కిండర్ కిట్లు (Kinder Kits) - తెలుగు (Telugu)

మీ బిడ్డను ఆటల్లో నిమగ్నం చేయడం వారి అభ్యాసం మరియు అభివృద్ధికి తోడ్పడటానికి ఒక గొప్ప మార్గం. తల్లిదండ్రులు, సంరక్షకులు మరియు కుటుంబాలు ఆ ప్రయాణంలో అత్యంత ముఖ్యమైన భాగం.

కిండర్ కిట్‌లు పుస్తకాలు, విద్యాపరమైన బొమ్మలు మరియు మీ పిల్లలు మరియు కుటుంబం ఇంట్లో ఆనందించడానికి తయారు చేసిన కార్యకలాపాలతో నిండి ఉంటాయి.

ప్రతి కిండర్ కిట్‌లో ప్రత్యేకంగా మూడు సంవత్సరాల పిల్లల కోసం తయారు చేయబడిన వస్తువులు ఉంటాయి.

విక్టోరియన్ ఎర్లీ ఇయర్స్ లెర్నింగ్ మరియు డెవలప్‌మెంట్ ఫ్రేమ్‌వర్క్

బాల కేంద్ర ఉపాధ్యాయులు మరియు అధ్యాపకులు మీ బిడ్డ ఎదగడానికి మరియు నేర్చుకోవడానికి మద్దతు ఇస్తారు.

కిండర్ గార్టెన్ కార్యక్రమాలు పిల్లల అభ్యాసం మరియు అభివృద్ధికి మార్గనిర్దేశం చేయడానికి, విక్టోరియన్ ఎర్లీ ఇయర్స్ లెర్నింగ్ అండ్ డెవలప్‌మెంట్ ఫ్రేమ్‌వర్క్ (VEYLDF) ను ఉపయోగిస్తాయి.

మీ కిండర్ కిట్‌లోని ప్రతిదీ VEYLDF లోని ఫలితాలలో 1 లేదా అంతకంటే ఎక్కువ వాటితో అనుసంధానిస్తుంది.

• గుర్తింపు
• అభ్యాసం
• సమాజం
• సంప్రదింపు
• శ్రేయస్సు

వెనుక మోపు (బ్యాక్‌ప్యాక్)

కిండర్ కిట్ బ్యాక్‌ప్యాక్‌లను ప్రతిరోజూ వస్తువులను తీసుకెళ్లడానికి మరియు ఆడుకోవడానికి ఉపయోగించవచ్చు.

మీ బిడ్డ, వెనుక ఉన్న కార్డ్‌బోర్డ్ ట్యాగ్‌పై చిత్రాన్ని గీయవచ్చు, తద్వారా వారిది ఏ బ్యాక్‌ప్యాకో తెలుస్తుంది.

బ్యాక్‌ప్యాక్‌ జిప్ ని తీసి, ఫెల్ట్ ఉపరితలాన్ని ఊహాత్మక ఆట కోసం ఉపయోగించడానికి వెల్క్రో ట్యాబ్‌లను క్రిందికి అతికించండి.

• సంచి మీ పిల్లల వీపుపై కూర్చునేలా వెనుక మోపు (బ్యాక్‌ప్యాక్) పట్టీలను బిగించండి లేదా వదులు చేయండి.
• ఫెల్ట్ స్టిక్కర్‌లతో కథను సృష్టించండి.
• పేరు టేగ్ పై గీయాడాన్ని ప్రోత్సహించండి.
• తొలుతగా వ్రాసే నైపుణ్యాలు సాధన చేయండి.

చదువుట

డ్రాయింగ్ మరియు మార్కింగ్ చేయడం పిల్లలు తమను తాము సృజనాత్మకంగా వ్యక్తీకరించడానికి మరియు విశ్వాసాన్ని పెంపొందించడానికి అనుమతిస్తుంది. కాగితంపై క్రేయాన్‌లతో ప్రయోగాలు చేయడం ద్వారా, పిల్లలు:

• ఎలా వ్రాయాలో నేర్చుకోవడం ముఖ్యం గనుక చక్కటి శరీర చలన నైపుణ్యాలను పెంపొందించుకుంటారు
• వారి చేతి-కంటి సమన్వయాన్ని మెరుగు పఱచుకుంటారు
• రంగులు, ఆకారాలు, నమూనాలు మరియు రేఖల గురించి తెలుసుకుంటారు
• సృజనాత్మకతను వ్యక్తపరుస్తారు
• ఇతరులతో సంప్రదిస్తారు.

• గీసే ప్రక్రియను ఆస్వాదించడానికి మీ బిడ్డను ప్రోత్సహించండి.
• మీ పిల్లవాడు తన డ్రాయింగ్ గురించి మాట్లాడటానికి అశేష ప్రశ్నలు అడగండి.
• మీరు చూసే రంగులు మరియు ఆకారాలకు పేరు పెట్టండి.

