Three-Year-Old Kindergarten brochure - Assyrian

ܫܘܼܠܛܵܢܵܐ ܕܒ݂ܝܼܟܬܘܿܪܝܵܐ ܡܲܦܠܘܼܚܹܐ ܝܠܹܗ ܩܘܼܪܒܵܐ ܠ 5 ܒܸܠܝܘܿܢܹ̈ܐ ܕܘܿܠܵܪܹܐ ܒܡܸܬܚܵܐ ܕܐܵܗܵܐ ܐܲܣܵܪܵܐ (10 ܫܸܢܹ̈ܐ ܕܫܘܼܪܹܐ ܠܗܘܿܢ ܒܫܸܢ݇ܬܵܐ 2021 ܘܕܒܸܕ ܚܵܬܡܝܼ ܒܫܹܢ݇ܬܵܐ 2030) ܠܡܲܩܪܘܼܒ݂ܹܐ ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕܬܠܵܬ ܫܸܢܹ̈ܐ ܝܢܵܐ ܕܦܝܼܫܬܵܐ ܝܠܵܗ̇ ܡܘܼܘܸܠܬܵܐ ܟܠܵܢܵܐܝܼܬ – ܘܗܵܕܝܼܵܐ ܐܵܗܵܐ ܚܘܼܪܙܵܐ ܦܝܼܫܵܐ ܝܠܹܗ ܡܘܼܩܪܸܒ݂ܵܐ ܓܵܘ ܟܠܹܗ ܐܘܼܚܕܵܢܵܐ.

ܐܵܗܵܐ ܡܲܥܢܵܝܹܗ ܝܠܹܗ ܕܚܕܵܐ ܫܹܢ݇ܬܵܐ ܐ݇ܚܹܪ݇ܬܵܐ ܕܝܘܼܠܦܵܢܵܐ ܘܕܓܲܪܘܲܣܬܵܐ ܘܕܛܲܐܲܠܬܵܐ ܘܕܩܢܵܝܬܵܐ ܕܚܲܒ݂ܪܵܢܹ̈ܐ ܩܵܐ ܫܲܒ݂̈ܪܹܐ ܕܒ݂ܝܼܟܬܘܿܪܝܵܐ.

ܫܲܪܲܟܬܵܐ ܓܵܘ ܚܲܕ ܚܘܼܪܙܵܐ ܪܵܒܵܐ ܨܦܵܝܝܼ ܕܓܲܢܬܵܐ ܕܫܲܒ݂̈ܪܹܐ ܡܸܢ ܥܘܼܡܪܵܐ ܕܬܠܵܬ ܫܸܢܹ̈ܐ، ܟܹܐ ܚܲܠܸܢ ܠܗܘܿܢ ܦܠܵܛܹ̈ܐ ܕܝܘܼܠܦܵܢܵܐ ܕܫܲܒ݂̈ܪܹܐ ܘܕܓܲܪܘܲܣܬܵܝܗܝ ܘܕܚܘܼܠܡܵܢܲܝܗܝ ܘܕܛܵܒ݂ܘܼܬܵܐ ܕܚܲܝܲܝܗ̈ܝ.

ܫܲܒ݂̈ܪܹܐ ܙܥܘܿܪܹܐ ܒܫܸܢܹ̈ܐ ܟܹܐ ܝܵܠܦܝܼ ܒܘܼܬ ܕܘܼܢܝܹܐ ܕܝܼܠܵܗ̇ ܠܚܲܕܸܪܘܵܢܲܝܗܝ ܒܐܘܼܪܚܵܐ ܕܛܲܐܲܠܬܵܐ

