ܡܘܿܣܝܼܩܵܐ ܡܲܫܚܸܢܵܢܬܵܐ
ـ ܡܲܠܲܦܬܵܐ ܒܘܼܬ ܢܸܒܼܗܹܐ ܟܹܐ ܫܵܒܼܩܵܐ ܠܲܢ
ܕܦܲܬܸܫܲܚ ܡܘܿܕܝܼ ܝܠܹܗ ܛܸܫܝܵܐ
ܬܚܘܿܬ ܫܸܛܚܵܐ،
ܡܘܿܕܝܼ ܝܠܹܗ ܬܚܘܿܬ ܕܘܼܒܵܪܹܐ
ܟܘܼܬܵܫܵܝܹܐ ܘܗܘܼܦܵܟܼ ܥܒܼܵܕܹܐ.
ܘܪܵܒܵܐ ܓܵܗܹܐ ܐܝܼܬ ܟܠܲܝܗܝ ܬܲܗܵܪܹܐ
ܕܢܸܒܼܗܹܐ ܒܘܼܫ ܙܲܒܘܼܢܹܐ ܐܲܝܟܼ
ܒܲܠܟܵܐ ܢܝܼܓܵܪܵܢܘܼܬܵܐ
ܝܲܢ ܪܓܼܵܫܬܵܐ ܒܡܲܗܡܵܝܬܵܐ، ܝܲܢ
ܪܓܼܵܫܬܵܐ ܕܡܸܢܕܝܼܵܢܹ̈ܐ ܠܹܐ ܝܢܵܐ ܟܹܐܢܹܐ.
ܐܝܼܢܵܐ ܚܠܵܦ ܐܵܗܵܐ ܦܠܵܛܵܐ ܝܼܠܵܗܿ ܡܲܩܘܲܚܬܵܐ
ܘܕܘܼܒܵܪܹܐ ܟܪܝܼܒܹܐ ܘܓܠܝܼܙܹܐ ܡܼܢ ܗܝܼܒܼܝܼ.
ܗܿܝܓܵܗ݉ܐ ܡܘܿܕܝܼ ܒܵܥܝܲܚ ܗܵܘܲܚ ܡܵܨܝܵܢܹܐ
ܕܥܵܒܼܕܲܚ ܝܼܠܹܗ ܕܓ̰ܲܪܒܲܚ ܡܲܫܟܼܲܚ
ܡܘܿܕܝܼ ܝܼܠܹܗ ܛܸܫܝܵܐ ܬܚܘܿܬ ܫܸܛܚܵܐ.
ܥܲܡ ܥܠܲܝܡܘܼܢܹܐ، ܚܲܕ ܣܲܗܡܵܐ
ܓܘܼܒܼܪܵܐ ܕܐܵܗܵܐ ܝܼܠܹܗ ܩܲܕܡܵܝܬܵܐ
ܓܲܫܲܩܬܵܐ ܥܲܠ ܡܘܿܕܝܼ ܝܬܘܿܢ ܐܲܚܬܘܿܢ ܒܸܚܙܵܝܵܐ
ܐܲܝܟܼ ܡܸܢܕܝܼܵܢܹܐ ܛܘܼܦ̮ܣܵܢܵܝܹܐ
ܐܵܬܝܵܢܹܐ ܩܵܐ ܥܠܲܝܡܘܼܢܹܐ؟
ܓܲܫܩܘܼܢ ܥܲܠ ܕܘܼܒܵܪܲܝܗܝ
ܝܲܢ ܢܸܒܼܗܲܝܗܝ ܕܒܲܠܟܵܐ ܗܵܘܝܼ ܥܲܠ ܫܸܛܚܵܐ
ܐܲܝܟܼ ܕܝܼܢܵܐ ܒܘܼܫ ܫܬܝܼܩܹܐ ܐܝܼܡܲܢ
ܕܚܲܕ ܡܸܢܕܝܼ ܒܸܗܘܵܝܵܐ ܝܠܹܗ
ܬܚܘܿܬܵܐ ܝܲܢ ܝܼܢܵܐ ܒܘܼܫ ܡܸܬܟܲܪܒܵܢܹܐ
ܐܝܼܡܲܢ ܕܐܝܼܬ ܚܲܕ ܡܸܢܕܝܼ ܕܝܵܕܥܝܼܬܘܿܢ ܛܸܫܝܵܐ
ܬܚܘܿܬ ܫܸܛܚܵܐ.
