బాల శిక్షణాలయం యొక్క ప్రయోజనాలు (Benefits of Kindergarten) – తెలుగు (Telugu)

2023 లో ఉచిత కిండర్

2023 నుండి, మూడు మరియు నాలుగేండ్ల బాలల కిండర్ కార్యక్రమాలు, పాల్గొనే కేంద్రాలలో ఉచితంగా అందుబాటులో ఉంటాయి. వీటిలో దీర్ఘ కాల పగటి సంరక్షణ మరియు ‘స్వతంత్ర’ బాల శిక్షణాలయాలు ఉంటాయి.

కిండర్‌ను ఉచితంగా అందించటము వలన విక్టోరియా పిల్లలందరూ పాఠశాలను ప్రారంభించే ముందు రెండు సంవత్సరాల అధిక-నాణ్యత గల కిండర్ కార్య క్రమాన్ని అందుకోవటానికి సహాయపడుతుంది.

పాఠశాల ప్రారంభించడానికి ముందు, బాలలు దిగువ పేర్కొన్నవాటికి వెళ్లాలని సిఫారసు చేయబడుతోంది:

• వారానికి 5 నుండి 15 గంటల మధ్య ‘మూడేండ్ల బాలల’ కిండర్ కార్యక్రమం, ఆతరువాత
• వారానికి 15 గంటలు (సంవత్సరానికి 600 గంటలు) ‘నాలుగేండ్ల బాలల’ కిండర్ కార్యక్రమం.

ఉచిత కిండర్ అంటే ప్రతి సంవత్సరం, ప్రతి బిడ్డకి, పరిమిత సమయపు బాల శిక్షణాలయంలో $2,500 మరియు దీర్ఘ కాల పగటి సంరక్షణకేంద్రాలలో $2,000 (ఇది కామన్వెల్త్ చైల్డ్‌కేర్ సబ్సిడీ (CCS) చెల్లింపులను కూడా ఆకర్షిస్తుంది) వరకు ఆదా అవుతుంది.

ఉచిత కిండర్ అందించే బాలశిక్షణాలయాలకు విక్టోరియా ప్రభుత్వం నుండి నేరుగా నిధులు అందుతాయి. దీని అర్థం, కుటుంబాలు పొదుపును తిరిగి దావా చేయాల్సిన అవసరం లేదు. 'దీర్ఘ కాల పగటి సంరక్షణ' కిండర్ కార్యక్రమాలను ఉపయోగించే కుటుంబాలు, తమకు వచ్చిన బిల్లు లపై స్పష్టంగా పేర్కొనబడ్డ 'విక్టోరియన్ గవర్నమెంట్ ఫ్రీ కిండర్ ఆఫ్సెట్' ద్వారా, ప్రతి బిల్లులో ఉచిత కిండర్ ద్వారా లభించిన పొదుపు మొత్తాన్ని చూడగలుగుతాయి.

మూడేండ్ల బాలల శిక్షణ (కిండర్) గురించి

బాలశిక్షణను 'కిండర్' లేదా బాల విద్య (ఎర్లీ చైల్డ్ హుడ్ ఎడ్యుకేషన్) అని కూడా అంటారు, ఇది మీ బిడ్డ యొక్క ఎదుగుదల మరియు అభ్యాసంలో ఒక ముఖ్యమైన భాగం. మీ బిడ్డను రెండు సంవత్సరాలపాటు కిండర్ కార్యక్రమంలో చేర్పించడం, వారి నైపుణ్యాలను పెంపొందించుకోవడానికి సహాయపడుతుంది. తద్వారా వారు జీవితంలో మరియు పాఠశాలలో బాగా రాణిస్తారు. విక్టోరియాలో, మీ బాలలకుమూడు సంవత్సరాల వయసు ఉన్నప్పుడు, వారిని ఒక కిండర్ కార్యక్రమంలో పెట్టవచ్చు. మీరు మీ బిడ్డ పుట్టిన తేదీని, స్టార్టింగ్ ఏజ్ కాలిక్యులేటర్లో పెట్టి, మూడు మరియు నాలుగేండ్ల బాలల కిండర్ ని మీ బిడ్డ ఏ సంవత్సరం ప్రారంభించవచ్చో తెలుసుకో వచ్చు.

