(ܡܘܿܣܝܼܩܵܐ ܒܲܗܪܵܢܬܵܐ)
ܫܠܵܡܵܐܠܵܘܟܼܘܿܢ، ܐܵܢܵܐ ܝܼܘܵܢ
Professor Sophie Havighurst،
ܚܕܵܐ ܐܵܣܝܼܬܵܐ ܢܲܦ̮ܫܵܢܵܝܬܵܐ
ܕܒܲܣܲܡܬܵܐ ܕܫܲܒܼܪܹܐ،
ܘܚܕܵܐ ܡܼܢ ܣܵܝܘܿܡܹܐ ܕܚܘܼܪܙܵܐ
ܕܡܲܫܡܲܥܬܵܐ ܠܥܠܲܝܡܘܼܢܹܐ.
ܫܠܵܡܵܐܠܵܘܟܼܘܿܢ، ܐܵܢܵܐ ܝܼܘܵܢ
Dr. Christiane Kehoe،
ܚܕܵܐ ܐܵܣܝܼܬܵܐ ܢܲܦ̮ܫܵܢܵܝܬܵܐ ܐܲܟܵܕܝܼܡܵܝܬܵܐ،
ܘܚܕܵܐ ܡܼܢ ܣܵܝܘܿܡܹܐ ܕܚܘܼܪܙܵܐ
ܕܡܲܫܡܲܥܬܵܐ ܠܥܠܲܝܡܘܼܢܹܐ.
ܐܲܚܢܲܢ ܒܸܕ ܝܵܗܒܼܲܚ ܠܵܘܟܼܘܿܢ ܚܲܕ ܥܘܼܬܵܕܵܐ
ܠܬܲܚܡܲܢܝܵܬܹܐ ܕܡܲܠܲܦܬܵܐ ܒܘܼܬ ܢܸܒܼܗܹܐ.
ܐܲܝܟܼ ܐܲܒܼܵܗܹܐ ܘܝܲܨܘܿܦܹܐ ܠܥܠܲܝܡܹܐ
ܐܲܚܢܲܢ ܟܹܐ ܛܲܐܠܲܚ ܚܲܕ ܕܘܼܪܵܐ ܐܵܢܲܢܩܵܝܵܐ
ܓܵܘ ܪܫܵܡܬܵܐ ܕܬܲܚܡܲܢܬܵܐ
ܨܲܠܝܼܠܬܵܐ ܕܢܸܒܼܗܹܐ ܕܥܠܲܝܡܘܼܢܲܢ.
ܦܲܪܡܵܝܬܵܐ ܕܕܘܼܪܵܐ ܕܡܲܠܲܦܬܵܐ ܒܘܼܬ ܢܸܒܼܗܹܐ
ܓܵܘ ܣܢܵܕܬܵܐ ܕܛܘܼܘܵܪܵܐ ܕܥܠܲܝܡܹܐ
ܒܡܗܝܼܪܘܼܝܵܬܲܝܗܝ ܥܲܡ
ܙܲܒܛܲܢܬܵܐ ܘܦܲܪܡܲܝܬܵܐ ܕܢܸܒܼܗܹܐ
ܝܼܠܵܗܿ ܚܲܕ ܣܲܗܡܵܐ ܐܵܢܲܢܩܵܝܵܐ
ܕܕܘܼܪܲܢ ܕܡܲܩܪܲܒܼܬܵܐ ܕܝܲܨܝܼܦܘܼܬܵܐ.
ܐܝܼܬ ܚܲܕ ܡܸܢܝܵܢܵܐ ܕܐܘܼܪܚܵܬܹܐ ܕܥܠܲܝܡܘܼܢܹܐ
ܝܵܠܦܝܼ ܒܘܼܬ ܢܸܒܼܗܹܐ.
ܩܲܕ݉ܡܵܝܬܵܐ، ܝܼܠܵܗܿ ܕܐܲܚܢܲܢ ܟܹܐ ܡܲܩܪܸܒܼܲܚ
ܢܸܡܘܼܢܵܐ ܕܕܵܐܟܼܝܼ ܠܡܲܚܙܘܼܝܹܐ،
ܡܕܲܒܘܼܪܹܐ ܘܦܲܪܡܘܼܝܹܐ ܠܢܸܒܼܗܲܢ.
ܐܵܢܝܼ ܟܹܐ ܓܲܫܩܝܼ، ܘܟܹܐ ܝܵܠܦܝܼ ܡܸܢܲܢ.
ܕܬܪܹܝܢ، ܐܘܼܪܚܵܐ ܕܐܲܚܬܘܿܢ ܟܹܐ ܥܵܢܝܼܬܘܿܢ
ܠܢܸܒܼܗܹܐ ܕܥܠܲܝܡܘܼܢܵܘܟܼܘܿܢ
ܟܹܐ ܡܲܕܸܥܵܐ ܠܗܘܿܢ ܐܲܚܬܘܿܢ ܒܸܩܒܵܠܵܐ ܝܬܘܿܢ،
ܝܲܢ ܠܹܐ ܝܬܘܿܢ ܫܲܪܘܼܪܹܐ ܠܢܸܒܼܗܲܝܗܝ.
ܕܬܠܵܬܵܐ، ܐܸܢ ܡܲܠܦܝܼܬܘܿܢ،
ܝܲܢ ܡܗܲܕܝܼܬܘܿܢ ܠܥܠܲܝܡܘܼܢܵܘܟܼܘܿܢ
ܕܦܲܪܡܝܼܠܗܘܿܢ،
ܘܡܕܲܒܕܝܼ ܠܗܘܿܢ ܢܸܒܼܗܲܝܗܝ
ܡܵܨܝܵܐ ܒܕܘܼܙܘܼܬܵܐ ܕܪܵܫܡܵܐ،
ܘܒܵܢܝܵܐ ܠܡܗܝܼܪܘܼܝܵܬܲܝܗܝ
ܕܨܲܠܝܼܠܘܼܬܵܐ ܢܸܒܼܗܵܢܵܝܬܵܐ.
ܐܝܼܬ ܚܲܕ ܡܸܢܝܵܢܵܐ ܕܒܘܼܨܵܝܹܐ ܕܦܘܼܬܸܫܠܗܘܿܢ
ܕܵܐܟܼܝܼ ܐܘܼܪܚܵܐ ܕܝܵܗܒܼܝܼܬܘܿܢ
ܘܫܵܩܠܝܼܬܘܿܢ ܥܲܡ ܥܠܲܝܡܘܼܢܵܘܟܼܘܿܢ
ܒܘܼܬ ܢܸܒܼܗܹܐ ܟܹܐ ܥܵܒܼܕܵܐ
ܟܵܐܪ ܥܲܠ ܨܲܠܝܼܠܘܼܬܲܝܗܝ ܢܸܒܼܗܵܢܵܝܬܵܐ.