ܗܵܝ ܐܘܼܪܚܵܐ ܒܘܼܫ ܪܹܫܵܝܬܵܐ ܩܵܐ ܫܲܒ݂̈ܪܹܐ ܙܥܘܿܪܹܐ ܒܫܸܢܹ̈ܐ ܕܩܵܢܝܼ ܝܘܼܠܦܵܢܵܐ ܝܼܠܵܗ̇ ܒܐܘܼܪܚܵܐ ܕܛܲܐܲܠܬܵܐ. ܐܲܝܵܐ ܐܘܼܪܚܵܐ ܟܹܐ ܝܵܗܒ݂ܵܐ ܦܘܼܪܣܵܐ ܩܵܐ ܫܲܒ݂̈ܪܹܐ ܕܡܲܦܠܸܚܝܼܠܵܗ̇ ܨܲܠܡܲܢܬܲܝܗܝ ܘܕܒܵܢܝܼܠܗܘܿܢ ܡܗܝܼܪ̈ܘܼܝܵܬܲܝܗܝ ܠܸܫܵܢܵܝܹ̈ܐ ܘܕܝܵܠܦܝܼ ܒܘܼܬ ܡܸܢܝܵܢܹ̈ܐ ܘܦܸܨܠܹ̈ܐ. ܐܵܢܝܼ ܐܵܦ ܟܹܐ ܝܵܠܦܝܼ ܕܵܐܟ݂ܝܼ ܦܵܠܚܝܼ ܥܲܡ ܐ݇ܚܹܪ݇ܢܹ̈ܐ ܒܚܘܼܒܵܢܘܼܬܵܐ ܘܕܵܐܟ݂ܝܼ ܝܵܗܒ݂ܝܼ ܘܫܵܩܠܝܼ ܘܡܲܫܡܥܝܼ ܘܡܕܲܒܪܝܼܠܗܘܿܢ ܪܸܓ݂ܫܲܝܗ̈ܝ.

ܟܠܲܝܗܝ ܫܲܒ݂̈ܪܹܐ ܓܵܘ ܒ݂ܝܼܟܬܘܿܪܝܵܐ ܡܵܨܝܼ ܕܩܲܒܠܝܼ ܝܘܼܠܦܵܢܵܐ ܩܵܐ ܡܸܬܚܵܐ ܕܬܲܪܬܹܝܢ ܫܸܢܹ̈ܐ ܓܵܘ ܚܕܵܐ ܓܲܢܬܵܐ ܕܫܲܒ݂̈ܪܹܐ ܡܘܼܘܸܠܬܵܐ ܒܝܲܕ ܫܘܼܠܛܵܢܵܐ

ܒܫܲܪܵܝܬܵܐ ܡܸܢ ܫܹܢ݇ܬܵܐ 2022، ܫܲܒ݂̈ܪܹܐ ܓܵܘ ܟܠܹܗ ܐܘܼܚܕܵܢܵܐ ܕܒ݂ܝܼܟܬܘܿܪܝܵܐ ܡܵܨܝܼ ܕܐܵܙܠ݇ܝܼ ܠܚܕܵܐ ܓܲܢܬܵܐ ܕܫܲܒ݂̈ܪܹܐ ܡܘܼܘܸܠܬܵܐ ܩܵܐ ܠܵܐ ܒܵܨܘܿܪܵܐ ܡܸܢ ܚܲܡܸܫ ܣܵܥܲܬܹ̈ܐ ܒܫܵܒ݂ܘܿܥܵܐ. ܒܫܹܢ݇ܬܵܐ 2029، ܡܸܢܝܵܢܵܐ ܕܣܵܥܲܬܹ̈ܐ ܒܸܕ ܦܵܐܸܫ ܡܘܼܙܝܸܕܵܐ ܠ 15 ܣܵܥܲܬܹ̈ܐ ܒܫܵܒ݂ܘܿܥܵܐ.

ܕܠܵܐ ܦܘܼܪܫܘܼܢܝܵܐ، ܟܠ ܐܲܝܟܵܐ ܕܫܲܒ݂ܪܵܘܟ݂ܘܿܢ ܐܵܙܸܠ ܠܓܲܢܬܵܐ ܕܫܲܒ݂̈ܪܹܐ، ܬܵܡܵܐ ܒܸܕ ܗܵܘܝܼ ܡܲܠܦܵܢܹ̈ܐ ܘܡܬܲܠܡܸܕܵܢܹ̈ܐ ܡܗܝܼܪܹܐ ܠܡܲܪܚܘܼܛܹܗ ܐܵܗܵܐ ܚܘܼܪܙܵܐ

ܫܲܒ݂̈ܪܹܐ ܡܵܨܝܼ ܕܫܲܪܸܟܝܼ ܓܵܘ ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ ܓܵܘ ܚܕܵܐ ܚܸܠܡܲܬ ܕܡܲܣܲܡܬܵܐ ܕܒܵܠܵܐ ܕܟܠܹܗ ܝܵܘܡܵܐ ܝܲܢ ܓܵܘ ܚܕܵܐ ܓܲܢܬܵܐ ܕܫܲܒ݂̈ܪܹܐ ܕܟܹܐ ܡܕܲܒܪܝܼܠܵܗ̇ ܓܵܢܲܝܗܝ ܒܓܵܢܲܝܗܝ.

