فرصتای کاری بلده معلما و مربی های نو د آموزش اوایل طفولیت
دولت ویکتوریا بلده زیاد کدون برنامای کودکستان د سراسر ایالت 14 میلیارد دالر ره وعده کیده. د دوارن ده سال آینده ویکتوریا به هزارا معلم و مربی اوایل طفولیت نیاز خاد دشت.
آموزش اوایل طفولیت د زندگی اطفال و فامیلا تغییر ایجاد مونه. معلما و مربی های اوایل طفولیت که از نظر فرهنگ و زیبو متنوع استن حتی از ایجاد یک تغییر کده هم مفید تر استن.
معلما و مربی هایی دو زیبونه و دو فرهنگی د خدمات اوایل طفولیت کمک موشن که برنامای کیندر بلده فامیلایی که از پیشینه فرهنگی و زیبون متنوع استن آسوتر شونه و نشانگر جوامع چند فرهنگی ایالت باشه.
کار کدو د آموزش ابتدایی طفولیت فایدایی زیادی دیره. ای فرصتایی ره مهیا مونه که:
- یک فرق ایجاد کیده و نتیجا ره بلده اطفال و فامیلی شی خوبتر کنه
- اطفال ره کمک کنه د سالای اول زندگی خو رشد کیده و یاد بیگرن
- کار ازی بخش پاداش و خلاقیت دیره.
کمک مالی:
بلده کسایی که می خوایین معلم یا مربی اوایل طفولیت شونن تعداد زیادی از کمکای مالی و گزینای درسی موجود استه.
بلده مالومات زیادتر د باره کار د بخش آموزش اوایل طفولیت و کمک مالی بلده درس خواندو به Become an early childhood teacher or educator مراجعه کید
کاریابی:
کاریابی د بخش آموزش اوایل طفولیت توسط مدیرای انفرادی خدمات و ارائه دهندای برنامای کیندر مدیریت موشه.
بلده ازیکه توغ کنید کدم رقم کارا د دسترس استه و بلده خواندون تجربای کسایی که د ای بخش کار مونن به Early Childhood Jobs website مراجعه کید.
Updated