܫܓܼܘܼܫܝܵܐ،
ܚܲܫܵܐ ܘܚܲܫܵܐ ܥܲܡܝܼܩܵܐ، ܦܲܫܲܡܬܵܐ ܘܟܲܪܒܵܐ.
ܐܝܼܢܵܐ ܐܵܦ ܐܝܼܬ ܦܨܝܼܚܘܼܬܵܐ
ܒܘܼܬ ܡܸܢܕܝܼܵܢܹܐ
ܕܐܵܢܝܼ ܡܲܚܸܒܝܼ ܕܥܵܒܼܕܝܼ ܠܗܘܿܢ،
ܐܲܝܟܼ ܐ݉ܣܵܪܬܵܐ ܥܲܡ ܚܲܒܼܪܵܢܹܐ
ܝܲܢ ܣܒܵܪܬܵܐ ܠܢܸܣܝܵܢܹܐ ܚܲܕܬܹܐ.
ܒܥܸܕܵܢܵܐ ܕܥܠܲܝܡܘܼܢܹܐ ܡܵܨܝܼ
ܬܲܚܡܸܢܝܼ ܒܘܼܫ ܓ̰ܲܠܕܹܐ ܡܼܢ ܩܵܕ݉ܡܬܵܐ،
ܩܪܝܼܛܝܼܩܵܐܝܼܬ ܡܛܲܝܡܸܢܝܼ ܟܠܚܲܕ ܡܸܢܕܝܼ،
ܘܙܲܒܛܸܢܝܼ ܨܒܼܘܼܝܵܬܹܐ ܒܘܼܫ ܩܛܝܼܪܹܐ،
ܐܵܦ ܗܵܠܵܐ ܝܼܢܵܐ ܡܛܲܘܘܼܪܹܐ
ܠܐܲܢܹܐ ܡܗܝܼܪܘܼܝܵܬܹܐ.
ܣܲܗܡܵܐ ܙܵܘܕܵܐ، ܟܹܐ ܚܵܝܝܼ ܩܵܐ ܗܿܘ ܪܦܵܦܵܐ
ܘܒܸܕ ܬܵܟܼܠܝܼ ܥܲܠ ܡܘܼܚܲܝܗܝ ܢܸܒܼܗܵܢܵܝܵܐ،
ܡܼܢ ܓܹܒܵܐ ܕܡܘܼܚܲܝܗܝ
ܨܲܠܝܼܠܵܐ ܩܵܐ ܫܩܵܠܬܵܐ ܕܦܘܼܣܩܵܢܹܐ،
ܦܪܝܼܫܵܐܝܼܬ، ܐܝܼܡܲܢ ܕܝܼܢܵܐ ܥܲܡ ܚܲܒܼܪܵܢܲܝܗܝ.
ܐܵܗܵܐ ܟܹܐ ܥܵܒܼܹܕܠܗܘܿܢ
ܫܲܦܝܼܪܵܐܝܼܬ ܝܵܬܵܢܵܝܹܐ
ܐܝܼܢܵܐ ܐܵܦ ܡܸܬܗܵܘܝܵܢܹܐ ܕܢܵܦܠܝܼ ܓܵܘ ܚܲܕܟܡܵܐ
ܐܲܗܘܵܠܵܬܹܐ ܥܲܠܕܝܼܵܢܹܐ ܚܲܕܟܡܵܐ ܓܵܗܹܐ.
(ܟܸܢܫܵܐ ܡܲܩܘܘܼܚܹܐ ܒܦܨܝܼܚܘܼܬܵܐ)
(ܩܵܠܹܐ ܟܬܝܼܡܹܐ ܕܠܘܼܚܵܐ ܕܡܲܓ̰ܪܲܛܬܵܐ) ـ ܐܘܿ!
ـ [ܗܲܩܝܵܢܵܐ] ܩܸܢܛܪܘܿܢ
ܕܫܘܼܟܵܢܵܐ ܕܡܘܼܚܲܝܗܝ ܝܼܠܹܗ ܒܘܼܫ ܓܘܼܒܼܪܵܐ
ܘܒܘܼܫ ܪܲܓܼܘܼܫܬܵܢܵܝܵܐ ܒܐܲܝܵܐ ܥܸܕܵܢܵܐ.
ܐܵܢܝܼ ܟܹܐ ܡܲܚܸܒܝܼ ܠܡܸܢܕܝܼܵܢܹܐ
ܕܝܼܢܵܐ ܚܲܕܬܹܐ، ܚܸܠܝܹܐ ܝܲܢ ܩܸܢܛܵܝܹܐ.
ܪܓܼܵܓܼܬܵܐ ܠܐܲܣܘܼܪܵܐ ܘܠܚܩܵܪܬܵܐ،
ܡܛܲܲܝܡܸܢܬܵܐ ܕܫܘܼܟܵܢܹܐ ܙܵܘܕܵܐ ܡܼܢ ܠܵܙܹܡ،
ܘܡܲܒܨܵܪܬܵܐ ܕܦܠܵܛܹܐ ܕܡܸܬܚܵܐ ܝܲܪܝܼܟܼܵܐ ܕܥܸܕܵܢܵܐ
ܝܲܢ ܦܠܵܛܹܐ ܕܥܒܼܵܕܲܝܗܝ.