ܒܘܼܨܵܝܵܐ ܡܼܢ ܒܹܝܬ ܨܵܘܒܵܐ ܕ
Washington ܓܵܘ Seattle
ܒܝܲܕ John Gottman،
Lynn Fainsilber Katz، ܘ Carole Hooven،
ܥܒܼܝܼܕܵܐ ܒܫܸܢܹܐ ܕܬܸܫܥܝܼܹܐ ܕܕܲܪܵܐ ܕܲܥܒܼܲܪ
ܡܙܘܼܘܸܕܠܹܗ ܚܲܕ ܐܸܣܵܐ ܫܲܪܝܼܪܵܐܝܼܬ
ܡܵܪܹܐ ܝܘܼܬܪܵܢܵܐ ܩܵܐܠܲܢ ܕܦܲܪܡܲܚ
ܕܐܝܼܡܲܢ ܐܲܒܼܵܗܹܐ ܟܹܐ ܡܲܦܠܸܚܝܼ
ܚܕܵܐ ܐܘܼܪܚܵܐ ܕܣܢܵܕܬܵܐ ܕܫܲܒܼܪܹܐ
ܩܵܐ ܕܝܵܠܦܝܼ ܒܘܼܬ ܢܸܒܼܗܲܝܗܝ
ܩܪܝܼܬܵܐ ܡܲܠܲܦܬܵܐ ܒܘܼܬ ܢܸܒܼܗܹܐ،
ܐܲܝܵܐ ܥܒܼܝܼܕܵܐܠܵܗܿ ܗܵܣܵܢܵܝ ܕܫܲܒܼܪܹܐ ܝܵܠܦܝܼ
ܨܲܠܝܼܠܘܼܬܵܐ ܢܸܒܼܗܵܢܵܝܬܵܐ.
ܐܲܝܵܐ ܒܸܕܡܵܝܵܐ ܝܠܵܗܿ ܚܲܕܟ̰ܵܐ
ܠܚܲܕ ܡܲܠܦܵܢܵܐ ܕܐܲܬܠܹܝܛܘܼܬܵܐ،
ܐܲܒܼܵܗܹܐ ܟܹܐ ܡܲܦܠܸܚܝܼ ܚܕܵܐ
ܐܘܼܪܚܵܐ ܕܝܵܗܒܼܫܩܵܠܵܐ ܥܲܡ ܥܠܲܝܡܘܼܢܲܝܗܝ
ܕܟܹܐ ܗܲܝܸܪܵܐ ܒܒܢܵܝܬܵܐ ܕܡܗܝܼܪܘܼܝܵܬܲܝܗܝ
ܕܨܲܠܝܼܠܘܼܬܵܐ ܢܸܒܼܗܵܢܵܝܬܵܐ.
ܗܵܐ ܡܼܢ ܦܘܼܠܚܵܢܵܐ ܩܲܕ݉ܡܵܝܵܐ ܕ
Gottman ܘܚܲܒܼܪܵܢܹܐ
ܪܵܒܵܐ ܡܼܢ ܒܵܨܘܿܝܹܐ ܡܘܼܫܟܼܸܚ
ܠܗܘܿܢ ܕܡܲܠܲܦܬܵܐ ܒܘܼܬ ܕܢܸܒܼܗܹܐ
ܝܼܠܵܗܿ ܒܕܘܼܙܘܼܬܵܐ ܐܵܢܲܢܩܝܬܵܐ ܩܵܐ ܗܲܝܲܪܬܵܐ
ܕܫܲܒܼܪܹܐ، ܘܥܠܲܝܡܹܐ،
ܕܝܵܠܦܝܼ ܐܲܢܹܐ ܡܗܝܼܪܘܼܝܵܬܹܐ ܥܲܡ
ܨܲܠܝܼܠܘܼܬܵܐ ܢܸܒܼܗܵܢܵܝܬܵܐ.
ܒܘܼܬ ܗܵܕܟܼܵܐ، ܫܒܼܘܿܩܘܼܢ ܕܗܵܘܹܐܠܲܢ
ܚܕܵܐ ܓܲܫܲܩܬܵܐ ܚܲܕܟ̰ܵܐ ܒܘܼܫ ܩܘܼܪܒܵܐ
ܠܡܘܿܕܝܼ ܝܠܵܗܿ ܡܲܠܲܦܬܵܐ ܒܘܼܬ ܢܸܒܼܗܹܐ؟
ܒܘܼܬ ܗܵܕܟܼܵܐ، ܡܲܠܲܦܬܵܐ ܒܘܼܬ
ܢܸܒܼܗܹܐ ܝܼܠܵܗܿ ܚܕܵܐ ܐܘܼܪܚܵܐ ܕܚܒܼܵܛܬܵܐ
ܥܲܡ ܥܠܲܝܡܘܼܢܵܘܟܼܘܿܢ ܐܲܝܟܵܐ ܕܐܲܚܬܘܿܢ
ܩܲܢܛܪܸܢܝܼܬܘܿܢ ܠܵܗܿ ܬܲܚܡܲܢܬܵܘܟܼܘܿܢ ܥܲܠ ܢܸܒܼܗܲܝܗܝ
ܡܼܢ ܩܵܕ݉ܡ ܓܲܫܲܩܬܵܐ ܥܲܠ ܕܘܼܒܵܪܲܝܗܝ،
ܘܗܲܝܲܪܬܲܝܗܝ ܕܦܲܪܡܝܼ،
ܘܦܵܠܚܝܼ ܡܼܢ ܓܵܘ ܪܓܼܵܫܝܵܬܲܝܗܝ.
ܒܘܼܬ ܗܵܕܟܼܵܐ، ܡܲܠܲܦܬܵܐ ܒܘܼܬ ܢܸܒܼܗܹܐ ܥܲܡ
ܥܠܲܝܡܘܼܢܹܐ ܟܹܐ ܚܵܒܼܫܵܐ ܚܲܡܫܵܐ ܦܵܣܘܿܥܝܵܬܹܐ.
ܦܵܣܘܿܥܬܵܐ ܩܲܕܡܵܝܬܵܐ
ܝܼܠܵܗܿ ܕܗܵܘܝܼܬܘܿܢ ܒܵܠܵܕ
ܒܘܼܬ ܢܸܒܼܗܹܐ ܕܥܠܲܝܡܘܼܢܵܘܟܼܘܿܢ،
ܦܪܝܼܫܵܐܝܼܬ ܐܸܢ ܚܲܝܠܵܐ ܕܢܸܒܼܗܵܐ ܟܘܼܦܵܐܝܠܹܗ،
ܐܲܝܟܼ ܐܝܼܡܲܢ ܕܚܲܕܟ̰ܵܐ ܫܓܼܝܼܫܹܐ ܝܢܵܐ،
ܚܲܕܟ̰ܵܐ ܛܘܼܠܩܹܐ ܝܢܵܐ ܗܝܼܒܼܝܼ ܝܲܢ ܣܩܝܼܕܹܐ.
ܪܵܒܵܐ ܓܵܗܹܐ ܥܠܲܝܡܘܼܢܹܐ
ܓܵܪܸܓ ܒܕܘܼܙܘܼܬܵܐ ܡܲܣܠ݉ܩܝܼܠܗܘܿܢ ܢܸܒܼܗܲܝܗܝ
ܩܵܐܠܲܢ ܩܵܐ ܫܲܪܝܼܪܵܐܝܼܬ ܚܵܙܲܚܠܗܘܿܢ.
ܦܵܣܘܿܥܬܵܐ ܬܪܲܝܵܢܝܼܬܵܐ ܝܼܠܵܗܿ
ܕܚܵܙܲܚ ܠܐܲܢܹܐ ܢܸܒܼܗܹܐ
ܐܲܝܟܼ ܥܸܕܵܢܵܐ ܠܐ݉ܣܵܪܬܵܐ
ܒܝܼܲܝܗܝ ܘܡܲܠܲܦܬܲܝܗܝ ܝܲܢ ܡܗܲܕܲܝܬܲܝܗܝ
ܗܵܕܟܼܵܐ ܕܐܵܢܝܼ ܡܵܨܝܼ ܝܵܠܦܝܼ
ܒܘܼܬ ܐܲܢܹܐ ܢܸܣܝܵܢܹܐ ܢܸܒܼܗܵܢܵܝܹܐ.
