भिक्टोरिया सरकारले सर्वव्यापी अनुदान सहयोग प्राप्त तीन-वर्षको-उमेरदेखि-किन्डरगार्टन कार्यक्रम शुरू गर्न एक दशक भित्र लगभग 5 अरब डलर लगानी गर्दैछ - र यो अब राज्यभर उपलब्ध छ।
यसको मतलब भिक्टोरियाका बालबालिकाहरूले थप एक वर्ष सिक्ने, बढ्ने, खेल्ने र साथीहरू बनाउने अवसर पाउँनेछन्।
तीन वर्षको उमेरदेखि गुणस्तरीय किन्डरगार्टन कार्यक्रममा भाग लिनाले बालबालिकाहरूको सिकाइ, विकास, स्वास्थ्य र भलाइसँग सम्बन्धित परिणामहरू हासिल गर्न बढावा दिन्छ।
साना बालबालिकाहरूले खेलको माध्यमबाट आफ्नो वरपरको संसारको बारेमा सिक्छन्
खेलमा आधारित सिकाइ नै कलिला बालबालिकाहरूले राम्रो सिक्ने तरिका हो। यसले बालबालिकाहरूलाई आफ्नो कल्पनाशक्ति प्रयोग गर्न, भाषाको सीप विकास गर्न र संख्या तथा ढाँचाका बारे सिक्न अवसर प्रदान गर्छ। उनीहरूले अरूसँग कसरी मिलेर बस्ने, साझेदारी गर्ने, अरूको कुरा सुन्ने र आफ्ना भावनाहरूलाई व्यवस्थापन गर्ने भन्नेबारे सिक्छन्।
भिक्टोरियामा सबै बालबालिकाहरूका लागि दुई वर्षे अनुदान प्राप्त किन्डरगार्टनको पहुँच हुन्छ
राज्यभरका बालबालिकाहरूले 2022 देखि कमसेकम हरेक हप्ता पाँच घण्टाको एक अनुदान सहयोग प्राप्त किन्डरगार्टन कार्यक्रममा सहभागी भएर लाभ उठाउनेछन्। 2029 सम्ममा यो अवधि बढेर हप्तामा 15 घण्टा हुनेछ।
तपाईंको बच्चा जुनसुकै किंडरगार्टनमा गए पनि कुनै फरक पर्दैन, शिक्षक र प्रशिक्षित शिक्षाकर्मीहरूले यस कार्यक्रमको नेतृत्व गर्नेछन्।
तपाईंको बालबालिकाहरूले कि त एक लङ्ग डे केयर – चाइल्डकेयर (long day care – childcare) मा वा एक छुटै किन्डरगार्टनमा यो किन्डरगार्टन कार्यक्रममा भाग लिन सक्छन्।
साना बालबालिकाहरूले संसारबारेमा खेलको माध्यमबाट सिक्छन्।
तिनीहरूले अरूसँग कसरी मिलेर बस्ने, साझेदारी गर्ने, अरूको कुरा सुन्ने र आफ्ना भावनाहरूलाई व्यवस्थापन गर्ने सिक्छन्।
किंडरगार्टन कार्यक्रममा बालबालिकाहरूले खेल मार्फत उनीहरूको भाषा सीप विकास गर्न र संख्या र आकृतिहरूका बारेमा सिक्छन्।
शिक्षक र शिक्षाकर्मीहरूले बालबालिकाहरूलाई सिकाइका बारेमा जिज्ञासु, रचनात्मक र आत्मविश्वस्त बन्न मद्दत गर्छन्।
Updated