Three-Year-Old Kindergarten brochure - Tigrinya

• ርእሶም ዝኻሉ ኣጸደ ቆልዑ
  • መደባት ኣጸደ ቆልዑ - ቈልዑ ንዝተሰርዐ መዓልትን ሰዓትን ኣብ መደብ መውዓሊ ህጻናት ይሳተፉ
• ናይ ምሉእ መዓልቲ ኽንክን ቆልዑ ኣገልግሎታት
  • መደባት ኣጸደ ቆልዑ - ቈልዑ ንመደብ ኣጸደ ቆልዑ ከም ኣካል ናይ ምሉእ መዓልቲ ክንክን ግዜኦም ጌሮም ይሳተፉ
  • ትምህርትን ክንክንን - ናይ ምሉእ መዓልቲ ወሃብቲ ኣገልግሎታት ምክንኻን ካብ 0 ኽሳዕ 6 ዓመት ንዝዕድሚኦም ቈልዑ ናይ ቍልዕነት ትምህርትን ክንክንን ይህቡ

ኵሎም እቶም ዚምወሉ መደባት ኣጸደ ቆልዑ ነቲ መንግስቲ ዘውጽኦ ናይ ድሕንነትን  መምርሒታት ብቕዓትን ከማልኡ ይግባእ፣ ከምኡውን ምስ ናይ ቪክቶርያ ቀዳሞት ዓመታት ትምህርትን ዕቤትን ኣስራርዓን ክምዕብል ኣለዎ።

ሓደ ምሉእ መዓልቲ ዚከናኸን ማእከል ምሉእ መዓልቲ ትምህርትን ክንክንን ኪህብ ይኽእል፣ እዚ ኸኣ ፕሮግራም ኣጸደ ቆልዑ እውን ዘጠቓልል እዩ። እቲ ብመምህራን ዝምራሕ ናይ ኣጸደ ቆልዑ ፕሮግራም ምስ ተወሳኺ ሰዓታት ትምህርትን ክንክንን ዝተዋደደ ኢዩ። ኣብ ርእሱ ዝኻኣለ ኣገልግሎት: መደብ ኣጸደ ቆልዑት ኣብ ዝተወሰኑ መዓልትታትን ሰዓታትን ጥራይ እዩ ዚካየድ። እዘን መዓልትታትን ሰዓትን እዚኣተን በቲ ኣብ ኣጸደ ቆልዑ ወሃቢ ኣገልግሎት እየን ዝምደባ።

ንውሉድኩም ኣበየናይ ከም ክትሰዱዎ ንምውሳን፡ ኣብ ንማሕበረሰብኩም  ኣገልግሎት ዘበርክት ምርካብን ከምኡውን ን ስድራ ቤትኩምን ንውላድኩን ዚጠቅም እንታይ ምዃኑ ኺምርኰስ ይኽእል

ብዛዕባ መስርሕ ምዝገባኦምን ሰሌዳ ግዜኦምን ነቲ ኣብ ከባቢኹም ዝርከብ ኣገልግሎት ኣጸደ ቆልዑ ኣዘራርቡ፣ ናብ ማእከሎምን ሰራሕተኛታቶምን ድማ ምብጻሕ ግበሩ። ኣብቲ ኸባቢ ዚርከብ ኣጸደ ቆልዑ ክትረኽቡን ንስድራ ቤትኩም ዚኸውን ቅኑዕ ኣገልግሎት ብኸመይ ከም እትመርጹን ሓበሬታ እንተ ደሊኹም ናብ How to choose a kindergarten  ብጽሑ ብሉጽ ኣገልግሎት ኣጸደ ቆልዑ ምምራጽ ሓደ ቘልዓ  ካብቲ ኣብ ኣጸደ ቆልዑ ዘሕልፎ ግዜ ብዝያዳ ከም ዝጥቀም እዩ ዚገብር ። 

