တၢ်ဟံးစုနဲၣ်ကျဲလၢဟံၣ်ဖိဃီဖိတဖၣ်အဂီၢ်
ဘၣ်ဃးဒီးနကတီၤဆိကၠိတၢ်ပီးတၢ်လီ
တၢ်ဒုးနုၥ်ပၣ်ဃုၥ်နဖိဆူတၢ်လိၥ်ကွဲအပူၤန့ၣ်မ့ၢ်ကျဲအဂ့ၤကတၢၢ်တဘိလၢကဆီၣ်ထွဲအ၀ဲသ့ၣ်တၢ်မၤလိဒီးတၢ်ဒိၣ်ထီၣ်န့ၣ်လီၤ. မိၢ်ပၢ်, ပှၤကွၢ်ထွဲတၢ်ဒီးဟံၣ်ဖိဃီဖိတဖၣ်မ့ၢ်ပှၤလၢအရ့ဒိၣ်ကတၢၢ်လၢအ၀ဲသ့ၣ်တၢ်လဲၤကျဲအပူၤတခါလီၤ.
ကတီၤဆိကၠိပီးလီန့ၣ်တၢ်မၤပှဲၤအီၤဒီးလံၥ်တဖၣ်, တၢ်ကူၣ်ဘၣ်ကူၣ်သ့အဂီၢ်တၢ်လိာ်ကွဲဒီးတၢ်ဟူးတၢ်ဂဲၤတဖၣ်လၢတၢ်မၤအီၤလၢနဖိဒီးဟံၣ်ဖိဃီဖိကမုၥ်လၤသးဖှံလၢဟံၣ်လၢဃီအဂီၢ်လီၤ.
လၢကတီၤဆိကၠိတၢ်ပီးတၢ်လီတၢ်ဖိတၢ်လံၤတခါစုၥ်စုၥ်ဘၣ်တၢ်မၤအီၤလီၤဆီဒၣ်တၢ်လၢဖိသၣ်သၢနံၣ်ဖိတဖၣ်အဂီၢ်န့ၣ်လီၤ.
ဘံးထိရံယါနံၣ်အဆိတၢ်မၤလိတဖၣ်အပူၤ(Victorian Early Years Learning)ဒီးတၢ်ဒိၣ်ထီၣ်လဲၤထီၣ်အတကွီၢ် (Development Framework)
ဖိသၣ်တၢ်ဒိၣ်ထီၣ်သီကတီၢ်ကၠိသရၣ်/သရၣ်မုၣ်ဒီးပှၤဟ့ၣ်ထီၣ်ပီညါတဖၣ်အတၢ်ဆီၣ်ထွဲနဖိလၢကဒိၣ်ထီၣ်ဒီးမၤလိတၢ်အဂီၢ်
ကတီၤဆိကၠိတၢ်ရဲၣ်တၢ်ကျဲၤတဖၣ်သူ၀ဲဘံးထိရံယါနံၣ်အဆိတၢ်မၤလိဒီးတၢ်ဒိၣ်ထီၣ်အတကွီၢ် Victorian Early Years Learning and Development Framework (VEYLDF) လၢဟံးစုနဲၣ်ကျဲဖိသၣ်တဖၣ်တၢ်မၤလိဒီးတၢ်ဒိၣ်ထီၣ်အဂီၢ်လီၤ.
တၢ်ခဲလၢၥ်လၢကတီၤဆိကၠိထၢၣ်အဘိၣ်ပူၤအံၤဒုးဘၣ်ဘျးလိၥ်အသးဒီးတၢ်အစၢဟဲလၢ VEYLDF အကျါ ၁ ခါမ့တမ့ၢ်အါခါန့ၣ်လီၤ.
- က့ၢ်ပနီၣ်
- တၢ်မၤလိ
- ပှၤတ၀ၢ
- တၢ်ဆဲးကျိး
- တၢ်အိၣ်မုၥ်အိၣ်ပၢၤ
ထၢၣ်၀ံချၢ
ကတိၤဆိကၠိထၢၣ်၀ံချၢတဖၣ်တၢ်သူအီၤလၢကိးနံၤဒဲးအဂီၢ်သ့လၢကစိၥ်တၢ်ဖိတၢ်လံၤဒီးလိာ်ကွဲအဂီၢ်လီၤ.