సృజనాత్మక కార్యకలాపాలు

సృజనాత్మక ఆట మీ పిల్లల 5 ఇంద్రియాలను - దృష్టి, వాసన, వినికిడి, స్పర్శ మరియు రుచిని ప్రేరేపిస్తుంది. మీ చుట్టూ ఉన్న ప్రపంచాన్ని అన్వేషించడానికి, కనుగొనడానికి మరియు తెలుసుకోవడానికి ఇది ఒక ఆహ్లాదకరమైన మార్గం.

• మళ్ళీ ప్రారంభించడం సరైందేనని మీ బిడ్డకు చూపించడం ద్వారా స్థితిస్థాపకతను ప్రోత్సహించండి. బ్లాక్‌లు పడిపోతే, కొన్ని లోతైన శ్వాసలను తీసుకోండి మరియు కలిసి పునర్నిర్మించండి.
• సుద్దమట్టిని బంతిగా చుట్టడానికి ప్రయత్నించండి, ఆకారాలు చేయండి, చదును చేయండి, పిసకండి.
• కలిసి సంగీతం పాడండి. మీ చేతులతో చప్పట్లు కొట్టడం ద్వారా లేదా మీరు ఇంట్లో ఉన్న వస్తువులపై కొట్డడం ద్వారా విభిన్న లయలు మరియు శబ్దాలను సృష్టించండి.

బయట ఆడటం

పర్యవేక్షించబడే బహిరంగ ఆట మీ పిల్లల పెరుగుదల, అభివృద్ధి మరియు శ్రేయస్సులో పెద్ద భాగం.

పిల్లలు చేయగలిగినవి:

• ప్రకృతిని గమనించడం ద్వారా శాస్త్రీయ అవగాహనను పెంచుకోవడం
• స్వతంత్ర భావాన్ని పొందడం
• ఇతర పిల్లలతో సామాజిక సంప్రదింపులు
• ఆడుతున్నప్పుడు అన్వేషించండి మరియు మంచి ఎంపికలు చేసుకోవడం నేర్చుకోండి
• మొత్తం శరీర కదలిక, చేతి-కంటి సమన్వయం మరియు చక్కటి శరీర చలన మరియు సృజనాత్మకత నైపుణ్యాలను అభివృద్ధి చేయడం.

• ఆకుల గురించి మాట్లాడండి మరియు వివిధ రంగులు మరియు ఆకారాల పేర్లు చెప్పండి.
• కలిసి విత్తనాలను నాటండి.
• ప్రకృతితో మమేకమవ్వండి. మన పర్యావరణాన్ని రక్షించడం గురించి మాట్లాడండి.
• ఇసుక కోటలు నిర్మించండి.

నాటకీయ ప్రదర్శన

• కొత్త ప్రపంచాలను అన్వేషించడం మరియు సృష్టించడం
• పంచుకోవడం మరియు వంతులు తీసుకోవడం
• పరస్పరం సంభాషించే మరియు చర్చల మార్గాలు.

• జంతువుల పేర్లను ఆంగ్లంలో మరియు ఇతర భాషలలో చెప్పండి.
• పాత్రలను సృష్టించండి.
• కథలను అల్లండి.
• జంతువులను ఉపయోగించి భావాలను మరియు విభిన్న భావోద్వేగాలను అన్వేషించండి మరియు వ్యక్తీకరించండి.

ఆటలు

మీ పిల్లల సామాజిక నైపుణ్యాలను పెంపొందించడానికి కుటుంబం మరియు స్నేహితులతో ఆటలు ఆడటం గొప్ప మార్గం.

పిల్లలు సంఖ్యాశాస్త్రం, భాష మరియు సమస్య పరిష్కార నైపుణ్యాలను నేర్చుకోవడంలో ఆటలు సహాయపడతాయి.

• ఆట నియమాలను తెలుసుకోండి మరియు వంతులు తీసుకోవడం సాధన చేయండి.
• సమస్య పరిష్కారం మరియు జ్ఞాపకశక్తి నైపుణ్యాలను బలోపేతం చేయండి.
• సంఖ్యలను చర్చించండి మరియు వస్తువులతో లెక్కించడాన్ని సాధన చేయండి.

సమాజ నిర్మాణం

ఆట ద్వారా పిల్లలు తమ గురించి మరియు వారి చుట్టూ ఉన్న ప్రపంచాన్ని కనుగొంటారు మరియు నేర్చుకుంటారు. చిన్నారుల కోసం, ఆట మరియు అభ్యాసం జోడీగా వెళతాయి. మీ కిండర్ కిట్‌లోని అంశాలు వైవిధ్యం మరియు విభిన్న సంస్కృతుల గురించి సంభాషణలు చేయడానికి మీకు మద్దతు ఇస్తాయి.

