Machete ban in Victoria - Vakatatabu e vauca na isele na Machete e Victoria - Fijian - Fiji

Veika mo kila tiko

Sa na tekivu vakatabui toka na isele na machete mai na 1 Seviteba 2025

Ena 1 Seviteba 2025, sa na vakatabui na isele na machete e Victoria. E kena ibalebale ga ya ni na tabu vakalawa mo taukena, vakayagataka, volia se volitaka na isele na machete vakavo ke o vakadonui mo cakava qori.

Gauna e Lavaki me Vesu se kau laivi kina na iSele na Machete: 1 Seviteba – 30 Noveba 2025

Na gauna ni kau laivi ni machete ena tekivu tiko mai na 1 Sevitaeba ina 30 Noveba 2025, me veivuke ena kena biu laivi kina vakavinaka na machete. O rawa ni solia kina na nomu machete qai sega ni rawa ni dua na itotogi ena gauna qori.

1. Mo tawana vinaka na machete (me vaka ologa ena tawelu se cardborad, ubi vinaka na muana momoto, sega ni laurai vei ira na lewenivanua).

2. Kauta ena dua na siteseni ni ovisa e tiko kina na kavanibenu ni kena Maroroi laivi ni Machete.

3. Mo kauta laivi mai na machete mai na kena iolo qai biuta ena kena vanua me biu kina e sega ni veivakaleqai vua e dua. Kauta tale kei iko na kena iolo.

Na mape ena kava ni benu me biu kina na isele ena gauna e soli mera vakagalalataki laivi kina e rawa ni laurai ena www.vic.gov.au/machete-ban

Kevaka o na sega ni rawa ni kauta ena siteseni ni ovisa e tiko kina na kena kava ni benu, mo veitaratara kei ratou na tabana ni ovisa

Na kena maroroi, vakayagataki, voli se volitaki ni isele na machete – veivakadonui

Mai na 1 Seviteba 2025, o na rawa ga ni maroroya, vakayagataka se volia na isele na machete kevaka o:

• okati ena kena veivakadonui, se
• tiko vei iko na veivakadonui ni Komisina iLiu ni Ovisa.

Mo kila eso tale na itukutuku, rai ena: www.vic.gov.au/machete-ban

Kevaka o sega ni okati ena veivakadonui qai tiko na vuna vinaka mo maroroya kina, vakayagataka, volia se volitata na isele na machete, o rawa ni vakalewena kena fomu ni veivakadonui vua na Komisina iLiu ni Ovisa.

Ena 3 ga na yabaki na veivakadonui qai tiko na ka mo sauma. O rawa ni biuta mai na kerekere eke: www.police.vic.gov.au/chief-commissioner-approval

Na cava na isele na machete?

Qo e dua nai isele levu, e dau vakayagataki na musumusu.

Na vakatatabu qo e baleta ga na isele na machete. E sega ni okati kina na isele ni musumusu e vale se so tale na isele.

Na Machete e rawa ni duidui tu na kedra irairai kei na kedra levu. Na kena ivakaraitaki e toka ena yasana i matau.