ܫܲܒ݂̈ܪܹܐ ܙܥܘܿܪܹܐ ܒܫܸܢܹ̈ܐ ܟܹܐ ܝܵܠܦܝܼ ܒܘܼܬ ܕܘܼܢܝܹܐ ܒܐܘܼܪܚܵܐ ܕܛܲܐܲܠܬܵܐ

ܐܵܢܝܼ ܟܹܐ ܝܵܠܦܝܼ ܕܵܐܟ݂ܝܼ ܦܵܠܚܝܼ ܥܲܡ ܐ݇ܚܹܪ݇ܢܹ̈ܐ ܒܚܘܼܒܵܢܘܼܬܵܐ ܘܕܵܐܟ݂ܝܼ ܝܵܗܒ݂ܝܼ ܘܫܵܩܠܝܼ ܘܡܲܫܡܥܝܼ ܘܡܕܲܒܪܝܼܠܗܘܿܢ ܪܸܓ݂ܫܲܝܗ̈ܝ

ܓܵܘ ܚܲܕ ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ، ܫܲܒ݂̈ܪܹܐ ܟܹܐ ܡܲܦܠܸܚܝܼܠܵܗ̇ ܛܲܐܲܠܬܵܐ ܕܒܵܢܹܐ ܠܗܘܿܢ ܡܗܝܼܪ̈ܘܼܝܵܬܲܝܗܝ ܠܸܫܵܢܵܝܹ̈ܐ ܘܕܝܵܠܦܝܼ ܒܘܼܬ ܡܸܢܝܵܢܹ̈ܐ ܘܦܸܨܠܹ̈ܐ

ܡܲܠܦܵܢܹ̈ܐ ܘܡܬܲܠܡܸܕܵܢܹ̈ܐ ܟܹܐ ܗܲܝܸܪܝܼ ܩܵܐ ܫܲܒ݂̈ܪܹܐ ܕܗܵܘܝܼ ܟܲܕܵܪܹܐ (ܗܵܘܹܐ ܠܗܘܿܢ ܚܘܼܒܵܐ ܕܝܼܕܵܥܬܵܐ) ܘܒܵܪ̈ܘܿܝܹܐ ܘܚܲܬܝܼܬܹ̈ܐ ܒܘܼܬ ܝܘܼܠܦܵܢܵܐ

- ܓܲܢܹ̈ܐ ܕܫܲܒ݂̈ܪܹܐ ܕܟܹܐ ܡܕܲܒܪܝܼܠܵܗ̇ ܓܵܢܲܝܗܝ ܒܓܵܢܲܝܗܝ
  ܚܘܼܪ̈ܙܹܐ ܕܓܲܢܬܵܐ ܕܫܲܒ݂̈ܪܹܐ - ܫܲܒ݂̈ܪܹܐ ܒܸܗܕܵܪܵܐ ܓܵܘ ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ ܩܵܐ ܚܲܕ ܡܸܢܝܵܢܵܐ ܪܫܝܼܡܵܐ ܕܝܵܘܡܵܢܹ̈ܐ ܘܕܣܵܥܲܬܹ̈ܐ
- ܘܼܪ̈ܙܹܐ ܕܓܲܢܬܵܐ ܕܫܲܒ݂̈ܪܹܐ
  ܫܲܒ݂̈ܪܹܐ ܒܸܗܕܵܪܵܐ ܠܚܲܕ ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ ܐܲܝܟ݂ ܚܲܕ ܣܲܗܡܵܐ ܕܥܸܕܵܢܲܝܗܝ - ܓܵܘ ܚܸܠܡܲܬܹ̈ܐ ܕܡܲܣܲܡܬܵܐ ܕܒܵܠܵܐ ܕܟܠܹܗ ܝܵܘܡܵܐ
  