နဖိကွဲးတၢ်ဂီၤတခါလၢကးဘ့ၣ်ဘၣ်ဘျးစဲအလိၤဖဲအချၢသ့၀ဲ, ဒ်သိးအ၀ဲသ့ၣ်ကသ့ၣ်ညါဘၣ်ထၢၣ်၀ံချၢန့ၣ်မ့ၢ်အတၢ်အဂီၢ်လီၤ.
ဘ့ၣ်လီၤထၢၣ်စံး(ဘ)ဒီးကျးထီၣ်Velcro လံၥ်ဘျးစဲလၢကသူတၢ်မဲၥ်ဖံးခိၣ်လၢတၢ်ပလၢၢ်အီၤသ့လၢတၢ်လိာ်ကွဲထံၣ်တမှံအဂီၢ်တက့ၢ်.
- မၤဃံးထီၣ်မ့တမ့ၢ်မၤကျီလီၤထၢၣ်၀ံချၢအပျံၤဒ်သိးထၢၣ်န့ၣ်ကအိၣ်ဆ့ၣ်နီၤဖဲနဖိအခံကိၢ်အဖီခိၣ်.
- ဒုးကဲထီၣ်ပူဖိတဖျၢၣ်ဃုၥ်ဒီးတၢ်ကျးလၢတၢ်ပလၢၢ်အီၤသ့တဘ့ၣ်အလိၤတက့ၢ်.
- တၢ်ဟ့ၣ်ဂံၢ်ဟ့ၣ်ဘါလၢတၢ်ကွဲးတၢ်ဂီၤလၢတၢ်ဘျးလီၤမံၤအလိၤ.
- ကၠီးလိသးလၢတၢ်ကွဲးလိဆိလံၥ်အတၢ်သ့တၢ်ဘၣ်တဖၣ်.
တၢ်ဖးလံၥ်
တၢ်ဖးလံၥ်န့ၣ်မ့ၢ်ကျဲအဂ့ၤတဘိလၢကသူတၢ်ဆၢကတီၢ်တပူၤဃီဒ်ဟံၣ်ဖိဃီဖိတဒူၣ်အသိးလီၤ. မ့ၢ်ကျဲအကါဒိၣ်ကတၢၢ်တဖၣ်အကျါတဘိလၢကဆီၣ်ထွဲလံၥ်လဲၢ်တၢ်ဒိၣ်ထီၣ်အဂီၢ်လီၤ.
တၢ်နီၤဟ့ၣ်လီၤပူဒ်ညီနုၢ်တၢ်ဆၢကတီၢ်ဃုၥ်ဒီးနဖိန့ၣ်မၤစၢၤ၀ဲလၢတၢ်ဒုးဒိၣ်ထီၣ်အတၢ်ထံၣ်ကမှံဒီးလံၥ်ဖျၢၣ်အဂီၢ်လီၤ.
- ဃုထၢလံၥ်တပူၤဃီ.
- ဃုထံၣ်န့ၢ်တၢ်လီၢ်လၢအမုၥ်လၢကဆ့ၣ်နီၤဒီးဖးလံၥ်အဂီၢ်.
- သံကွၢ်နဖိတၢ်မနုၤကဟဲလၢခံတဆီဖဲပူအပူၤအံၤလဲၣ်.
- ဖးအီၤလၢကလုၢ်လီၤဆီတဖၣ်လၢကဖိးလိၥ်အသးဒီးတၢ်ဂဲၤဒိကစၢ်တဖၣ်တက့ၢ်.
