Waa sharci-darro Victoria gudaheeda inaad lahaato, isticmaasho, qaadato, safriso, iibiso ama aad soo iibsato baangad, inuu sharcigu kuu oggolaanayo mooyee. Waxaad si sharci ah isaga tuuri kartaa baangad aad leedahay ilaa 30-ka bisha Nofeembar 2025.
Dad dhif ah oo aanan hoos imaaneyn dadka baangadaha laga mamnuucay ayaa jira. Hoos ayaa kuwaas lagu soo koobay Liis dhameystiran oo la xiriira mamnuucista baangadaha cida laga dhaafay ayaa ku jira Guddoomiyaha Awaamiirta Ka-dhaafitaanka Golaha (Governor In Council Exemption Orders).
Waa maxay baangadu?
Baangadu waa mindi wax goysa oo afkeeda wax gooya uu weyn yahay isla markaasna balaaran yahay.
Baangaduhu way kala duwanaan karaan qaab ahaan iyo cabbir ahaan labadaba. Tusaalooyinka waxaa ka mid ah balse aysan ku koobnayn sawirada hoos ka muuqda.
Ganaaxyada
Laga bilaabo 1-da Sebteembar 2025, baangadahu waa ka mamnuuc gobolka Victoria. Haddii laguugu qabto adoon wax sharci ah oo kuu ogolaanaya heysan waxay taasi kuu horseedi kartaa:
- ilaa 2 sano oo xadhig ah, ama
- ganaax ka badan $47,000.
Sida aad qaab sharciyeysan isaga tuuri karto baangad
Cafis baangadeed (Machete Amnesty) ayaa hadda furan. Waad iska wareejin kartaa oo gacantaada waad ka bixin kartaa baangad iyadoona aan lagu ganaaxi doonin ilaa 30-ka bisha Nofeembar 2025.
Si aad isaga tuurto baangad:
- Si badbaado leh wax ugu duuduub baangada (tusaale, ku duub shukumaan ama kartoon, cidhifka afaysan wax ku duub, oo dadku yeysan arkin).
- Gee saldhig booliis ee leh meelaha loogu talagalay in lagu rido baangadaha.
- Marada iyo waxa aad afka hore uga dabooshay ka fur oo ku tuur meelaha loogu talagalay in lagu rido. Wixii ku duubnaa ee aad ka furtayna adigu sii qaado.
Halka aad ka heli karto meelaha sida ammaanka ah loogu tuuri karo baangadaha
Isticmaal khariidada hoos ka muuqata si aad u heshid meesha kuugu dhow ee loogu talagalay in lagu tuuro.
Exemptions
Ka-dhaafista la xriirta, dhaqanka iyo taariikhda
Waxaa laga yaabaa in lagaa inaadan kujirin dadka laga mamnuucayo baangadaha haddii aad caddayn karto:
- in baangada aad heysato ay leedahay muhiimad dhaqan, taariikheed ama sooyaal dhaqan oo dhab ah (tusaale, haddii ay waxani yihiin wax jiil-ka-jiil loo kala dhaxlay ama loo isticmaalo hawlo la xiriira dhaqanka), iyo
- inaad si dhab ah ugu lug leedahay hawl dhaqameed, taariikh ama dhaqan la aqoonsan yahay (oo aadan u isticmaalin baangada nolol maalmeedka caadiga ah ama si guud).
Haddii aad waqti xaadirkan uu jiro sharci kuu oggolaanaya inaad heysan karto seef ama tooreyaha waaweyn, sharcigaas wuxuu sidoo kale hadda daboolaya baangadaha. Tusaalooyinka waxaa qeyb ka ah madxaf la aqoonsan yahay, hay'ad waxyaabahan ururisa, ama hay'ad dib-usoo-noolaysa taariikhda iyo dhaqamada ama xubin ka tirsan Australian Knifemakers Guild.
Waxa aad sameyn karto haddii aad kujirto kuwa sharcigu u oggol yahay inay heysan karaan
- Baangad ayaad guriga ku haysan kartaa haddii ay baangadaas adiga iyo qoyskaagaba u leedahay muhiimad dhaqan amaba taariikheed.
