Kung ikaw ay isang refugee o asylum seeker, maaaring ikaw ay marapat para sa Early Start Kindergarten (ESK). Makakatulong ang ESK na masigurong nakukuha mo ang maximum na bilang ng oras ng libreng kinder na programa na posible bawat linggo para sa iyong anak.
Paano ang pag-aplay
Ang ESK ay makukuha sa lahat ng mga programang pang-kinder na inihahatid ng isang kwalipikadong guro. Maaari mong i-enrol ang iyong anak sa pamamagitan ng pakikipag-ugnayan sa isang kinder na malapit sa inyo at paghingi ng access sa isang Early Start Kindergarten grant. Ang mga serbisyo ng Kinder ay makaka-access ng libreng serbisyo sa pagsasalin upang suportahan ka sa inyong wika.
Maaari ka ring makipag-ugnayan sa Kindergarten Enquiry Line ng Kagawaran ng Edukasyon para sa Pantatlong-Taong- Gulang sa 1800 338 663 o sa inyong lokal na konseho para sa tulong. Para makakuha ng tulong sa inyong wika, maaari kang tumawag sa National Translating and Interpreting Service sa 131 450, hilingin sa interpreter na tawagan ang numero ng inyong lokal na konseho o ng Kagawaran ng Edukasyon, at mananatili ang interpreter sa telepono at mag-iinterpret.
Kailan mag-aaplay
Ang mga bata ay marapat para sa ESK kung sila ay tatlong taong gulang bago ang ika-30 ng Abril sa taong sila ay naka-enrol na dumalo sa Three-Year-Old Kindergarten. Tingnan ang 'kailan dapat mag-enrol (when to enrol)'.
Kung ang iyong anak ay ipinanganak sa pagitan ng ika-1 ng Enero at ika-30 ng Abril, maaari mong piliin ang taon kung kailan siya magsisimula ng Three-Year-Old Kindergarten. Ang iyong anak ay maaaring magsimula ng Three-Year-Old Kindergarten sa taon mismo kung kailan siya naging 3, o sa taon kung kailan siya magiging 4 na taong gulang. Kung ang iyong anak ay magsisimula ng Three-Year-Old Kindergarten sa taon na siya ay magiging 3 taong gulang, siya ay magsisimulang pumasok sa eskuwela sa taon na siya ay naging 5 taong gulang. Kung pipiliin mong ipasok ang iyong anak sa Three-Year-Old Kindergarten sa taon na siya ay magiging 4 na taong gulang, magsisimula siyang pumasok sa eskuwela sa taon na siya ay magiging 6 na taong gulang.
Kung kailangan mo ng tulong upang malaman kung kailan magiging marapat ang iyong anak para sa ESK, maaari kang makipag-ugnayan sa Kagawaran ng Edukasyon, sa inyong lokal na konseho, sa inyong nars sa kalusugan ng ina at anak, o sa isang kinder sa inyong lugar, o alinman sa mga sumusunod na organisasyon sa inyong lugar:
- Pantatlong-Taong-Gulang na Kindergarten Linyang Pagtatanungan 1800 338 663
- Brotherhood of St Laurence 03 9483 1183
- Foundation House 03 9389 8900
- Fka Children’s Services 03 9428 4471
- VICSEG New Futures 03 9383 2533
Dapat bang sumali ang aking anak sa Four-Year-Old Kindergarten?
Oo, ang mga bata na naka-access ng Early Start Kindergarten ay marapat din para sa libre o murang Four-Year-Old Kindergarten. Ang Four-Year-Old Kindergarten ay unti-unting magiging Pre-Prep, simula sa 2025. Sa 2026, hanggang 25 oras ng Pre-Prep ang makukuha bawat linggo para sa mga batang:
- mula sa background na refugee o naghahanap ng asylum
- kumikilala bilang Aboriginal at/o Torres Strait Islander
- ang pamilya ay may ugnayan na sa Child Protection.
Ang pag-enrol sa pamamagitan ng ESK sa nakaraang taon ay ginagarantiyahan na makukuha ng iyong anak ang karagdagang oras ng Pre-Prep bawat linggo saanman siya nakatira sa Victoria. Magiging marapat ang mga pamilya para sa Pre-Prep kahit na hindi sila nag-enrol sa ESK noong nakaraang taon.
Updated