Victoria government logo

Ngakchia No Fimcawnnak ah Pawcawmnak rian Caantha sunglawi pawl (Career Opportunities in Early Childhood Education) - Laiholh (Hakha Chin)

Ngakchia no fimcawnnak ah cachimtu le cawnpiaktu thar pawl caah pawcawmnak rian lei caantha sunglawi pawl

Victoria Acozah nih pine chung dihlak ah tuallengsianginn program pawl kauh chap dingah $9 billion pek dingin biakamhnak a tuah cang. A ra laimi kumhrabu chungah Victoria nih ngakchia no cachimtu pawl le cawnpiaktu pawl a hlei in tampi an herh hna lai.

Ngakchia no fimcawnnak nih ngakchia pawl le innchungkhar pawl nunnak ah i dannak an tuah. Nunphung lei le holh lei aa dangmi dirhmun in ngakchia no cachimtu pawl le cawnpiaktu pawl nih i dannak tamdeuh hmanh an tuah.

Ngakchia no riantuanpiaknak i holh hnih a hmangmi le nunphung pahnih a ngeimi riantuantu pawl nih nunphung le holh lei in aa dangmi dirhmun pawl in innchungkhar pawl caah tuallengngakchia program pawl tampi hmuh khawhnak tuah kha a bawmh.

Ngakchia no fimcawnnak i riantuannak nih amiak tampi a pek. Caantha sunglawi a pek dingmi cu:

  • i dannak tuah ding le ngakchia le an innchungkhar pawl caah aphichuak pawl thanchoter ding
  • ngakchia thannak le an no deuh lio ah cawnnak bawmh ding
  • laksawng peknak le phundang tein serchuahnak a simi hmun ah riantuan ding.

Tangka lei bawmhnak:

Ngakchia no cachimtu asilole cawnpiaktu si a huammi minung caah cawnnak lei thim khawhmi pawl le tangka lei bawmhnak hmuh khawhmi a phunphun an um.

Ngakchia no fimcawnnak i pawcawmnak rian pawl le cacawnnak caah tangka lei bawmhnak kong ah thawngthanhmi tamdeuh hmuhnak dingah hika ah zoh www.vic.gov.au/make-difference-early-childhood-teachingExternal Link

Rian:

Ngakchia no fimcawnnak i rian cu pumpak riantuanpiaknak manager pawl le tuallengsianginn program pawl petu pawl nih tawlrelmi a si.

Zeibantuk rian pawl dah hmuh khawh a si timi le ahmun i rian a tuanmi minung pawl sin in thil sining hlatnak tuahmi rel dingah hika ah zoh jobs.earlychildhood.education.vic.gov.auExternal Link .

Reviewed 21 December 2022

Was this page helpful?