(ܡܲܦܠܲܚܬܵܐ ܕܡܲܫܝܼܢܹܐ ܒܓ̰ܲܠܕܘܼܬܵܐ)
ܡܲܦܠܲܚܬܵܐ ܕܬܘܼܩܵܢܵܐ ܡܵܨܹܐ ܪܵܫܹܡܠܗܘܿܢ
ܟܠܲܝܗܝ ܨܲܢܕܘܼܩܹܐ،
ܘܥܠܲܝܡܘܼܢܹܐ ܒܓ̰ܲܠܕܘܼܬܵܐ ܡܵܨܝܼ
ܪܵܓܼܫܝܼ ܕܚܲܝܠܵܢܹܐ ܝܢܵܐ ܘܦܨܝܼܚܹܐ.
ܐܝܼܢܵܐ ܪܵܒܵܐ ܓܵܗܹܐ ܟܹܐ ܦܵܝܫܝܼ ܡܲܦܠܘܼܚܹܐ
ܠܬܘܼܩܵܢܲܝܗܝ ܐܝܼܡܲܢ ܕܐܵܢܝܼ ܓܵܪܸܓ ܟܵܠܝܼ
ܘܡܵܨܝܼ ܕܡܲܚܙܝܼ ܗܘܼܦܵܟܼ ܥܒܼܵܕܵܐ ܚܲܝܠܵܢܵܐ
ܐܝܼܡܲܢ ܕܦܵܐܹܫ ܬܘܼܩܵܢܵܐ ܫܩܝܼܠܵܐ ܡܸܢܲܝܗܝ.
ܪܵܒܵܐ ܓܵܗܹܐ ܣܢܝܼܩܹܐ ܝܢܵܐ
ܠܡܹܐܟܼܘܼܠܬܵܐ ܝܲܢ ܠܐܲܣܘܼܪܵܐ
ܩܵܐ ܗܲܝܲܪܬܲܝܗܝ ܕܕܵܥܪܝܼ ܠܕܘܼܢܝܹܐ ܫܲܪܝܼܪܬܵܐ.
ܐܝܼܬ ܚܕܵܐ ܚܲܪܒܲܣܬܵܐ ܡܚܘܼܕܸܕܬܵܐ ܩܵܐ
ܫܲܪܝܘܼܬܵܐ ܘܫܲܪܝܘܼܬܵܐ،
ܟܲܕ ܚܲܒܼܪܵܢܹܐ ܫܲܪܝܼ ܗܘܵܝܵܐ ܒܘܼܫ ܐܵܢܲܢܩܵܝܹܐ
ܘܟܹܐ ܚܲܫܒܸܢܝܼ ܡܵܢܝܼ ܝܼܢܵܐ ܐܵܢܝܼ
ܘܡܘܿܕܝܼ ܒܵܥܝܼ ܗܵܘܝܼ.
ܐܵܦܸܢ ܕܒܲܠܟܵܐ ܠܵܐ ܡܲܒܝܸܢܵܐ ܗܵܕܟܼܵܐ،
ܐ݉ܣܵܪܬܵܐ ܥܲܡ ܐܲܒܼܵܗܹܐ ܟܹܐ ܦܵܝܫܵܐ
ܐܵܢܲܢܩܵܝܬܵܐ ܒܚܲܕ ܕܲܪܓܼܵܐ ܥܸܠܵܝܵܐ
ܩܵܐ ܗܲܝܲܪܬܵܐ ܒܡܗܲܕܵܝܬܵܐ ܕܣܢܝܼܩܘܼܝܵܬܲܝܗܝ
ܘܪܓܼܵܓܼܝܵܬܲܝܗܝ ܒܐܘܼܪܚܵܬܹܐ ܫܲܝܢܵܝܹܐ.
ܐܝܼܡܲܢ ܕܐܲܚܢܲܢ ܦܲܪܡܲܚ ܠܫܘܼܚܠܵܦܹܐ ܥܝܵܕܵܝܹܐ
ܕܟܹܐ ܗܵܘܝܼ ܒܡܸܬܚܵܐ ܕܐܲܝܵܐ ܥܸܕܵܢܵܐ
ܘܟܵܐܪ ܕܗܵܘܹܐ ܥܲܠ ܢܸܣܝܵܢܵܐ ܕܢܸܒܼܗܹܐ،
ܒܸܕ ܗܲܝܸܪܵܐܠܲܢ ܕܠܵܐ ܫܵܩܠܲܚ ܠܗܘܿܢ
ܡܸܢܕܝܼܵܢܹܐ ܦܲܪܨܘܿܦܵܐܝܼܬ
ܘܟܹܐ ܫܲܢܝܵܐܠܲܢ ܦܲܪܡܵܝܬܵܐ ܕܗܵܘܹܐܠܲܢ ܒܘܼܫ
ܪܵܒܵܐ ܚܘܼܒܵܐ، ܒܹܗܢܵܐ، ܘܡܲܟܝܼܟܼܘܼܬܵܐ
ܩܵܐ ܕܡܵܨܲܚ ܗܵܘܲܚ ܗܵܘܲܚ ܗܕܝܼܪܹܐ ܕܡܲܚܙܲܚ
ܡܗܲܕܝܵܢܘܼܬܵܐ ܒܡܤܬܚܵܐ ܕܐܲܝܵܐ ܫܲܢܲܝܬܵܐ
(ܡܘܿܣܝܼܩܵܐ ܫܠܝܼܬܵܐ)
Updated