JavaScript is required
Relief and recovery support is available for people impacted by the January 2026 Victorian bushfires.
Visit Emergency Recovery Victoria

Tuallengsianginn thilri pawl (Kinder Kits) - Laiholh (Hakha Chin)

Kum 2026 ah tang bawmhmi Kum Thum Ngakchia kainak Tuallengsianginn program ah minkhumhnak a tuahmi ngakchia poahpaoh cu Tuallengsianginn Thilri (Kinder Kit) ngah dingah aa tlakmi an si.

Chungkhar hna Caah Lamhmuhsaknak

Na Kinder Kit Kong

Lentecelhnak ah na fa aa telmi kha a cawnnak le thanchonak bawmhchanhnak lam a thabakmi a si. Nulepa, zohkhenhtu le chungkhar hna hi mah lamthluan ah a biapi bikmi an si.

Kinder Kits cu ca-uk pawl he aa khat, fimcawnnak lei lentecelhnak pawl le inn ah na fa le chungkhar nuamhnak dingah cawlcanghnak pawl an si.

Kinder Kit kip ah kum thum ngakchia pawl caah a hlei in tuahmi thilri pawl aa tel.

Illustration of three children playing. One is reading a book, one is colouring in, one is holding animal finger puppets.

Victoria mi Ngakchia No Cawnnak le Thanchonak lei Tungtlangpi

Ngakchia no cachimtu pawl le cawnpiaktu pawl nih na fa a thannak ding le a cawnnak dingah an bawmh.

Tualleng sianginn program pawl nih ngakchia pawl cawnnak le thanchonak lamhmuhsak dingin Victoria Kum No Cawnnak le Thanchonak lei Tungtlang (VEYLDF) an hman.

Na Kinder Kit ah a ummi paoh cu VEYLDF ah a phichuak pakhat paoh he asilole a tamdeuh zong he an i pehtonh.

  • Sining
  • Cawnnak
  • Mibu
  • Pehtlaihnak
  • Ngandamnak

Keng in beimi zal

Kinder Kit hnulei beimi ruksai pawl cu nifatin thilri pawl i kennak le lentelcelhnak ah hman khawh an si.

Na fa nih min tialnak catlap/card ah hmanthlak a suai khawh, cuticun hnulei beimi ruksai cu amah ta a si kha an hngalh lai.

Hnulei beimi ruksai cu a zip awng law khuaruahnak chungin lentecelhnak caah aa remmi hmun tiah ruah dingin hman awk ah Velcro tabs kha a tanglei ah hrenh.

  • Keng in beimi zal a hri pawl kha reng asilole dorh cu ticun na fa i a hnulei i a zat baknak zawn ah zal kha a um lai.
  • Khuaruahnak chungin sticker pawl he tuanbia ser.
  • Mintialnak catlap ah zuksuai dingin thazaang pe.
  • Catial hlan thiamnak pawl kha a takin tuah.

Carelnak

Carelnak cu chungkhar pakhat dirhmun in hmunkhat ah caan hmantinak caah a thabikmi lam a si. Hihi ca lei thanchonak bawmhchanhnak caah a biapibikmi lam pawl chungin pakhat a si.

Na fa he punghman tein tuanbia chimhnak caan hmannak nih a khuaruahnak le biafang hngalhnak lei thanchonak a bawmh.

  • Ca-uk hmunkhat ah thim uh.
  • Thutnak le carel dingah a nuammi hmun kawl.
  • Tuanbia chung ah a ra kho dingmi kong kha na fa hal.
  • Tuanbia chung i biapimi pawl he aa tlak ningin aw dang pawl hmangin rel.

Suainak le hmahthahnak tuahnak

Zuksuainak le chinchiahmi tuahnak nih ngakchia pawl kha anmah le anmah an i sersiamnak a langhter i mah le mah izumhnak a ngeihter hna. Catlap cungah kedan rong phunphun he hneksaknak hmangin, ngakchia pawl nih:

  • kutke cawlcanghter thiamnak an ngei, cucu catial ning cawnnak ah a biapimi a si
  • an kut le mit riantuantinak an thanchoter
  • arong, pungsan pawl, muisam pawl le catlang pawl kong an hngalh
  • sersiamkhawhnak an langhter
  • midang pawl he an i chawnbia.

