Victoria government logo

Three-Year-Old Kindergarten brochure - Tongan

‘Oku ‘inivesi ‘e he Pule‘anga Vikatōlia ha meimei $5 piliona ‘i he ta‘u ‘e hongofulu ke fakapa‘anga fakakātoa ‘aki ‘a e Kinitakāteni ki he Fānau Ta‘u Tolu – pea kuo ‘atā ia he taimi ni ki he vahefonuá kātoa.

‘Oku ‘inivesi ‘e he Pule‘anga Vikatōlia ha meimei $5 piliona ‘i he ta‘u ‘e hongofulu ke fakapa‘anga fakakātoa ‘aki ‘a e Kinitakāteni ki he Fānau Ta‘u Tolu – pea kuo ‘atā ia he taimi ni ki he vahefonuá kātoa.

‘Oku ‘uhinga eni ‘e toe ‘i ai ha ta‘u ‘e taha kehe ki he ‘enau akó, tutupú, va‘ingá mo e fakafeohi fakakaume‘a ‘a e longa‘i fānau ‘o Vikatōliá.

Ko e kau ‘a e longa‘i fānau ta‘u tolú ki ha polokalama kinitakāteni leleí ‘oku malava ai ke ne hiki hake ‘enau tu‘unga fakaako, tupu fakalakalaka, mo‘uí lelei pea sai mo e ola ‘enau mo‘ui fakalūkufua.

‘Oku ako e longa‘i fānau ‘o kau ki māmani mo hono ‘ātakai ‘i he ‘enau va‘ingá

Ko e ako ‘oku makatu‘unga he va‘ingá ko e founga ako lelei taha ia ki he longa‘i fānau. ‘Oku ne ‘oange ki he fānau ‘a e faingamālie ke faka‘aonga‘i ‘enau fakakaukau, fakalakalaka ‘enau poto‘i he lea pea mo ako ai ki he ngaahi mata‘ifika mo e ngaahi sipinga me‘á. ‘Oku nau toe ako foki ai e founga ke fakafeohi mo ha ni‘ihi kehe, vahevahe, fakafanongo pea mo mapule‘i ‘enau ngaahi ongo fakaelotó.

Ko e fānau kotoa ‘i Vikatōlia ‘oku nau ‘atā ke kau ‘i he ta‘u ‘e ua ki he kinitakāteni kuo ‘osi fakapa‘anga

Mei he 2022 ‘e ‘aonga ki he longa‘i fānau kotoa ‘i he vahefonua ke nau kau atu ki ha polokalama kinitakāteni kuo ‘osi fakapa‘anga ‘o ‘ikai toe si‘i ange he houa ‘e nima he uike takitaha. ‘E fakalahi ‘a e houa ni ki ha houa ‘e 15 ki he uike ‘i ha‘ane a‘u ki he 2029.

Tatau aipē pe ko e fē ‘a e kinitakāteni ‘oku ‘alu ki ai ho‘o tamá, ‘e tataki ‘a e polokalamá ‘e he kau faiako pea mo e ni‘ihi kuo ‘osi teuteu‘i fakafaiako

‘E lava ke kau atu ‘a e longa‘i fānau ki ha polokalama kinitakāteni ‘i ha taha e ongo polokalama ko ha tauhi‘anga taimi lōlōa (tokanga‘i e fānau) pē ko ha kinitakāteni ‘oku tu‘u taha pē.

‘Oku ako e longa‘i fānau ‘o kau ki māmani ‘i he ‘enau va‘ingá

‘Oku nau ako e founga ke feohi lelei ai mo ha ni‘ihi kehe, vahevahe, fakafanongo, mo mapule‘i honau ngaahi ongo fakaelotó

‘I ha polokalama kinitakāteni, ‘oku faka‘aonga‘i ‘e he longa‘i fānau ‘a e va‘ingá ke fakalakalaka ai ‘enau poto‘i lea pea nau ako ai ki he ngaahi mata‘ifiká mo e ngaahi sipinga me‘á

Ko e kau faiakó mo honau kau tokoní te nau tokoni‘i e fānau ‘i he‘enau akó ke nau ma‘u ha loto fifili, mohu founga mo e loto falala