  ܝܘܼܠܦܵܢܵܐ ܘܡܲܣܲܡܬܵܐ ܕܒܵܠܵܐ - ܚܸܠܡܲܬܹ̈ܐ ܕܡܲܣܲܡܬܵܐ ܕܒܵܠܵܐ ܕܟܠܹܗ ܝܵܘܡܵܐ ܟܹܐ ܡܲܩܪܸܒ݂ܝܼ ܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ ܘܡܲܣܲܡܬܵܐ ܕܒܵܠܵܐ ܩܵܐ ܫܲܒ݂̈ܪܹܐ ܕܝܼܢܵܐ ܒܥܘܼܡܪܵܐ ܕܒܹܝܠ 0 ܘ 6 ܫܸܢܹ̈ܐ
ܟܠܲܝܗܝ ܚܘܼܪ̈ܙܹܐ ܕܓܲܢܬܵܐ ܕܫܲܒ݂̈ܪܹܐ ܡܘܼܘܸܠܹ̈ܐ ܓܵܪܲܓ ܕܫܵܠܡܝܼ ܠܦܘܼܩܕܵܢܹ̈ܐ ܡܗܲܕܝܵܢܹ̈ܐ ܕܫܘܼܠܛܵܢܵܐ ܒܘܼܬ ܣܵܠܵܡܲܬܘܼܬܵܐ ܘܛܵܒܼܘܼܬܵܐ ܘܦܝܼܫܹܐ ܝܢܵܐ ܛܘܼܘܸܪܹܐ ܠܦܘܿܬ ܗܲܝܟܠܵܐ ܕܝܘܼܠܦܵܢܵܐ ܒܫܸܢܹ̈ܐ ܒܟ݂ܝܼܪܵܝܹ̈ܐ ܘܕܡܛܲܘܪܵܢܘܼܬܵܐ ܕܒ݂ܝܼܟܬܘܿܪܝܵܐ (Victorian Early Years Learning and Development Framework).

ܚܲܕ ܩܸܢܛܪܘܿܢ ܕܡܲܣܲܡܬܵܐ ܕܒܵܠܵܐ ܕܟܠܹܗ ܝܵܘܡܵܐ ܡܵܨܹܐ ܕܡܲܩܪܸܒ݂ ܝܘܼܠܦܵܢܵܐ ܘܡܲܣܲܡܬܵܐ ܕܒܵܠܵܐ ܒܟܠܹܗ ܕܝܵܘܡܵܐ، ܒܸܚܒ݂ܵܫܵܐ ܚܲܕ ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ. ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ ܕܦܝܼܫܵܐ ܝܠܵܗ̇ ܡܕܘܼܒܪܵܐ ܒܝܲܕ ܡܲܠܦܵܢܹ̈ܐ ܦܝܼܫܵܐ ܝܠܹܗ ܚܘܼܠܸܢܵܐ ܒܡܲܩܪܲܒ݂ܬܵܐ ܕܣܵܥܲܬܹ̈ܐ ܙܵܘܕܵܢܹ̈ܐ ܕܝܘܼܠܦܵܢܵܐ ܘܕܡܲܣܲܡܬܵܐ ܕܒܵܠܵܐ. ܓܵܘ ܚܕܵܐ ܓܲܢܬܵܐ ܕܫܲܒ݂̈ܪܹܐ ܕܟܹܐ ܡܕܲܒܪܵܐ ܠܵܗ̇ ܓܵܢܵܗ̇ ܒܓܵܢܵܗ̇، ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ ܒܸܕ ܦܵܐܸܫ ܡܘܼܪܚܸܛܵܐ ܐܲܚܟ̰ܝܼ ܒܝܵܘܡܵܢܹ̈ܐ ܪܫܝܼܡܹܐ ܘܒܥܸܕܵܢܵܬܹ̈ܐ ܪܫܝܼܡܹܐ. ܐܲܢܹܐ ܝܵܘܡܵܢܹ̈ܐ ܘܣܵܥܲܬܹ̈ܐ ܦܝܼܫܹܐ ܝܢܵܐ ܪܫܝܼܡܹܐ ܒܝܲܕ ܚܸܠܡܲܬ ܕܓܲܢܬܵܐ ܕܫܲܒ݂̈ܪܹܐ.