నిరూపితమైన ఫలితాలు:

కిండర్ కార్యక్రమం కు వెళ్ళే బాలలు, అక్షరాలు మరియు సంఖ్య లను ఎలా గుర్తించాలి, ఎలా లెక్కించాలి మరియు సమస్యలను ఎలా పరిష్కరించాలి వంటి నైపుణ్యాలను అభివృద్ధి చేసుకోవడం ప్రారంభిస్తారు. మీ బిడ్డ, తన ఆత్మవిశ్వాసాన్ని మరియు స్వతంత్రతను కిండర్ వద్ద పెంపొందించుకుంటారు. సామాజిక మరియు భావోద్వేగ నైపుణ్యాలను కూడా నేర్చుకుంటారు. వారు కొత్త స్నేహితులను పొందుతారు.

పాఠశాలను ప్రార౦భి౦చడానికి ము౦దు రె౦డు లేదా మూడు స౦వత్సరాలు కి౦డర్ కార్యక్రమానికి హాజరైన విద్యార్థులు, వారి 16 స౦వత్సరాల వయస్సులో, అలా చేయనివారిక౦టే ఇ౦గ్లీషు, గణితాల్లో ఎక్కువ స్కోర్లు సాధి౦చారని పరిశోధన తెలుపుతోంది.

తల్లిదండ్రులు మరియు కిండర్ అధ్యాపకులు ఏవిధంగా కలిసి పనిచేస్తారు:

తల్లిదండ్రులు, కుటుంబాలు మరియు ఉపాధ్యాయుల మధ్య భాగస్వామ్యంతో కిండర్ ఉత్తమంగా పనిచేస్తుంది. తల్లిదండ్రులుగా, మీ బిడ్డ ఎదుగుదలలో మీరు అత్యంత ముఖ్యమైన భాగం. మీరు వారికి తప్పు మరియు ఒప్పుల గురించి, మీ భాషలు, సంస్కృతి, దయ మరియు గౌరవం వంటి విలువలను బోధిస్తారు. ఉపాధ్యాయులు, కిండర్‌లో ఏమి జరుగుతోంది మరియు మీ బిడ్డ ఇంట్లో నేర్చుకుంటూ వుండటానికి సహాయపడే మార్గాల గురించి, మీతో మాట్లాడతారు. వారు, మీ బిడ్డ ఆశక్తుల గురించి మరియు మీ బిడ్డ ఎలా నేర్చుకోవడానికి ఇష్టపడతారో తెలుసుకోవాలని కోరుకుంటారు.

ఏ సమయంలోనైనా ఒక అనువాదకుని ఏర్పాటు చేయమని మీరు మీ కిండర్ ఉపాధ్యాయుని అడగవచ్చు. ఇది ప్రత్యక్షంగా కాని లేదా టెలిఫోన్ ద్వారా కాని లేదా వీడియో ద్వారా ఉండవచ్చు. దీనికి ఎలాంటి ఖర్చు ఉండదు.

కిండర్ వద్ద ఏమి జరుగుతుంది:

బాలలు ఆడుకోవడం ద్వారా నేర్చుకునేలా ఉపాధ్యాయులు ప్రోత్సహిస్తారు. కార్యకలాపాలలో, బొమ్మలు గీయటం, పాడటం, ఎక్కటం, త్రవ్వటం, ఆరుబయట పరిగెత్తటం, బొమ్మలతో ఆడుకోవటం మరియు పుస్తకాలు చదవడం వంటివి ఉండవచ్చు. ఇతరులతో పంచుకోవడం మరియు వంతుల వారీగా సహకరించడం ద్వారా, పిల్ల లు వారి ఊహాశక్తిని ఉపయోగించుకోవటానికి మరియు కొత్తవి కనుక్కోవటానికి ఆటలు ప్రోత్సహిస్తాయి. ఇంగ్లిష్ ఎలా మాట్లాడాలి మరియు అర్థం చేసుకోవాలి అనే దానితో సహా, బాలలు ధ్వనులు, పదాలు మరియు భాష గురించి నేర్చుకుంటారు.