ܐܲܢܹܐ ܝܼܢܵܐ ܚܲܕ ܣܲܗܡܵܐ ܐܵܢܲܢܩܵܝܵܐ
ܕܡܘܿܕܝܼ ܡܵܨܝܼܬܘܿܢ ܝܵܕܥܝܼܬܘܿܢ ܘܥܵܢܝܼܬܘܿܢ
ܐܸܠܹܗ ܘܒܕܘܼܙܘܼܬܵܐ ܟܹܐ ܗܲܝܸܪܝܼ ܩܵܐ
ܥܠܲܝܡܵܘܟܼܘܿܢ ܕܦܲܪܡܝܼ ܘܦܵܠܚܝܼ
ܡܼܢ ܓܵܘ ܪܓܼܵܫܝܵܬܹܐ ܕܓܵܢܲܝܗܝ
ܘܡܲܫܟܼܚܝܼ ܠܡܘܿܕܝܼ ܝܼܢܵܐ ܣܢܝܼܩܹܐ.
ܪܵܒܵܐ ܓܵܗܹܐ ܒܵܬ݉ܪ ܚܲܕ ܗܘܼܦܵܟܼ
ܥܒܼܵܕܵܐ ܟܪܝܼܒܵܐ ܝܼܠܵܗܿ ܚܕܵܐ ܪܓܼܵܫܬܵܐ
ܕܗܵܘܝܼ ܪܵܒܵܐ ܚܲܫܵܢܹܐ، ܦܫܝܼܡܹܐ، ܡܘܼܗܡܸܝܹܐ.
ܘܐܝܼܡܲܢ ܕܚܵܙܝܼܬܘܿܢ ܐܵܗܵܐ
ܒܣܲܒܵܒ ܐܲܚܬܘܿܢ ܡܲܦܠܘܼܚܹܐ ܝܬܘܿܢ
ܠܦܵܣܘܿܥܝܵܬܹܐ ܕܡܲܠܲܦܬܵܐ ܢܸܒܼܗܵܢܵܝܬܵܐ،
ܒܘܼܫ ܗܵܣܵܢܵܝ ܝܼܠܵܗܿ ܩܵܐܠܵܘܟܼܘܿܢ ܠܝܼܕܵܥܵܐ
ܕܥܠܲܝܡܘܼܢܵܘܟܼܘܿܢ ܣܢܝܼܩܵܐ ܝܠܹܗ ܠܗܲܝܲܪܬܵܐ
ܘܝܵܗܒܼܵܠܬܵܐ ܕܠܸܒܵܐ ܡܼܢ
ܓܹܒܵܐ ܕܡܲܢܟܼܲܣܬܵܐ ܝܲܢ ܟܪܵܒܬܵܐ.
ܘܐܝܼܡܲܢ ܕܐܲܚܬܘܿܢ ܥܵܒܼܕܝܼܬܘܿܢ ܐܵܗܵܐ، ܐܝܼܡܲܢ
ܕܡܼܢ ܓܹܒܵܐ ܕܐܵܗܵܐ ܐܵܣܪܝܼܬܘܿܢ ܥܲܡܲܝܗܝ،
ܐܵܦ ܟܹܐ ܗܲܝܸܪܵܐ ܒܪܵܓܼܵܫܵܐ ܒܘܼܫ ܫܸܠܝܹܐ.
