ကတိၤတၢ်ဒီးနလီၢ်က၀ီၤကီၣ်ကးကရၢမ့တမ့ၢ်တီၤဖိသၣ်ကၠိအတၢ်မၤစၢၤ ဘၣ်ဃးတၢ်ဆဲးလီၤမံၤအကျိၤအကျဲတက့ၢ်. နကိးစ့ၢ်ကီးသးသၢနံၣ်တီၤဖိသၣ်အတၢ်ဃုသ့ၣ်ညါတၢ်ဂ့ၢ်အလီကျိၤလၢ 1800 338 663 မ့တမ့ၢ်အံမ့(လ) 3YO.kindergarten@education.vic.gov.au န့ၣ်သ့လီၤ. လၢတၢ်ဆီၣ်ထွဲလၢနကျိၥ်အဂီၢ်မ့တမ့ၢ်ကမၤန့ၢ်ပှၤကျိးထံအဂီၢ်, အဆိကိး ၁၃၁ ၄၅၀ တက့ၢ်.
တၢ်စးထီၣ်ဆိတီၤဖိသၣ်(ESK)
ဖိသၣ်လၢအအိၣ်ဟဲလၢပှၤဘၣ်ကီဘၣ်ခဲမ့တမ့ၢ်ပှၤဃ့တၢ်အိၣ်ကဒုအခွဲးအယာ်အတၢ်အိၣ်သးတဖၣ်န့ၣ်မၤန့ၢ်သူ၀ဲဒၣ်တၢ်ဆီၣ်ထွဲဆူညါတဖၣ်သ့၀ဲဒၣ်ဒီးဒိးန့ၢ်ဘၣ်တၢ်မၤန့ၢ်သူတီၤဖိသၣ်ကၠိလၢတၢ်ဟ့ၣ်ဆိအီၤလၢညါတုၤလီၤလၢ Early Start Kindergarten တစုန့ၣ်သ့လီၤ. နသံကွၢ်နလီၢ်က၀ီၤတၢ်မၤစၢၤဘၣ်ဃး Early Start Kindergarten အဂ့ၢ်ဖဲနမ့ၢ်ဆဲးလီၤန့ၢ်နဖိအမံၤအခါ,မ့တမ့ၢ်လဲၤအိၣ်သကိးဘၣ် Early Start Kindergarten လၢတၢ်ဂ့ၢ်တၢ်ကျိၤဆူညါအဂီၢ်န့ၣ်သ့လီၤ.
တၢ်ကဆဲးလီၤမံၤလၢကထီၣ်ကၠိအဂီၢ်လၢအခါမတၤလဲၣ်
လၢဘံးထိရံယါအပူၤ,နစးထီၣ်ဒုးထီၣ်ဖိသၣ်လၢတီၤဖိသၣ်အတၢ်ရဲၣ်တၢ်ကျဲၤတခါအပူၤဖဲဖိသၣ်အသးအိၣ် 3 နံၣ်အခါန့ၣ်သ့လီၤ. နထၢနုၥ်လီၤနဖိအိၣ်ဖျဲၣ်မုၢ်နံၤလၢစးထီၣ်ဂံၢ်ဒွးသးနံၣ်(Age Calculator)လၢကဃုထံၣ်န့ၢ်နံၣ်လၢအ၀ဲသ့ၣ်ကစးထီၣ် လွံၢ်နံၣ်တီၤဖိသၣ်ကၠိမ့တမ့ၢ်Pre-Prep သ့အဂီၢ်.