    • Ngaahi Kinitakāteni Tu’u Taha
      • Ngaahi Polokalama Kinitakāteni - ‘Oku kau atu e fānau ki he polokalama kinitakāteni ‘i he ngaahi ‘aho mo ha ngaahi houa tukupau
    • Ngaahi Tauhi’anga ‘Aho Kakato
      • Ngaahi Polokalama Kinitakāteni - ‘Oku kau e fānaú ki ha polokalama kinitakāteni ‘a ia ko e konga pē ia ‘o ‘enau taimi ‘aho kakato ‘i he tauhi’anga
      • Ako mo hono Tokangaekina - Ko e ngaahi tauhi’anga taimi lōlōa ‘oku nau fakahoko ha ako tokamu’a pea mo tokangaekina e fānau ‘oku nau ta’u 0 ki he ta’u 6

    Ko e ngaahi polokalama kinitakāteni ‘osi fakapa‘anga kotoa pē kuo pau ke nau tauhi e ngaahi fiema‘u fekau‘aki mo e malu pea mo e ngaahi fakahinohino tu‘ukimu‘a ‘a e pule‘anga ‘a ia ‘oku fa‘u ‘o fakatatau ki he Fa‘unga Fakalakalaka mo e Ako ki he Ngaahi Ta‘u Tokamu‘a ‘a Vikatōlia.

    ‘E malava ‘e he tauhi‘anga taimi lōlōa ke fakahoko ha ako mo e tauhi ‘aho kakato, ‘o kau ai ha polokalama kinitakāteni. Ko e polokalama kinitakāteni ‘e tataki ‘e he faiako ‘oku fakakau ki ai ha ngaahi houa ako makehe mo e tauhi foki. ‘I he ako‘anga tu‘u tahá, ‘e fakahoko pē ‘a e polokalama kinitakāteni ‘i ha ngaahi ‘aho mo e ngaahi taimi tukupau. Ko e ngaahi ‘aho mo e taimi ko iá ‘oku fokotu‘utu‘u ia ‘e kinautolu ‘oku nau fakalele ‘a e kinitakāteni.

    ‘E makatu‘unga ‘a hono fakakaukau‘i e feitu‘u ke ‘ave ki ai ho‘o tamá mei he ngaahi sēvesi ‘oku ala ma‘u ‘i homou komiunití, pea mo ia ‘e lelei taha ki ho fāmilí pea mo ho‘o tamá.

  • Fakatalanoa ki he kinitakāteni ko ia ‘i homou feitu‘ú kau ki he‘enau founga ki hono lesisita e fānau pea mo e ngaahi taimí tēpile, pea ke ‘a’ahi ki he‘enau senitā ‘o talanoa mo e kau ngāue. Ke ke ‘ilo‘i ‘a e kinitakāteni ‘i homou feitu‘u pea mo ha fakamatala fekau‘aki ki hono fili ‘a e sēvesi ‘oku fe‘unga mo ho fāmilí, vakai ki he: How to choose a kindergarten

    Ko hono fili‘i ko ia ha kinitakāteni ‘oku lelei te ne lava ke fakapapau‘i ai ‘oku ma‘u ‘e he fānau ‘a e lahi taha te nau ala ma‘u ‘i honau taimi ‘i he kinitakāteni. Te ke lava ‘o vakai ki hono fua fakahokohoko ‘o e ngāue lelei ‘a ha kinitakāteni ‘aki ho‘o vakai ki he: www.startingblocks.gov.auExternal Link

  • Ko e tokolahi e ngaahi kinitakātení kuo ‘i ai pē ‘enau founga ki hono fakahū e fānau ‘o fakaava pe mei he ta‘u kimu‘a e kamata e fānau ‘i ha polokalama kinitakāteni, ko ia ai ‘oku totonu ke ke fakakaukau ki ai ‘i he hokosia pe ta‘u ua ho‘o tama.

    Ko e ngaahi fāmili pea mo e kau tauhi ‘o e longa‘i fānau na‘e fā‘ele‘i ‘i he vaha‘a taimi ‘o Sanuali mo ‘Epeleli, te nau lava ‘o fili ‘a e ta‘u ke nau kamata ai ‘i he Kinitakāteni Fānau Ta‘u Tolu ‘a ia kuo ‘osi fakapa‘anga kakató. ‘E malava pē ke fili ‘e he ngaahi fāmilí ke toki hū ‘enau fānau he ta‘u hono hokó ke tatau mo e ta‘u hū ko ia ‘a e ‘apiako, lolotonga ia ‘e lava ke kamata ‘a e longa‘i fānau ‘e ni‘ihi ‘i honau ta‘u ua.