ܒܘܼܬ ܗܵܕܟܼܵܐ ܡܲܠܲܦܬܵܐ ܢܸܒܼܗܵܢܵܝܬܵܐ
ܕܢܼܒܼܗܹܐ ܬܲܚܬܵܝܹܐ
ܡܵܨܝܵܐ ܒܕܘܼܙܘܼܬܵܐ ܗܲܝܸܪܵܐ ܠܦܲܪܨܘܿܦܵܐ
ܥܠܲܝܡܵܐ ܕܪܵܓܼܹܫ ܒܘܼܫ ܨܦܵܝܝܼ،
ܕܪܵܓܼܹܫ ܕܦܝܼܫܵܐ ܝܠܹܗ ܦܘܼܪܡܸܝܵܐ،
ܘܩܵܐ ܗܲܝܲܪܬܲܝܗܝ ܕܗܵܘܼ ܒܘܼܫ ܫܸܠܝܹܐ
ܒܡܘܿܕܝܼ ܝܠܹܗ ܒܸܗܘܵܝܵܐ ܡܼܢ ܠܲܓܵܘܵܐ.
ܗܵܕܟܼܵܐ ܡܵܨܝܼܬܘܿܢ ܠܥܒܼܵܕܵܐ ܐܵܗܵܐ ܒܫܡܲܥܬܵܐ،
ܒܗܘܵܝܬܵܐ ܩܘܼܪܒܵܐ ܥܲܠܲܝܗܝ،
ܘܠܵܐ ܗܵܘܝܼܬܘܿܢ ܒܸܕܝܵܢܲܝܗܝ،
ܝܲܢ ܒܩܪܵܝܬܵܐ ܕܫܸܡܵܐ ܕܢܸܒܼܗܹ̈ܐ ܐܲܝܟܼ،
ܗܵܐ، ܐܵܗܵܐ ܪܵܒܵܐ ܡܲܦܫܸܡܵܢܵܐ ܝܠܹܗ.
ܡܼܢ ܗܵܕܸܟܼ ܝܼܬܘܿܢ ܪܵܒܵܐ ܟܪܝܼܒܹܐ ܒܘܼܬ ܐܵܗܵܐ
ܒܐܲܝܵܐ ܐܘܼܪܚܵܐ ܒܸܕ ܡܗܲܕܝܼܬܘܿܢ
ܠܥܠܲܝܡܘܼܢܵܘܟܼܘܿܢ ܩܵܐ ܕܦܲܪܡܹܐ
ܕܪܓܼܵܫܝܵܬܹܐ ܙܲܒܘܼܢܹܐ ܡܵܨܝܼ ܦܵܝܫܝܼ ܫܘܼܪܸܟܹܐ
ܘܫܸܪܝܹܐ ܡܼܢ ܓܹܒܵܐ ܕܚܠܵܨܬܲܝܗܝ ܠܲܓܵܘܵܐ
ܘܛܲܫܲܝܬܲܝܗܝ ܕܦܠܵܛܵܐ ܗܵܘܹܐ
ܚܲܕ ܒܩܵܥܬܵܐ ܓܘܼܒܼܪܬܵܐ.
ܐܲܚܬܘܿܢ ܐܵܦ ܡܵܨܝܼܬܘܿܢ ܕܦܵܪܫܝܼܬܘܿܢ
ܠܗܘܿܢ ܢܸܒܼܗܹܐ ܟܪܝܼܒܹܐ
ܡܼܢ ܕܘܼܒܵܪܹܐ ܟܪܝܼܒܹܐ ܘܡܗܲܕܝܼܬܘܿܢ
ܠܡܲܚܙܵܝܬܵܐ ܕܟܲܪܒܵܐ
ܝܲܢ ܗܲܝܸܪܝܼܬܘܿܢ ܠܥܠܲܝܡܘܼܢܵܐ ܕܕܵܪܹܣ ܒܵܬ݉ܪ
ܗܵܕܵܟܼ ܐܝܼܡܲܢ ܕܝܼܢܵܐ ܒܘܼܫ ܫܸܠܝܹܐ
ܘܕܵܥܪܝܼ ܘܡܲܕܸܥܝܼ ܠܵܘܟܼܘܿܢ
ܕܐܵܢܝܼ ܒܕܘܼܙܘܼܬܵܐ ܝܼܗܘܵܘ ܦܫܝܼܡܹܐ
ܒܘܼܬ ܠܒܼܵܚܬܲܝܗܝ ܡܼܢ ܩܵܕ݉ܡ ܥܸܕܵܢܵܐ،
ܐܵܢܝܼ ܒܫܲܪܝܼܪܘܼܬܵܐ ܒܸܪܓܼܵܫܵܐ ܝܗܘܵܘ
ܕܪܵܒܵܐ ܢܝܼܓܵܪܵܢ ܝܼܗܘܵܘ ܒܘܼܬ ܪܚܵܫܬܲܝܗܝ
ܠܝܬܵܒܼܬܵܐ ܕܫܲܢܲܝܬܵܐ ܕܡܲܕܪܲܫܬܵܐ ܩܘܼܕܡܹܐ.