နဖိမ့ၢ်အိၣ်ဖျဲၣ် ဖဲ လါယနူၤအါရံၤ ၁ သီဒီး လါအ့ဖြ့ၣ် ၃၀ သီအဘၢၣ်စၢၤန့ၣ်နဃုထၢနံၣ်ဖဲလဲၣ်တနံၣ်လၢကစးထီၣ်သၢနံၣ်တီၤဖိသၣ်ကၠိန့ၣ်သ့လီၤ. နဖိစးထီၣ်သၢနံၣ်တီၤဖိသၣ်ကၠိလၢတနံၣ်ဃီအတီၢ်ပူၤသ့ဖဲအသးမ့ၢ်ပှဲၤထီၣ် ၃ နံၣ်န့ၣ်, မ့တမ့ၢ်ဖဲနံၣ်လၢအသးပှဲၤထီၣ် ၄ နံၣ်အကတီၢ်န့ၣ်လီၤ နဖိမ့ၢ်စးထီၣ်သၢနံၣ်တီၤဖိသၣ်ကၠိဖဲန့ၣ်လၢအသးမ့ၢ်ပှဲၤထီၣ် ၃ နံၣ်န့ၣ်, အ၀ဲသ့ၣ်ကစးထီၣ်ဘၣ်ကၠိဖဲအသးပှဲၤထီၣ် ၅ နံၣ်န့ၣ်လီၤ. မ့ၢ်ဃုထၢလၢကဆှၢနဖိဆူသၢနံၣ်တီၤဖိသၣ်ကၠိဖဲနံၣ်လၢအသးပှဲၤထီၣ် ၄ နံၣ်န့ၣ်, အ၀ဲသ့ၣ်ကစးထီၣ်ဘၣ်ကၠိဖဲနံၣ်လၢအသးပှဲၤထီၣ် ၆ နံၣ်န့ၣ်လီၤ.
တၢ်ကွၢ်ဃုတီၤဖိသၣ်အတၢ်ရဲၣ်တၢ်ကျဲၤ
လၢကဃုထံၣ်န့ၢ်ကရၢလၢအဟ့ၣ်ထီၣ်တီၤဖိသၣ်ကၠိတၢ်ရဲၣ်တၢ်ကျဲၤလၢတၢ်တူၢ်လိၥ်အီၤသ့တဖၣ်အဂီၢ်, ကွၢ်ဘၣ် ဃုထံၣ်န့ၢ်တီၤဖိသၣ်တၢ်ရဲၣ်တၢ်ကျဲၤအပှၥ်ယဲၤတက့ၢ်. နလီၢ်က၀ီၤကီၣ်ကးကရၢဒီးတီၤဖိသၣ်အတၢ်မၤစၢၤတဖၣ်န့ၣ်မၤစၢၤနၤလၢတၢ်ကဃုန့ၢ်တၢ်လီၢ်တခါလၢတီၤဖိသၣ်အပူၤန့ၣ်သ့စ့ၢ်ကီးလီၤ.
ကွၢ်ဃုဘၣ် ခ့ဒၢၣ်တၢ်ပနီၣ် (Kinder Tick) တက့ၢ်-
Kinder Tick မၤစၢၤဘံးထိရံယါဟံၣ်ဖိဃီဖိတဖၣ် လၢကဃုထံၣ်န့ၢ်တီၤဖိသၣ်အတၢ်ရဲၣ်တၢ်ကျဲၤ လၢအန့ၢ်ဘၣ်တၢ်ပျဲလၢအ၀ဲသ့ၣ်အဖိအဂီၢ်န့ၣ်လီၤ.
ကွၢ်ဃုဘၣ် Kinder Tick အပနီၣ် လၢနလီၢ်က၀ီၤတီၤဖိသၣ်အတၢ်မၤစၢၤ အတၢ်ဖံးတၢ်မၤ, လၢတၢ်မၤစၢၤအလီၢ် မ့တမ့ၢ် တၢ်မၤစၢၤအတၢ်သူၣ်ထီၣ် မ့တမ့ၢ် တၢ်လီၢ်တဖၣ်အပူၤ, မ့တမ့ၢ် လၢအ၀ဲသ့ၣ်အပှာ်ယဲၤသန့ မ့တမ့ၢ် လၢအ၀ဲသ့ၣ်အတၢ်ဂ့ၢ်တၢ်ကျိၤအပီးအလီတဖၣ်အလိၤန့ၣ်တက့ၢ်.
Updated