ਕਿਰਪਾ ਕਰਕੇ ਚੇਤੇ ਰੱਖੋ: ਇਸ ਸਫ਼ੇ ‘ਤੇ ਹੋਰ ਜਾਣਕਾਰੀ ਅੰਗਰੇਜ਼ੀ ਵਿੱਚ ਹੈ।
ਤੁਹਾਨੂੰ ਜਲਦੀ ਹੀ ਨਵੇਂ, ਵਧੇਰੇ ਕਿਫ਼ਾਇਤੀ ਅਤੇ ਗੁਣਵੱਤਾ ਨਾਲ ਬਣੇ ਘਰ ਵਿੱਚ ਲਿਆਉਣਾ
ਸ਼ਾਨਦਾਰ ਥਾਵਾਂ
ਅਸੀਂ ਉਨ੍ਹਾਂ ਭਾਈਚਾਰਿਆਂ ਵਿੱਚ ਹੋਰ ਘਰਾਂ ਦੀ ਯੋਜਨਾ ਬਣਾ ਰਹੇ ਹਾਂ ਜਿੰਨ੍ਹਾਂ ਵਿੱਚ ਤੁਸੀਂ ਰੇਲ ਗੱਡੀਆਂ, ਟ੍ਰਾਮਾਂ, ਨੌਕਰੀਆਂ ਅਤੇ ਸੇਵਾਵਾਂ ਦੇ ਨੇੜੇ ਰਹਿਣਾ ਚਾਹੁੰਦੇ ਹੋ।
ਵਧੇਰੇ ਕਿਫ਼ਾਇਤੀ ਘਰ
ਅਸੀਂ ਵਧੇਰੇ ਕਿਫ਼ਾਇਤੀ ਘਰ ਬਣਾ ਕੇ ਤੁਹਾਨੂੰ ਘਰ ਦਾ ਮਾਲਕ ਜਲਦੀ ਬਣਨਾ ਸੌਖਾ ਬਣਾ ਰਹੇ ਹਾਂ। ਭਾਂਵੇਂ ਇਸ ਨੂੰ ਉਸਾਰਨਾ ਹੋਵੇ ਜਾਂ ਖ਼ਰੀਦਣਾ, ਤੁਹਾਡੀ ਸਹਾਇਤਾ ਕਰਨ ਲਈ ਇੱਥੇ ਸੁਧਾਰ ਮੌਜੂਦ ਹੈ।
ਗੁਣਵੱਤਾ ਵਾਲੇ ਘਰਾਂ ਦਾ ਨਿਰਮਾਣ ਕਰਨਾ
ਅਸੀਂ ਵਿਕਟੋਰੀਆ ਦੀ ਉਸਾਰੀ ਪ੍ਰਣਾਲੀ ਨੂੰ ਬਦਲ ਰਹੇ ਹਾਂ ਤਾਂ ਜੋ ਇਸ ਨੂੰ ਲੋਕਾਂ 'ਤੇ ਕੇਂਦ੍ਰਿਤ ਕੀਤਾ ਜਾ ਸਕੇ, ਬਿਲਡਰਾਂ ਨੂੰ ਜਵਾਬਦੇਹ ਠਹਿਰਾਇਆ ਜਾ ਸਕੇ ਅਤੇ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਘਰ ਟਿਕਾਊ ਬਣਾਏ ਗਏ ਹਨ।
ਪਹਿਲੇ ਘਰ ਦੇ ਖ਼ਰੀਦਦਾਰਾਂ ਲਈ ਸਹਾਇਤਾ
ਅਸੀਂ $10,000 ਫ਼ਸਟ ਹੋਮ ਓਨਰ ਗ੍ਰਾਂਟ ਨਾਲ ਤੁਹਾਡੇ ਪਹਿਲੇ ਘਰ ਦਾ ਦਰਵਾਜ਼ਾ ਖੋਲ੍ਹਣ ਵਿੱਚ ਤੁਹਾਡੀ ਮਦਦ ਕਰ ਰਹੇ ਹਾਂ ਅਤੇ $600,000 ਜਾਂ ਇਸ ਤੋਂ ਘੱਟ ਕੀਮਤ ਵਾਲੇ ਪਹਿਲੇ ਘਰ ਦੇ ਖ਼ਰੀਦਦਾਰਾਂ ਲਈ ਸਟੈਂਪ ਡਿਊਟੀ ਨੂੰ ਖਤਮ ਕਰ ਰਹੇ ਹਾਂ।
