អគ្គិភ័យទាំងអស់មិនដូចគ្នាទេ។ របៀបដែលអ្នកគួរឆ្លើយតប អាស្រ័យលើទីតាំងទ្រព្យសម្បត្តិរបស់អ្នក និងបរិស្ថាននៅជុំវិញវា។
ភ្លើងឆេះព្រៃមានលក្ខណៈខុសគ្នាពីភ្លើងឆេះស្មៅ។ ការយល់ដឹងពីភ្លើងឆេះទាំងពីរប្រភេទនេះ ជារឿងសំខាន់។ នៅពេលភ្លើងឆេះស្មៅចាប់ផ្តើមឆាបឆេះនៅក្នុងតំបន់ក្រុង ឬតំបន់ដែលមានអគារជាច្រើន អ្នកត្រូវមានប្រតិកម្មខុសគ្នាទៅនឹង ភ្លើងឆេះនៅតំបន់ដាច់ស្រយាល និងតំបន់ជនបទ បើសិនជាអ្នករស់នៅទីនោះ។
នេះគឺជាការណែនាំទូទៅ ដើម្បីជួយអ្នកក្នុងការកំណត់ហានិភ័យនៃអគ្គិភ័យ ដោយផ្អែកលើទីតាំងរបស់អ្នក។ ប្រសិនបើអ្នកមិនច្បាស់អំពីគ្រោះថ្នាក់អគ្គិភ័យសម្រាប់ទ្រព្យសម្បត្តិរបស់អ្នក អ្នកអាចនិយាយទៅកាន់កងពន្លត់អគ្គិភ័យ នៅក្នុងតំបន់របស់អ្នក។
ដើម្បីស្វែងរកស្ថានីយពន្លត់អគ្គិភ័យក្នុងតំបន់របស់អ្នក អ្នកអាចបើកចូល៖
តើគ្រោះថ្នាក់អគ្គិភ័យចំពោះអ្នកជាអ្វី?
ប្រសិនបើអ្នករស់នៅក្នុង ឬនៅក្បែរដីមានព្រៃក្រាស់ អ្នកអាចប្រឈមនឹងហានិភ័យនៃការឆេះព្រៃ។តើអ្នកដឹងទេថាអណ្តាតភ្លើងឆេះព្រៃ អាចមានសីតុណ្ហភាពឡើងរហូតដល់ទៅ 1100 អង្សាសេ?
តំបន់ទាំងនេះ ជាទូទៅនៅក្នុងតំបន់វិចថូរៀ ប៉ុន្តែគេអាចរកឃើញផងដែរនៅក្បែរតំបន់ទីប្រជុំជន ដូចជាជួរភ្នំដានឌីណង់។
ប្រសិនបើអ្នកពិបាកនឹងមើលឃើញធ្លុះកាត់តំបន់ព្រៃឈើ នៅជុំវិញទ្រព្យសម្បត្តិរបស់អ្នក អ្នកមានហានិភ័យខ្លាំងបំផុតនៃការប្រឈមនឹងអគ្គិភ័យ។
គន្លឹះដ៏មានប្រយោជន៍៖ តំបន់ព្រៃឈើ គឺជាតំបន់ដែលគ្របដណ្ដប់ដោយដើមឈើ ឬដីមានព្រៃក្រាស់ដែលនៅក្បែរនោះ មានដើមឈើពេញវ័យកម្ពស់ជាង 2 ម៉ែត្រ។
នៅថ្ងៃដែលមានហានិភ័យខ្ពស់នៃអគ្គិភ័យ ជម្រើសដែលមានសុវត្ថិភាពបំផុតសម្រាប់អ្នក គឺត្រូវចាកចេញឱ្យបានមុនពេលភ្លើងមកដល់។ ពេលណាដែលត្រូវចាកចេញ គួរតែផ្អែកលើកាលៈទេសៈផ្ទាល់ខ្លួនរបស់អ្នក រួមមាន៖
- កម្រិតគ្រោះថ្នាក់អគ្គិភ័យ បច្ចុប្បន្ន នៅក្នុងតំបន់របស់អ្នក
- ប្រសិនបើមានអគ្គិភ័យកំពុងឆាបឆេះក្នុងតំបន់របស់អ្នក