တၢ်ကွဲးတၢ်ဂီၤဒီးတၢ်မၤနီၣ်တၢ်ကွဲးတဖၣ်
တၢ်ကွဲးတၢ်ဂီၤဒီးတၢ်မၤနီၣ်တဖၣ်ပျဲဖိသၣ်လၢကပၥ်ဖျါထီၣ်အကစၢ်အသးလၢအအိၣ်ဒီးတၢ်ဒုးအိၣ်ထီၣ်တၢ်အသီဒီးသူၣ်ထီၣ်တၢ်နၥ်န့ၢ်လီၤသးန့ၣ်လီၤ. ခီဖျိတၢ်ကၠီးလိမၤကွၢ်အသးဃုၥ်ဒီးစၢၢ်ဘိကွဲးတၢ်ဂီၤလၢစးခိလိၤအဃိ, ဖိသၣ်တဖၣ်-
- မၤဂ့ၤထီၣ်အစုဖီၣ်တၢ်ဟူးတၢ်ဂဲၤတၢ်သ့တၢ်ဘၣ်တဖၣ်, လၢအမ့ၢ်တၢ်အကါဒိၣ်လၢကမၤလိဘၣ်တၢ်လၢကကွဲးလံၥ်ဒ်လဲၣ်အဂီၢ်
- မၤဂ့ၤထီၣ်အ၀ဲသ့ၣ်အစု-မဲၥ်ချံတၢ်မၤဃုၥ်သကိးတၢ်
- မၤလိဘၣ်ဃးတၢ်အလွဲၢ်, တၢ်အက့ၢ်အဂီၤ, တၢ်အကံၣ်အ၀့ၤဒီးပနိဘျၢတဖၣ်
- ပၥ်ဖျါထီၣ်တၢ်တ့ကဲထီၣ်တၢ်
- ဆဲးကျိးလိၥ်အသးဒီးပှၤအဂၤတဖၣ်
- ဟ့ၣ်ဂံၢ်ဟ့ၣ်ဘါနဖိလၢကမုၥ်လၤသးဖှံ၀ဲတၢ်ကွဲးတၢ်ဂီၤအကျိၤအကျဲတက့ၢ်.
- သံကွၢ်တၢ်သံကွၢ်ပျီပျီတဖၣ်လၢကပျဲနဖိကတိၤတၢ်ဘၣ်ဃးဒီးအတၢ်ကွဲးတၢ်ဂီၤအဂ့ၢ်တက့ၢ်.
- ကိးဖျါထီၣ်တၢ်အလွဲၢ်ဒီးတၢ်အက့ၢ်ဂီၤအနၢၣ်လၢနထံၣ်တက့ၢ်.
တၢ်တ့ကဲထီၣ်တၢ်အတၢ်ဟူးတၢ်ဂဲၤ
တ့ကဲထီၣ်တၢ်လိာ်ကွဲတဖၣ်ဟ့ၣ်ဆူၣ်ထီၣ်၀ဲတၢ်သ့ၣ်ညါ(sense) ၅ ခါလၢနဖိအဂီၢ်- တၢ်ထံၣ်, တၢ်နၢ, တၢ်နၣ်ဟူတၢ်, တၢ်ထိးဘၣ်ပလၢၤဘၣ်, တၢ်အရီၢ်န့ၣ်လီၤ. မ့ၢ်ကျဲမုၥ်လၤသးဖှံတဘိလၢကဃုထံၣ်အါထီၣ်, ဃုသ့ၣ်ညါဒီးမၤလိဘၣ်ဃးတၢ်အိၣ်သးလၢနခိၣ်နဃၢၤ၀း၀းန့ၣ်လီၤ.
- ဟ့ၣ်ဂံၢ်ဟ့ၣ်ဘါတၢ်သးစွံကတုၤခီဖျိတၢ်ပၥ်ဖျါထီၣ်နဖိလၢမ့ၢ်တၢ်အဘၣ်လၢကစးထီၣ်မၤတဘျီကဒီးအဂီၢ်လီၤ. ဘျီး(က)တဖၣ်မ့ၣ်လီၤပှီၢ်န့ၣ်, ကသါထီၣ်ယိၥ်ယိၥ်ဒီးထီထီၣ်ကဒီးတပူၤဃီတက့ၢ်
- ကျဲးစၢးတလ့ၣ်ကပံၥ်တၢ်လိၥ်ကွဲလၢကကဲထီၣ်ဘီလိအဖျၢၣ်တဖျၢၣ်, တ့ကဲထီၣ်တၢ်အက့ၢ်အဂီၤ, မၤဘံၣ်သလၣ်အီၤ, ဘံးအီၤ.