ਹਾਲੇ ਨਾ ਉਸਰੇ (ਆਫ਼-ਦ-ਪਲਾਨ) ਘਰ ਖ਼ਰੀਦਣ ਦੇ ਖ਼ਰਚਿਆਂ ਵਿੱਚ ਕਟੌਤੀ
ਅਸੀਂ ਆਫ਼-ਦਾ-ਪਲਾਨ ਅਪਾਰਟਮੈਂਟਾਂ ਅਤੇ ਟਾਊਨਹਾਊਸਾਂ 'ਤੇ ਸਟੈਂਪ ਡਿਊਟੀ ਘਟਾਈ ਹੈ ਤਾਂ ਜੋ ਅਗਾਊਂ ਲਾਗਤਾਂ ਨੂੰ ਘਟਾਇਆ ਜਾ ਸਕੇ, ਨਿਰਮਾਣ ਨੂੰ ਤੇਜ਼ ਕੀਤਾ ਜਾ ਸਕੇ ਅਤੇ ਆਫ਼-ਦਾ-ਪਲਾਨ ਖ਼ਰੀਦਣਾ ਵਧੇਰੇ ਕਿਫ਼ਾਇਤੀ ਬਣਾਇਆ ਜਾ ਸਕੇ।
ਸ਼ਾਨਦਾਰ ਥਾਵਾਂ: ਮੁੱਖ ਸੁਧਾਰ
ਭਾਈਚਾਰਕ ਗਤੀਵਿਧੀ ਕੇਂਦਰ ਪ੍ਰੋਗਰਾਮ
ਅਸੀਂ ਰੇਲ-ਗੱਡੀਆਂ, ਟ੍ਰਾਮਾਂ, ਨੌਕਰੀਆਂ ਅਤੇ ਸੇਵਾਵਾਂ ਦੇ ਨੇੜੇ ਹੋਰ ਨਵੇਂ ਘਰ ਬਣਾਉਣ ਨੂੰ ਉਤਸ਼ਾਹਿਤ ਕਰ ਰਹੇ ਹਾਂ।
ਜ਼ਮੀਨ ਵੰਡਣ ਦੀ ਪ੍ਰਕਿਰਿਆ ਨੂੰ ਸਰਲ ਬਣਾਉਣਾ
ਅਸੀਂ ਦੂਜਾ ਘਰ ਜੋੜਨਾ, ਦੋ ਨਵੇਂ ਘਰ ਬਣਾਉਣਾ, ਜਾਂ ਜ਼ਮੀਨ ਦੇ ਬਲਾਕ ਨੂੰ ਅੱਗੇ ਵੰਡਣਾ ਸੌਖਾ ਬਣਾ ਰਹੇ ਹਾਂ।
ਦਿਹਾਤੀ ਖੇਤਰ ਵਿੱਚ ਰਹਿਣ ਲਈ ਵਧੇਰੇ ਘਰ
ਅਸੀਂ ਵਧੀਆ ਬੁਨਿਆਦੀ ਢਾਂਚੇ, ਸੇਵਾਵਾਂ ਅਤੇ ਹਰਿਆਲੀ ਵਾਲੀਆਂ ਜਗ੍ਹਾਵਾਂ ਦੇ ਨਾਲ ਵਧੀਆ ਦਿਹਾਤੀ ਖੇਤਰ ਦੇ ਭਾਈਚਾਰਿਆਂ ਦਾ ਨਿਰਮਾਣ ਕਰ ਰਹੇ ਹਾਂ।
ਪਰਿਵਾਰਕ ਘਰਾਂ ਲਈ ਗ੍ਰੀਨਫ਼ੀਲਡ (ਹਰਿਆਵਲ) ਯੋਜਨਾ
ਸਾਡੀ 10 ਸਾਲ ਦੀ ਯੋਜਨਾ ਨਵੇਂ ਉਪਨਗਰਾਂ ਅਤੇ ਘਰ ਦੇ ਪਿੱਛੇ ਬਗ਼ੀਚੇ ਵਾਲੇ ਘਰਾਂ ਦੇ ਨਿਰਮਾਣ ਲਈ ਹੈ।