- អ្នកណានៅជាមួយអ្នក ហើយត្រូវការដឹកជញ្ជូន
- កន្លែងដែលអ្នកមានគម្រោងទៅ និងផ្លូវដែលអ្នកនឹងត្រូវធ្វើដំណើរ
កន្លែងដែលអ្នកមានគម្រោងទៅ និងផ្លូវដែលអ្នកនឹងត្រូវធ្វើដំណើរ
អ្នកអាចស្វែងយល់បន្ថែមទៀតនៅលើទំព័រ រៀបផែនការ និងប្រុងប្រៀបសម្រាប់អគ្គិភ័យ ។
គ្រោងទៅតំបន់ដែលមានអគារជាច្រើន និងនៅឆ្ងាយពីតំបន់ព្រៃក្រាស់ ដូចជាទីក្រុង និងទីប្រជុំជន។
ការចាកចេញឱ្យបានមុនពេលភ្លើងឆេះ តែងតែជាជម្រើសដែលមានសុវត្ថិភាពបំផុត។
15វិនាទី]ប្រសិនបើអ្នករស់នៅក្នុង ឬនៅក្បែវាលស្មៅមានរបងព័ទ្ធជុំវិញ ឬវាលស្មៅ អ្នកអាចប្រឈមនឹងហានិភ័យនៃការឆេះស្មៅនៅទីជនបទ។
ប្រសិនបើស្មៅនៅក្នុងតំបន់ជុំវិញផ្ទះរបស់អ្នកខ្ពស់ជាង 10សង់ទីម៉ែត្រ អ្នកមានហានិភ័យខ្ពស់ពីអគ្គិភ័យ។ តំបន់ដែលមានស្មៅទាំងនេះនឹងមានភ្លើងឆេះខ្លាំង ហើយអណ្ដាតភ្លើងខ្ពស់ ។
គន្លឹះដ៏មានប្រយោជន៍៖ វាលស្មៅសំដៅទៅតំបន់បើកចំហដ៏ធំមួយ នៃតំបន់ជនបទដែលគ្របដណ្ដប់ដោយស្មៅ។ នេះអាចជាតំបន់ព្រៃ ឬតំបន់ព័ទ្ធជុំវិញដោយរបង (ដូចជា វាលស្មៅមានរបងព័ទ្ធជុំវិញ ប្រើសម្រាប់ធ្វើកសិកម្ម ឬតំបន់ស្មៅសម្រាប់ចិញ្ចឹមសត្វពាហនៈ)។
ភ្លើងឆេះស្មៅនៅតំបន់ជនបទអាចមានគ្រោះថ្នាក់ដូចភ្លើងឆេះព្រៃដែរ។ ភ្លើងឆេះស្មៅនៅតំបន់ជនបទមានទំនោររាលដាលលឿនជាងភ្លើងឆេះព្រៃ ពីព្រោះស្មៅងាយឆេះជាង។ នៅតំបន់ដែលមានស្មៅដុះសុទ្ធ ល្បឿនឆេះស្មៅនៅតំបន់ជនបទអាចកើនដល់ 25គម/មួយម៉ោង។
ជម្រើសមានសុវត្ថិភាពបំផុតសម្រាប់អ្នកគឺត្រូវចាកចេញឱ្យបានឆាប់នៅថ្ងៃ ដែលមាន កម្រិតគ្រោះអគ្គិភ័យ ខ្ពស់ខ្លាំង ឬលើសពីនេះ។ ប្រសិនបើអ្នកដឹងថាមានអគ្គិភ័យនៅតំបន់របស់អ្នក ចូរចាកចេញប្រសិនបើមានសុវត្ថិភាព។
ពេលណាដែលត្រូវចាកចេញ គួរតែផ្អែកលើកាលៈទេសៈផ្ទាល់ខ្លួនរបស់អ្នក រួមមាន៖
- កម្រិតគ្រោះថ្នាក់អគ្គិភ័យ បច្ចុប្បន្ន នៅក្នុងតំបន់របស់អ្នក
- ប្រសិនបើមានអគ្គិភ័យកំពុងឆាបឆេះក្នុងតំបន់របស់អ្នក
- អ្នកណានៅជាមួយអ្នក ហើយត្រូវការដឹកជញ្ជូន
- កន្លែងដែលអ្នកមានគម្រោងទៅ និងផ្លូវដែលអ្នកនឹងត្រូវធ្វើដំណើរ