  • Na fa kha suainak ah aa nuamh dingin thazaang pe.
  • A zuksuaimi kong a chimnak dingah zalong tein leh khawhmi biahalnak ngei.
  • Na hmuhmi rong pawl le pungzan pawl an min chim.

Sersiam khawhnak lei cawlcanghnak pawl

Sersiam khawhnak lei lentecelhnak nih na fa i takpum nih hngalhnak a ngeihmi phun 5 dihlak in a thanchoter- khuahmuhnak, rim theihnak, khuatheihnak, tonghnak le a thawtnam hngalhnak. Na pawngkam i a ummi vawlei kong dothlat, hmuhchuah le hngalh kha a nuammi a si.

  • Na fa kha thawk than ding a poi lo ti langhternak in tuar khawhnak thazaang pe. Block pawl an tlak ahcun, thaw fakpiin chuah law hmunkhat te ah sa than.
  • Playdough kha bawlung bantukin hrilh, pungsan ngei in ser, depter, ngawiter.
  • Ring-awn hmunkhat ah tumti uh. Na kut benghnak in asilole inn i nan ngeihmi thilri pawl cungah benghnak hmangin aa dangmi aw-thluk le aw-ruannak tuah.

Aleng i lentecelhnak

Zohkhenh buin aleng i lentecelhnak cu na fa i thannak, thanchonak le ngandamnak caah a tha taktakmi a si.

Ngakchia pawl nih:

  • kokek thil ngiatnak in science an i fiannak thanter
  • mah tein tuah duhnak ngeihter
  • adang ngakchia pawl he hawikomhnak an tuah khawh
  • lentecelh lioah a thami thimnak pawl dothlat law cawng
  • takpum dihlak cawlnak, kut le mit riantuantinak le kutke riantuannak le sersiam khawhnak lei thiamnak pawl an thanchoter khawh.

  • Thinghnah pawl le arong le a pungsan aphunphun min kong chim.
  • Thlaici hmunkhat ah cingti uh.
  • Kokek thil he pehtlaihter hna. Kan pawngkam runvennak kong chim.
  • Thetse in inn nganpi sa.

Lemcaang he aa pehtlaimi lentecelhnak

Lemcaang he aa pehtlaimi lentecelhnak nih ngakchia pawl kha an lungchung ruahmi tuanbia pawl kha a takin tuah le adang lemcaangtu pawl i dirhmun pawl laak kha thazaang a pek hna.

Ngakchia pawl nih a biapimi holh le mibu he i pehtlaih thiamnak pawl a takin tuah dingah lemcaang he aa pehtlaimi lentecelhnak an hman, hihi telhchih in:

  • pawngkam vawlei thar pawl dothlatnak le sernak
  • aa changchang in chimphuannak le laaknak
  • pakhat le pakhat i biakchawnhnak le i ceihmainak lam pawl

  • Saram pawl min kha Mirangholh le adang holh pawl in chim hna.
  • Ziaza pawl kha ser.
  • Tuanbia pawl phuah.
  • Thinlung chung ummi pawl le thinlung umtuning aa dangmi pawl dothlat ding le langhter dingah saram pawl hmang.

Lentecelhnak pawl

Chungkhar le hawikom he lentecelhnak cu na fa i mibu he i pehtlaihnak sernak caah a thabakmi lam a si.

Lentecelhnak pawl nih na fa kha nambar, holh le harnak siamremhnak lei thiamnak pawl hngalhnak ah a bawmh khawh.

  • Lentecelhnak lei phungphai pawl hngal law aa thlengmi pawl kha a tak in tuah.
  • Harnak siamremh ning le i chinchiahnak lei thiamnak pawl thazaang thawnter.
  • Nambar pawl kha i ceihmai uh law thilri pawl he relnak kha a tak in tuah uh.

Mibu sersiamnak

Lentecelhnak cu ngakchia pawl nih anmah kong lila le an pawngkam vawlei kong hmuhnak le cawnnak a si. Ngakchia pawl caah cun, lentecelhnak le cawnnak cu a kaltimi an si. Na Kinder Kit ah a ummi thilri pawl nih a phunphun le nunphung aa dangmi kong biaruahnak ngeih awkah an in bawmh.

  • Adang ram le an ram i a ummi saram pawl kong kha na fa chim.
  • Aa dang liangluangmi holh pawl an ratnak zoh dingah vawlei pumpi zuk kha zoh.

