Available ang Free Kinder sa mga programang Three- and Four Year Old Kinder o Pre-Prep sa mga kalahok na serbisyo sa buong Victoria. Kabilang dito ang long day care at standalone (na tinatawag ding sessional) na mga serbisyong pang-kinder.
Pagtitipid para sa mga pamilya
Ang mga pamilyang may mga anak na naka-enroll sa isang kalahok na sessional kindergarten ay tatanggap ng libreng programa.
Ang mga pamilyang may mga anak na naka-enroll sa isang kalahok na long day care ay tatanggap ng taunang offset sa bayad.
Pagiging marapat para sa Free Kinder
Ang Free Kinder ay para sa lahat.
Ang mga pamilya ay hindi kailangang magkaroon ng Health Care Card o Pension Card, pagkamamamayan ng Australya, o patunay ng address upang maging marapat sa pag-access. Hindi mo rin kailangang maging marapat para sa Australian Government Child Care Subsidy (CCS) upang makatanggap ng Free Kinder.
Maaari ka lamang tumanggap ng Free Kinder sa isang serbisyong pang-kinder sa isang pagkakataon. Hihilingin sa iyo ng inyong serbisyong pang-kinder na pumirma sa isang liham, na tumutukoy sa serbisyo kung saan ka tatanggap ng Free Kinder. Kung ang iyong anak ay pumapasok sa mahigit sa isang serbisyong pang-kinder, dapat mong ipaalam sa bawat serbisyo kung saan mo nais um-access ng Free Kinder.
Paano ang pag-access sa pondo ng Free Kinder
Ang mga serbisyong pang-kinder na nag aalok ng Free Kinder ay direktang tumatanggap ng pondo mula sa Pamahalaang Victoria. Ibig sabihin, hindi na kailangang humiling ang mga pamilya ng kanilang matitipid, sa halip ay ibabawas ito sa inyong mga babayaran. Sa sessional kinder, ang iyong programa ay libre.
Makikita ng mga pamilyang gumagamit ng long day care kinder na programa ang mga matitipid mula sa Free Kinder sa bawat pagsingil na may 'Victorian Government Free Kinder offset' na malinaw na nakasaad sa mga invoice.
Paano ilalapat ang fee offset sa mga babayarang ikaw mismo ang nagbayad
Ang Free Kinder offset ay regular na ilalapat sa iyong mga babayaran sa buong taon (halimbawa, lingguhan o kada dalawang linggo). Makikita mo nang malinaw ang halaga sa iyong invoice bilang 'Victorian Government Free Kinder offset'.
Para sa impormasyon kung paano ilalapat ang offset sa iyong mga babayaran at kung paano ito ipinapakita sa iyong invoice, mangyaring makipag-usap nang direkta sa iyong serbisyong pang-kinder. Kung ang iyong anak ay uma-access ng mahigit sa 15 oras kada linggo, ang mga karagdagang oras na ito ay hindi sakop ng offset.
Kung ikaw ay marapat para sa Commonwealth Childcare Subsidy ito muna ang ilalapat. Ibig sabihin, kailangan mo lang bayaran ang natitirang halaga makaraang ilapat ang CCS at Free Kinder offset.
Halimbawa:
- Ang isang batang 4 na taong gulang ay dumadalo sa isang long day care na may kinder program 3 araw sa isang linggo.
- Sumisingil ang serbisyo ng $360 para sa 3 araw sa isang linggo (kasama ang mga oras ng kinder at mga oras ng karagdagang pangangalaga).
- Tatanggap ang pamilya ng CCS na $252 kada linggo.
- Sa 2025, ilalapat ng serbisyo ang $2,101 Free Kinder offset nang lingguhan sa loob ng 40 linggo ($52.53 kada linggo).
- Magbabayad ang pamilya ng $55.478 kada linggo matapos ilapat ang CCS at Free Kinder offset.
Mangyaring tandaan. Halimbawa lamang ito at ang mga gastos ay mag-iiba-iba depende sa mga indibidwal na sitwasyon at ang taunang halaga ng Free Kinder offset.
Updated