អ្នកអាចស្វែងយល់បន្ថែមទៀតនៅលើទំព័រ រៀបផែនការ និងប្រុងប្រៀបសម្រាប់អគ្គិភ័យ ។
គ្រោងទៅតំបន់ដែលមានអគារជាច្រើន និងនៅឆ្ងាយពីតំបន់ព្រៃក្រាស់ ដូចជាទីក្រុង និងទីប្រជុំជន។
ការចាកចេញឱ្យបានមុនពេលភ្លើងឆេះ តែងតែជាជម្រើសដែលមានសុវត្ថិភាពបំផុត។
ប្រសិនបើអ្នករស់នៅក្នុងតំបន់ទីក្រុង ឬតំបន់ដែលមានអគារជាច្រើន ហើយទ្រព្យសម្បត្តិរបស់អ្នកនៅក្បែរវាលស្មៅ អ្នកអាចប្រឈមនឹងហានិភ័យនៃភ្លើងឆេះស្មៅនៅតំបន់ក្រុង។
គន្លឹះ៖ ភ្លើងឆេះស្មៅនៅទីប្រជុំជន អាចចាប់ផ្តើមនៅតំបន់ស្មៅតូចៗដូចជាឧទ្យាន ឬព្រៃធម្មជាតិ។
ភ្លើងឆេះស្មៅនៅតំបន់ក្រុងមានទំនោររាលដាលយ៉ាងលឿន និងផ្សែងហុយខ្លាំង។ អគ្គិភ័យនេះហាក់គ្មានសន្ទុះភ្លើងខ្លាំងដូចភ្លើងឆេះព្រៃ ឬភ្លើងឆេះស្មៅតំបន់ជនបទទេ ដូចនេះគេមិនដែលឃើញវារាលដាលហួសជួរផ្ទះទីមួយ ចូលទៅតំបន់លំនៅដ្ឋានច្រើនឡើយ។
ប្រសិនបើទ្រព្យសម្បត្តិរបស់អ្នកស្ថិតនៅចន្លោះពី 1 ផ្លូវ ទៅ 2 ផ្លូវនៃវាលស្មៅ ហើយភ្លើងចាប់ផ្តើមឆាបឆេះ៖
- ដើរបកក្រោយ 2 ផ្លូវ
- តាមដានសភាពការណ៍នៅលើ VicEmergency App
ទាញយក VicEmergency App ពី App Store ឬ Google Play ដើម្បីទទួលបានព័ត៌មានទាន់ហេតុការណ៍ខណៈពេលកំពុងធ្វើដំណើរ។
ការបើកបរក្នុងអំឡុងពេលភ្លើងឆេះស្មៅ អាចមិនមានសុវត្ថិភាព។ ផ្សែងចេញពីភ្លើងអាចធ្វើឱ្យពិបាកមើល ហើយឡានរបស់អ្នកអាចរាំងស្ទះផ្លូវ។ប្រសិនបើផ្លូវត្រូវបានរាំងស្ទះដោយសាររថយន្ត (ដោយការកកស្ទះចរាចរណ៍ ឬគ្រោះថ្នាក់ចរាចរណ៍) វានឹងធ្វើឱ្យសេវាកម្មសង្គ្រោះបន្ទាន់ មានការយឺតយូរក្នុងការធ្វើដំណើរទៅកាន់កន្លែងអគ្គិភ័យ ដើម្បីគ្រប់គ្រងអគ្គិភ័យ។
មុនពេលអ្នកចាកចេញ ត្រូវប្រាកដថាអ្នកបិទម៉ាស៊ីនត្រជាក់ ហើយបិទទ្វារ និងរនាំងទាំងអស់។ ការធ្វើបែបនេះជួយកាត់បន្ថយហានិភ័យដោយសាររងើកភ្លើងអាចខ្ទាតចូលក្នុងផ្ទះរបស់អ្នក ហើយចាប់ផ្តើមអគ្គិភ័យថ្មី។