ਖ਼ਾਲੀ ਪਈ ਸਰਕਾਰੀ ਜ਼ਮੀਨ ਵੇਚਣਾ
ਅਸੀਂ ਉਸ ਜ਼ਮੀਨ ਨੂੰ ਰੀਜ਼ੋਨ ਕਰ ਰਹੇ ਹਾਂ ਅਤੇ ਉਸ 'ਤੇ ਉਸਾਰੀ ਕਰ ਰਹੇ ਹਾਂ ਜਿਸਦੀ ਸਰਕਾਰ ਨੂੰ ਹੁਣ ਲੋੜ ਨਹੀਂ ਹੈ।
ਵਧੇਰੇ ਪਾਰਕਾਂ ਅਤੇ ਹਰਿਆਲੀ ਵਾਲੀਆਂ ਜਗ੍ਹਾਵਾਂ
ਅਸੀਂ ਘੱਟ ਵਰਤੀ ਜਾਂਦੀ ਜ਼ਮੀਨ ਨੂੰ ਹਰਿਆਲੀ ਵਾਲੀਆਂ ਜਗ੍ਹਾਵਾਂ ਵਿੱਚ ਬਦਲ ਰਹੇ ਹਾਂ ਤਾਂ ਜੋ ਹਰ ਕੋਈ ਅਨੰਦ ਲੈ ਸਕੇ।
ਵਧੇਰੇ ਕਿਫ਼ਾਇਤੀ ਘਰ: ਮੁੱਖ ਸੁਧਾਰ
ਟਾਊਨਹਾਊਸਾਂ ਅਤੇ ਦਰਮਿਆਨੇ ਆਕਾਰ ਦੀਆਂ ਅਪਾਰਟਮੈਂਟ ਇਮਾਰਤਾਂ ਲਈ ਆਟੋਮੈਟਿਕ ਪ੍ਰਵਾਨਗੀਆਂ
ਚੰਗੇ ਵਿਕਾਸ ਲਈ ਨਵਿਆਏ ਗਏ ਡਿਜ਼ਾਈਨ ਦੇ ਮਾਪਦੰਡਾਂ ਨੂੰ ਪੂਰਾ ਕਰਨ ਵਾਲੀਆਂ ਯੋਜਨਾਵਾਂ ਲਈ ਤੇਜ਼ੀ ਨਾਲ ਪ੍ਰਵਾਨਗੀਆਂ।
ਪਲਾਨਿੰਗ ਪਰਮਿਟਾਂ ਨੂੰ ਤੇਜ਼ ਕਰਨਾ
ਅਸੀਂ ਨਿਯਮ ਅਤੇ ਨੀਤੀਆਂ ਨੂੰ ਨਵਿਆ ਰਹੇ ਹਾਂ, ਤਾਂ ਜੋ ਕੌਂਸਲਾਂ ਨੂੰ ਬਿਹਤਰ, ਤੇਜ਼ ਯੋਜਨਾਬੰਦੀ ਦੇ ਫ਼ੈਸਲੇ ਲੈਣ ਵਿੱਚ ਮਦਦ ਕੀਤੀ ਜਾ ਸਕੇ।
ਗਰੈਨੀ ਫਲੈਟ ਬਣਾਉਣਾ ਹੋਰ ਵੀ ਆਸਾਨ ਬਣਾਉਣਾ
ਤੁਹਾਡੇ ਜ਼ਮੀਨ ਦੇ ਬਲਾਕ 'ਤੇ ਇਕ ਛੋਟਾ ਜਿਹਾ ਦੂਜਾ ਘਰ ਬਣਾਉਣ ਲਈ ਹੁਣ ਪਲਾਨਿੰਗ ਪਰਮਿਟਾਂ ਦੀ ਲੋੜ ਨਹੀਂ ਹੈ।
ਜ਼ਮੀਨ ਦੇ ਛੋਟੇ ਟੁਕੜਿਆਂ (ਲਾਟਾਂ) 'ਤੇ ਸਮਾਰਟ ਹਾਊਸਿੰਗ ਡਿਜ਼ਾਈਨ
ਹੁਣ ਤੁਸੀਂ 100 ਵਰਗ ਮੀਟਰ ਤੱਕ ਬਿਨਾਂ ਪਰਮਿਟ ਦੇ ਪਹਿਲਾਂ ਨਾਲੋਂ ਵਧੇਰੇ ਨਿਰਮਾਣ ਕਰ ਸਕਦੇ ਹੋ।