- တ့ကဲထီၣ်တၢ်သး၀ံၣ်တပူၤဃီတက့ၢ်. တ့ကဲထီၣ်တၢ်သး၀ံၣ်အယုၢ်ဒီးအသီၣ်ခီဖျိဒဲနစုမ့တမ့ၢ်ထိးဘၣ်တၢ်ဖိတၢ်လံၤလၢအိၣ်လၢဟံၣ်ပူၤတဖၣ်.
တၢ်လိၥ်ကွဲလၢတၢ်ချၢ
တၢ်ကွၢ်ထွဲတၢ်လိၥ်ကွဲလၢတၢ်ချၢအကတီၢ်န့ၣ်မ့ၢ်တၢ်ဒိၣ်ထီၣ်အကျါအဒိၣ်ကတၢၢ်တခါ, မၤဂ့ၤထီၣ်ဒီးဟ့ၣ်ထီၣ်တၢ်အိၣ်မုၥ်အိၣ်ပၢၤလၢနဖိအဂီၢ်လီၤ.
ဖိသၣ်တဖၣ်မၤတၢ်သ့ဒ်-
- မၤအါထီၣ်အတၢ်နၢ်ပၢၢ်ဘၣ်ဃးစဲအ့ၣ်ခီဖျိလူၤဃုထံၣ်သ့ၣ်ညါန့ဆၢၣ်အဂ့ၢ်တက့ၢ်
- မၤန့ၢ်တၢ်ပလၢၢ်ဘၣ်တၢ်နၥ်န့ၢ်လီၤသးအပူၤ
- ရ့လိၥ်မုၥ်လိၥ်ဘၣ်အသးဒီးဖိသၣ်အဂၤတဖၣ်
- ဃုထံၣ်အါထီၣ်ဒီးမၤလိလၢကဃုတၢ်ဃုထၢအဂ့ၤတဖၣ်ဖဲလိာ်ကွဲအခါ
- မၤဂ့ၤထီၣ်နီၢ်ခိတၢ်ဟူးတၢ်ဂဲၤခဲလၢၥ်, စု-မဲၥ်ချံတၢ်မၤဃုၥ်သကိးတၢ်ဒီးမၤဂ့ၤထီၣ်အစုဖီၣ်တၢ်ဟူးတၢ်ဂဲၤတၢ်သ့တၢ်ဘၣ်တဖၣ်
- ကတိၤဘၣ်ဃးသ့ၣ်လၣ်တဖၣ်ဒီးယၢၤထီၣ်တၢ်အလွဲၢ်ဒီးတၢ်အက့ၢ်အဂီၤအမံၤတဖၣ်.
- သူၣ်လီၤတၢ်ချံတပူၤဃီ.
- မၤဘၣ်ဘျးလိၥ်သးဒီးန့ဆၢၣ်တက့ၢ်. ကတိၤဘၣ်ဃးတၢ်ဒီသဒၢပခိၣ်ဃၢၤအဂ့ၢ်.
- သူၣ်ထီၣ်မဲးနူၢ်စီၤတဖၣ်.
တၢ်လိၥ်ကွဲတၢ်မၤဒိ
တၢ်လိၥ်ကွဲတၢ်မၤဒိန့ၣ်ဟ့ၣ်ဂံၢ်ဟ့ၣ်ဘါဖိသၣ်တဖၣ်လၢကမၤ၀ဲတၢ်ထံၣ်တမှံပူဖိတဖၣ်ဒီးဂဲၤဒိတၢ်အက့ၢ်အဂီၤလၢအဂၤတဖၣ်တက့ၢ်.
