Taim yu stap long haus, yu pilim seif. Tasol olsem wanem? Sapos samting nogut i kamap?
Buspaia, strongpela win na ren, na taitwara inap kamap long taim em yumi no save em bai kamap.
Insuerens bilong yu bai karamapim bagarap yu kisim?
Insuerens bilong yu i ken karamapim bagarap yu kisim long taitwara?
Sapos haus bilong yu i bagarap na yu mas go long narapela ples slip, insuerens bilong yu bai baim pe bilong ples slip?
Insuerens bilong yu bai karamapim pe bilong wokim gen haus bilong yu?
Em bai karamapim pe bilong wok klinim bihain long disasta i kamap?
Planti manmeri i no save long insuerens bilong ol i ken karamapim wanem ol samting.
Sekim insuerens bilong yu nau. Websait bilong mipela i ken helpim yu long save gut long wanem ol risk i stap, insuerens bilong yu i ken karamapim wanem ol samting, na hau yu ken askim insuerens moni.
Yu no kliagut long ol dispela samting? Long sait bilong ol lo, yu ken kisim helpim long ol komiuniti ligal senta.
Lain bilong insuerens bilong yu i ken kisim wanpela man o meri bilong tanim tok husat i ken stori gut long yu long ol samting yu mas save na bihainim.
Sekim insuerens bilong yu bai karamapim wanem ol samting, pastaim long disasta i painim yu. Plis lukim websait bilong AreYouCovered.vic.gov.au long kisim moa infomesen long insuerens we em i stret long hasu bilong yu na em bai karampim wanem ol samting.
Yu ken lukim gaidbuk long Tok Pisin. Em bai helpim yu.
Updated