ܦܵܣܘܿܥܬܵܐ ܬܠܝܼܬܵܝܬܵܐ ܝܼܠܵܗܿ ܕܡܲܫ݂ܡܸܥܲܚ،
ܘܩܲܒܠܲܚ ܠܢܸܒܼܗܲܝܗܝ ܒܡܲܟܝܼܟܼܘܼܬܵܐ،
ܐܝܼܢܵܐ ܕܠܵܐ ܥܒܼܵܕܬܵܐ ܕܕܝܵܢܬܵܐ.
ܦܵܣܘܿܥܬܵܐ ܪܒܼܝܼܥܵܝܬܵܐ ܝܼܠܑܵܗܿ ܕܒܗܑܝܓܵܗ݉ܐ
ܗܲܝܸܪܝܼܬܘܿܢ ܩܵܐ ܥܠܲܝܡܘܼܢܵܘܟܼܘܿܢ
ܩܵܐ ܦܲܫܲܩܬܵܐ ܕܕܵܐܟܼܝܼ ܝܼܢܵܐ ܐܵܢܝܼ ܒܸܪܓܼܵܫܵܐ
ܒܲܠܟܵܐ ܒܐ݉ܡܵܪܬܵܐ ܕܫܸܡܵܐ ܕܢܸܒܼܗܲܝܗܝ.
ܘܐ݉ܚܵܪܵܝܬܵܐ، ܦܵܣܘܿܥܬܵܐ
ܚܡܝܼܫܵܝܬܵܐ ܝܼܠܵܗܿ ܐܸܢ ܒܸܠܚܵܡܵܐ ܝܠܵܗܿ،
ܗܲܝܲܪܬܲܝܗܝ ܒܫܪܵܝܬܵܐ ܕܩܸܛܪܹܐ،
ܝܲܢ ܐܸܢ ܐܝܼܬ ܣܢܝܼܩܘܼܬܵܐ ܐܵܦ ܕܪܘܿܫܘܼܢ ܥܲܡܲܝܗܝ
ܚܲܕܟܡܵܐ ܬܚܘܼܡܹܐ ܝܲܢ ܪܫܵܡܬܵܐ ܕܣܵܟܼܹܐ.
ܗܵܕܟܼܵܐ، ܟܠܹܗ ܐܵܗܵܐ ܡܲܒܝܘܼܢܹܐ ܝܠܹܗ ܨܸܦܝܵܐ،
ܐܝܼܢܵܐ ܕܘܼܙܘܼܬܵܐ ܠܹܐܝܠܹܗ ܗܵܣܵܢܵܝ ܠܥܒܼܵܕܵܐ،
ܦܪܝܼܫܵܐܝܼܬ ܓܵܘ ܫܚܘܼܢܬܵܐ
ܕܗܿܝ ܪܦܵܦܵܐ ܐܝܼܡܲܢ ܕܐܲܚܬܘܿܢ،
ܝܲܢ ܥܠܲܝܡܘܼܢܵܘܟܼܘܿܢ ܒܸܛܠܵܩܵܐ
ܝܠܵܗܿ ܐܸܠܵܘܟܼܘܿܢ.
ܡܲܠܲܦܬܵܐ ܒܘܼܬ ܢܸܒܼܗܹܐ ܒܘܼܫ ܗܵܣܵܢܵܝ
ܝܠܵܗܿ ܥܒܼܵܕܬܘܿܗܿ ܐܝܼܡܲܢ ܕܫܸܠܝܹܐ ܝܬܘܿܢ،
ܘܐܝܼܬܠܵܘܟܼܘܿܢ ܥܸܕܵܢܵܐ
ܠܡܲܦܠܘܼܚܹܐ ܐܲܢܹܐ ܚܲܡܫܵܐ ܦܵܣܘܿܥܝܵܬܹܐ.
ܐܸܢ ܝܼܬܘܿܢ ܒܫܲܪܝܼܪܘܼܬܵܐ ܪܵܒܵܐ ܟܪܝܼܒܹܐ
ܝܲܢ ܥܝܼܩܹܐ، ܝܲܢ ܫܲܪܝܼܪܵܐܝܼܬ ܣܩܝܼܕܹܐ،
ܗܿܘ ܡܸܢܕܝܼ ܒܘܼܫ ܨܦܵܝܝܼ ܝܼܠܹܗ
ܒܢܵܝܬܵܐ ܕܚܕܵܐ ܟܠܵܝܬܵܐ ܟܪܝܼܬܵܐ ܩܲܕܡܵܝܬܵܐ،
ܠܫܩܵܠܵܐ ܚܲܕܟܡܵܐ ܢܲܦܵܣܹܐ ܢܝܼܚܹܐ
ܘܥܲܡܘܼܩܹܐ ܘܠܡܲܢܝܘܼܚܹܐ.
ܡܲܠܲܦܬܵܐ ܒܘܼܬ ܢܸܒܼܗܹܐ ܠܹܐ ܝܠܹܗ ܚܲܕ
ܡܸܢܕܝܼ ܥܝܵܕܵܝܵܐ.
ܡܼܢ ܓܹܒܵܐ ܕܐܵܗܵܐ، ܓܵܘ ܪܵܒܵܐ ܡܲܪܕܘܼܝܵܬܹܐ
ܐ݉ܢܵܫܹܐ ܒܘܼܫ ܝܢܵܐ ܡܲܪܚܸܩܵܢܹܐ ܢܸܒܼܗܵܢܵܐܝܼܬ.
ܪܵܒܵܐ ܡܸܢܲܢ ܒܓܵܢܲܢ ܐܝܼܬܠܲܢ ܗܘܹܝܹܐ ܐܲܒܼܵܗܹܐ
ܠܵܐ ܩܲܒܠܵܢܹܐ ܢܸܒܼܗܵܢܵܐܝܼܬ
ܐܲܝܟܵܐ ܕܦܝܼܫܹܐ ܝܘܲܚ ܗܘܵܐ ܡܘܼܢܟܼܸܣܹܐ
ܐܝܼܡܲܢ ܕܝܼܘܲܚ ܗܘܵܐ ܢܸܒܼܗܵܢܵܝܹܐ،
ܝܲܢ ܡܲܩܪܸܒܼܵܢܹܐ ܕܝܲܨܝܼܦܘܼܬܵܐ ܩܵܐܠܲܢ
ܓ̰ܘܼܪܒܹܐ ܝܗܘܵܘ ܕܫܲܪܝܼ ܝܗܘܵܘ ܠܩܸܛܪܲܢ.
ܝܲܢ ܕܐܵܡܪܝܼ ܗܘܵܘ ܠܲܢ ܕܠܲܝܬ ܗܘܵܐ
ܚܲܕ ܡܸܢܕܝܼ ܕܗܵܘܲܚ ܢܝܼܓܵܪܲܢ ܒܘܼܬ ܕܝܼܹܗ
ܕܠܵܐ ܡܵܘܕܵܝܬܵܐ ܒܪܓܼܵܫܝܵܬܲܢ ܒܫܲܪܝܼܪܘܼܬܵܐ.
ܒܘܼܬ ܗܵܕܟܼܵܐ، ܪܵܒܵܐ ܡܵܨܝܵܐ
ܕܥܵܒܼܕܵܐ ܠܵܗܿ ܗܵܣܵܢܵܝ
ܕܫܵܒܼܩܝܼܬܘܿܢ ܠܢܸܒܼܗܹܐ
ܕܥܠܲܝܡܘܼܢܘܼܬܵܐ ܕܓܵܢܵܘܟܼܘܿܢ،
ܘܕܵܒܼܪܝܼܬܘܿܢ ܠܟܠ ܡܼܢ ܓ̰ܲܪܲܒܝܵܬܹܐ
ܕܥܵܒܼܕܝܼ ܠܗܘܿܢ ܐܵܢܝܼ
ܕܫܲܪܸܟܝܼ ܠܗܘܿܢ ܢܸܒܼܗܲܝܗܝ.