ܠܸܩܛܵܥܝܵܐ ܠܐܲܝܟܵܐ ܫܲܕܪܝܼܬܘܿܢ ܠܹܗ ܫܲܒ݂ܪܵܘܟ݂ܘܿܢ ܒܲܠܟܵܐ ܕܗܵܘܝܵܐ ܬܠܝܼܬܵܐ ܥܲܠ ܐܲܝܢܝܼ ܚܸܠܡܲܬܹ̈ܐ ܦܝܵܫܵܐ ܝܢܵܐ ܡܘܼܩܪܸܒ݂ܹܐ ܓܵܘ ܟܢܘܼܫܬܵܘܟ݂ܘܿܢ، ܘܥܲܠ ܡܘܿܕܝܼ ܝܠܹܗ ܒܘܼܫ ܒܸܠܚܵܡܵܐ ܩܵܐ ܒܲܝܬܘܼܬܵܘܟ݂ܘܿܢ ܘܩܵܐ ܫܲܒ݂ܪܵܘܟ݂ܘܿܢ
ܗܲܡܙܸܡܘܼܢ ܥܲܡ ܓܲܢܬܵܐ ܕܫܲܒ݂̈ܪܹܐ ܕܓܵܘ ܡܲܗܲܠܵܘܟ݂ܘܿܢ ܒܘܼܬ ܐܘܼܪܚܵܐ ܕܐܝܼܬܠܗܘܿܢ ܩܵܐ ܡܲܟܬܲܒ݂ܬܵܐ ܕܫܸܡ̈ܢܹܐ ܘܒܘܼܬ ܣܘܼܪ̈ܓܵܕܲܝܗܝ ܥܸܕܵܢܵܝܹ̈ܐ، ܘܣܲܚܒܸܪܘܼܢ ܠܹܗ ܩܸܢܛܪܘܼܢܲܝܗܝ ܘܬܦܘܿܩܘܼܢ ܒܦܵܠܵܚܲܝܗ̈ܝ. ܠܡܲܫܟ݂ܘܼܚܹܐ ܓܲܢܬܵܐ ܕܫܲܒ݂̈ܪܹܐ ܓܵܘ ܡܲܗܲܠܵܘܟ݂ܘܿܢ ܘܠܸܩܢܵܝܵܐ ܡܲܘܕܥܵܢܘܼܬܵܐ ܒܘܼܬ ܕܵܐܟ݂ܝܼ ܓܲܒܹܝܬܘܿܢ ܚܕܵܐ ܚܸܠܡܲܬ ܠܚܝܼܡܬܵܐ ܩܵܐ ܒܲܝܬܘܼܬܵܘܟ݂ܘܿܢ، ܣܲܚܒܸܪܘܼܢ ܠܫܵܘܦܵܐ: How to choose a kindergarten

ܦܪܵܫܬܵܐ ܕܚܕܵܐ ܓܲܢܬܵܐ ܕܫܲܒ݂̈ܪܹܐ ܕܝܼܠܵܗ̇ ܒܚܲܕ ܕܲܪܓ݂ܵܐ ܛܵܒ݂ܵܐ ܕܛܵܒ݂ܘܼܬܵܐ ܒܸܕ ܚܲܬܸܬܵܐ (ܐܲܟܸܕܵܐ) ܕܫܲܒ݂ܪܵܐ ܡܲܥܒ݂ܸܪ ܚܕܵܐ ܥܸܕܵܢܵܐ ܡܵܪܹܐ ܝܘܼܬܪܵܢܵܐ ܓܵܘ ܓܲܢܬܵܐ ܕܫܲܒ݂̈ܪܹܐ. ܡܵܨܹܝܬܘܿܢ ܕܚܵܙܹܝܬܘܿܢ ܠܗܘܿܢ ܕܲܪ̈ܓ݂ܹܐ ܕܛܵܒ݂ܘܼܬܵܐ ܕܦܝܼܫܹܐ ܝܢܵܐ ܝܘܼܗܒ݂ܹܐ ܩܵܐ ܚܸܠܡܲܬܹ̈ܐ ܥܲܠ ܫܵܘܦܵܐ www.startingblocks.gov.au
ܣܲܗܡܵܐ ܙܵܘܕܵܐ ܕܚܸܠܡܲܬܹ̈ܐ ܐܝܼܬܠܗܘܿܢ ܚܕܵܐ ܐܘܼܪܚܵܐ ܩܵܐ ܡܲܟܬܲܒ݂ܬܵܐ ܕܫܸܡܵܢܹ̈ܐ ܚܕܵܐ ܫܹܢ݇ܬܵܐ ܡܸܢ ܩܲܕ݇ܡ ܕܫܲܒ݂ܪܵܐ ܫܲܪܹܐ ܓܵܘ ܚܲܕ ܚܘܼܪܙܵܐ ܕܓܲܢܬܵܐ ܕܫܲܒ݂̈ܪܹܐ. ܩܵܐ ܒܘܼܬ ܗܵܕܵܐ، ܐܵܢܲܢܩܵܝܬܵܐ ܝܠܵܗ̇ ܕܬܲܚܡܸܢܝܼܬܘܿܢ ܒܘܼܬ ܡܲܟܬܲܒ݂ܬܵܐ ܕܫܸܡܵܐ ܕܫܲܒ݂ܪܵܘܟ݂ܘܿܢ ܐܝܼܡܲܢ ܕܡܛܵܝܵܐ ܝܠܹܗ ܠܥܘܼܡܪܵܐ ܕܬܲܪܬܹܝܢ ܫܸܢܹ̈ܐ.