Sining upatnak

Ngakchia pawl kha nunphung vialte cawn awkah thazaang peknak nih theihthiamnak, cohlannak le uangthlarnak a ser. Aboriginal le Torres Strait Islander nunphung pawl, cun hika Victoria ah, Koorie nunphung pawl cu an nung i nihin ah an thangcho. Kits ah caṭialtu le kutzung thiam an sibantuk in kan lawmhpi hna i kan i uangthlar hna.

Hi pawl cu na fa nih Koorie zatlangnun le nunphung pawl kong tamdeuh an hngalh khawhnak caah cheukhat cawlcanghnak pawl an si:

  • Thilri asilole saram pawl caah Koorie i hmelchunhnak pawl hngal.
  • Koorie nunphung pawl, hruaitu pawl le minthang pawl kong cawng law chim.
  • Ram i Theihhngalhpinak a biapitnak kha hngal.

Auslan i Cauk pawl

Auslan (Kutke in piahnak) cu Victoria Ngakchia No Holhnak Program ah hmanmi kutke in piahnak holh a si. Hi program cu cheukhat Tualleng sianginn pawl ah ngah khawh a si.

A no lioah adang holh a cawngmi ngakchia pawl sinin bawmhnak tampi an um, hihi telhchih in:

  • a karhchomi a hlankanh in carel le catial thiamnak pawl
  • a thangchomi dinhdorh khawhmi khuaruahnak
  • mah le mah i upatnak le thatnak
  • dirkamhmi nunphung lei sining.

Kum 2026 Kinder Kits pawl ah aa telmi ca-uk tampi nih Auslan holhlehnak pawl ngah khawhmi an ngei hna.

  • Auslan hmangin thinlung i a ummi pawl langhter.
  • Auslan hmangin halo tiah chim.

Ngakchia himnak, ngandamnak le a hlei in bawmhchanhnak

Ngakchia pawl himnak le ngandamnak nakin a biapi deuhmi zeihmanh a um lo. Ngakchia him tein chiah ning kha nan riantuanpiaknak hal.

Ngakchia dihlak nih anmah le an si ning cio phundang tein an cawng hna. Lungretheihmi pakhat khat na ngeih ahcun nan ngakchia no cachimtu kha chim. Nangmah asilole na fa nih a hlei in bawmhnak nan herh ahcun, a tang i hmunhma pawl hmangin bawmhnak cu ngah khawh a si:

  • Na biahalmi pawl ceihmai dingah na siibawi asilole nu le ngakchia ngandamnak lei conghramhtu ton dingah appointment la.
  • Chuakka in kum 6 tiang ngakchia a ngeimi Victoria chungkhar hna caah Nu le Ngakchia Ngandamnak ca chawnh khawhnak kha 13 22 29 ah chawn, nikhat ah suimilam 24, zarhkhat ah ni 7.

Ngakchia No fimcawnnak ah pawcawmnak rian pawl

Victoria i a thang cuahmahmi tualleng riangtuannak ah pawcawmnak rian thawk dingin tuaktaan. Ngakchia no cachimtu asilole cawnpiaktu si dingin nangmah bawmh dingah, hihi an um:

  • dinhdorh khawhmi cawnnak lei thimkhawhmi pawl
  • siang ngai in pekmi cacawnnak lei bawmhnak pawl
  • tangka lei bawmhnak mitthi dingmi pawl.
Illustration of two children sitting on the floor playing with blocks while two adults talk, speech bubble from one adult with text


Na Kiner Kit pekchanhnak

Na fa nih an Kinder Kit thilri pawl a dih tikah, zaangfahnak in tha tein hlonh hna.

Thilri pawl ah hman awk tha an si ahcun, midang bawmhnak ah hlut dingin tuaktaan. ‘Hi thil hi hawikom sinah ka pek lai maw?’ tiah nangmah le nangmah i hal. Aphi cu pek ding a si ko ti a si ahcun, midang bawmhchanhnak ah hlut cu aa remmi a si.

Na thilri pawl cu hlut dingah aa rem lo ahcun, zaangfahnak in a sikhawhnak hmun ah hmanthan khawh dingin tuah.

Hnawm zorternak le ningcang tein hlonhnak nih a thiang deuhmi, a hring deuhmi Victoria sersiam a bawmh.

Education

Updated

Back to top