ဖိသၣ်တဖၣ်သူ၀ဲတၢ်လိၥ်ကွဲတၢ်ဂဲၤဒိလၢကၠီးလိအသးဘၣ်ဃးကျိၥ်အကါဒိၣ်ဒီးတၢ်ရ့လိၥ်မုၥ်လိၥ်သးတၢ်သ့တၢ်ဘၣ်တဖၣ်, ပၣ်ဃုၥ်-
- ဃုသ့ၣ်ညါဒီးတ့ကဲထီၣ်တၢ်အခိၣ်အဃၢၤအသီတဖၣ်
- နီၤဟ့ၣ်လီၤဒီးအိၣ်ခိးတုၤအလီၤဘၣ်နၤတစု
- ကျဲလၢတၢ်မၤဃုၥ်သကိးတၢ်ဒီးတၢ်ဂ့ၢ်လိၥ်ဘှါလိၥ်လိၥ်သး.
- ကိးဘၣ်ဆၣ်ဖိကီၢ်ဖိအမံၤလၢအဲကလံးကျိၥ်ဒီးကျိၥ်အဂၤတဖၣ်.
- ဒုးကဲထီၣ်တၢ်ဖိတၢ်လံၤလၢတၢ်တဲအဂ့ၢ်တဖၣ်.
- တဲထီၣ်န့ၢ်ပူဖိတဖၣ်.
- သူဆၣ်ဖိကီၢ်ဖိတဖၣ်လၢကလူၤဃုထံၣ်သ့ၣ်ညါဒီးပၥ်ဖျါထီၣ်တၢ်တူၢ်ဘၣ်တဖၣ်ဒီးသးတၢ်မိၣ်တၢ်မးအါမံၤတက့ၢ်
က့(မ)တဖၣ်
တၢ်လိၥ်ကွဲက့(မ)တဖၣ်ဃုၥ်ဒီးဟံၣ်ဖိဃီဖိဒီးတံၤသကိးတဖၣ်မ့ၢ်ကျဲအဂ့ၤတဘိလၢကသူၣ်ထီၣ်နဖိအတၢ်ရ့လိၥ်မုၥ်လိၤသးတၢ်သ့တၢ်ဘၣ်တဖၣ်န့ၣ်လီၤ.
က့(မ)တဖၣ်မၤစၢၤနဖိလၢကမၤလိနီၣ်ဂံၢ်နီၣ်ဒွး, ကျိၥ်ဒီးတၢ်ဃဲၣ်လီၤတၢ်ဂ့ၢ်ကီတၢ်သ့တၢ်ဘၣ်တဖၣ်သ့လီၤ.
- မၤလိက့(မ)တၢ်ဘျၢတဖၣ်ဒီးကၠီးလိသးလၢကအိၣ်ခိးအခါလၢအကဘၣ်မၤ.
- မၤဆူၣ်ထီၣ်တၢ်ဃဲၣ်လီၤတၢ်ဂ့ၢ်ကီဒီးတၢ်တိၢ်နီၣ်တၢ်သ့တၢ်ဘၣ်တဖၣ်.
- တၢၣ်ပီၣ်ဘၣ်ဃးနီၣ်ဂံၢ်တဖၣ်ဒီးကၠီးလိသးလၢတၢ်ဂံၢ်တၢ်ဒွးတၢ်ဖိတၢ်လံၤတဖၣ်.
တၢ်သူၣ်ထီၣ်ပှၤတ၀ၢအဂီၢ်
တၢ်လိာ်ကွဲန့ၣ်မ့ၢ်ဒ်သိးဖိသၣ်တဖၣ်ကထံၣ်န့ၢ်တၢ်ဒီးမၤလိဘၣ်ဃးအကစၢ်အဂ့ၢ်ဒီးတၢ်အိၣ်သးလၢအခိၣ်အဃၢၤတဖၥ်န့ၣ်လီၤ. လၢဖိသၣ်တဖၣ်အဂီၢ်, တၢ်လိာ်ကွဲဒီးတၢ်မၤလိန့ၣ်လဲၤအသးသဃဲၤသဃဲၤလီၤ. တၢ်ဖိတၢ်လံၤလၢနကတီၤဆိကၠိအဘိၣ်န့ၣ်ဆီၣ်ထွဲနၤလၢကအိၣ်ဒီးတၢ်ကတိၤလိၥ်သးဘၣ်ဃးတၢ်ဆဲးတၢ်လၤလီၤဆီလိၥ်သးဒီးတဒ်သိးလိၥ်သးတဖၣ်အဂ့ၢ်န့ၣ်လီၤ.