ਪਾਣੀ ਅਤੇ ਬਿਜਲੀ ਨਾਲ ਜੁੜਨ ਦੀ ਪ੍ਰਕਿਰਿਆ ਹੋਰ ਤੇਜ਼
ਅਸੀਂ ਤੁਹਾਨੂੰ ਪਾਣੀ ਅਤੇ ਬਿਜਲੀ ਨਾਲ ਜਲਦੀ ਜੋੜ ਰਹੇ ਹਾਂ, ਤਾਂ ਜੋ ਤੁਸੀਂ ਆਪਣੇ ਨਵੇਂ ਘਰ ਵਿੱਚ ਜਲਦੀ ਵੱਸ ਸਕੋ।
ਗੁਣਵੱਤਾ ਵਾਲੇ ਘਰਾਂ ਦਾ ਨਿਰਮਾਣ: ਮੁੱਖ ਸੁਧਾਰ
ਅਸੀਂ ਵਿਕਟੋਰੀਆ ਦੀ ਇਮਾਰਤ ਉਸਾਰੀ ਪ੍ਰਣਾਲੀ ਵਿੱਚ ਸੁਧਾਰ ਕਰ ਰਹੇ ਹਾਂ ਤਾਂ ਜੋ ਲੋਕਾਂ ਨੂੰ ਪਹਿਲ ਦਿੱਤੀ ਜਾ ਸਕੇ, ਬਿਲਡਰਾਂ ਨੂੰ ਜਵਾਬਦੇਹ ਠਹਿਰਾਇਆ ਜਾ ਸਕੇ ਅਤੇ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਘਰ ਲੰਬੇ ਸਮੇਂ ਤੱਕ ਟਿਕਣ ਲਈ ਬਣਾਏ ਜਾਣ।
ਹੋਮ ਵਾਰੰਟੀ ਇੰਸ਼ੋਰੈਂਸ
ਬਿਲਡਰਾਂ ਲਈ ਹੁਣ ਯੋਗ ਪ੍ਰੋਜੈਕਟਾਂ ਵਾਸਤੇ ਨਵਾਂ ਹੋਮ ਵਾਰੰਟੀ ਇੰਸ਼ੋਰੈਂਸ ਖਰੀਦਣਾ ਲਾਜ਼ਮੀ ਹੈ, ਜੋ ਵਧੇਰੇ ਸੁਰੱਖਿਆ ਪ੍ਰਦਾਨ ਕਰਦਾ ਹੈ।
ਬਿਲਡਰਾਂ ਅਤੇ ਡਿਵੈਲਪਰਾਂ ਨੂੰ ਜਵਾਬਦੇਹ ਬਣਾਉਣਾ
ਬਿਲਡਰਾਂ, ਸਬ-ਕੌਂਟਰੈਕਟਰਾਂ ਅਤੇ ਡਿਵੈਲਪਰਾਂ ਨੂੰ ਨੁਕਸ ਵਾਲੇ ਉਸਾਰੀ ਦੇ ਕੰਮ ਨੂੰ ਠੀਕ ਕਰਨ ਲਈ ਮਜ਼ਬੂਰ ਕਰਨ ਦਾ ਨਵਾਂ ਅਧਿਕਾਰ
ਹਰ ਨਵੇਂ ਅਪਾਰਟਮੈਂਟ ਲਈ ਮੈਨੂਅਲ
ਤੁਹਾਡੇ ਅਪਾਰਟਮੈਂਟ ਦੇ ਨਿਰਮਾਣ, ਨਵੀਨੀਕਰਨ ਅਤੇ ਰੱਖ-ਰਖਾਅ ਦੇ ਵੇਰਵਿਆਂ ਵਾਲਾ ਉਮਰ ਭਰ ਦਾ ਰਿਕਾਰਡ।
ਭਰੋਸੇਯੋਗ, ਚੰਗੀ ਤਰ੍ਹਾਂ ਡਿਜ਼ਾਈਨ ਕੀਤੇ ਘਰਾਂ ਦਾ ਨਿਰਮਾਣ
