Kinder Abɛc ee tɔ̈ në ajuɛɛrë Kinder de Run kaa Diäk ku Run kaa Ŋuan iic alɔŋde loilooi loi keek Victoria. Kënë anɔŋic yïk muöök bäric aköl ku luɔɔide kɔ̈ɔ̈cë ŋɛk ërot (kë yee cɔl sessional).
Kuɛ̈të wëu tënë anïn
Anïn nɔŋ mïth cïke gät rin piny në sessional kindergarten luï yic aa yee lööm në ajuɛɛr/aguiɛɛr abɛc.
Anïn nɔŋ mïth cïke gät piny në muöök ë kööl bäric yic aa yee yök kenë tëkë yic de wëu yeke cuat piny.
Gɛ̈m Kinder Abɛc/Apɛth
Kinder Abɛc/Apɛth ee këde raan ëbɛ̈n.
Anïn acië lëu bïkkë yaa naŋ Health Care Card wälë/ka Pension Card, ba yaa raan Australia, wälë kën nyooth të cieŋ agorë yïn jäl gam ba yaa yök. Yïn ëyɛ acïï wïc kubï yïn gam tënë Child Care Subsidy (CCS) de Akuma Kɔc Australia kuba kindere Abɛc/Apɛth lööm.
Yïn lëu Kinder abɛc/apɛth lööm pɛth alɔŋde luɔɔi ë kinder tökic në kuatë dhamɛn thok. Raandunë luɔi de kinder abë yïn thiëëc ba athör/juɔɔp thanyic, kë yï cɛ̈k luɔɔi wɛ̈n bïn Kinder Abɛc/Apɛth lööm. Naa lɔ mɛnhdu në luɔɔi de kinder në käjuëc wär tök, kë yïn alëu bïï kuatë luɔi yaa ŋic ɛn të bïn Kinder Abɛc/Apɛth yaa yök thïn.
Të lëu bïn wëu Kinder Abɛc/Apɛth yaa yɔ̈k thïn
Loilooi ke Kinder ee gɛm në Kinder Abɛc/Apɛth abë wëu ciɛ̈thë lööm tënɔŋ akuma kɔc Victoria. Kënë aayee nyuɔɔth anïn aacië lëu bïkkï wëu cïke kueet dhuök ciëën, naa cie kɛɛy kë wëuku aabïke tekiic. Në sessional kinder yic ajuɛɛrdu ee yaa abɛc/apɛth.
Anïn loi ajuɛɛr/Aguiɛɛr kë muöök bäric aköl alëukï kubïk kuɛ̈t tïŋ tënɔŋ Kinder Abɛc/Apɛth në kuatë door ë gɛm warɛŋ cï gät ic wëu kenë 'Thööŋë nhom de Kinder Abɛc/Apɛth de Kɔc Victoria' kë cï ŋiɛc gɔ̈t në warɛɛk cennë wëu gät thïn ic.
Të yennë wëu cïï rok/thɔ̈ɔ̈ŋ tääu në ciën wëu du yic
Kinder Abɛc cïï rok/thɔ̈ɔ̈ŋ aabïke tääu në wëuku yiic në ruönic (e.g. läät hok ëbɛ̈n wälë läät kee rou thook ëbɛ̈n). Yïn alëu ba wëu cïke lueel tïŋ apiɛth në warɛŋdun cennë wëu gät thïn ic cëmanë 'Thööŋë nhom de Kinder Abɛc de Kɔc Victoria'.
Në thön alɔŋde të cït të bïnë wëu cïï rok tääu në wëuku yiic ku të cït të yennë kënë nyuɔɔth thïn në wereŋë wëu cï gɔ̈t ic, kë yïn jamë kenë raandunë luï kinder. Naa yee mɛnhdu thää wär thää kaa 15 yök në läät tökic, kë thää juɛkë thïnkä aacieke mat thïn në thööŋë nhom de wëu ic.
Naa yïn aaye gam tënë Commonwealth Childcare Subsidy kë yen abïï tääu tueeŋ. Këtui aye yuɔɔth kë yï bë wïc ba cuɛt piny në wëu cë döŋ në CCS ku.
Cïtmanë:
- Mɛnh nɔŋ run kaa 4 ee lɔ muöök bäric aköl nɔŋ ajuɛɛr/aguiɛɛr ë kinder në nïn kaa 3 në läätic.
- Luɔɔi ee juɛr në $360 në nïn kaa 3 në läätic (anɔŋ yïk thää ke kinder ku ajuëk ë thää ke muöök).
- Anïn ee CCS de $252 yök në läät tökic.
- Në 2025 yic, luɔɔi ee $2,101 abɛc ke Kinder miɛ̈ɛ̈t bic në läätic ëbɛ̈n tënë läät kaa 40 yiic ($52.53 në läät tökic).
- Anïn ee cuɛt piny $55.478 në läät thok ëbɛ̈n në thök de CCS ku Kinder Abɛc cïï thɔ̈ɔ̈ŋ/dhuök piny.
Yïn ŋic. Kënë e kë nyoothë abɛc ku käŋ ee ɣɔɔc aabë wööc alɔŋ tënë tëcït wënë tɔ̈ käŋ ŋɛk thïn ku akuën wëu ë Kinder abɛc ke ruön thok ëbɛ̈n yee dhuök piny.
Updated