- Waad isticmaali kartaa ama xataa waad sidan kartaa baangad inta lagu guda jiro hawlo la xiriira dhaqanka oo la aqoonsan yahay, taas oo loo aaneynayo inay u gaar tahay koox dhaqameed ama bulsho.
Tusaalooyin la xriira qaabka loogu isticmaali karo howlo dhaqan oo markaas la ansixiyay
- Baangad ay si gooni ah u isticmaalaan dadka Samoan-ka ah (nifo’oti) oo loo isticmaalo bandhig ciyaareed dhaqan ama xaflad dhaqameed ay qabsadaan bulshada Victoria ee kasoo jeeda qowmiyada Samoan-ka ah.
- Xubnaha bulshada Victoria ee kasoo jeeda qowmiyada Papua New Guinea oo isticmaalaya baangad si ay u sameeyaan lebbis dhaqameed ama bandhigyada qoob ka ciyaarka dhaqanka.
- Baangad loo isticmaalo ciyaar dhaqameedka Mexico ee loo yaqaan Los Machetes.
- Xubnaha bulshada ku nool Victoria ee kasoo jeeda qowmiyada Latin America oo guryaha ku soo bandhigaya baangado loogu talagalaya bilicda iyo qurxinta amaba ah astaamo dhaqan.
Waxa aan la oggolayn inaad sameyso
- Ma heysan kartid baangad aan lahayn muhiimad dhaqan amaba mid taariikheed.
- Uma isticmaali kartid hawl maalmeedka sida inaad beer ku falato, cunto karis, duurka la aado (camping), ama aad u isticmaasho howlo la xiriira dayactirka guud.
- Lama ogola inaad baangad u qaadato meel fagaare ah, haddii aysan ahayn xaflad dhaqameed la aqoonsan yahay.
- Lama oggola inaad baangad ay kuu saarnaato gaadhigaaga, inaad usii socoto ama aad ka imanayso xaflad dhaqan mooyee.
- Lama oggola inaad isticmaasho ama aad u sidato baangad si aad isugu difaacdo ama aad naftaada ugu ilaaliso.
Caddaynta aad u baahan tahay
Waa inaad muujin kartaa in si sharci ah laguugu oggol yahay inaad haysato baangad sababo la xiriira dhaqanka ama taariikh-ahaaneed awgeed. Caddeymaha la oggol yaay waxaa ka mid noqon kara:
- xubinnimada (membership) ama ku xidhnaanta aad ku xiran tahay bulsho ama koox dhaqameed
- ka qaybqaadashada barnaamij dhaqameed la aqoonsan yahay (tusaale dhacdo qoob ka ciyaar).
Shuruudaha muhiimka ah
- Baangadaha waa in meelo ammaan ah loogu kaydiyaa si looga hortago in qof aan loo oggolayn uu meeshaas galo.
- Haddii aad ku sugan tahay goob fagaare ah oo ay ka dhacayso xaflad dhaqameed la aqoonsan yahay - baangada waa inaysan qaban indhaha dadka kale oo ay si ammaan ah u qarsoon tahay marka aadan isticmaalayn.
- Xaqiiji in baangadaas aanu heli karin qof kasta oo aan shaqrci u heysan.
Sharci kuu oggolaanaya inaad baangad heysato ma jiro balse waxaad doonaysaa inaad isticmaasho baangad?
Haddii uusan sharcigu kuu oggolayn inaad baangad heysato balse ay jirto sabab macquul ah oo aad ugu baahan tahay inaad haysato, ama aad isticmaasho ama aad iibiso baangad, waxaad oggolaansho ka codsan kartaa Taliyaha Booliska.
Inaad iibiso baangad
Waa sharci darro in baangad lagu iibiyo Victoria inaad:
- ogolaansho rasmi ah ka haysato Taliyaha Booliska mooyee, iyo
- in macmiilka kaa iibsanaya baangada uu heysto ogolaansho rasmi ah oo u oggolaanaya inuu baangad iibsado mooyee.
Sida ay dukaanleydu u codsan karaan oggolaanshaha
Waa inaad codsi oggolaansho raadin ah usoo dirsataa Taliyaha Booliska haddii aad rabto inaad iibiso baangado.
Si aad u sameyso codsigaas ama aad wax badan u ogaato booqo ogolaanshaha Taliyaha Booliska Victoria.
