Ralzam asilole humhimnak kawltu dirhmun in a rami na si ahcun Tuallengsianginn Tuan ah Athawkmi (ESK) caah phung nih a onhmi na si men lai. ESK nih na fa caah zarh fatin tuallengsianginn program man loin hmuh khawhnak sullam a tambik zat na hmuh khawh dingah an bawmh khawh.
Kum 2023 ah, Kum Thum Ngakchia Tuallengsianginn program pawl cu zarh fatin suimilam 5 le 15 karlak chung, cun Kum Li Ngakchia Tuallengsianginn program pawl caah suimilam 15 chun a si. ESK hmangin minpeknak nih Kum Thum le Kum Li Ngakchia ca Tuallengsianginn prokarem pawl ah a pahnih ningin zarh fatin suimilam 15 tling tein aamah a khaan. Hi bantukin ngakchia pawl caah hmuh khawh a si:
- ralzam asilole dornak a kawlmi dirhmun in a rami
- Aboriginal le/asilole Torres Strait Islander tiah langhtermi
- ngakchia runvennak he pehtlaihnak a ngei cangmi innchungkhar in a ra mi
Victoria chung khoika a ummi si zongah minpeknak tuah lio i aa tuahmi cu zarh khat ah manlo in suimilam 15 kha hi ngakchia pawl nih an ngah khawh lai. Atu lio an hmuh khawhmi le an hmuh dingmi a caan pawl kha aa thleng lai lo.
Sok ningcang:
ESK cu a thiambakmi cachimtu nih a pekmi tuallengsianginn program dihlak kha hmuh khawh a si. Na pawng i a ummi tuallengsianginn pehtlaihnak hmangin le Early Start Kindergarten bawmhnak hmuh dingah halnak in na fa minkhumhnak na tuah khawh. Tuallengsianginn lei riantuanpiaknak pawl cu nangmah holh in bawmh dingah manlo in holhlehnak lei riantuanpiaknak ngah khawh a si.
Bawmhhalnak caah Fimcawnnak i Kum Thum Ngakchia ca Tuallengsianginn i Phuthen Dothlatnak Line 1800 338 663 ah asilole nan umnak hmun i khawngsil ah na pehtlaih khawh thiamthiam. Nangmah holh in bawmhnak ngah dingah Rampumpi huap Calehnak le Holhlehnak lei Riantuanpiaknak kha 131 450 ah na chawnh khawh i nan umnak hmun i khawngsil asilole Fimcawnnak lei Phuthen i nambar kha chawnh dingah holhlettu kha na fial khawh, cun holhlettu nih fon chawnhmi kha a tlaih peng lai i holh a leh lai.
Sok caan:
Vaupi (April) 30 hlan ah ngakchia pawl cu kum thum an tlin ahcun ESK caah phung nih a onhmi an si i tuallengsianginn kai dingin minpek an si. ‘Minpek caan’ kha zoh.
Na fa cu kum nga asilole kum ruk ah sianginn kai dingin na thimpiak khawh. Cu tikah, kum thum asilole kum li an si ah ESK an hmuh khawh lai.
Na fa kha ESK caah phung nih a onhmi a si tik i bawmh na herh ahcun, Fimcawnnak Phuthen (Department of Education), nan umnak khawngsil, nu le ngakchia zohkhenhtu nan siisayama, asilole nan umnak hmun i tuallengsianginn, asilole nan umnak hmun i a tang langhtermi chungin pakhat khat kha na pehtlaih khawh.
- Kum Thum Ngakchia ca Tuallengsianginn Dothlatnak 1800 338 663
- Brotherhood of St Laurence 03 9483 1183
- Foundation House 03 9389 8900
- Fka Children’s Services 03 9428 4471
- VICSEG New Futures 03 9383 2533
Updated