Machete ban in Victoria Fact Sheet - Araianga i te matipi maata i Victoria - Cook Island Maori

Eaa te ka anoano’ia ki kite koe

Kare e akatika akaou’ia te matipi maata mei te ra 1 mai o Tepetema 2025

Mei te ra 1 o Teptema 2025, kare e akatika akaou’ia te matipi maata ki Victoria. Ko te aite’anga koia, kare e akatika’ia te matipi maata ki roto i tetai ua atu ngutuare, me kore ki roto i te rima o tetai tangata ma te kore e tika’anga i raro ake i te ture.

Akatomo’anga no te ture o te matipi maata: Ra 1 Tepetema – Ra 30 Noema 2025

Ko teia tuatau o te akatomo’anga mei te Ra 1 Tepetema – Ra 30 Noema, no te tauturu i te akaatea takiri’anga i te matipi maata mei roto i to tatou oraanga. Ka rauka ia koe i te apai atu i taau matipi maata ki te au ngai tei akataka’ia, e kare koe e akautunga’ia.

1. Va’ī meitaki i te matipi maata (penei e va’ī ki te tauvera, me kore peapa petetue kia kapi katoa te koi o te matipi, auraka kia te matipi kia kitea atu i te ngai tangata).
2. Apai atu ki te au Opati o te Akava, e vairanga tetai no te matipi maata tei akataka’ia.
3. Kiriti atu i te matipi mei roto i taau va’ī, i mua ake koe ka tuku atu ei ki roto i te vairanga tei akataka’ia. Apai atu rai koe i taau apinga i va’ī mai ei koe i taau matipi maata.

Ko te au ngai tei akataka’ia no te apai atu’anga i ta kotou matipi maata, ka kite kotou ki runga i teia kupe roro uira i raro nei: www.vic.gov.au/machete-ban

Me kare e rauka ia koe i te apai atu i taau matipi maata ki te au ngai tei kataka’ia, aravei atu i te Opati o te Akava vaitata atu kia koe.

Ko te tika’anga - no te oko, e te ta’anga’anga ua atu anga rai i te matipi maata

Mei te ra 1 o Tepetema 2025, ka rauka ia koe i te oko, me kore ta’anga’anga ua atu rai i te matipi maata me:

• E tika’anga toou, me kore
• Kua akatika ia koe e te Tangata Maata o te Akava.

Me ka inangaro koe i te kite oonu atu no runga i teia au tika’anga nei, atoro atu i te kupe : www.vic.gov.au/machete-ban

Me kare oou tika’anga i raro ake i te au turanga tei akanoo’ia no te oko, ta’anga’anga me kore oko atu i te matipi maata ki vao, ka rauka ia koe i te pati atu i tetai tiaanga, mei ko mai i te Tangata Maata o te Akava.

Ko te au akatika’anga, ka mana te reira no teta 3 mataiti, e au tero katoa rai tetai no te reira. Tuku atu i taau pati’anga ki: www.police.vic.gov.au/chief-commissionerapproval

Eaa te matipi maata?

Tetai ua atu matipi ma’ata e aka koi tona e ta’anga’anga ia ana no te paripari apinga.

Ko teia araianga, no te matipi ma’ata ua. Kare teia arai’anga e iri atu ki runga i te au matipi rikiriki e ta’anga’anga putuputu ia ana i te ngai kaikai me kore i te au ngai tunu kai.

E tuketuke te tarai’anga o te au matipi maata. Teia te au akaraanga i te tua katau nei.