دولت ویکتوریا تقریبا 5 بیلیون دالر ره د مدت ده سال بلدی معرفی کدون کودکستان مُفت سه - ساله عمومی سرمایه گذاری مونه – و ای فعلن د تمام ایالت مهیا استه.
ای به معنی ازیکه یک سال اضافه بلدی یادگرفتو، رشد کیدو، بازی وآشنایی قد دوستا بلدی زوستو د ویکتوریا استه.
سهم گرفتو د برنامه با کیفیت کودکستان بلدی زوستو از سن سه سالگی باعث ترقی د بخش یادگیری، رشد، صحت و تندرستی موشه.
زوستو ریزه د باره دنیا دوروبرخوازطریق بازی یاد میگره
یادگرفتون از طریق - بازی بهترین راه بلدی یاد گیری بلدی زوستون ریزه استه. ای بلدی زوستو فرصت میدیه که از تصور خو استفاده کنه، مهارت زیبون خو بهتر کنه و د باره حساب و شکل ها یاد بیگره. اونا همچنان یاد میگره که چطور قد دیگرو رفتارکنه، شریک بسازه، گوش کنه و احساسات خو اداره کنه.
تمام زوستو د ویکتوریا د دوسال کودکستان مفت دسترسی دیره
زوستو د تمام ایالت از سال 2022 میتنه که حداقل پنج سات د هفته د کودکستان مفت دسترسی دیشته باشه. اِی تا سال 2029 تا 15 سات د هفته میرسه.
فرق ننه که زوزاد از شمو د کجا د کودکستان موره، استادا و معلمای تربیت شده اِی برنامه ره پیش موبره
زوستو میتنه که برنامه کودکستان ره د جاهای سرپرستی که تمام روز استه مثل خدمات (childcare) بوره یا د یک کودکستان مستقل بوره.
زوستوی ریزه د باره دنیا از طریق بازی یاد میگره
اونا یاد میگره که چطور قد دیگرو رفتارکنه، شریک بسازه، گوش کنه و احساسات خو اداره کنه
د برنامه کودکستان اطفال از طریق بازی مهارت زیبون خو بهتر مونه و د باره حساب و شکل ها یاد میگره.
معلما و استادا زوستو ره کمک مونه که اونا د باره یادگرفتو کنجکاو،خلاق و مطمئین باشه
-
- کودکستان مستقل
- برنامه کودکستان - زوستو برنامه کودکستان ره د روزا و ساتای مشخص شده موره
- خدمات سرپرستی تمام روزه
- برنامای کودکستان - زوستو میتنه که د برنامه کودکستان بجای بخشی از خدمات سرپرستی تمام روزه خو سهم بیگره
- تعلیم و سرپرستی - خدمات سرپرستی تمام روزه تعلیم ابتدایی طفولیت و سرپرستی بلدی زوستون که بین سن 0 تا 6 ساله استه مهیا مونه
تمام برنامه های کودکستان مفت باید مطابق قانون ایمنی و راهنمای کیفیت دولتی باشه و مطابق چارچوپ یاد گیری و رشد سالهای اول ویکتوریا جور شونه.
خدمات سرپرستی تمام روزه میتنه که یک روز مکمل سرپرستی و درسی ، بشمول برنامه کودکستان دیشته باشه. کودکستان که از طرف استاد - اداره موشه قسمی جور شده که ساتای اضافه درسی و سرپرستی دیره. د خدمات مستقل، یک برنامه کودکستان تانا د بعضی از روزا د یک وقت مشخص ارائه موشه. ای روزا و ساتا از طرف خدمات کودکستان تعیین موشه.