ܒܲܝܬܘܼܝܵܬܹ̈ܐ ܘܡܲܣܸܡܵܢܹ̈ܐ ܕܒܵܠܵܐ ܕܐܝܼܬܠܗܘܿܢ ܫܲܒ݂̈ܪܹܐ ܕܦܝܼܫܹܐ ܝܗܘܵܘ ܝܠܝܼܕܹܐ ܒܹܝܠ ܝܲܪ̈ܚܹܐ ܕܟܵܢܘܿܢ ܬܪܲܝܵܢܵܐ ܘܢܝܼܣܵܢ ܡܵܨܝܼ ܕܦܵܪܫܝܼ ܒܐܲܝܢܝܼ ܫܹܢ݇ܬܵܐ ܐܵܢܝܼ ܫܲܪܝܼ ܡܲܦܠܘܼܚܹܐ ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕܬܠܵܬ ܫܸܢܹ̈ܐ ܝܢܵܐ ܕܦܝܼܫܬܵܐ ܝܠܵܗ̇ ܡܘܼܘܸܠܬܵܐ ܟܠܵܢܵܐܝܼܬ. ܒܲܠܟܵܐ ܕܒܲܝܬܘܼܝܵܬܹ̈ܐ ܦܵܪܫܝܼ ܕܫܲܒ݂̈ܪܲܝܗܝ ܫܲܪܝܼ ܒܫܹܢ݇ܬܵܐ ܐܵܬܝܵܢܬܵܐ ܩܵܐ ܕܕܵܒ݂ܩܵܐ ܥܲܡ ܫܹܢ݇ܬܵܐ ܕܫܲܪܘܼܝܹܐ ܒܸܐܙܵܠܵܐ ܠܡܲܕܪܲܫܬܵܐ، ܟܲܕ ܫܲܒ݂̈ܪܹܐ ܐ݇ܚܹܪ݇ܢܹܐ ܒܸܕ ܗܵܘܝܼ ܡܸܛܝܹܐ ܠܥܘܼܡܪܵܐ ܕܬܲܪܬܹܝܢ ܫܸܢܹ̈ܐ ܐܝܼܡܲܢ ܕܫܲܪܝܼ.

ܫܲܒ݂̈ܪܹܐ ܕܦܝܼܫܹܐ ܝܗܘܵܘ ܝܠܝܼܕܹܐ ܒܹܝܠ 1 ܒܟܵܢܘܿܢ ܬܪܲܝܵܢܵܐ ܘ 30 ܒܢܝܼܣܵܢ

ܡܵܨܝܼ ܕܫܲܪܝܼ ܒܸܐ݇ܙܵܠܵܐ ܠܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕܬܠܵܬ ܫܸܢܹ̈ܐ ܒܫܹܢ݇ܬܵܐ ܕܡܛܵܝܵܐ ܝܢܵܐ ܠܥܘܼܡܪܵܐ ܕܬܠܵܬ ܫܸܢܹ̈ܐ ܝܲܢ ܒܫܹܢ݇ܬܵܐ ܕܡܛܵܝܵܐ ܝܢܵܐ ܠܥܘܼܡܪܵܐ ܕܐܲܪܒܲܥ ܫܸܢܹ̈ܐ.