కిండర్లు మన బహుళ సాంస్కృతిక సమాజంలో భాగం:

కిండర్ కార్యక్రమాలు, అన్ని నేపథ్యాల నుంచి వచ్చిన తల్లిదండ్రులను వారి సంఘంలో భాగం కావడానికి స్వాగతిస్తాయి. ఆ ప్రదేశంలో తల్లిదండ్రులు కలుసుకోవచ్చు, కథలను పంచుకోవచ్చు మరియు ఒకరి నుండి ఒకరు నేర్చుకోవచ్చు.

ఉపాధ్యాయులు, మీ బిడ్డ మరియు మీ సంస్కృతి గురించి తెలుసుకోవాలని కోరుకుంటారు. ఇది వారికి, సాంస్కృతిక పర్వదినాలు మరియు సంఘటనల ఆధారంగా మీ బిడ్డకు అర్థవంతమైన కార్యకలాపాలను తయారు చేయడానికి మరియు విక్టోరియాలోని వైవిధ్యాన్ని సంబరంగా జరుపుకోవటానికి సహాయపడుతుంది.

ఉపాధ్యాయులు ప్రతి ఒక్కరినీ కార్యకలాపాలలో చేర్చుకుంటారు. అందువలన, ఇంగ్లిష్ మాట్లాడని బాలలు మిగిలిన వారి వలే ఆడుకోవటానికి మరియు నేర్చుకోవటానికి సమాన అవకాశాలను కలిగి ఉంటారు. కొన్ని కిండర్ కార్యక్రమాలు ఇంగ్లిష్ మాట్లాడని, లేదా తక్కువగా మాట్లాడే బాలలకుసహాయపడే ద్విభాషా విద్యావేత్తలను కలిగి ఉంటాయి. బాలలకు, ఇతరులతో కలిసి మెలగడం, వారిని అంగీకరించటం మరియు సాంస్కృతిక భేదాలను గౌరవించటం కూడా బోధిస్తారు.

దీర్ఘ కాల పగటి సంరక్షణ (బాల సంరక్షణ) కేంద్రం మరియు స్వతంత్ర (పరిమిత సమయపు) బాల శిక్షణాలయాల కిండర్ కార్యక్రమాల మధ్య తేడా ఏమిటి?

మూడేండ్ల బాలల కిండర్ కార్యక్రమానికి, బాలలు, దీర్ఘ కాల పగటి సంరక్షణ (బాల సంరక్షణ) కేంద్రంలో కానీ, లేదా స్వతంత్ర (పరిమిత సమయపు) బాల శిక్షణాలయంలో కానీ హాజరుకావచ్చు. సాధారణంగా ఈ కేంద్రాలు నాలుగేండ్ల బాలల కిండర్ కార్యక్రమం కూడా అందిస్తాయి.

దీర్ఘ కాల పగటి సంరక్షణ కేంద్రం, కిండర్ కార్యక్రమం తో పాటు పూర్తి రోజు విద్య మరియు సంరక్షణను అందించగలదు. ఉపాధ్యాయుల నేతృత్వంలోని కిండర్ కార్యక్రమాన్ని అదనపు గంటల విద్య మరియు సంరక్షణతో అనుసంధానించవచ్చు. స్వతంత్ర (పరిమిత సమయపు) కేంద్రంలో, బాల శిక్షణా కార్యక్రమం, నిర్ధిష్ట రోజులు మరియు నిర్ధిష్ట సమయాల్లో మాత్రమే పనిచేస్తుంది. ఈ రోజులు మరియు గంటలను బాల శిక్షణాలయం నిర్ణయిస్తుంది.