ܗܵܕܟܼܵܐ ܐܝܼܡܲܢ ܕܝܼܬܘܼܢ ܥܲܡ ܥܠܲܝܡܘܼܢܵܘܟܼܘܿܢ
ܘܩܲܒܠܝܼܬܘܿܢ ܪܓܼܵܫܝܵܬܲܝܗܝ، ܐܵܢܝܼ
ܪܵܒܵܐ ܓܵܗܹܐ ܒܸܕ ܫܲܪܝܼ ܒܸܩܒܵܠܵܐ
ܗܲܝܲܪܬܵܘܟܼܘܿܢ.
ܐܝܼܢܵܐ، ܐܸܢ ܐܲܚܬܘܿܢ
ܝܲܢ ܥܠܲܝܡܘܼܢܵܘܟܼܘܿܢ ܗܵܠܵܐ ܟܪܝܼܒܹܐ ܝܬܘܿܢ
ܝܲܢ ܪܵܒܵܐ ܣܩܝܼܕܹܐ ܕܡܲܦܠܸܚܝܼܬܘܿܢ ܡܲܠܲܦܬܵܐ
ܢܸܒܼܗܵܢܵܝܬܵܐ، ܓ̰ܲܪܒܘܼܢ ܐܵܙܠ݉ܝܼܬܘܿܢ
ܠܚܕܵܐ ܐܘܿܬܵܓܼܵܐ ܐ݉ܚܹܪ݉ܬܵܐ ܝܲܢ
ܒܸܢܝܵܢܵܐ ܐ݉ܚܹܪ݉ܢܵܐ ܓܵܘ ܚܕܵܐ ܟܠܵܝܬܵܐ.
ـ ܛܲܫܵܝܬܵܐ ܕܢܸܒܼܗܹܐ ܕܦܵܠܚܝܼ
ܓܵܘ ܢܸܒܼܗܹܐ ܪܵܒܵܐ ܓܵܗܹܐ ܟܹܐ ܡܲܒܝܸܢܝܼ ܒܚܲܕ
ܡܸܢܝܵܢܵܐ ܕܚܒܼܵܛܝܵܬܹܐ ܒܥܒܼܵܪܬܵܐ ܕܥܸܕܵܢܵܐ.
ܡܲܠܲܦܬܵܐ ܕܢܸܒܼܗܹܐ ܠܹܐ
ܝܠܵܗܿ ܫܪܵܝܬܵܐ ܚܸܪܫܵܢܵܝܬܵܐ ܩܵܐ ܩܸܛܪܹܐ،
ܝܼܠܵܗܿ ܚܕܵܐ ܐܘܼܪܚܵܐ ܕܝܵܗܒܼܫܩܵܠܵܐ
ܕܟܹܐ ܒܵܢܝܵܐ ܡܗܝܼܪܘܼܝܵܬܹܐ
ܒܥܒܼܵܪܬܵܐ ܕܥܸܕܵܢܵܐ ܘܒܸܕ ܒܵܢܝܵܐ ܐܲܣܘܼܪܹܐ
ܒܹܝܠ ܐܲܒܼܵܗܹܐ ܘܥܠܲܝܡܘܼܢܹܐ.