ܫܲܒ݂̈ܪܹܐ ܒܲܠܟܵܐ ܕܠܵܐ ܡܵܨܝܼ ܕܫܲܪܝܼ ܗܲܠ ܕܐܵܢܝܼ ܡܵܛܝܼ ܠܥܘܼܡܪܵܐ ܕܬܠܵܬ ܫܸܢܹ̈ܐ ܓܵܘ ܓܲܢܹ̈ܐ ܕܫܲܒ݂̈ܪܵܐ ܕܠܵܐ ܝܢܵܐ ܡܨܵܝܵܐ ܕܫܵܠܡܝܼ ܠܢܸܣܒܲܬܘܼܬܵܐ ܕܚܲܕ ܡܲܠܦܵܢܵܐ ܩܵܐ ܟܡܵܐ ܫܲܒ݂̈ܪܹܐ ܩܵܐ ܐܵܢܝܼ ܫܲܒ݂̈ܪܹܐ ܕܝܼܢܵܐ ܒܥܘܼܡܪܵܐ ܕܬܲܪܬܹܝܢ ܫܸܢܹ̈ܐ.

ܐܲܚܟ̰ܝܼ ܐܵܢܝܼ ܫܲܒ݂̈ܪܹܐ ܕܦܝܼܫܹܐ ܝܗܘܵܘ ܝܠܝܼܕܹܐ ܒܹܝܠ 1 ܒܐ݇ܝܵܪ ܘ 31 ܒܟܵܢܘܿܢ ܩܲܕܡܵܝܵܐ ܡܵܨܝܼ ܕܫܲܪܝܼ ܒܸܐ݇ܙܵܠܵܐ ܠܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕܬܠܵܬ ܫܸܢܹ̈ܐ ܒܫܹܢ݇ܬܵܐ ܕܐܵܢܝܼ ܡܛܵܝܵܐ ܝܢܵܐ ܠܥܘܼܡܪܵܐ ܕܐܲܪܒܲܥ ܫܸܢܹ̈ܐ ܘܠܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕܐܲܪܒܲܥ ܫܸܢܹ̈ܐ ܒܫܹܢ݇ܬܵܐ ܕܐܵܢܝܼ ܡܛܵܝܵܐ ܝܢܵܐ ܠܥܘܼܡܪܵܐ ܕܚܲܡܸܫ ܫܸܢܹ̈ܐ.

ܥܘܼܡܪܹܐ ܕܫܲܒ݂̈ܪܹܐ ܕܫܲܪܘܼܝܹܐ ܝܢܵܐ ܒܸܐ݇ܙܵܠܵܐ ܠܓܲܢܬܵܐ ܕܫܲܒ݂̈ܪܹܐ

Date child is born	Comments	2020	2021	2022	2023	2024
21 ܟܵܢܘܿܢ ܩܲܕܡܵܝܵܐ 2016 – 30 ܢܝܼܣܵܢ 2017 1 ܐܝܼܵܪ – 20 ܟܵܢܘܿܢ ܩܲܕܡܵܝܵܐ 2017*	ܒܲܝܬܘܼܝܵܬܹ̈ܐ ܡܵܨܝܼ ܕܦܵܪܫܝܼ ܕܫܲܪܝܼ ܡܲܕܪܲܫܬܵܐ ܒܫܹܢ݇ܬܵܐ 2022 ܝܲܢ 2023	ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 3 ܫܸܢܹ̈ܐ ܝܢܵܐ	ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 4 ܫܸܢܹ̈ܐ ܝܢܵܐ	ܟܠܵܣ ܡܗܲܕܪܵܢܬܵܐ	ܣܸܕܪܵܐ 1	ܣܸܕܪܵܐ 2
			ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 3 ܫܸܢܹ̈ܐ ܝܢܵܐ	ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 4 ܫܸܢܹ̈ܐ ܝܢܵܐ	ܟܠܵܣ ܡܗܲܕܪܵܢܬܵܐ	ܣܸܕܪܵܐ 1
21 ܟܵܢܘܿܢ ܩܲܕܡܵܝܵܐ 2017 – 30 ܢܝܼܣܵܢ 2018			ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 3 ܫܸܢܹ̈ܐ ܝܢܵܐ	ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 4 ܫܸܢܹ̈ܐ ܝܢܵܐ	ܟܠܵܣ ܡܗܲܕܪܵܢܬܵܐ	ܣܸܕܪܵܐ 1
1 ܐܝܼܵܪ – 20 ܟܵܢܘܿܢ ܩܲܕܡܵܝܵܐ 2018* 21 ܟܵܢܘܿܢ ܩܲܕܡܵܝܵܐ 2016 – 30 ܢܝܼܣܵܢ 2017	ܒܲܝܬܘܼܝܵܬܹ̈ܐ ܡܵܨܝܼ ܕܦܵܪܫܝܼ ܕܫܲܪܝܼ ܡܲܕܪܲܫܬܵܐ ܒܫܹܢ݇ܬܵܐ 2023 ܝܲܢ 2024		ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 3 ܫܸܢܹ̈ܐ ܝܢܵܐ	ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 4 ܫܸܢܹ̈ܐ ܝܢܵܐ	ܟܠܵܣ ܡܗܲܕܪܵܢܬܵܐ	ܣܸܕܪܵܐ 1
				ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 3 ܫܸܢܹ̈ܐ ܝܢܵܐ	ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 4 ܫܸܢܹ̈ܐ ܝܢܵܐ	ܟܠܵܣ ܡܗܲܕܪܵܢܬܵܐ
1 ܐܝܼܵܪ – 20 ܟܵܢܘܿܢ ܩܲܕܡܵܝܵܐ 2017*				ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 3 ܫܸܢܹ̈ܐ ܝܢܵܐ	ܓܲܢܬܵܐ ܕܫܲܒ݂̈ܪܹܐ ܩܵܐ ܫܲܒ݂̈ܪܹܐ ܕܒܥܘܼܡܪܵܐ ܕ 4 ܫܸܢܹ̈ܐ ܝܢܵܐ	ܟܠܵܣ ܡܗܲܕܪܵܢܬܵܐ

