گروپ های مختلف مناطق مختلف کار داوطلبانه ره حمایت مونه. اونا میتنن همرای سوالا ده باره بررسی گذشته فرد، آموزش، پول، یا حقوق داوطلبان کمک کنه.
کمک اینجی موجود استه ده صورت که شمو آماده باشین کار داوطلبانه انجام بیدین، یا ده فکر یک داو طلب باشین، یا بخش از گروه باشین که همرای داوطلبان کار مونه.
صحت و امنیت
کار داوطلبانه باید یک تجربه مثبت و رضایت بخش باشه. باید مطمئین شونید که از سلامت روانی،احساسات و فزیکی خو زماینکه کار داوطلبانه انجام میدین مراقبت کید. اوکی استه که وقفه یا دم بیگرین، نه بوگید، یا زمانیکه لازم باشه عقب کشیده و ترک کنین.
WorkSafe Victoria مسئوول استه که تمام کاگرای ویکتوریاره، محل کار و داوطلباره امن نگاه کنه. اونا همچنان از غرامت کارگران ره هم ده ویکتوریا مدیریت مونه.
کمک های عمومی
Volunteering Victoria یک نهاد اصلی بلدی کار دوطلبانه ده ویکتوریا استه. اونا توجه شی کمک کدو بلدی داوطلبان، کمک بلدی رشد ای بخش و ترویج کار داوطلبانه ده ویکتوریا استه. اونا همچنان یک راهنما داره که همرای شیم کمک کنه بوفامین که چه انتظار داشته باشین زمانیکه کار داوطلبانه انجام میدین.
حقوق و مسئولیت ها
داوطلبان یک نقش مهم ده گروه های جامعه داره. پیش از ای که شروع کنین، بعضی چیزا استه که شمو بوفامین، بشمول حقوق و مسئولیت های شیم. شمو میتنین زیاد تر ده باره راهنمای حقوق و مسئولیت های ویکتوریا بخوانید.
چک کار کدو همرای کودکان یا زوستو کمک مونه که اطفال از آسب امن باشن با چک کدون سابقه گذشته مردم که همرای کودکان کار مونن و از اونا مراقبت مونن.
اکثر نهاد های داوطلبی از داوطلبان میخواهن که پولیس چک یا سابقه شخصیتی گذشته ره قبل از انجام ددون کار انجام بیدین.
ای بررسی ها کمک مونه که مطمئین شونن که شمو به شغل های مشخص مناسب استین. بخصوص پولیس چک خیلی مهم بلدی افرادی مهم استن که همرای گروه های آسیب پذیر مثل کلانسالان، اطفال، یا افراد با معیوبیت و معلولیت کار انجام میدین استه. ده باره تهیه کاغذ پولیس ملی و انگشت نگاری زیادتر بوفامین.
Updated