بلدی ازیکه فیصله کنی که زوزاد خوره ده کجا رایی کنی یا نه بستگی د ای دیره که چی خدمات د منطقه از شمو د دسترس استه، و بلدی فامیل و زوزاد شیم کدم شی بهتر استه
- کودکستان مستقل
-
قد خدمات کودکستان محلی خو د باره مراحل ثبت نام کیدو و وقت شی توره بوگین، د خود کودکستان بورین و قنجغه کارگرای شی توره بوگین. بلدی ازیکه کودکستان محلی خو پیدا کنین و بهترین خدمات ره بلدی فامیل انتخاب کنین، سربزنید د ویبسایت:
انتخاب یک خدمات کودکستان با کیفیت کمک مونه که زوزاد شیم از وقتی که د کودکستان استه بهترین استفاده کنه. شمو میتنین که ستاره کیفیت خدمات ره د اینجی سربزنید و توغ کنین
-
اکثریت خدمات ها یک مرحله ثبت نام کیدو دیره که یک سال پیش ازیکه زوزاد کودکستان ره شروع کنه واز موشه، شمو باید د باره ثبت نام کیدو وقتی که زوزاد از شمو دوساله شد فکر کنید.
فامیلا و سرپرستا که زوزاد شی بین ماه جنوری و ماه اپریل پیدا شده میتنه که انتخاب کنه که چی وقت برنامه عمومی مفت کودکستان سه – ساله ره شروع کنه. فامیلا شاید انتخاب کنه که زوستون شی سال آینده شروع کنه تا قد سال که مکتب ره شروع مونه برابر شونه، د حالیکه دیگه زوستو کودکستان ره د دو ساله گی شروع مونه.
زوستون که بین 1 ماه جنوری و 30 ماه اپریل پیدا شده مستحق استن که برنامه مفت کودکستان سه – ساله ره امو سالی که سه ساله موشه بوره یا امو سالی که چار ساله موشه.
زوستو تا وقتی که سه ساله نشده شاید نتنه که د برنامه سهم بیگره که خدمات نمیتنه تناسب معلم و زوستو ره بلدی زوستون که دوساله استه دیشته باشیه.
زوستون که بین 1 ماه می و 31 ماه دسمبر پیدا شده تانا مستحق استن که د برنامه کودکستان مفت بلدی زوستون سه - ساله ره وقتی که اونا چار ساله شد بوره و کودکستان بلدی چار ساله ره وقتی که اونا پنج ساله شدن.
-
تاریخ که زوزاد پیدا شده ظرها 2020 2021 2022 2023 2024 21 ماه دسمبر 2016 - 30 ماه اپریل 2017
فامیلا حق دیره که مکتب ره د سال 2022 یا 2023 شروع کنه کودکستان بلدی زوستون-3-ساله
کودکستان بلدی زوستون-4-ساله
ّماده گی(Prep) صنف 1 صنف 2 کودکستان بلدی زوستون-3-ساله
کودکستان بلدی زوستون-4-ساله
ّماده گی(Prep) صنف 1 1 ماه می – 20 ماه دسمبر2017* کودکستان بلدی زوستون-3-ساله
کودکستان بلدی زوستون-4-ساله
ّماده گی(Prep) صنف 1 21 ماه دسمبر 2017 – 30 ماه اپریل 2018 فامیلا حق دیره که مکتب ره د سال 2023 یا 2024 شروع کنه کودکستان بلدی زوستون-3-ساله
کودکستان بلدی زوستون-4-ساله
ّماده گی(Prep) صنف 1 کودکستان بلدی زوستون-3-ساله
کودکستان بلدی زوستون-4-ساله
ّماده گی(Prep)
1 ماه می – 20 ماه دسمبر2018* کودکستان بلدی زوستون-3-ساله
کودکستان بلدی زوستون-4-ساله
ّماده گی(Prep) * - تاریخ ماه دسمبر ترم آخری 4 د مکتب های دولتی استه. اگر مکتب که فامیل انتخاب کیده دیگه تاریخ بلدی روز آخر ترم 4 دیره باید امو تاریخ استفاده شونه.
-
- خدمات کودکستان محلی یا ارائه دهنده از شمو به شمول خدمات سرپرستی تمام روز
- شاروال منطقه شیم و پرستار زچه و بچه
بلدی وزارت صحت زنگ بزنید (Department of Health (DH)) د شماره 13 22 89
ایمیل کنید د 3yo.kindergarten@education.vic.gov.au
سربزنید د وبسایت vic.gov.au/kinder
Reviewed 02 February 2022