Ngakchia fimcawnnak ah saya/mah le cawnpiaktu si a duhmi hna caah rian caantha
Victorian Cozah nih nunphung le holh aa danghmi hna telh in Victorian chungkhar vialte caah a phichuakmi thancho ternak in thlennak tuah dingin bia a khiah.
Hi biakamnak tlinter awkah, A Tha Bikmi Hramthawknak, A Tha Bikmi Nunnak (Best Start Best Life) remhnak nih ngakchia riantuantu hna karhternak caah $370 million leng a hman lai.
Ramkulh chungah ngakchia saya le fimcawnnak lei cawnpiaktu 11,000 leng lak le bawmchanh awk ah riantuannak thazaang timhtuahnak zeimawzat an tuah.
Ngakchia fimcawnnak ah riantuan a duhmi nih an hnulei sining he aa tlakmi le aa zuammi hna caah tangka le tangka lo bawmhnak pahnih an um.
Zeitindah ngakchia saya asiloah cawnpiaktu na si khawh lai timi kong tam deuh in hngalhnak caah a tanglei konglam hi zoh.
Ngakchia fimcawnnak he pehtlaimi rian sernak
Ngakchia saya asiloah cawnpiaktu si a duhmi hna caah ca cawnnak lam phunphun le tangka bawmhnak a um. Tamdeuh theihhngalhnak caah ngakchia fimcawnnak lei ah ca cawnnak le riantuan a duhmi caah tangka bawmhnak timi hi zoh | vic.gov.au.
Ngakchia fimcawnnak ah riantuannak kong le cawnnak caah tangka bawmhnak kong tam deuh in theihnak caah ngakchia saya asiloah cawnpiaktu timi hi zoh.
Rian
Ngakchia fimcawnnak ah riantuannak cu pumpak riantuannak tolreltu le tuallengsianginn parawkarem a petu hna nih an tawllrel mi a si.
Zeibantuk rian dah a lawng ti zoh awk le mahbantuk rian ah riantuantu hna nih an chimmi kong relnak caah Ngakchia he Pehtlaimi Rian website ah kal.
Ngakchia fimcawnnak le ca cawnnak kong ah bawmhchapnak a pe mi caah Ngakchia Sianginn Bawmhnak Parawkarem timi ah zoh | vic.gov.au.
Updated