- ကတိၤတၢ်ဒီးနဖိဘၣ်ဃးထံကီၢ်တဖၣ်ဒီးဆၣ်ဖိကီၢ်ဖိထူလံၤတဖၣ်အဂ့ၢ်.
- ကွၢ်ဘၣ်ဟီၣ်ခိၣ်ဂီၤဘၣ်ဃးခိၣ်ဃၢၤလၢကထံၣ်ဘၣ်ကျိၥ်လၢတဒ်သိး လိာ်အသးတဖၣ်အိၣ်ဟဲဖဲလဲၣ်တက့ၢ်.
ပၥ်ကဲပှၤအက့ၢ်ပနီၣ်
ဟ့ၣ်ဂံၢ်ဟ့ၣ်ဘါဖိသၣ်ခဲလၢၥ်လၢကမၤလိဘၣ်ဃးတၢ်ဆဲးတၢ်လၤလၢအသူၣ်ထီၣ်တၢ်နၢ်ပၢၢ်တၢ်တူၢ်လိၥ်ပှၤအဂၤဒီးတၢ်ပၥ်ကဖၢလၢသးန့ၣ်လီၤ. ပှၤအဘီၤရံၢကၠၢနၢၤဒီးထီရ့းစထြ့းကီးဖိအတၢ်ဆဲးတၢ်လၤတဖၣ်, ဒီးဖဲဘံးထိရံယါအပူၤဖဲအံၤ, ခူရံတၢ်ဆဲးတၢ်လၤ, မ့ၢ်အအိၣ်မူ၀ဲဒီးဃ့ၢ်သဘျိၣ်ဆူညါဖဲမဆါတနံၤအံၤလီၤ. ပပၥ်ကဖၢလၢဘၣ်ပသးလၢကမၤလၤကပီၤဘၣ်ပထံကီၢ်အခီၣ်ထံးတဘ့ၣ်အပှၤကွဲးလံၥ်ဖိဒီးပှၤတ့ကဲထီၣ်တၢ်တဖၣ်လၢတၢ်ပီးတၢ်လီအပူၤန့ၣ်လီၤ.
ဖဲအံၤမ့ၢ်တၢ်ဟူးတၢ်ဂဲၤတဖၣ်လၢကမၤစၢၤနဖိမၤလိအါထီၣ်ဘၣ်ဘၣ်ဃး Koorie ထူလံၤသနိဒီးဆဲးလၤတဖၣ်-
- မၤလိဘၣ်ခူရံ အတၢ်ပနီၣ်တဖၣ်လၢတၢ်ဖိတၢ်လံၤမ့တမ့ၢ်ဆၣ်ဖိကီၢ်ဖိအဂီၢ်တက့ၢ်.
- မၤလိဒီးကတိၤဘၣ်ဃးခူရံတၢ်ဆဲးတၢ်လၤ, ခိၣ်နၢ်ဒီးပှၤဒူပှၤဃိၤတဖၣ်အဂ့ၢ်.
- ဃုသ့ၣ်ညါတၢ်ဂ့ၢ်အကါဒိၣ်ဘၣ်ဃးတၢ်သ့ၣ်ညါပၥ်ပနီၣ်ထံကီၢ်အဂ့ၢ်.
လံၥ်လၢအီစလါ(န)ကျိၥ် (Auslan)
အီးစလဲ(န) မ့ၢ်ကျိၤတၢ်ပနီၣ်လၢ်တၢ်သူအီၤဖဲဘံးထိရံယါဖိသၣ်တၢ်ဒိၣ်ထီၣ်သီကျိၥ်တၢ်ရဲၣ်တၢ်ကျဲၤအပူၤန့ၣ်လီၤ. တၢ်ရဲၣ်တၢ်ကျဲၤအံၤအိၣ်၀ဲလၢကတီၤဆိကၠိတနီၤအပူၤလီၤ.