ܥܠܲܝܡܘܼܢܹܐ ܪܵܒܵܐ ܓܵܗܹܐ ܟܹܐ ܫܵܩܠܝܼ
ܥܸܕܵܢܵܐ ܩܵܐ ܗܲܓܲܝܬܵܐ ܕܪܓܼܵܫܝܵܬܲܝܗܝ
ܘܒܲܠܟܵܐ ܣܵܢܩܝܼ ܠܣܢܵܕܬܵܐ
ܕܐܲܒܼܵܗܲܝܗܝ ܓܵܘ ܡܲܫܩܠܹܐ.
ܚܲܕܟܡܵܐ ܓܵܗܹܐ ܥܠܲܝܡܘܼܢܹܐ ܝܼܢܵܐ
ܦܬܝܼܚܹܐ ܠܸܒܲܝܗܝ ܠܐ݉ܣܵܪܬܵܐ ܘܗܲܡܙܲܡܬܵܐ
ܘܒܥܸܕܵܢܵܬܹܐ ܐ݉ܚܹܪ݉ܢܹܐ ܠܹܐ ܝܢܵܐ.
ܒܘܼܬ ܗܵܕܟܼܵܐ ܝܵܗܒܼܝܼܬܘܿܢ ܠܗܘܿܢ
ܥܸܕܵܢܵܐ ܩܵܐ ܕܗܲܡܙܸܡܝܼ ܐܝܼܡܲܢ ܕܝܼܢܵܐ ܗܵܙܹܪ.
ܘܦܲܪܡܵܝܬܵܘܟܼܘܿܢ ܘܣܢܵܕܬܵܘܟܼܘܿܢ
ܒܐܲܢܹܐ ܥܸܕܵܢܵܬܹ̈ܐ ܡܵܨܝܼ ܗܲܝܸܪܝܼ ܠܗܘܿܢ
ܓܵܘ ܢܸܣܝܵܢܲܝܗܝ ܢܸܒܼܗܵܢܵܝܵܐ.
ܒܥܸܕܵܢܵܬܹܐ ܐ݉ܚܹܪ݉ܢܹܐ،
ܗܲܒܼܠܗܘܿܢ ܦܣܵܣܵܐ ܩܵܐܠܲܝܗܝ ܩܵܐ
ܕܫܲܪܝܼ ܠܗܘܿܢ ܡܸܢܕܝܼܵܢܹܐ ܩܵܐ ܓܲܢܲܝܗܝ.
ܘܐܵܗܵܐ ܬܸܠܝܵܐ ܝܠܹܗ ܥܲܠ ܡܘܿܕܝܼ
ܝܠܹܗ ܒܘܼܫ ܨܦܵܝܝܼ ܩܵܐ ܥܠܲܝܡܘܼܢܵܘܟܼܘܿܢ.
ܚܲܕܟܡܵܐ ܥܠܲܝܡܘܼܢܹܐ ܟܹܐ ܫܲܢܝܼ
ܓܵܘ ܢܸܒܼܗܹܐ ܪܵܒܵܐ ܓ̰ܲܠܕܹܐ
ܘܚܲܕܟܡܵܐ ܐ݉ܚܹܪ݉ܢܹܐ ܒܸܕ ܫܵܩܠܝܼ ܥܸܕܵܢܵܐ.
ܘܐܵܦ ܬܠܝܼܬܵܐ ܝܠܵܗܿ ܥܲܠܵܘܟܼܘܿܢ.
