Three-Year-Old Kindergarten brochure - Urdu

• الگ بنے کنڈرگارٹن ادارے

  • کنڈرگارٹن پروگرام

    بچے کنڈرگارٹن پروگرام میں مقررہ دنوں اور گھنٹوں میں جاتے ہیں
• پورے دن کی نگہداشتی خدمات

  • کنڈرگارٹن پروگرام

    بچے اپنے پورے دن کی نگہداشت کے وقت کا کچھ حصہ کنڈرگارٹن پروگرام میں گزارتے ہیں

  • تعلیم اور نگہداشت

    پورے دن کی نگہداشتی خدمات 0 سے 6 سال تک عمر کے بچوں کو ابتدائی بچپن میں تعلیم اور نگہداشت پیش کرتی ہیں

فنڈنگ کے ساتھ چلنے والے سب کنڈرگارٹن پروگراموں کے لیے ضروری ہے کہ وہ حفاظت اور معیار کے ضمن میں حکومت کی ہدایات پر پورے اتریں اور انہیں وکٹوریا کے ابتدائی سالوں میں تعلیم اور نشوونما کے فریم ورک کے مطابق تشکیل دیا گیا ہے۔

پورے دن کا نگہداشتی مرکز پورا دن تعلیم اور نگہداشت پیش کر سکتا ہے جس میں کنڈرگارٹن پروگرام بھی شامل ہے۔ اساتذہ کی رہنمائی میں کنڈرگارٹن پروگرام میں تعلیم اور نگہداشت کے اضافی گھنٹے شامل کیے گئے ہیں۔ الگ پیش کی جانے والی سروس کے طور پر کنڈرگارٹن پروگرام صرف بعض دنوں میں اور مخصوص اوقات میں چلے گا۔ یہ دن اور اوقات کنڈرگارٹن سروس طے کرتی ہے۔

یہ فیصلہ کہ آپ اپنے بچے کو کہاں بھیجیں گے، اس پر منحصر ہو سکتا ہے کہ آپ کے مقامی علاقے میں کونسی خدمات دستیاب ہیں اور آپ کے گھرانے اور بچے کے لیے کیا زیادہ مناسب ہے

اپنی مقامی کنڈرگارٹن سروس سے ان کے داخلے کے طریق کار اور وقت کے بارے میں بات کریں اور ان کے مرکز میں جا کر عملے سے ملیں۔ اپنا مقامی کنڈرگارٹن تلاش کرنے کے لیے اور اپنے گھرانے کے لیے درست سروس چننے کا طریقہ جاننے کے لیے دیکھیں: How to choose a kindergarten

معیاری کنڈرگارٹن سروس چننے سے یہ یقینی ہو گا کہ بچے کو کنڈرگارٹن میں گزرنے والے وقت سے بہترین استفادہ ہو رہا ہے۔ آپ یہاں سروس کے معیار کی درجہ بندی دیکھ سکتے ہیں : www.startingblocks.gov.au

اکثر اداروں میں داخلے کا طریق کار طے ہے جس کے مطابق بچے کے کنڈرگارٹن پروگرام شروع کرنے سے پہلے داخلے شروع ہو جاتے ہیں، اس لیے آپ کو اپنے بچے کے دو سال کا ہونے پر اس کے داخلے کے متعلق سوچنا شروع کر دینا چاہیے۔

جنوری اور اپریل کے درمیان پیدا ہونے والے بچوں کے گھرانے اور سنبھالنے والے یہ چن سکتے ہیں کہ یونیورسل فنڈنگ کے ساتھ چلنے والا تین سالہ بچوں کا کنڈرگارٹن پروگرام کونسے سال میں شروع کیا جائے۔ ممکن ہے گھرانے اپنے بچوں کو اگلے سال بھیجنا چاہیں تاکہ وہ سکول کے آغاز کی عمر کے مطابق چلیں جبکہ کچھ بچے دو سال کی عمر میں آغاز کر رہے ہوں گے۔

1 مئی اور 31 دسمبر کے درمیان پیدا ہونے والے بچے صرف اس سال میں تین سالہ بچوں کا کنڈرگارٹن شروع کرنے کے اہل ہیں جس سال میں وہ چار سال کی عمر کو پہنچ رہے ہوں اور وہ چار سالہ بچوں کا کنڈرگارٹن اس سال میں شروع کر سکتے ہیں جب وہ پانچ سال کی عمر کو پہنچ رہے ہوں۔

1 جنوری اور 30 اپریل کے درمیان پیدا ہونے والے بچے

تین سالہ بچوں کا کنڈرگارٹن شروع کر نے کے لیے اس سال میں بھی اہل ہیں جب وہ تین سال کے ہوں اور اس سال میں بھی اہل ہیں جب وہ چار سال کے ہوں۔

ممکن ہے اس صورت میں بچوں کو تین سال کا ہو جانے تک کنڈرگارٹن شروع کرنے کا موقع نہ ملے کہ سروس دو سالہ بچوں کی تعداد کے لحاظ سے اساتذہ کی درست تعداد فراہم نہ کر سکتی ہو۔

* دسمبر کی یہ تاریخ گورنمنٹ سکول میں ٹرم 4 کی آخری تاریخ ہے۔ اگر کسی گھرانے کے منتخب کیے ہوئے سکول میں ٹرم 4 کا آخری دن اس سے پہلے کسی تاریخ پر ہو تو اسی تاریخ کو استعمال کرنا چاہیے۔