    Ko e longa‘i fānau kotoa na‘e fa‘ele‘i ‘i he vaha‘a taimi ko e ‘aho 1 ‘o Sanuali pea mo e ‘aho 30 ‘o ‘Epeleli ‘oku ‘atā ke nau hū ki he Kinitakāteni ki he Ta‘u Tolu ‘i he ta‘u ‘oku hoko ai honau ta‘u tolú pē ta‘u ‘oku hoko ai honau ta‘u fā.

    Kapau ‘oku ‘ikai ma‘u ‘e ha kinitakāteni ‘a e fika fua tokolahi ‘o e kau faiakó ‘o fakatatau ki he tokolahi e longa‘i fānau ‘oku nau ta‘u uá, ‘e ‘ikai malava ke hū e longa’i fānau ko ia kae ‘oua leva kuo hoko honau ta‘u tolú.

    Ko e longa’i fānau na‘e fa‘ele‘i ‘i he vaha‘a taimi ko e ‘aho 1 ‘o Mē pea mo e ‘aho 31 ‘o Tisema ‘oku toki ngofua ke nau hū ki he Kinitakāteni Ta‘u Tolu ‘i he ta‘u ‘e hoko ai honau ta‘u fā pea ki he Kinitakāteni Ta‘u Fā ‘i he ta‘u ‘e hoko ai honau ta‘u nimá.

  • Aho fā‘ele‘i ‘o e tamasi‘i pē ta‘ahine Ngaahi fakamatala 2020 2021 2022 2023 2024

    21 ‘o Tisema 2016 - 30 ‘o ‘Epeleli 2017

    ‘Oku lava ke fili ‘e he ngaahi fāmili pe ‘e kamata ‘a e ako ‘i he 2022 pe 2023

    Kinitakāteni Fānau Ta‘u 3

    Kinitakāteni Fānau Ta‘u 4

    Ta‘u Teuteu (Prep) Kalasi 1 Kalasi 2

    Kinitakāteni Fānau Ta‘u 3

    Kinitakāteni Fānau Ta‘u 4

    Ta‘u Teuteu (Prep) Kalasi 1
    1 ‘o Mē - 20 ‘o Tisema 2017*

    Kinitakāteni Fānau Ta‘u 3

    Kinitakāteni Fānau Ta‘u 4

    Ta‘u Teuteu (Prep) Kalasi 1
    21 ‘o Tisema 2017 - 30 ‘o ‘Epeleli 2018 ‘Oku lava ke fili ‘e he ngaahi fāmili pe ‘e kamata ‘a e ako ‘i he 2023 pe 2024

    Kinitakāteni Fānau Ta‘u 3

    Kinitakāteni Fānau Ta‘u 4

    Ta‘u Teuteu (Prep) Kalasi 1

    Kinitakāteni Fānau Ta‘u 3

    Kinitakāteni Fānau Ta‘u 4

    Ta‘u Teuteu (Prep)

    1 ‘o Me - 20 ‘o Tisema 2018*

    Kinitakāteni Fānau Ta‘u 3

    Kinitakāteni Fānau Ta‘u 4

    Ta‘u Teuteu (Prep)

    * Ko e ‘aho ‘i Tisemá ko e Teemi 4 faka‘osi ia he ako‘anga ‘a e pule‘anga. Kapau ‘oku hoko ki mu‘a ‘a e ‘aho faka‘osi ki he Teemi 4 ‘o e ‘apiako na‘e fili ‘e ha fāmili, pea ngāue‘aki ‘a e ‘aho ko ia.

    • Ko ho‘o kinitakāteni pe ko kinautolu ‘oku fakahoko e sēvesi ni ‘i homou feitu‘u, kau ki ai e sēvesi tokangaekina ‘aho kakato
    • Ko e kosilio fakakolo pe neesi ‘oku ne tokangaekina e ngaahi fā‘e mo e longa‘i fānau
    • Telefoni ki he Laine Telefoni ma‘ae Mātua Tauhi Fānau (Parentline) 13 22 89 ‘i he Potungāue Mo’ui (Department of Health - DH)
    • ‘Imeili ki he 3yo.kindergarten@education.vic.gov.au

    ‘A‘ahi ki he: Three-Year-Old Kindergarten

Reviewed 09 February 2022