* ܣܝܼܩܘܿܡܵܐ ܕܟܵܢܘܿܢ ܩܲܕܡܵܝܵܐ ܝܼܠܹܗ ܗܵܘ ܪܲܗܛܵܐ ܕ 4 ܕܩܸܪܝܵܢܵܐ ܐ݇ܚܵܪܵܝܵܐ ܓܵܘ ܡܲܕܪܲܫܝܵܬܹ̈ܐ ܕܫܘܼܠܛܵܢܵܐ.

ܐܸܢ ܗܵܝ ܡܲܕܪܲܫܬܵܐ ܕܒܲܝܬܘܼܬܵܐ ܦܪܵܫܘܿܗ̇ ܝܠܗ̇ ܐܝܼܬܠܵܗ̇ ܚܲܕ ܝܵܘܡܵܐ ܐ݇ܚܵܪܵܝܵܐ ܒܘܼܫ ܒܟ݂ܝܼܪܵܝܵܐ ܕܪܲܗܛܵܐ ܕ 4 ܕܩܸܪܝܵܢܵܐ، ܒܗܵܝܓܵܗܐ ܓܵܪܲܓ ܕܗܵܘ ܣܝܼܩܘܿܡܵܐ ܦܵܐܸܫ ܡܘܼܦܠܸܚܵܐ.

- ܚܸܠܡܲܬ ܝܲܢ ܡܙܲܘܸܕܵܢܵܐ ܕܓܲܢܬܵܐ ܕܫܲܒ݂̈ܪܹܐ ܕܓܵܘ ܡܲܗܲܠܵܘܟ݂ܘܿܢ، ܒܸܚܒ݂ܵܫܵܐ ܚܕܵܐ ܚܸܠܡܲܬ ܕܡܲܣܲܡܬܵܐ ܕܒܵܠܵܐ ܕܟܠܹܗ ܝܵܘܡܵܐ
- ܡܵܘܬܒ݂ܵܘܟ݂ܘܿܢ ܡܲܗܲܠܵܝܵܐ ܝܲܢ ܝܵܨܘܿܦܬܵܐ (ܢܹܪܣ) ܕܐܸܡܗܵܝܘܼܬܵܐ ܘܕܚܘܼܠܡܵܢܵܐ ܕܫܲܒ݂̈ܪܹܐ ܕܓܵܘ ܡܲܗܲܠܵܘܟ݂ܘܿܢ
- ܩܪܹܝܡܘܼܢ ܩܵܐ ܚܘܼܛܵܐ ܕܐܵܒ݂ܵܗܘܼܬܵܐ ܕܡܕܲܒܪܵܢܘܼܬܵܐ ܕܚܘܼܠܡܵܢܵܐ (Department of Health - DH) ܥܲܠ ܡܸܢܝܵܢܵܐ 13 22 89
- ܫܲܕܪܘܼܢ ܐܝܼܡܵܝܠ ܩܵܐ 3yo.kindergarten@education.vic.gov.au
ܣܲܚܒܸܪܘܼܢ ܠܫܵܘܦܵܐ Three-Year-Old Kindergarten

Updated 7 February 2022