ܝܼܬܘܿܢ ܐܲܚܬܘܿܢ ܚܲܕ ܦܲܪܨܘܿܦܵܐ ܕܟܹܐ ܗܵܘܹܐ
ܪܵܒܵܐ ܗܘܼܦܵܟܼ ܥܒܼܵܕܵܝܵܐ ܥܲܡ ܟܲܪܒܵܐ
ܘܟܹܐ ܣܵܢܩܝܼܬܘܿܢ ܠܕܘܼܟܬܵܐ ܘܥܸܕܵܢܵܐ
ܩܵܐ ܕܬܲܚܡܸܢܝܼܬܘܿܢ ܡܘܿܕܝܼ ܐܵܡܪܝܼܬܘܿܢ؟
ܗܵܕܟܼܵܐ ܒܵܥܝܼܬܘܿܢ ܕܫܵܩܠܝܼܬܘܿܢ ܗܿܝ ܥܸܕܵܢܵܐ
ܡܼܢ ܩܵܕ݉ܡ ܕܗܲܡܙܸܡܝܼܬܘܿܢ
ܥܲܡ ܚܲܕ ܥܠܲܝܡܵܐ ܒܘܼܕ ܡܸܢܕܝܼܵܢܹܐ.
ܘܐܵܗܵܐ ܝܼܠܵܗܿ ܦܪܝܼܫܵܐܝܼܬ ܗܿܝ ܐܲܗܘܵܠ
ܐܝܼܡܲܢ ܕܐܝܼܬ ܩܸܛܪܹܐ ܕܟܹܐ ܦܵܠܛܝܼ ܬܸܢܝܵܐܝܼܬ.
ܩܵܐ ܛܘܼܦ̮ܣܵܐ، ܐܸܢ ܠܹܐ ܝܢܵܐ
ܒܸܩܒܵܠܵܐ ܐܵܙܠ݉ܝܼ ܠܡܲܕܪܲܫܬܵܐ ܟܠܝܘܿܡ.
ܝܲܢ ܐܸܢ ܐܲܚܬܘܿܢ ܓ̰ܲܪܘܼܒܹܐ ܝܬܘܿܢ ܕܡܲܟܠܝܼܬܘܿܢ
ܠܗܘܿܢ ܡܼܢ ܡܲܦܠܲܚܬܵܐ ܕܬܘܼܩܵܢܲܝ̈ܗܝ
ܐܲܝܢܝܼ ܕܝܼܠܹܗ ܪܵܒܵܐ ܓܵܗܹܐ ܚܲܕ ܡܸܢܕܝܼ
ܕܡܲܥܡܘܼܠܹܐ ܝܘܲܚ ܥܲܡܹܗ ܟܠܝܘܿܡ.
ܗܵܕܟܼܵܐ ܩܵܐ ܐܲܢܹܐ ܩܸܛܪܹܐ
ܕܦܠܵܛܵܐ ܝܢܵܐ ܪܵܒܵܐ ܓܵܗܹܐ،
ܒܕܘܼܙܘܼܬܵܐ ܐܵܢܲܢܩܵܝܬܵܐ ܝܠܵܗܿ ܕܗܵܘܹܐܠܵܘܟܼܘܿܢ
ܗܲܡܙܲܡܝܵܬܹܐ ܕܡܲܠܲܦܬܵܐ ܢܸܒܼܗܵܢܵܝܬܵܐ
ܡܼܢ ܩܵܕ݉ܡ ܥܸܕܵܢܵܐ ܐܝܼܡܲܢ ܕܐܲܚܬܘܿܢ
ܘܥܠܲܝܡܘܼܢܵܘܟܼܘܿܢ ܝܼܬܘܿܢ ܫܸܠܝܹܐ.
\ܫܲܪܝܹܡܘܼܢ ܒܫܒܼܵܩܬܵܐ ܕܥܠܲܝܡܘܼܢܵܐ
ܕܡܲܚܙܹܐ ܪܓܼܵܫܝܵܬܹܗ ܩܲܕܡܵܝܬܵܐ
ܘܬܲܚܡܲܢܝܵܬܹܗ، ܘܒܵܬ݉ܪ ܗܵܕܵܟܼ ܬܲܦܬܸܫܘܼܢ
ܡܘܿܕܝܼ ܡܵܨܹܐ ܗܲܝܸܪ
ܓܵܘ ܕܐܵܢܝܼ ܪܦܵܦܹܐ ܟܘܼܬܵܫܵܝܹܐ
ܡܘܿܣܝܼܩܵܐ ܡܲܫܚܸܢܵܢܬܵܐ
Updated