တၢ်ကဲဘျုးလၢဖိသၣ်တၢ်မၤလိဘၣ်ကျိၥ်အဂၤဖဲအသးစၢ်ကတီၢ်အိၣ်၀ဲအါကျိၥ်, ပၣ်ဃုၥ်-
- မၤအါထီၣ်တၢ်ဖးလိထီၣ်လံၥ်ဒီးတၢ်ကွဲးလိထီၣ်လံၥ်အတၢ်သ့တၢ်ဘၣ်တဖၣ်
- မၤအါထီၣ်တၢ်ဆိမိၣ်လၢအသ့ဆီတလဲသးယၢ်ခီ
- မၤဂ့ၤထီၣ်တၢ်ပၥ်ကဲလီၤကစၢ်သးဒီးတၢ်အိၣ်မုၥ်အိၣ်ပၢၤအဂ့ၢ်
- တၢ်ဟ့ၣ်ဆူၣ်ထီၣ်ဆဲးလၤအက့ၢ်ပနီၣ်.
လံၥ်လဲၢ်ခဲလၢၥ်ပၣ်ဃုၥ်ဖဲ ၂၀၂၆ ကတီၤဆိကၠိအတၢ်ပီးတၢ်လီအပူၤအိၣ်ဒီးအီၤစလါ(န) Auslanတၢ်ကျိးထံလၢနမၤန့ၢ်အီၤသ့န့ၣ်လီၤ.
- တၢ်ပၥ်ဖျါထီၣ်တၢ်တူၢ်ဘၣ်လီဖျိ အီစလဲ(န).
- ကတိၤ ဟဲလိ လၢ အီစလဲ(န)အကျိၥ်.
ဖိသၣ်တၢ်ပူၤဖျဲး, တၢ်အိၣ်မုၥ်အိၣ်ပၢၤဒီးတၢ်ဆီၣ်ထွဲအါထီၣ်
တၢ်လၢအရ့ဒိၣ်အါန့ၢ်ဒံးတၢ်ပူၤဖျဲးအလီၢ်ဒီးတၢ်အိၣ်မုၥ်အိၣ်ပၢၤလၢဖိသၣ်အဂီၢ်န့ၣ်တအိၣ် နီတမံၤဘၣ် သံကွၢ်နတၢ်မၤစၢၤကရၢမ့ၢ်အပၥ်နဖိလၢတၢ်ပူၤဖျဲးအလီၢ်ဒ်လဲၣ်တက့ၢ်.
ဖိသၣ်တဖၣ်ခဲလၢၥ်မၤလိတၢ်လီၤဆီလိၥ်အသးဒီးမၤ၀ဲလၢအကစၢ်မၤန့ၢ်အဖီခိၣ်ဒၣ်၀ဲလီၤ ကတိၤတၢ်ဒီးဖိသၣ်တၢ်ဒိၣ်ထီၣ်သီကတီၢ်သရၣ်သရၣ်မုၣ်ဖဲနမ့ၢ်အိၣ်ဒီးတၢ်ဘၣ်ယိၣ်တမံၤမံၤတက့ၢ်. နၤမ့တမ့ၢ်နဖိမ့ၢ်လိၣ်ဘၣ်အါထီၣ်တၢ်ဆီၣ်ထွဲန့ၣ်, တၢ်မၤစၢၤအိၣ်၀ဲခီဖျိကျဲလၢကဃဲၣ်လီၤတၢ်ဂ့ၢ်ကီတဖၣ်အံၤ-
- မၤတၢ်သ့ၣ်နံၤဖးသီလၢကထံၣ်လိၥ်ဒီးနကသံၣ်သရၣ်မ့တမ့ၢ်မိၢ်ဖိဆံးဒီးဖိသၣ်ဆူၣ်ချ့သရၣ်/သရၣ်မုၣ်ကွၢ်ပှၤဆါဒ်သိးကတၢၣ်ပီၣ်နတၢ်သံကွၢ်တဖၣ်အဂီၢ်တက့ၢ်.