Markaad iibinayso
Dukaanleydu waa inay soo buuxiyaan shuruudo adag oo dhanka sharciga ah si ay baangad ugu dhex iibiyaan Victoria.
Dukaanleyda loo oggol yahay inay baangad iibiyaan waxaa waajib ku ah inay:
- Hubiyaan in cida ay baangada ka iibinayaan sharcigu u oggol yahay.
Waxaad sidoo kale u baahan tahay inaad xaqiijiso haddii macaamilku leeyahay labada soo socota midkood:- sharci si sax ugu oggolaanaya, ama
- oggolaansho qoraal ah oo laga helay Taliyaha Booliska si qofkaasi uu u yeelan karo baangad.
- Ka iibi baangada qof loo oggol yahay oo keliya.
Waxa kaliya oo aad baangada ka iibin kartaa shakhsiyaad ama ganacsiyo soo buuxiyay shuruudaha sharcigu ugu oggolaan karo qofkaas inuu baangad heysan karo ama haddii ay heystaan oggolaanshaha loo baahan yahay. Ogsoonoow: Waa sharci darro in ilmo laga iibiyo baangad.
- Xaqiiji aqoonsiga macmiilka oo raac shuruucda diiwaan-gelinta..
U hoggaansanoow shuruudaha aqoonsiga iyo xafidista sida hoos timaada qaybaha 5A iyo 5B ee Xeerka Xakamaynta Hubka, oo ay ku jiraan:- waa in lagu tusaa ood aragtaa 1 dukumiinti aqoonsi oo sawir leh (tusaale, baasaboor ama shatiga darawalnimada), ama
- waa in lagu tusaa ood aragtaa 2 dukumiintiyo kale oo aqoonsi ah, sida shahaadada dhalashada, shahaadada dhalashada Australia, shahaado guur, kaarka daryeelka caafimaadka, Kaarka qiimo-dhimista Commonwealth Concession card) ama aqoonsiga arday jaamacadeed.
- Meel ku xafido diiwaannada saxda ah.
Baangad kasta oo aad iibiso, waa inaad meel dhigataa diiwaannada ugu yaraan 3 sano, macluumaadka la rabo inaad keydisana waxaa ka mid ah:- faahfaahinta baangada la iibiyay (ay ku jirto serial lambarka)oo ay ku jiraan sharraxaadda, calaamadaha aqoonsiga ama serial lambarada
- aqoonsiga macmiilka iyo qaabka loola xiriiri karo
- caddaynta macmiilka ee cadaynayso in sharcigu u oggol yahay baangada ama oggolaanshaha Taliyaha Booliiska ee cadeynayso in baangad loo oggol yahay.
Tusaalaha koowaad (1): Iibka sharciga ah
Macmiilku waxa uu rabaa in uu baangad soo iibsado si uu ugu isticmaalo howlo la xiriira shaqo laga qabanayo dhirta ama beeraha. Waxay soo bandhigeen mid ka mid ah noocyada soo socda ee caddaynta la aqbali karo ee shaqada beeraha ah:
- warqad ka socota cida ay u shaqeeyaan oo ABN leh, ama
- magaca ganacsiga beeraha, ama
- heshiis shaqo ama warqadda mushaharka oo dhowaan la bixiyay ayna ku qoran isla macluumaadka shaqsiga.
Tani waa caddayn macquul ah oo muujinaysa inay soo buuxiyeen shuruudaha la oggol yahay ee la xiriira howlaha beeraha.
Waad ka iibin kartaa baangad, balse waxaa loo baahan yahay inaad meel ku xafido nuqul ka mid ah dukumeentiyadooda.
Tusaalaha labaad (2): Iibka sharci darrada ah
Macmiil ayaa doonaya inuu iibsado baangad. Iyagu:
- masoo bandhigi karaan inay ku lug leeyihiin hawl dhaqameed la aqoonsan yahay, ama
- ma heystaan caddayn muujinaysa inay ka shaqeeyaan beeraha, sidoo kalena
- ma heystaan wax oggolaansho qoraal ah oo laga keenay Guddoomiyaha Sare.
Waa inaadan ka iibin baangad.
Updated