ܐܸܢ ܐܲܚܬܘܿܢ ܝܼܬܘܿܢ ܠܵܐ
ܩܲܒܠܵܢܹܐ ܢܸܒܼܗܵܢܵܐܝܼܬ
ܒܲܠܟܵܐ ܠܵܐ ܗܲܡܙܸܡܝܼܬܘܿܢ ܒܘܼܬ ܗܿܘ ܢܸܒܼܗܵܐ.
ܡܼܢ ܓܹܒܵܐ ܕܐܵܗܵܐ، ܒܲܠܟܵܐ ܓ̰ܲܪܒܝܼܬܘܿܢ
ܕܡܲܪܚܸܩܝܼܬܘܿܢ ܠܹܗ ܗܘܼܫܲܝܗܝ ܡܼܢ ܪܓܼܵܫܝܵܬܲܝܗܝ،
ܝܲܢ ܐܵܙܠ݉ܝܼܬܘܿܢ ܚܲܕܪܹܫܵܐ ܠܡܲܢܗܲܪܝܵܬܹܐ،
ܝܲܢ ܠܚܲܕܲܕܬܵܐ ܕܗܲܝܡܵܢܘܼܬܵܐ ܒܓܵܢܵܐ.
ܒܲܠܟܵܐ ܓ̰ܲܪܒܝܼܬܘܿܢ ܗܲܡܵܫܵܐ
ܘܫܲܪܝܼܬܘܿܢ ܠܩܸܛܪܲܝܗܝ،
ܝܲܢ ܝܵܗܒܼܝܼܬܘܿܢ ܠܗܘܿܢ ܢܲܨܝܼܗܲܬ،
ܝܲܢ ܒܲܠܟܵܐ ܗܵܘܝܼܬܘܿܢ ܩܪܝܼܛܝܼܩܵܝܹܐ
ܡܼܢ ܐܘܼܪܚܵܐ ܕܥܠܲܝܡܘܼܢܵܘܟܼܘܿܢ
ܡܲܚܙܘܼܝܹܐ ܝܠܹܗ ܠܢܸܒܼܗܲܝܗܝ،
ܘܥܵܢܝܼܬܘܿܢ ܐܸܠܲܝܗܝ ܡܼܢ ܥܲܓ̰ܲܙܬܵܐ
ܕܓܵܢܵܘܟܼܘܿܢ ܝܲܢ ܡܼܢ ܪܓܼܵܫܝܵܬܹܐ ܕܟܲܪܒܵܐ.
ܒܘܼܬ ܗܵܕܟܼܵܐ، ܬܲܚܡܸܢܘܼܢ ܒܘܼܬ ܛܘܼܦ̮ܣܵܐ
ܕܚܲܕ ܥܠܲܝܡܘܼܢܵܐ ܒܸܥܒܼܵܪܵܐ ܠܓܵܘ ܐܘܿܬܵܓܼܵܐ،
ܘܒܹܐܡܵܪܵܐ، ܗܵܕܝܼܵܐ ܝܕܝܼܥܠܝܼ
ܕܐܵܦܚܲܕ ܡܼܢ ܚܲܒܼܪܵܢܝܼ
ܠܹܐ ܝܠܹܗ ܒܸܪܚܵܫܵܐ ܠܡܲܕܪܲܫܬܝܼ.
ܒܘܼܬ ܗܵܕܟܼܵܐ، ܐܸܢ ܝܼܬܘܿܢ ܠܵܐ
ܩܲܒܠܵܢܹܐ ܢܸܒܼܗܵܢܵܐܝܼܬ ܥܲܡܲܝܗܝ،
ܒܲܠܟܵܐ ܗܵܘܹܐܠܵܘܟܼܘܿܢ ܗܘܼܦܵܟܼ
ܥܒܼܵܕܵܐ ܠܚܲܫܲܝܗܝ ܒܗܘܵܝܬܵܐ ܚܘܼܒܵܢܹܐ،
ܘܡܲܩܪܸܒܼܝܼܬܘܿܢ ܢܲܨܝܼܗܲܬ،
ܐܝܼܢܵܐ ܟܠܵܢܵܐܝܼܬ ܫܵܒܼܩܝܼܬܘܿܢ ܠܢܸܒܼܗܲܝܗܝ
ܒܐ݉ܡܵܪܬܵܐ،
ܐܘܿ، ܒܸܕ ܗܵܘܝܼܬܘܿܢ ܨܦܵܝܝܼ.
ܒܸܕ ܩܵܢܝܼܬܘܿܢ ܪܵܒܵܐ ܚܲܒܼܪܵܢܹܐ ܚܲܕܬܹܐ،
ܝܲܢ ܠܵܐ ܬܲܚܡܸܢܝܼܬܘܿܢ، ܟܠܲܝܗܝ ܥܠܲܝܡܘܼܢܹܐ
ܐ݉ܚܹܪ݉ܢܹܐ ܐܝܼܬܠܗܘܿܢ ܐܵܗܵܐ ܩܸܛܪܵܐ،
ܝܲܢ ܒܲܠܟܵܐ ܐܵܡܪܝܼܬܘܿܢ،
ܐܵܗܵܐ ܡܸܢܕܝܼ ܠܹܐ ܝܠܹܗ ܫܪܵܪܵܐ.
ܣܵܡ ܒܸܪܚܵܫܵܐ ܝܠܹܗ ܠܡܲܕܪܲܫܬܵܘܟܼܘܿܢ،
ܝܲܢ ܒܲܠܟܵܐ ܡܼܢ ܓܹܒܵܐ ܕܐܵܗܵܐ
ܚܵܣܟܼܝܼܬܘܿܢ ܡܼܢ ܥܢܵܝܬܵܐ ܠܢܸܒܼܗܲܝܗܝ،
ܘܓ̰ܲܪܒܝܼܬܘܿܢ ܕܢܵܛܪܝܼܬܘܿܢ ܠܗܘܿܢ ܒܐ݉ܡܵܪܬܵܐ،
ܐܘܿ ܠܵܐ، ܫܒܼܘܿܩܘܼܢ ܚܵܙܲܚ ܐܸܢ
ܡܵܨܲܚ ܡܲܫܟܼܲܚ ܡܲܕܪܲܫܬܵܐ ܐ݉ܚܹܪ݉ܬܵܐ.
ܚܲܕܟܡܵܐ ܓܵܗܹܐ ܚܙܵܝܬܵܐ ܕܫܲܒܼܪܲܢ
ܣܩܝܼܕܹܐ ܟܹܐ ܫܵܒܼܩܵܐܠܲܢ ܕܒܵܥܲܚ ܬܲܣܠܸܡܲܚ
ܩܵܐ ܕܢܸܒܼܗܹܐ ܐܵܙܠ݉ܝܼ ܘܛܵܠܩܝܼ،
ܝܲܢ ܒܲܠܟܵܐ ܗܵܘܹܐܠܵܘܟܼܘܿܢ ܗܘܼܦܵܟܼ ܥܒܼܵܕܵܐ
ܒܗܘܵܝܬܵܐ ܒܘܼܫ ܩܸܫܝܹܐ ܥܲܡܲܝܗܝ.
ܐܲܚܬܘܿܢ ܒܓܵܢܵܘܟܼܘܿܢ
ܟܵܪܒܝܼܬܘܿܢ ܝܲܢ ܫܵܓܼܫܝܼܬܘܿܢ.
ܟܠܹܝܡܘܼܢ ܡܼܢ ܛܲܪܛܲܡܬܵܐ.