- ကိးဘၣ်မိၢ်ဖိဆံးဆူၣ်ချ့လီတဲစိအကျိၤဖဲ ၁၃ ၂၂ ၂၉ လၢဘံးထိရံယါဟံၣ်ဖိဃီဖိဃုၥ်ဒီးဖိသၣ်လၢအသးနံၣ် စးထီၣ်အိၣ်ဖျဲၣ် တုၤ ၆ နံၣ်တဖၣ်အဂီၢ်, လၢ တသီန့ၣ်၂၄ နၣ်ရံၣ်, တနွံန့ၣ် ၇ သီလၢၥ်တက့ၢ်.
တၢ်လုၢ်အီၣ်သးသမူအကျိၤအကျဲတဖၣ်ဖဲဖိသၣ်တၢ်ဒိၣ်ထီၣ်သီကတီၢ်တၢ်ကူၣ်ဘၣ်ကူၣ်သ့အပူၤ
ဆိမိၣ်ထီၣ်တၢ်စးထီၣ်တၢ်လုၢ်အီၣ်သးသမူလၢဘံးထိရံယါအတၢ်ဒိၣ်ထီၣ်အသနၢၣ်န့ၣ်လီၤ. လၢကဆီၣ်ထွဲနၤလၢကကဲထီၣ်ဖိသၣ်တၢ်ဒိၣ်ထီၣ်သီအကၠိသရၣ်/သရၣ်မုၣ်ပှၤဟ့ၣ်ပီညါတဂၤအဂီၢ်, ကျဲအိၣ်၀ဲဒ်
- တၢ်မၤလိအစၢ်ယဲၢ်စၢ်ယီၤတၢ်ဃုထၢတဖၣ်
- ကျိၣ်စ့တၢ်ဟ့ၣ်မၤစၢၤလၢတၢ်မၤလိမၤဒိးအဂီၢ်လၢအမ့ၢ်အတီ
- ကျိၣ်စ့အတၢ်ထိၣ်ဟူးထိၣ်ဂဲၤတၢ်တဖၣ်.
တၢ်ဟ့ၣ်မၤဘူၣ်လီၤကတီၤဆိကၠိပီးလီ
တုၤနဖိမၤ၀ံၤအ၀ဲသ့ၣ်ကတီၤဆိကၠိတၢ်ဖိတၢ်လံၤလၢထၢၣ်ပူၤတဖၣ်, တၢၤကွံၥ်အီၤလၢအဘၣ်ဘျိးဘၣ်ဒါတက့ၢ်
တၢ်ဖိတၢ်လံၤတဖၣ်အတၢ်အိၣ်သးမ့ၢ်ဂ့ၤန့ၣ်, ဆိမိၣ်ထီၣ်လၢကဟ့ၣ်မၤဘူၣ်လီၤအီၤဆူတၢ်မၤဘူၣ်ကရၢအအိၣ်တက့ၢ်. သံကွၢ်လီၤနကစၢ်သး'တၢ်အံၤမ့ၢ်ယကြၢးဟ့ၣ်ဆူယတံၤသကိးအိၣ်ဧါ'. နတၢ်စံးဆၢမ့မ့ၢ် ၀ဲ 'မ့ၢ်' န့ၣ်, တၢ်န့ၣ်ကြၢးဘၣ်လၢနကမၤဘူၣ်လီၤအီၤဆူတၢ်မၤဘူၣ်ကရၢအအိၣ်လီၤ.
နတၢ်ဖိတၢ်လံၤတဖၣ်မ့ၢ်တကြၢးဘၣ်လၢကမၤဘူၣ်လီၤအီၤဘၣ်န့ၣ်, ၀ံသးစူၤတၢၤကွံၥ်လၢတၢ်သူကဒါသ့အလီၢ်ဖဲအသ့ကတၢၢ်တက့ၢ်.
တၢ်မၤစှၤလီၤဒီးတၢၤကွံၥ်တၢ်ကမှံၤလၢအလီၢ်ဘၣ်ကျဲဘၣ်မၤစၢၤ၀ဲဘံးထိရံယါလၢကအိၣ်ကဆှဲကဆှီ, လါဟ့၀ဲန့ၣ်လီၤ.
Updated