ਤੁਹਾਡੀਆਂ ਲੋੜਾਂ ਅਨੁਸਾਰ ਆਰਾਮਦਾਇਕ ਅਤੇ ਟਿਕਾਊ ਘਰਾਂ ਨੂੰ ਯਕੀਨੀ ਬਣਾਉਣ ਲਈ ਸਪੱਸ਼ਟ ਨਵੇਂ ਮਿਆਰ
ਅਪਾਰਟਮੈਂਟ ਬਿਲਡਰਾਂ ਲਈ ਨਵੀਂ ਬੌਂਡ ਪ੍ਰਣਾਲੀ
ਡਿਵੈਲਪਰਾਂ ਨੂੰ ਰੈਗੂਲੇਟਰ ਨੂੰ ਇੱਕ ਬੌਂਡ ਦਾ ਭੁਗਤਾਨ ਕਰਨਾ ਲਾਜ਼ਮੀ ਹੈ। ਇਸ ਪੈਸੇ ਦੀ ਵਰਤੋਂ ਨੁਕਸਦਾਰ ਇਮਾਰਤ ਉਸਾਰੀ ਦੇ ਕੰਮ ਨੂੰ ਠੀਕ ਕਰਨ ਲਈ ਕੀਤੀ ਜਾ ਸਕਦੀ ਹੈ।
ਰਿਹਾਇਸ਼ੀ ਬਿਆਨ
ਕਿਫ਼ਾਇਤੀ ਘਰ ਲੱਭਣਾ ਪਹਿਲਾਂ ਨਾਲੋਂ ਵਧੇਰੇ ਮੁਸ਼ਕਲ ਹੁੰਦਾ ਜਾ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਇਹ “ਰਿਹਾਇਸ਼ੀ ਬਿਆਨ” ਘਰਾਂ ਦੀ ਉਪਲਬਧਤਾ ਨਾਲ ਨਜਿੱਠਣ ਲਈ ਇੱਕ ਯੋਜਨਾ ਪੇਸ਼ ਕਰਦਾ ਹੈ।
ਸਾਡੀ ਤਰੱਕੀ ਦੀ ਨਿਗਰਾਨੀ ਕਰਨਾ
ਅਸੀਂ ਇਹ ਯਕੀਨੀ ਬਣਾ ਰਹੇ ਹਾਂ ਕਿ ਇਹ ਬਦਲਾਅ ਠੀਕ ਤਰ੍ਹਾਂ ਕੰਮ ਕਰ ਰਹੇ ਹਨ ਅਤੇ ਤੁਹਾਡੇ ਭਾਈਚਾਰੇ ਨੂੰ ਰਹਿਣ ਲਈ ਹੋਰ ਵਧੀਆ ਬਣਾ ਰਹੇ ਹਨ।
ਵਿਕਟੋਰੀਆ ਲਈ ਯੋਜਨਾ
ਸਾਡੀ ਲੰਬੀ-ਮਿਆਦ ਦੀ ਯੋਜਨਾ ਸਾਡੀ ਵਿਭਿੰਨ ਅਤੇ ਵੱਧ ਰਹੀ ਆਬਾਦੀ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਦੀ ਹੈ, ਨਾਲ ਹੀ ਉਹਨਾਂ ਗੱਲਾਂ ਦੀ ਰੱਖਿਆ ਕਰਦੀ ਹੈ ਜੋ ਅਸੀਂ ਆਪਣੇ ਰਹਿਣ, ਕੰਮ ਕਰਨ, ਖੇਡਣ ਅਤੇ ਪਰਿਵਾਰ ਪਾਲਣ ਵਾਲੇ ਇਲਾਕਿਆਂ ਬਾਰੇ ਪਸੰਦ ਕਰਦੇ ਹਾਂ।
Updated