ܐܲܚܬܘܿܢ ܓܲܕܵܢܹܐ ܝܬܘܿܢ ܕܟܹܐ ܐܵܙܠ݉ܝܼܬܘܿܢ
ܠܚܕܵܐ ܡܲܕܪܲܫܬܵܐ ܚܲܕ ܗܵܕܟܼܵܐ ܨܦܵܝܝܼ.
ܒܘܼܬ ܗܵܕܟܼܵܐ، ܐܲܢܹܐ ܥܸܢܝܵܢܹܐ
ܠܵܐ ܩܲܒܠܵܢܹܐ ܢܸܒܼܗܵܢܵܐܝܼܬ
ܠܹܐ ܫܵܒܼܩܝܼ ܠܥܠܲܝܡܵܐ
ܕܝܵܠܹܦ ܠܦܲܪܡܘܼܝܹܐ ܢܸܒܼܗܲܝܗܝ،
ܘܠܡܕܲܒܘܼܪܹܐ ܚܲܕܘܼܝܵܬܹܐ ܘܚܲܫܹܐ ܓܵܘ ܚܲܝܹܐ.
ܡܼܢ ܓܹܒܵܐ ܕܐܵܗܵܐ، ܒܘܼܨܵܝܵܐ
ܡܲܚܙܘܼܝܲܢ ܝܠܹܗ ܕܡܲܠܲܦܬܵܐ ܒܘܼܬ ܢܸܒܼܗܹܐ
ܝܼܠܵܗܿ ܚܕܵܐ ܐܘܼܪܚܵܐ ܒܘܼܫ
ܡܲܥܒܕܵܢܬܵܐ ܕܗܲܝܲܪܬܵܐ ܕܥܠܲܝܡܘܼܢܹܐ
ܕܝܵܠܦܝܼ ܠܐܲܢܹܐ ܡܗܝܼܪܘܼܝܵܬܹܐ
ܕܨܲܠܝܼܠܘܼܬܵܐ ܢܸܒܼܗܵܢܵܝܬܵܐ.
ـ ܐܸܢ ܐܲܚܢܲܢ ܡܲܠܘܼܦܹܐ ܝܘܲܚ ܒܘܼܬ ܢܸܒܼܗܹܐ
ܒܸܕ ܥܵܒܼܕܲܚ ܠܹܗ ܐܵܗܵܐ ܡܸܢܕܝܼ ܒܚܕܵܐ
ܐܘܼܪܚܵܐ ܪܵܒܵܐ ܦܪܝܼܫܬܵܐ.
ܒܘܼܬ ܗܵܕܟܼܵܐ، ܐܸܢ ܐܵܢܝܼ ܐܵܬܝܼ
ܠܓܵܘ ܐܘܿܬܵܓܼܵܐ ܘܐܵܡܪܝܼ،
ܗܵܕܝܼܵܐ ܝܕܝܼܥܠܝܼ ܕܐܵܦܚܲܕ ܡܼܢ ܚܲܒܼܪܵܢܝܼ
ܠܹܐ ܝܠܹܗ ܒܸܪܚܵܫܵܐ ܠܡܲܕܪܲܫܬܝܼ.
ܡܵܨܝܼܬܘܿܢ ܡܲܦܠܸܚܝܼܬܘܿܢ ܠܚܲܡܫܵܐ
ܦܵܣܘܿܥܝܵܬܹܐ ܕܡܲܠܲܦܬܵܐ ܒܘܼܬ ܢܸܒܼܗܹܐ.
ܕܐܵܗܵܐ ܝܼܠܹܗ ܐܲܝܟܵܐ، ܕܡܸܢܕܝܼ ܩܲܕ݉ܡܵܝܵܐ،
ܐܲܚܬܘܿܢ ܒܸܕ ܗܵܘܝܼܬܘܿܢ
ܒܵܠܲܕ ܒܘܼܬ ܢܸܒܼܗܹܐ ܕܥܠܲܝܡܘܼܢܵܘܟܼܘܿܢ،
ܦܪܝܼܫܵܐܝܼܬ ܐܸܢ ܝܼܠܹܗ ܢܸܒܼܗܵܐ
ܒܚܲܝܠܵܐ ܟܘܼܦܵܐ
ܐܲܝܟܼ ܕܝܼܠܹܗ ܓܵܘ ܕܐܲܝܵܐ ܨܒܼܘܼܬܵܐ.
ܡܵܨܝܼܬܘܿܢ ܓ̰ܲܪܒܝܼܬܘܿܢ
ܕܬܲܚܡܸܢܝܼܬܘܿܢ ܒܘܼܬ ܗܿܘ ܢܸܒܼܗܵܐ
ܕܒܲܠܟܵܐ ܗܵܘܹܐ ܒܵܬ݉ܪ ܡܸܢܕܝܼ
ܕܗܵܕܝܼܵܐ ܩܲܡ ܐܵܡܪܝܼ ܠܵܘܟܼܘܿܢ؟
ܒܲܠܟܵܐ ܒܸܪܓܼܵܫܵܐ ܝܢܵܐ ܕܚܲܫܵܢܹܐ ܝܢܵܐ،
ܘܢܝܼܓܵܪܵܢ ܒܘܼܬ ܕܐܲܚܟ̰ܝܼ ܐܵܢܝܼ
ܝܢܵܐ ܠܚܘܿܕܲܝܗܝ ܓܵܘ ܡܲܕܪܲܫܬܵܐ ܚܲܕܬܬܵܐ.
ܒܲܠܟܵܐ ܕܒܵܥܘܼܬܲܝܗܝ ܝܼܠܵܗܿ ܕܗܵܘܝܼ ܗܘܵܐ
ܒܸܪܚܵܫܵܐ ܝܢܵܐ ܠܚܕܵܐ ܡܲܕܪܲܫܬܵܐ ܐ݉ܚܹܪ݉ܬܵܐ
ܩܵܐ ܕܗܵܘܝܼ ܥܲܡ ܚܲܒܼܪܵܢܲܝܗܝ،
ܘܐܵܗܵܐ ܒܲܠܟܵܐ ܡܲܒܪܹܐ ܪܓܼܵܫܝܵܬܹܐ ܕܣܢܵܝܬܵܐ،
ܘܙܕܘܼܥܝܵܬܹܐ ܒܘܼܬ ܗܘܵܝܬܵܐ ܒܢܲܦ̮ܫܲܝܗܝ.
ܒܲܠܟܵܐ ܗܵܘܝܼ ܟܪܝܼܒܹܐ ܡܸܢܵܘܟܼܘܿܢ.
ܗܵܕܝܼܵܐ، ܦܵܣܘܿܥܬܵܐ ܕܬܪܹܝܢ ܝܼܠܵܗܿ
ܚܙܵܝܬܵܐ ܕܢܸܒܼܗܲܝܗܝ
ܐܲܝܟܼ ܦܘܼܪܣܹܐ ܠܐ݉ܣܵܪܬܵܐ ܘܠܡܲܠܲܦܬܵܐ.