ប្រសិនបើអ្នករស់នៅតំបន់ក្រុង ឬតំបន់ជាយក្រុង ហើយទ្រព្យសម្បត្តិរបស់អ្នកស្ថិតនៅ 2 ឬ 3 ផ្លូវចេញពីវាលស្មៅ អ្នកអាចប្រឈមនឹងហានិភ័យនៃភ្លើងឆេះស្មៅនៅតំបន់ក្រុង។
គន្លឹះដ៏មានប្រយោជន៍៖ ភាពខុសគ្នាដ៏សំខាន់រវាងមនុស្សដែលរស់នៅលើទ្រព្យសម្បត្តិដែលទល់គ្នានឹងវាលស្មៅ និងអ្នកដែលរស់នៅឆ្ងាយពីផ្លូវចាប់ពី 2 ឡើងទៅពីវាលស្មៅ អ្វីដែលអ្នកគួរធ្វើ នៅពេលភ្លើងឆាបឆេះ។
មិនដូចគ្នានឹងមនុស្សដែលរស់នៅលើសម្បត្តិដែលទល់គ្នានឹងវាលស្មៅទេ អ្នកគួរតែនៅក្នុងផ្ទះរបស់អ្នក។ គេមិនដឹងថា ភ្លើងឆេះស្មៅនៅតំបន់ក្រុង អាចរាលដាលទៅតំបន់ដែលមានអគារជាច្រើននោះទេ។
យកល្អ៖
- ត្រូវបិទម៉ាស៊ីនត្រជាក់ ហើយបិទទ្វារ និងរនាំងទាំងអស់ ដើម្បីកាត់បន្ថយហានិភ័យដោយសាររងើកភ្លើងអាចខ្ទាតចូលក្នុងផ្ទះរបស់អ្នក ហើយចាប់ផ្តើមអគ្គិភ័យថ្មី។
- តាមដានសភាពការណ៍នៅលើ VicEmergency App
ទាញយក VicEmergency App ពី App Store ឬ Google Play ដើម្បីទទួលបានព័ត៌មានទាន់ហេតុការណ៍ខណៈពេលកំពុងធ្វើដំណើរ។
ការបើកបរក្នុងអំឡុងពេលភ្លើងឆេះស្មៅ អាចមិនមានសុវត្ថិភាព។ ផ្សែងចេញពីភ្លើងអាចធ្វើឱ្យពិបាកមើល ហើយឡានរបស់អ្នកអាចរាំងស្ទះផ្លូវ។ប្រសិនបើផ្លូវត្រូវបានរាំងស្ទះដោយសាររថយន្ត (ដោយការកកស្ទះចរាចរណ៍ ឬគ្រោះថ្នាក់ចរាចរណ៍) វានឹងធ្វើឱ្យសេវាកម្មសង្គ្រោះបន្ទាន់ មានការយឺតយូរក្នុងការធ្វើដំណើរទៅកាន់កន្លែងអគ្គិភ័យ ដើម្បីគ្រប់គ្រងអគ្គិភ័យ។
ប្រសិនបើអ្នករស់នៅចំកណ្តាលទីប្រជុំជន/ទីក្រុង ឆ្ងាយពីតំបន់មានព្រៃញឹកស៊ុបទ្រុប និងវាលស្មៅ អ្នកទំនងជាមិនមានគ្រោះថ្នាក់ដោយផ្ទាល់ពីអគ្គិភ័យទេ។
ប៉ុន្តែវាជាការសំខាន់ដែលត្រូវចងចាំថា ប្រសិនបើអ្នកធ្វើការ ឬមានគម្រោងធ្វើដំណើរក្នុង ឬជុំវិញតំបន់ដែលមានវាលស្មៅក្រាស់ ឬព្រៃក្រាស់ក្នុងរដ្ឋវិចថូរៀ អ្នកនៅតែត្រូវត្រៀមសម្រាប់អគ្គិភ័យ។
គិតអំពីកន្លែងដែលអ្នកមានគម្រោងធ្វើដំណើរ ហើយត្រូវប្រាកដថាអ្នក៖
- មានផែនការអំពីអ្វីដែលត្រូវធ្វើ ប្រសិនបើមានអគ្គិភ័យកើតឡើង
- មានកញ្ចប់សម្រាប់គ្រោះអាសន្ននៅជាប់ជាមួយអ្នក