ናብ  www.startingblocks.gov.au ብምኻድ ደረጃታት ናይ ብሉጽ ኣገልግሎት  ክትሪኡ ትኽእሉ ኢኹም

መብዛሕቶም ኣገልግሎታት ሓደ ቘልዓ ኣጸደ ቆልዑ ቅድሚ ምጅማሩ ኣብ ዘሎ ዓመት ንዚኽፈቱ መስርሕ ምዝገባ ኣለዎም፣  ስለዚ ውላድኩም ወዲ/ጓል ኽልተ ዓመት ምስ ዀነ/ት ብዛዕባ ምምዝጋብ ክትሓስቡ ኣሎኩም።

ካብ ጥሪ ኽሳዕ ሚያዝያ ዚውለዱ ቘልዑ ዘለዉዎም ስድራ ቤታትን ኣለይትን ነቲ ኣድማሳዊ ምወላ ገንዘብ ኣብ ዝግበረሎ ኣጸደ ቆልዑ ን ሰለስተ ዓመት ዝዕድሚኦም ኣበየናይ ዓመት ከም ዚጅመር ኪመርጹ ይኽእሉ እዮም። ስድራ ቤታት ደቆም ትምህርቲ ምስ ዚጅምሩሉ ዕድመ  ክስራዕ ምእንቲ: ኣብታ እትቕጽል ዓመት ንኺመሃሩ ኺመርጹ ይኽእሉ፡ ካልኦት ቈልዑ ግን ኪጅምሩ ኸለዉ ደቂ ኽልተ ዓመት ይኮኑ።

ካብ 1 ጥሪ ኽሳዕ 30 ሚያዝያ ዚውለዱ ቘልዑ ኣብታ ሰለስተ ዓመት ዝኮኑላ ዓመተ-ምሕረት ወይ ኣርባዕተ ዓመት ኣብ ዝኮኑላ ዓመተ ምሕረት ናይ ሰለስተ ዓመት ቆልዑ መውዓሊ ህጻናት ኪካፈሉ ይኽእሉ እዮም።

ክልተ ዓመት ዝዕድሚኦም ቈልዑ እቲ ኣገልግሎት ናይ መምህርን ቈልዑን ተመቓራሕነት ከሟልእ ኣብ ዘይክእሉ መደባት ቈልዑ ክሳብ ሰልስተ አመት ዝኮኑ ኣብኡ ክካፈሉ ኣይክእሉን ይዀኑ።

ካብ 1 ግንቦት ክሳዕ 31 ታሕሳስ ዚውለዱ ቈልዑ ኣብታ ኣርባዕተ ዓመት ዝኮኑላ ዓመተ ምሕረት ናይ ሰለስተ ዓመት ቆልዑ መውዓሊ ህጻናት ከምኡውን ኣብታ ሓሙሽተ ዓመት ዝኮኑላ ዓመተ ምሕረት ናይ ኣርባዕተ ዓመት ቆልዑ መውዓሊ ህጻናት ኪካፈሉ ጥራይ ይኽእሉ።

* ዕለት ታሕሳስ ኣብ ቤት ትምህርቲ መንግስቲ ናይ መወዳእታ መንፈቕ 4 እያ።  ስድራቤት ዝመረጾ ቤት

• ኣብ ከባቢኻ ዘሎ ኣገልግሎት መውዓሊ ህጻናት ወይ ኣቕራቢ: እንተላይ ናይ ምሉእ መዓልቲ ክንክን ኣገልግሎት ዝህቡ
• ናይ ከባቢኹም ባይቶ ወይ ናይ ኣዴታትን ቆልዑን ጥዕና ነርስ
• ናብ መምርሒ ጥዕና (Department of Health - DH) መስመር ወለዲ ብ  13 22 89  ደውሉ
• ናብ :  3yo.kindergarten@education.vic.gov.au ኢሜይል ግበሩ

    Three-Year-Old Kindergarten ብጽሑ