ܘܐܲܝܵܐ ܝܼܠܵܗܿ ܐܲܝܟܵܐ ܕܒܲܠܟܵܐ
ܬܲܚܡܸܢܝܼܬܘܿܢ ܘܐܵܡܪܝܼܬܘܿܢ ܩܵܐ ܓܵܢܵܘܟܼܘܿܢ
ܝܼܠܵܗܿ ܐܲܝܵܐ ܚܕܵܐ ܦܘܼܪܣܵܐ
ܕܡܲܠܲܦܬܵܐ ܒܘܼܬ ܢܸܒܼܗܹܐ؟
ܕܵܐܟܼܝܼ ܡܵܨܹܝܢ ܐܵܢܵܐ ܗܵܘܹܝܢ
ܗܕܝܼܪܵܐ ܘܕܵܐܟܼܝܼ ܡܵܨܹܝܢ ܐܵܢܵܐ ܗܲܝܸܪܸܢܘܼܢ؟
ܒܲܠܟܵܐ ܬܲܚܡܸܢܝܼܬܘܿܢ
ܘܐܵܡܪܝܼܬܘܿܢ ܩܵܐ ܓܵܢܵܘܟܼܘܿܢ،
ܒܲܠܟܵܐ ܐܵܢܵܐ ܡܵܨܹܝܢ ܛܵܠܒܸܢ ܡܸܢܲܝܗܝ
ܕܝܵܬܒܼܝܼ ܥܲܡܝܼ ܠܩܲܢܵܦܵܐ
ܩܵܐ ܕܗܲܡܙܸܡܲܚ ܒܘܼܬ ܐܵܗܵܐ
ܚܲܕܟ̰ܵܐ ܐ݉ܚܹܪ݉ܢܵܐ ܙܵܘܕܵܐ.
ܘܒܵܬ݉ܪ ܗܵܕܵܐ ܦܵܣܘܿܥܬܵܐ ܕܬܠܵܐ ܝܼܠܵܗܿ
ܐܲܝܟܵܐ ܕܫܲܪܝܼܪܵܐܝܼܬ ܐܵܡܪܝܼܬܘܿܢ ܚܲܕ ܡܸܢܕܝܼ
ܕܫܵܒܼܹܩ ܠܥܠܲܝܡܵܐ ܕܝܵܕܹܥ
ܕܐܲܚܬܘܿܢ ܗܘܹܝܹܐ ܝܬܘܿܢ ܡܲܫܡܘܼܥܹܐ،
ܘܐܲܝܵܐ ܝܠܵܗܿ ܐܲܝܟܵܐ ܕܐܲܚܬܘܿܢ ܡܲܫܡܸܥܝܼܬܘܿܢ،
ܘܩܵܒܠܝܼܬܘܿܢ ܠܢܸܒܼܗܲܝܗܝ ܒܡܲܟܝܼܟܼܘܼܬܵܐ.
ܒܘܼܬ ܗܵܕܟܼܵܐ، ܓܵܘ ܕܐܲܝܵܐ ܥܸܕܵܢܵܐ، ܠܹܐ
ܝܠܵܗܿ ܒܘܼܬ ܐܵܢܝܼ ܝܼܢܵܐ ܬܪܘܿܨܹܐ ܝܲܢ ܚܸܠܛܵܐ.
ܐܲܚܬܘܿܢ ܒܲܠܟܵܐ ܝܵܗܒܼܝܼܬܘܿܢ ܠܗܘܿܢ
ܐܲܚܟ̰ܝܼ ܚܲܕܟ̰ܵܐ ܕܘܼܟܬܵܐ ܒܘܼܫ ܙܵܘܕܵܐ،
ܩܵܐ ܕܥܠܲܝܡܘܼܢܵܘܟܼܘܿܢ
ܐܵܡܹܪܵܘܟܼܘܿܢ ܒܘܼܫ ܙܵܘܕܵܐ
ܒܘܼܬ ܡܘܿܕܝܼ ܝܠܹܗ ܗܘܹܝܵܐ.
ܡܵܨܝܼܬܘܿܢ ܫܲܢܝܼܬܘܿܢ
ܘܝܵܬܒܼܝܼܬܘܿܢ ܚܲܕܟ̰ܵܐ ܒܘܼܫ ܩܘܼܪܒܵܐ،
ܘܒܲܠܟܵܐ ܐܵܡܪܝܼܬܘܿܢ، ܐܘܿ
ܠܵܐ، ܐܲܝܵܐ ܙܲܗܡܲܬ ܝܠܵܗܿ.
ܠܵܐ ܝܕܵܥܬܵܐ ܕܐܵܦܚܲܕ
ܕܐܵܙܹ݂ܠ ܠܡܲܕܪܲܫܬܵܘܟܼܘܿܢ ܚܲܕܬܬܵܐ.
ܒܘܼܬ ܗܵܕܟܼܵܐ، ܐܲܚܬܘܿܢ ܫܲܪܝܼܪܵܐܝܼܬ ܡܲܚܙܘܼܝܹܐ
ܝܬܘܿܢ ܡܲܟܝܼܟܼܘܼܬܵܐ ܕܚܲܡܘܼܝܹܐ ܝܬܘܿܢ ܠܕܘܼܟܬܵܐ.
ܘܒܵܬ݉ܪ ܗܵܕܵܟܼ ܦܵܣܘܿܥܬܵܐ ܕܐܲܪܒܥܵܐ ܝܼܠܵܗܿ
ܐܲܝܟܵܐ ܕܒܲܠܟܵܐ ܗܲܝܸܪܝܼܬܘܿܢ ܠܥܠܲܝܡܘܼܢܵܘܟܼܘܿܢ
ܕܦܲܫܸܩ ܕܵܐܟܼܝܼ ܝܠܹܗ ܒܸܪܓܼܵܫܵܐ
ܒܐ݉ܡܵܪܬܵܐ ܕܫܸܡܵܐ ܕܢܸܒܼܗܲܝܗܝ.
ܒܘܼܬ ܗܵܕܟܼܵܐ، ܐܲܝܵܐ ܝܠܵܗܿ ܐܲܝܟܵܐ ܕܡܵܨܝܼܬܘܿܢ
ܐܵܡܪܝܼܬܘܿܢ ܡܲܒܝܘܼܢܹܐ ܝܬܘܿܢ ܪܵܒܵܐ ܢܝܼܓܵܪܵܢ،
ܘܒܲܠܟܵܐ ܝܼܬܘܿܢ ܚܲܕܟ̰ܵܐ ܚܲܫܵܢܹܐ
ܒܘܼܬ ܠܵܐ ܗܘܵܝܬܵܐ ܥܲܡ ܚܲܒܼܪܵܢܵܘܟܼܘܿܢ.
ܘܐܵܗܵܐ ܡܵܨܹܐ ܕܗܲܝܸܪܠܗܘܿܢ
ܕܗܲܡܙܸܡܝܼ ܒܘܼܬ ܢܸܒܼܗܲܝܗܝ،
ܐܝܼܢܵܐ ܒܲܠܟܵܐ ܣܢܝܼܩܹܐ ܝܬܘܿܢ ܕܟܵܠܝܼܬܘܿܢ
ܟܠܵܝܬܵܐ ܟܪܝܼܬܵܐ ܘܐܵܙܠ݉ܝܼܬܘܿܢ ܢܝܼܚܵܐ.
ܥܠܲܝܡܘܼܢܹܐ ܪܵܒܵܐ ܓܵܗܹܐ ܟܹܐ
ܫܵܩܠܝܼ ܥܸܕܵܢܵܐ ܝܲܪܝܼܟܼܬܵܐ
ܩܵܐ ܕܡܲܬܒܼܝܼ ܚܲܒܪܵܢܹܐ ܥܲܡܚܕܵܕܹܐ
ܒܘܼܬ ܡܘܿܕܝܼ ܝܼܠܹܗ ܒܸܗܘܵܝܵܐ ܩܵܐܠܲܝܗܝ.
ܘܒܵܬ݉ܪ ܗܵܕܵܟܼ ܐܝܼܡܲܢ ܕܗܵܘܝܼܬܘܿܢ
ܡܲܫܡܘܼܥܹܐ ܩܵܐ ܚܲܕ ܡܸܬܚܵܐ ܕܥܸܕܵܢܵܐ
ܒܲܠܟܵܐ ܗܵܘܝܵܐ ܠܚܝܼܡܬܵܐ
ܕܫܲܢܝܼܬܘܿܢ ܠܦܵܣܘܿܥܬܵܐ ܕܚܲܡܫܵܐ،
ܘܐܲܝܵܐ ܝܠܵܗܿ ܐܲܝܟܵܐ ܕܒܲܠܟܵܐ ܗܲܝܸܪܝܼܬܘܿܢ
ܠܗܘܿܢ ܕܫܲܪܝܼ ܠܩܸܛܪܵܐ.