- ពិនិត្យ កម្រិតគ្រោះថ្នាក់អគ្គិភ័យ ជារៀងរាល់ថ្ងៃ
ជារឿយៗ នៅពេលមនុស្សរៀបគម្រោងធ្វើដំណើរបោះជំរំ ពួកគេដឹងថាពួកគេត្រូវគិតអំពីគ្រោះថ្នាក់អគ្គិភ័យ។ ប៉ុន្តែប្រសិនបើអ្នកកំពុងធ្វើដំណើរដោយហេតុផលណាមួយ អ្នកត្រូវដឹងអំពីគ្រោះថ្នាក់អគ្គិភ័យនៅតំបន់នោះ។ ដូច្នេះ មិនថាអ្នកកំពុងធ្វើដំណើរទៅកាន់ឆ្នេរសមុទ្រ ការដើរលេងក្នុងព្រៃឡើងភ្នំ ដើរលេងនៅកន្លែងធ្វើស្រាទំពាំងបាយជូរនៅទីជនបទ ឬក៏ទៅលេងសាច់ញាតិនៅក្នុងតំបន់មាន ព្រៃញឹកស៊ុបទ្រុបនោះទេ សូមប្រាកដថាអ្នកបានត្រៀមខ្លួនរួចរាល់ហើយ។
គន្លឹះដ៏មានប្រយោជន៍៖ ពិនិត្យ កម្រិតគ្រោះថ្នាក់អគ្គិភ័យ ប្រចាំថ្ងៃ សម្រាប់តំបន់ដែលអ្នកកំពុងធ្វើដំណើរ។ ព័ត៌មានទាំងនេះត្រូវបានធ្វើបច្ចុប្បន្នភាពជារៀងរាល់ថ្ងៃ នៅលើ វ៉ិបសៃថ៍ VicEmergency
ប្រសិនបើកម្រិតអគ្គិភ័យឡើងដល់ខ្ពស់បំផុត ឬឈានដល់គ្រោះមហន្តរាយធ្ងន់ធ្ងរ ត្រូវមានផែនការត្រៀមបម្រុងនៅថ្ងៃនោះ។ ផ្លាស់ទីទៅតំបន់លំនៅដ្ឋានឆ្ងាយពីតំបន់ព្រៃ ឬស្មៅក្រាស់។ ប្រសិនបើអ្នកឋិតនៅក្នុងតំបន់ដែលមានការប្រកាសនូវកម្រិតអគ្គិភ័យដល់ថ្នាក់គ្រោះមហន្តរាយធ្ងន់ធ្ងរ ចូរចាកចេញពីតំបន់នោះភ្លាម។
ទាំំងនេះជាវិធីល្អបំផុតដើម្បីទទួលដំណឹងច្បាស់លាស់ជាប់រហូតអំពីអគ្គិភ័យ នៅពេលធ្វើដំណើរជុំវិញរដ្ឋវិចថូរៀ៖
- បើកចូល VicEmergency សម្រាប់ព័ត៌មានអំពីគ្រោះអាសន្នទាំងអស់
- ទាញយក VicEmergency App ពី App Store ឬ Google Play ដើម្បីទទួលព័ត៌មានទាន់ហេតុការណ៍ខណៈពេលកំពុងធ្វើដំណើរ។
- ស្តាប់វិទ្យុក្នុងតំបន់របស់អ្នក
- ទូរស័ព្ទទៅបណ្តាញទូរស័ព្ទពិសេសរបស់ VicEmergency សម្រាប់ព័ត៌មានអំពីអគ្គិភ័យ លេខ 1800 226 226។ (ប្រសិនបើអ្នកមិនចេះនិយាយភាសាអង់គ្លេសទេ សូមទូរស័ព្ទមកសេវាកម្មបកប្រែភាសាសរសេរ និងនិយាយ លេខ 131 450 ជាមុនសិន)
ប្រព័ន្ធផ្សព្វផ្សាយសង្គមក៏ជាមធ្យោបាយដ៏ល្អដើម្បីរក្សាការទួលបានព័ត៌មានអំពីភ្លើងឆេះព្រៃ និងភ្លើងឆេះស្មៅក្នុងរដ្ឋវិចថូរៀ។ អ្នកអាចតាមដាន៖
Updated