چی رقم ثبت نام کنی
قد شاروالی محلی یا خدمات کودکستان خو د باره طریقه ثبت نام کدو توره بوگید. شیمو همچنین می تنید د خط مالوماتی کودکستان سه-ساله د شماره 663 338 1800 زنگ ده اید یا د نشانی 3YO.kindergarten@education.vic.gov.au یک ایمیل ریی کید.
بلده دریافت کمک به زیبون خود خو یا گرفتون یک ترجمان، به خدما ترجمانی شفاهی و کتبی به شماره 450 131 زنگ دید.
همچنان می تنید د باره طریقه استفاده از خدمات مفت ترجمانی تلفونی که بلده تماس گرفتو توسط والدین و مراقبین ایجاد شده از کودکستان خو پرسان کنید.
شروع زودهنگام کودکستان (ESK)
اطفالایی که از پیشینه پناهنده یا پناهجو استن می تنن خدمات اضافی بیگرن و از طریق کودکستان شروع زودهنگام دسترسی با اولویت به کودکستان پیدا کنن. می تنید د وقت ثبت نام طفل خو از خدمت محلی خو د باره کودکستان شروع زودهنگام مالومات بیگرید، یا بلده کسب مالومات بیشتر به کودکستان شروع زودهنگام مراجعه کید.
چی وقت ثبت نام کنی
د ویکتوریا، وقتی که اطفال شیم سه ساله شد می تنید برنامه کیندر(کودکستان) ره شروع کنید. شمو میتنید تاریخ تولد اولاد خوره د ماشین حساب شروع کودکستان بزنید تا مولومات بدست بیرید که اولاد شیم د کودکستان 3 سالگی بوره یا کودکستان 4 سالگی و یا مکتب پیش آمادگی.
اگه اولاد شیم ده بین تاریخ 1 جنوری و 30 آپریل بدنیا امده، شمو میتنید انتخاب کید که ده کدام سال اونا کودکستان سه سالگی ره شروع کنه. اولاد شیم میتنه کودکستان سه سالگی ره د امو سال که اونا سه ساله موشه شروع کنه، یا د سال که اونا 4 ساله موشه شروع کنه. اگه اولاد شیم کودکستان سه سالگی ره د سالی شروع مونه که سه ساله موشه، اونا باز مکتب ره ده 5 سالگی شروع مونه. اگه انتخاب کدید که اولاد خوره ده سند 4 سالگی ده کودکستان 3 سالگی روان کید، اونا باز مکتب خوره ده سند 6 سالگی شروع خواد کد.
یک برنامه کیندر پیدا کید
بلدی پیدا کدونی خدمات قبول شده پروگرام کودکستان، از وبسایت پیدا کدون پروگرام کودکستان سر بزنید. شاروالی محلی و خدمات کودکستان شیم هم می تنه د پیدا کدون جای د کودکستان شیموره کمک کنه.
متوجه علامت تیکِ کیندر (Kinder Tick) ( یا کودکستان) باشید
ای علامت تیک کیندر (کودکستان) فامیلای ویکتوریایی ره کمک مونه تاکه برنامه کیندر تایید شده ره بلده اطفال خو پیدا کنن.
د خدمات کودکستان محلی خو، د بله ساختمان یا زمین مرکز خدمات، د وب سایت یا د ورقای مالوماتی شی هم توغ کید که علامت تیک کیندر دشته شه.
Updated