ܘܪܵܒܵܐ ܓܵܗܹܐ ܐܵܗܵܐ ܟܹܐ
ܫܲܪܹܐ ܒܒܲܩܲܪܬܵܐ ܕܒܘܼܩܵܪܹܐ ܪܘܝܼܚܹܐ.
ܚܲܕ ܒܘܼܩܵܪܵܐ ܐܲܝܟܼ،
ܒܕܘܼܙܘܼܬܵܐ ܝܼܠܵܗܿ ܪܵܒܵܐ ܙܲܗܡܲܬ
ܐܝܼܡܲܢ ܕܓܵܪܸܓ ܥܵܒܼܕܝܼܬܘܿܢ ܚܲܕ ܡܸܢܕܝܼ
ܕܠܹܐ ܒܵܥܝܼܬܘܿܢ ܥܵܒܼܕܝܼܬܘܿܢ ܠܹܗ.
ܝܵܐ ܪܲܒ ܡܘܿܕܝܼ ܒܸܕ ܗܲܝܸܪ؟
ܕܵܐܟܼܝܼ ܝܬܘܿܢ ܒܸܚܫܵܒܼܵܐ
ܕܡܵܨܝܼܬܘܿܢ ܐܵܣܪܝܼܬܘܿܢ
ܥܲܡ ܚܲܒܼܪܵܢܵܘܟܼܘܿܢ ܕܩܲܕ݉ܡܬܵܐ؟
ܡܘܿܕܝܼ ܒܸܕ ܥܵܒܼܹܕ ܠܐܵܗܵܐ ܒܘܼܫ ܗܵܣܵܢܵܝ؟
ܒܘܼܬ ܗܵܕܟܼܵܐ، ܡܲܠܲܦܬܵܐ ܒܘܼܬ
ܢܸܒܼܗܵܐ ܝܼܠܵܗܿ ܚܕܵܐ ܐܘܼܪܚܵܐ ܡܵܪܲܬ ܦܵܝܕܵܐ
ܕܗܲܝܲܪܬܵܐ ܕܥܠܲܝܡܘܼܢܹܐ
ܕܥܵܒܼܪܝܼ ܓܵܘ ܢܸܣܝܵܢܹܐ،
ܕܚܲܝܹܐ ܙܲܗܡܲܬ، ܘܐܵܦ
ܫܲܪܝܼܪܵܐܝܼܬ ܟܘܼܬܵܫܵܝܹܐ،
ܘܥܠܲܝܡܘܼܢܘܼܬܵܐ ܒܟܼܝܼܪܵܝܬܵܐ،
ܘܫܲܢܲܝܬܵܐ ܠܫܲܪܲܝܬܵܐ ܕܡܲܕܪܲܫܬܵܐ ܬܪܲܝܵܢܝܼܬܵܐ
ܝܼܠܵܗܿ ܕܝܼܠܵܢܵܐܝܼܬ ܚܕܵܐ
ܥܸܕܵܢܵܐ ܕܪܵܒܵܐ ܫܘܼܚܠܵܦܹܐ،
ܘܪܵܒܵܐ ܢܸܒܼܗܹܐ ܚܲܝܠܵܢܹܐ.
ܘܡܵܨܝܼܬܘܿܢ ܡܲܦܠܸܚܝܼܬܘܿܢ
ܡܲܠܲܦܬܵܐ ܒܘܼܬ ܢܸܒܼܗܵܐ
ܠܗܲܝܘܼܪܹܐ ܦܘܼܠܚܵܢܵܘܟܼܘܿܢ ܕܥܠܲܝܡܘܼܢܘܼܬܵܐ
ܓܵܘ ܐܲܢܹܐ ܢܸܣܝܵܢܹܐ ܘܗܘܼܦܵܟܼ ܥܒܼܵܕܹܐ.
ܗܵܕܝܼܵܐ، ܠܲܝܬ ܚܲܝܠܵܐ ܥܲܠܵܘܟܼܘܿܢ ܕܡܲܦܠܸܚܝܼܬܘܿܢ
ܡܲܠܲܦܬܵܐ ܒܘܼܬ ܢܸܒܼܗܵܐ ܒܟܠ ܥܸܕܵܢܵܬܹܐ،
ܐܝܼܢܵܐ ܨܦܵܝܝܼ ܝܠܵܗܿ
ܕܡܲܦܠܸܚܝܼܬܘܿܢ ܚܲܡܫܵܐ ܦܵܣܘܿܥܝܵܬܹܐ
ܠܵܐ ܒܵܨܘܿܪܵܐ ܡܼܢ ܚܲܕܟܡܵܐ ܓܵܗܹܐ
ܐܝܼܡܲܢ ܕܥܠܲܝܡܘܼܢܵܘܟܼܘܿܢ
ܫܲܪܹܐ ܡܢܲܣܘܼܝܹܐ ܢܸܒܼܗܹܐ.
Gottman ܘܚܲܒܼܪܵܢܹܗ ܡܘܼܫܟܼܸܚ ܠܗܘܿܢ
ܕܫܲܒܼܪܹܐ ܘܥܠܲܝܡܘܼܢܹܐ
ܟܹܐ ܩܵܢܝܼ ܝܘܼܬܪܵܢܵܐ ܡܼܢ ܐܲܒܼܵܗܲܝܗܝ
ܒܡܲܦܠܲܚܬܵܐ ܕܡܲܠܲܦܬܵܐ ܒܘܼܬ ܢܸܒܼܗܵܐ
\ܠܵܐ ܒܵܨܘܿܪܵܐ ܡܼܢ 30 ܗܲܠ 40 ܐܲܡܘܼܢܹܐ
ܕܥܸܕܵܢܵܐ ܐܝܼܡܲܢ ܕܐܵܢܝܼ ܝܼܢܵܐ ܢܸܒܼܗܵܢܵܝܹܐ.
ܐܝܼܢܵܐ، ܐܲܚܬܘܿܢ ܣܢܝܼܩܹܐ ܝܬܘܿܢ
ܕܗܵܘܝܼܬܘܿܢ ܓܵܘ ܗܿܝ ܕܘܼܟܬܵܐ ܬܪܝܼܨܬܵܐ
ܩܵܐ ܡܲܠܲܦܬܵܐ ܒܘܼܬ ܢܸܒܼܗܵܐ.
ܚܲܕܟܡܵܐ ܓܵܗܹܐ ܥܸܕܵܢܵܐ ܠܹܐ ܝܠܵܗܿ ܠܚܝܼܡܬܵܐ
ܩܵܐܠܵܘܟܼܘܿܢ ܩܵܐ ܕܡܲܠܦܝܼܬܘܿܢ ܒܘܼܬ ܢܸܒܼܗܵܐ،
ܘܒܲܠܟܵܐ ܐܲܚܟ̰ܝܼ ܣܢܝܼܩܹܐ ܝܬܘܿܢ
ܕܦܵܠܛܝܼܬܘܿܢ ܡܼܢ ܬܲܪܥܵܐ ܠܒܼܲܕܲܪ.
