Samting yu mas save
I gat tambu long busnaip stat long Namba 1 De bilong mun Septemba 2025
Long 1 Septemba 2025, olgeta busnaip i tambu long Viktoria. Em i min olsem em i tambu long baim, karim, yusim o salim busnaip. Sapos yu gat eksemsen, em i orait.
Amnesti bilong Busnaip o Taim bilong rausim busnaip: Septemba 1 inap Novemba 30, 2025
Wanpela Busnaip Amnesti o malolo taim bai ron long Septemba 1 i go inap Novemba 30 2025 long sapotim stretpela rausim bilong ol busnaip. Long dispela taim, yu ken givim busnaip bilong yu na bai yu no inap kisim mekimsave.
- Pasim gut busnaip (olsem, karamapim long wanpela tawel o hap kadbod bai mas karamapim tit bilong busnaip bai ol arapela i no inap lukim long pablik ples).
- Kisim go long wanpela polis stesen i gat wanpela Busnaip Amnesti sef dram pipia.
- Rausim karamap na suvim busnaip i go insait long sef dram pipia. Karim karamap bilong yu i go.
Wanpela mep i soim ples we ol Busnaip Amnesti sef dram pipia i stap long en bai yu painim long www.vic.gov.au/machete-ban
Sapos yu no inap long kam long polis stesin we ol sef dram pipia i stap long en, ringim lokel polis stesin bilong yu na toksave long o
Ol Penalti o Mekimsave
Long 1 Septemba 2025, olgeta busnaip i tambu long Viktoria. Holim busnaip na yu nogat eksemsen o tok orait, i ken lukim yu:
- kalabus inap 2-pela yiar, o
- peim moa long $47,000 fain.
Kipim, yusim, baim o salim busnaip – ol eksemsen o spesel luksave
Long 1 Septemba 2025, yu ken kipim, yusim, baim o salim busnaip sapos yu:
- gat banis aninit long wanpela eksemsen, o
- yu holim wanpela tok orait i kam long Komisina bilong Polis.
Long painim moa toksave long ol eksemsen o spesel luksave, yu ken sekim: www.vic.gov.au/machete-ban
Sapos yu nogat eksemsen na i gat gutpela as long yu kipim, yusim, baim o salim wanpela busnaip, orait, yu ken aplai long kisim tok orait bilong Sif Komisina bilong Polis.
Dispela ol tok orait i gat strong inap long 3-pela yiar, na i gat ol fi o pe bilong ol. Yu ken salim aplikesen long: www.police.vic.gov.au/chief-commissioner-approval
Busnaip em wanem samting?
Busnaip em i wanpela bikpela naip wantaim bikpela tit bilong en.
Dispela ben o tambu em long busnaip tasol. I no karamapim ol arapela naip long haus-kuk o ol arapela kain naip.
I gat bikpela na liklik busnaip. Sampela ol piksa long ol busnaip i stap long raithan sait
Long save moa long Busnaip Ban long Viktoria, yu ken sekim: www.vic.gov.au/machete-ban
Updated