• మీ చిన్నారితో ఇతర దేశాలు మరియు వాటి స్థానిక జంతువుల గురించి మాట్లాడండి.
• వివిధ భాషలు ఎక్కడ నుండి ఉద్భవించాయో తెలుసుకోవడానికి ప్రపంచ పటాన్ని చూడండి.

గుర్తింపును గౌరవించడం

అస్లాన్లో పుస్తకాలు

ఆస్లాన్ అనేది విక్టోరియా యొక్క ఎర్లీ చైల్డ్ హుడ్ లాంగ్వేజ్ ప్రోగ్రామ్‌లో ఉపయోగించే సంకేత భాష. ఈ కార్యక్రమం కొన్ని కిండర్ గార్టెన్‌లలో అందుబాటులో ఉంది.

చిన్న వయస్సులో పిల్లలు మరొక భాష నేర్చుకోవడం వల్ల అనేక ప్రయోజనాలు ఉన్నాయి, అవి:

• చదవడానికి మరియు వ్రాయడానికి ముందున్న నైపుణ్యాలు వృద్ధి చెందుతాయి
• మెరుగైన సౌకర్యవంతమైన ఆలోచన
• ఆత్మగౌరవం మరియు శ్రేయస్సును పెంచుతుంది
• సాంస్కృతిక అస్థిత్వాన్ని బలపరుస్తుంది.

2026 కిండర్ కిట్‌లలో ఉంచబడిన అనేక పుస్తకాలలో ఆస్లాన్ అనువాదాలు అందుబాటులో ఉన్నాయి.

• ఆస్లాన్ ద్వారా భావాలను వ్యక్తపరచండి.
• ఆస్లాన్‌లో పలకరించండి.

పిల్లల భద్రత, శ్రేయస్సు మరియు అదనపు మద్దతు

పిల్లల భద్రత మరియు శ్రేయస్సు కంటే మరేమీ ముఖ్యమైనది కాదు. వారు పిల్లలను ఎలా సురక్షితంగా ఉంచుతారో మీ సేవా సంస్థను అడగండి.

చిన్నారులందరూ వారి సొంతమైన వేగంతో భిన్నంగా నేర్చుకుంటారు. మీకు ఏవైనా సమస్యలు ఉంటే మీ బాల్య ప్రారంభ ఉపాధ్యాయునితో మాట్లాడండి. మీకు లేదా మీ పిల్లలకు అదనపు మద్దతు అవసరమైతే, కింది మార్గాల ద్వారా సహాయం అందుబాటులో ఉంటుంది:

• మీ సందేహాల గురించి చర్చించడానికి మీ వైద్యుడు లేదా మాతాశిశు ఆరోగ్య ఉపచారికను చూడడానికి నియామకం తీసుకోండి.
• పుట్టినప్పటి నుండి 6 సంవత్సరాల వయస్సు గల పిల్లలు ఉన్న విక్టోరియన్ కుటుంబాల కోసం మాతృ మరియు శిశు ఆరోగ్య లైన్‌కు 13 22 29 పై వారంలో ఏ రోజైనా 24 గంటలూ సంప్రదించవచ్చు.

విక్టోరియాలో పెరుగుతున్న కిండర్ గార్టెన్లలో వృత్తిని ప్రారంభించడాన్ని పరిగణించండి. బాలకేంద్ర ఉపాధ్యాయుడు లేదా విద్యావేత్త కావడానికి మీకు మద్దతు ఇవ్వడానికి, ఇవి ఉన్నాయి:

• వెసులుబాటుగల అధ్యయన ఎంపికలు
• ఉదారమైన విద్యార్థి వేతనాలు
• ఆర్థిక ప్రోత్సాహకాలు.

మీ కిండర్ కిట్ ని దానం చేస్తున్నారు

మీ బిడ్డ వారి కిండర్ కిట్ వస్తువులను పూర్తిగా వుపయోగించిన తర్వాత, దయచేసి వాటిని బాధ్యతాయుతంగా పారవేయండి.

వస్తువులు మంచి స్థితిలో ఉంటే, వాటిని దాతృత్వ సంస్థకి విరాళంగా ఇవ్వడానికి పరిగణించండి. నేను దీన్ని స్నేహితుడికి ఇస్తానా? అని మిమ్మల్ని మీరు ప్రశ్నించుకోండి. సమాధానం అవును అయితే, దాతృత్వ సంస్థకు విరాళం ఇవ్వడం సముచితం.

మీ వస్తువులు దానం చేయడానికి తగినవి కాకపోతే, దయచేసి సాధ్యమైన చోట వాటిని రీసైకిల్ చేయండి.

వ్యర్థాలను తగ్గించడం మరియు సరిగ్గా పారవేయడం వల్ల పరిశుభ్రమైన, పచ్చని విక్టోరియా నిర్మించబడుతుంది.