ܐܵܦ، ܐܝܼܡܲܢ ܕܣܩܝܼܕܹܐ ܝܬܘܿܢ،
ܒܲܠܟܵܐ ܗܵܘܝܵܐ ܕܐܲܚܬܘܿܢ ܣܢܝܼܩܹܐ
ܝܬܘܿܢ ܕܒܵܢܝܼܬܘܿܢ ܚܕܵܐ ܟܠܵܝܬܵܐ ܟܪܝܼܬܵܐ،
ܘܕܵܥܪܝܼܬܘܿܢ ܠܣܘܼܘܵܕܵܐ ܒܵܬ݉ܪ ܗܵܕܵܟܼܼ
ܐܝܼܡܲܢ ܕܪܵܓܼܫܝܼܬܘܿܢ ܚܲܕܟ̰ܵܐ ܒܘܼܫ ܫܸܠܝܹܐ.
ܘܒܥܸܕܵܢܵܬܹܐ ܐ݉ܚܹܪ݉ܢܹܐ،
ܒܲܠܟܵܐ ܓܲܒܝܼܬܘܿܢ ܕܠܵܐ ܩܲܢܛܪܸܢܝܼܬܘܿܢ
ܬܲܚܡܲܢܬܵܘܟܼܘܿܢ ܥܲܠ ܢܸܒܼܗܹܐ
ܓܵܘ ܫܲܚܝܼܢܘܼܬܵܐ ܕܗܿܘ ܪܦܵܦܵܐ
ܣܲܒܵܒ ܒܲܠܟܵܐ ܐܲܚܟ̰ܝܼ ܣܢܝܼܩܹܐ ܝܬܘܿܢ
ܕܓ̰ܲܘܸܒܝܼܬܘܿܢ ܠܚܲܕܟܡܵܐ ܒܘܼܩܵܪܹܐ،
ܝܲܢ ܫܲܪܝܼܬܘܿܢ ܠܩܸܛܪܵܐ.
ܘܓܵܘ ܗܵܕܟܼܵܐ ܐܵܗܘܵܠ
ܒܲܠܟܵܐ ܐܲܚܟ̰ܝܼ ܣܵܢܩܝܼܬܘܿܢ ܕܝܵܕܥܝܼܬܘܿܢ
ܠܡܸܢܕܝܼ ܕܣܢܝܼܩܵܐ ܝܠܹܗ ܥܠܲܝܡܘܼܢܵܘܟܼܘܿܢ،
ܠܡܸܢܕܝܼ ܕܣܢܝܼܩܹܐ ܝܠܹܗ ܕܥܵܒܼܹܕ
ܠܹܗ ܕܡܵܛܹܐ ܠܡܲܕܪܲܫܬܵܐ،
ܝܲܢ ܕܵܐܟܼܝܼ ܝܵܗܹܒܼ ܘܫܵܩܹܠ ܥܲܡ ܚܲܕ ܥܸܕܵܢܵܐ
ܗܵܫܵܝܬܵܐ ܕܐܲܠܝܼܨܘܼܬܵܐ ܕܚܲܒܼܪܘܼܬܵܐ،
ܐܝܼܢܵܐ ܪܵܒܵܐ ܓܵܗܹܐ ܡܵܨܝܼܬܘܿܢ
ܕܵܥܪܝܼܬܘܿܢ ܠܨܒܼܘܼܬܵܐ ܒܵܬ݉ܪ ܗܵܕܵܟܼ
ܐܝܼܡܲܢ ܕܥܸܕܵܢܵܐ ܠܚܝܼܡܬܵܐ ܝܠܵܗܿ
ܩܵܐܠܵܘܟܼܘܿܢ ܘܩܵܐ ܥܠܲܝܡܘܼܢܵܘܟܼܘܿܢ
ܐܝܼܡܲܢ ܕܬܸܪܘܸܢܬܵܘܟܼܘܿܢ
ܝܼܬܘܿܢ ܚܲܕܟ̰ܵܐ ܒܘܼܫ ܫܸܠܝܹܐ.
ܘܗܿܝܓܵܗ݉ܐ ܡܵܨܝܼܬܘܿܢ ܡܲܦܠܸܚܝܼܬܘܿܢ ܠܚܲܡܫܵܐ
ܦܵܣܘܿܥܝܵܬܹܐ ܕܡܲܠܲܦܬܵܐ ܒܘܼܬ ܢܸܒܼܗܵܐ
ܠܗܲܝܘܼܪܹܐ ܥܠܲܝܡܘܼܢܵܘܟܼܘܿܢ ܕܡܲܥܛܸܦ ܥܲܠ
ܐܵܗܘܵܠ ܢܸܒܼܗܵܢܵܝܬܵܐ
ܕܥܒܼܝܼܪܵܘܟܼܘܿܢ ܓܵܘܘܿܗܿ.
ܘܐܵܗܵܐ ܫܲܪܝܼܪܵܐܝܼܬ ܟܹܐ ܗܲܝܸܪܠܗܘܿܢ
ܕܬܲܚܡܸܢܝܼ ܒܬܲܥܒܼܝܼܕܬܵܐ ܕܢܸܒܼܗܹܐ
ܕܥܒܼܝܼܪܘܼܢ ܒܝܼܘܿܗܿ.
ܚܕܵܐ ܡܼܢ ܐܵܢܝܼ ܐܘܼܪܚܵܬܹܐ ܒܘܼܫ ܨܦܵܝܝܼ
ܠܦܲܪܡܘܼܝܹܐ ܡܲܠܲܦܬܵܐ ܒܘܼܬ ܢܸܒܼܗܵܐ
ܝܼܠܵܗܿ ܚܙܵܝܬܘܿܗܿ ܐܝܼܡܲܢ ܕܦܝܵܫܵܐ ܝܠܵܗܿ
ܡܘܼܕܒܼܸܩܬܵܐ ܕܲܠܩܘܼܒܼܠ ܠܵܐ ܩܒܵܠܬܵܐ ܕܢܸܒܼܗܵܐ.
ܓܲܫܩܘܼܢ ܠܒܼܝܼܕܝܘܿ ܕܡܲܚܙܘܼܝܹܐ
ܝܠܹܗ ܚܲܕ ܒܵܒܵܐ ܘܚܕܵܐ ܒܪܵܬܵܐ
ܗܲܡܙܘܼܡܹܐ ܒܘܼܬ ܝܵܘܡܵܐ
ܕܫܲܢܲܝܬܵܐ ܕܡܲܕܪܲܫܬܵܐ.
ܓܵܘ ܝܵܗܒܼܫܩܵܠܵܐ ܩܲܕ݉ܡܵܝܵܐ ܒܹܝܠܲܝܗܝ
ܒܵܒܵܐ ܝܼܠܹܗ ܢܸܒܼܗܵܢܵܐܝܼܬ ܠܵܐ ܩܵܒܠܵܢܵܐ.
ܓܵܘ ܝܵܗܒܼܫܩܵܠܵܐ ܬܪܲܝܵܢܵܐ ܗܿܘ
ܡܲܠܘܼܦܹܐ ܝܠܹܗ ܒܘܼܬ ܢܸܒܼܗܵܐ
ܚܙܹܝܡܘܼܢ ܕܵܐܟܼܝܼ ܟܠ ܝܵܗܒܼܫܩܵܠܵܐ
ܒܸܥܒܼܕܵܐ ܝܠܹܗ ܟܵܐܪ ܥܲܠ ܒܵܒܵܐ ܘܥܲܠ ܒܪܵܬܵܐ،
ܘܓܲܪܒܘܼܢ ܐܸܢ ܡܵܨܝܼܬܘܿܢ ܚܵܙܝܼܬܘܿܢ
ܠܚܲܡܫܵܐ ܦܵܣܘܿܥܝܵܬܹܐ ܕܡܲܠܲܦܬܵܐ ܕܢܸܒܼܗܵܐ.
(ܡܘܿܣܝܼܩܵܐ ܫܠܝܼܬܵܐ)
Updated