(موسیقی گرم)
- مربیگری عاطفی موره اجازه میدیه
که چیزایی ره که د پشت پرده
قرار دیره، چیزایی که
باعث رفتارای چالش بر انگیز
و عکس العمل ها موشه پیدا کنیم.
و اکثراً هر رقم احساسات
که خیلی آسیب پذیر استه مانند
تشویش یا احساس د نظر نگرفتو
یا ایکه فکر کنی کارای که اتفاق
موفته عادلانه نیسته، وجود دیره.
ولی دجای ازو نتیجه ای بدست مه یه
چیغ زیدو و رفتارای خشم و ناراحتی استه.
پس چیزی ره که مو میخوایی
انجام دده بی تنی ای استه که
بوفامی چی چیزی باعث ازی چیزا موشه.
قد نوجوانا، اولین بخشی ازی
ای استه که توغ کنید خود شیم
چی چیزی ره اول دفه متوجه موشید
مانند چیزایی معمولی که از
طرف یک نوجوان انجام موشه؟
رفتارای شیره متوجه باشید
یا احاساست شی ره که خیلی مالوم باشه
رقم ازیکه وقتایی اگو کار د پشت
پرده شده باشه خیلی ساکت موشن
یا وقتایکه شیمو موفامید اگو چیز
پشت پرده جریان دیره اونا
زیادتر تحریک پذیر موشن.
اینا یک بخش مهمی استه که شیمو
می تنید تشخیص دده و رسیدگی کنید
و ای کار نوجوان شیم ره خیلی
کمک مونه که احساسات خود خوره
سر شی کار کیده و درک کینه و
بوفامه که به چی چیزی نیاز دیره.
اکثراً د پشت هر عکس العمل خشم
یک حس خیلی غمگینی،
نا امیدی یا نادیده گرفتو استه.
و وقتیکه شیمو ای ره می بینید
بخاطریکه شیمو مرحلای
مربیگری عاطفی ره استفاده نید،
بلده شیم خیلی آسو موشه که
بوفامید نوجوان شیم بجای ازیکه
سرزنش شونه یا رنجیده باشه،
به کمک و حمایت نیاز دیره.
و وقتیکه شیمو ای کار ره انجام می دید
شیمو قد ازوا نزدیک موشید، ای کار د حقیقت
خود شیم ره هم کمک مونه احساس آرامش کنید.
پس مربیگری کیدون احساسات زیربنایی
یک نفر نوجوان ره خیلی
کمک مونه که احساس خوبتر کنه،
حس کنه که درک موشه،
تاکه اوناره یک کمی کمک کنی تا د باره چیزی
که د درون شی اتفاق موفته احساس آرامش کنه.
پس شیمو می تنید ای کار ره قد گوش ددو،
قد نزدیک بودو قد شی،
قد قضاوت نکدو د باره شی،
یا قد نامگذاری کیدون احساسات شی، مانند، آه،
ای خیلی ناامید کننده استه، انجام بی دید.
تعجب نه نوم که تو د ای باره خیلی قار استی.
به ای طریقه شیمو می تنید نوجوان
خوره رهنمایی کنید که بوفامن
که احساسات آسیب پذیر ره می تنیم شریک کیده
و در شی رسیدگی کنیم، بجای ازیکه
اوره د دل خو نگاه کنیم که جم شده
باعث یک طغیان احساسات شونه.
شیمو شاید بی تنید که احساسات
خشم ره از هر گونه
رفتارای خشمگین جدا کیده
و بیان کیدون سالم خشم ره نیشو بی دید
و نفر جوان ره کمک کنید وقتیکه
آرامتر استه بهبود پیدا کنه
و می تنن پس امده قد شیم بوگیه
که اونا از خاطر طغیان احساسات خو
که قبلاً رخ دده بود خیلی متاسف استه،
اونا از خاطر رفتو د جلسه
انتقالی مکتب که فردا استه،
واقعاً به تشویش قرار گرفته بودن.
پس وقتیکه شیمو قد نوجوان خو ارتباط
برقرار کیده توره موگید و احساسات شی ره
قبول مونید، اونا معمولاً زیادتر کمکای شیم
ره قبول مونن.
اما، اگه خود شیم یا نوجوان شیم
هنوزم خیلی قار استید
یا خیلی ناراحت استید که بی تنید
مربیگری عاطفی ره استفاده کنید،
کوشش کید که د یک اتاق دیگه
بورید یا یک لاظه مکث کید.
- بلده ازیکه مربیگری عاطفی د سر
احساسات اصلی تاثیر کنه، معمولاً به تعدادی
از گفتگو ها و وقت زیاد نیاز استه.
مربیگری عاطفی یک طریقه جادویی
بلده حل کیدون مشکلات نیسته،
ای یک طریقه ارتباط برقرار کیدو استه
که مهارتا ره د گذشت زمان ایجاد مونه
و ای کار روابط ره بین والدین
و نوجوانا رشد میدیه.
نوجوانا اکثراَ به وقت نیاز دیرن
که همه چیز ره خوب درک کنن
و اونا شاید کمک والدین خوره به
شکل مرحله ای نیاز دشته شن.
باضی وقتا نوجوانا می خوایین
ارتباط برقرار کیده و توره بوگیان
و باضی وقتا اونا ای کار ره نه نن.
پس بلده شی فرصت فراهم کید
و هر وقت که آماده بود قد شی توره بوگید.
و درک و حمایت شیم
د ای مدت اوناره
د تجربای عاطفی شی کمک مونه.
د دیگه وقتا،
اجازه بی دید که خودون شی
کارای خوره انجام بیدیان.
و ای بستگی دیره که چی چیزی
بلده نوجوان شیم خوب کار مونه.
باضی از نوجوانا دوره احساسات
خوره خیلی به سرعت طی مونه
و باضی دیگای شی دیر وقت میگره.
و ای مربوط ازشیمو هم موشه.
آیا شیمو کسی استید که د مقابل خشم
خیلی عکس العمل نیشو می دید
و بلده ازیکه چیزی بوگید به
وقت و فکر کیدو نیاز دیرید؟
پس شیمو باید پیش ازیکه پیش نفر
نوجوان رفته و د ای باره توره
بوگید، امی وقت ره گرفته فکر خو کنید.
و ای خصوصاً بلده وقتایی استه که
مشکلات طوری استه که به
صورت تکراری پیش مه یه.
بلده مثال، اگه اونا هر روز مکتب نه موره
یا اگه شیمو کوشش مونید
اوناره از بله دستگاه (آی پد) شی بال کنید
که اکثراً ای چیزی استه که مو هر روز
قد شی سروکار دیریم.
پس بلده ازی مشکلاتی که
خیلی زیاد اتفاق موفته،
ای خیلی مهم استه که گاه تر
د وقتایکه خود شیم و نوجوان شیم
آرام استید، گفتگو های
مربیگری عاطفی ره دشته شید.
قد نوجوان خو طوری شروع کید که
اول احساسات و نظریه شی ره
توضیح بیدیه، و ازو باد
جستجو کید که د ایطور یک
لحظه ای مشکل چی چیزی کمک خواد کد.
(موسیقی گرم)
Updated