శిశు పాఠశాల (ఎర్లీ స్టార్ట్ కిండర్ గార్టెన్)

2023 లో, మూడేండ్ల బాలల కిండర్ కార్యక్రమాలు ప్రతి వారం 5 నుండి 15 గంటల మధ్య, మరియు నాలుగేండ్ల బాలల కిండర్ కార్యక్రమాలు 15 గంటల పాటు ఉంటాయి. మీరు శరణార్థి లేదా శరణార్థి నేపథ్యం నుంచి వచ్చినట్లయితే, శిశు పాఠశాల (ఎర్లీ స్టార్ట్ కిండర్ గార్టెన్ - ESK) అనే కార్యక్రమం కూడా లభ్యం అవుతుంది. ఎబొరిజినల్స్ లేదా టోర్రెస్ స్ట్రెయిట్ ద్వీపవాసులుగా గుర్తించబడిన, లేదా పిల్లల రక్షణ సేవలతో సంబంధం ఉన్న, బాలలకుకూడా శిశు పాఠశాల అందుబాటులో ఉంటుంది.

మీబిడ్డ కోసం ప్రతివారం సాధ్యమైనంత గరిష్ట మొత్తంలో ఉచిత కిండర్ కార్యక్రమ సమయం పొందేలా శిశు పాఠశాల సహాయపడుతుంది. మూడేండ్ల బాలల కిండర్ కార్యక్రమంలో ఎన్ని గంటల సమయం ఇచ్చినప్పటికీ, శిశు పాఠశాల కి అర్హత కలిగిన బాలలు ప్రతివారం 15 గంటల ఉచిత కిండర్ పొందడానికి అర్హులు.

శిశు పాఠశాల గురించి మరింత సమాచారం కొరకు మీ స్థానిక బాలశిక్షణాలయం వారితో మాట్లాడండి, లేదా సందర్శించండి: https://www.vic.gov.au/early-start-kindergarten

మీ బిడ్డ పేరు నమోదు చేయండి:

ఆమోదించబడ్డ కిండర్ కార్యక్రమాలను అందించే కేంద్రాలను కనుగొనడానికి, ‘ఫైండ్ ఎ కిండర్ ప్రోగ్రామ్' అనే వెబ్‌సైట్‌ను సందర్శించండి (ఫైండ్ ఎ కిండర్ ప్రోగ్రామ్ - డిపార్ట్ మెంట్ ఆఫ్ ఎడ్యుకేషన్ అండ్ ట్రైనింగ్, విక్టోరియా (educationapps.vic.gov.au))

మీ స్థానిక బాల శిక్షణాలయంతో, వారి నమోదు ప్రక్రియ గురించి మాట్లాడండి. ఒకవేళ మీకు సాయం కావాలంటే, మీరు మీ స్థానిక పురపాలక సంఘాన్ని కూడా సంప్రదించవచ్చు లేదా 1800 338 663 పై మూడేండ్ల బాలల బాల శిక్షణాలయం విచారణ లైన్ కు ఫోన్ చేయవచ్చు లేదా 3YO.kindergarten@education.vic.gov.au కు ఇమెయిల్ చేయవచ్చు. మీ భాషలో సహాయం కోసం లేదా అనువాదకుని పొందడానికి, ముందుగా 131 450కి ఫోన్ చేయండి.

కిండర్ టిక్ (గుర్తు) కోసం చూడండి:

కిండర్ టిక్ విక్టోరియా కుటుంబాలు తమ పిల్లల కోసం, ఆమోదించిన కిండర్ కార్యక్రమం కనుగొనడంలో సహాయపడుతుంది.

మీ స్థానిక బాల శిక్షణాలయం వద్ద, దాని లోపల లేదా భవనం మీద లేదా మైదానంలో, వారి వెబ్ సైట్ లేదా వారి సమాచార పత్రాల లో కిండర్ టిక్ లోగో కొరకు చూడండి.