તમારા કિન્ડર કીટ પેકેજિંગ વિશે
બાળકો માટે, રમત અને શિક્ષણ એક સાથે જ થાય છે. બાળકો પોતાના વિશે અને તેમની આસપાસના વિશ્વ વિશે રમતો થકી જાણે છે અને શીખે છે. માતા-પિતા અને પરિવારો આ પ્રક્રિયામાં મોટો ભાગ ભજવે છે. તમારા બાળકની કિન્ડર કીટમાંની દરેક વસ્તુ એક પરિવાર તરીકે ઉપયોગમાં લેવા અને આનંદ માટે બનાવવામાં આવી છે.
કિન્ડરગાર્ટનમાં, વિક્ટોરિયન અર્લી યર્સ લર્નિંગ એન્ડ ડેવલપમેન્ટ ફ્રેમવર્ક (Victorian Early Years Learning and Development Framework, VEYLDF) નો ઉપયોગ શિક્ષણના અનુભવો મેળવવા માટે થાય છે, જે તમારા બાળકને શિક્ષણ અને વિકાસના પાંચ પરિણામોનો વિકાસ અને વૃદ્ધિ કરવામાં મદદ કરે છે. આ પાંચ પરિણામો છે:
- ઓળખ
- સમુદાય
- સુખાકારી
- શિક્ષણ
- સંચાર
વાર્તાના ક્યુબ્સ
બાળકો તેમના રોજિંદા અનુભવોને કેવી રીતે સમજી શકે છે તે માટે વાર્તા એક મહત્વપૂર્ણ ભાગ છે. તે સાક્ષરતા વિકાસમાં સહાયરૂપ થાય છે અને તેમની આસપાસના લોકો સાથે કેવી રીતે વાતચીત કરવી તે સમજવામાં મદદ કરે છે.
તમે તમારા બાળકને અંગ્રેજી અથવા અન્ય ભાષાઓમાં ક્યુબ્સ સાથે નવા શબ્દો શીખવામાં મદદ કરી શકો છો.
- વારાફરતી, ચિત્રોને નામ આપો
- તેમની સાથે નિર્માણ કરો
- વાર્તાઓ કહો
- પ્રશ્નો પૂછો
મીણીયા ચોક (ક્રેયોન્સ) અને ચિત્રપોથી (આર્ટ પેડ)
ક્રેયોન્સથી ચિત્રકામ, શિક્ષણની ઘણી રીતો પૂરી પાડે છે:
- પેન્સિલ પકડવા જેવા સૂક્ષ્મ સ્નાયુઓનાં હલનચલન (મોટર) કૌશલ્યમાં સુધારો
- હાથ-આંખનું સંકલન
- રંગ અને આકાર વિશે શીખવું
- કાગળ અને અન્ય સામગ્રી વડે સર્જનાત્મકતા વ્યક્ત કરવી.
સૌથી અગત્યનું એ છે કે, તમારું બાળક પોતાને સુરક્ષિત અને વિશ્વાસપૂર્વક રીતે વ્યક્ત કરવાનું શીખશે. અમુક બાળકો એવા ચિત્રો બનાવે કે જેને તમે સમજી ન શકો, પણ તેમાં વાંધો નથી. ચિત્ર દોરવાતાં શીખવાની આ કુદરતી પ્રક્રિયા છે.
- વિચારોના સંકેત માટે આર્ટ પેડનો ઉપયોગ કરો
- કૌટુંબિક ચિત્રકામનાં અનુભવોને પ્રોત્સાહિત કરો
- જે દોરો તે અંગે વાત કરો
- રંગો અને આકારોને નામ આપો
બીજ
બાળકો સાથે બીજ રોપવા એ વિજ્ઞાન આધારિત, સમૃદ્ધ શિક્ષણનો અનુભવ છે જેનાથી તેમને કુદરતી વિશ્વની અજાયબી જોવા મળે છે. તેઓ પ્રકૃતિ વિશે, ભાષા અને સરળ સૂચનાઓનું પાલન કરવાનું શીખશે. તેઓ આગળ જતાં વસ્તુઓનું અવલોકન કેવી રીતે કરવું તે પણ શીખશે.
- છોડ વિશે વાત કરો અને તેમના ભાગોના નામ આપો
- તેમને સાથે મળીને વાવો
- દરરોજ સવારે તેની વૃદ્ધિ તપાસો
- બજારમાં મળતા ફળ અને શાકભાજીના નામ કહો
પ્રાણીઓને પરોવવા
બાળપણના પ્રારંભમાં બાળકો હાથ, આંગળીઓ, કાંડા, પગ અને અંગૂઠાના નાના સ્નાયુઓ પર વધુ નિયંત્રણ મેળવવાનું શરૂ કરે છે. બાળકોની સ્વ-સંભાળ માટે અને તેના દ્વારા લખવા માટે હાથ અને આંગળીઓમાં હલનચલન માટેના સ્નાયુઓનો વિકાસ કરવો મહત્વપૂર્ણ છે. તમારું બાળક રમવા માટેનો લોટ (પ્લેડૉ), ક્રેયોન્સ અથવા પ્રાણીઓને પરોવવાનો ઉપયોગ કરીને તેમના સ્નાયુઓના સુક્ષ્મ હલનચલનનું કૌશલ્ય (ફાઇન મોટર સ્કિલ) વિકસાવી શકે છે. અહીં કેટલીક રીતો છે જેનાથી તમે ફાઇન મોટર સ્કિલનો અભ્યાસ કરી શકો છો:
- પ્રાણીના છિદ્રોમાં દોરી પરોવો
- કિન્ડર કીટ ખોલવી અને બંધ કરવી
- ચેઇન અથવા બટનો બંધ કરવાની પ્રેક્ટિસ કરો
- હાથ અને આંગળીઓ વડે લોટનાં લુવા વણો
રમત માટેનો લોટ (પ્લેડૉ)
જ્યારે તમારું બાળક નિર્માણ માટે પ્લેડૉનો ઉપયોગ કરે છે, ત્યારે તે ઘણી મહત્વપૂર્ણ વસ્તુઓ કરી રહ્યો છે:
- ફાઇન મોટર સ્કિલમાં સુધારો
- નિરીક્ષણ કરવા માટે તેમની ઇન્દ્રિયોનો ઉપયોગ
- તેમની કલ્પનાનો ઉપયોગ કરવો.
પ્લેડૉથી બનાવવું એ તમારા બાળક માટે શિક્ષણનો એક મહત્વપૂર્ણ ભાગ છે.
- બોલને રોલ કરો, તેને પછાડો, તેને ફટકારો, તેને દબાવો
- તેના વિશે વાત કરો
- અન્ય વસ્તુઓ ઉમેરો જેમ કે લાકડીઓ અથવા પીંછાઓ અથવા છીપલાં
- તમે જે મેળવી શકો તેનાથી નમૂના બનાવો
બાળકોના પુસ્તકો
સાથે મળીને પુસ્તકો વાંચવા એ એક પરિવાર તરીકે જોડેયેલા રહેવા અને સમય વિતાવવાનો શ્રેષ્ઠ માર્ગ છે. સાક્ષરતા વિકાસને ટેકો આપવા માટે તે સૌથી મહત્વપૂર્ણ પદ્ધતિઓ પૈકી એક છે. તમારા બાળક સાથે નિયમિત વાર્તા-સમય પસાર કરવાથી તેમની કલ્પનાશક્તિ અને શબ્દભંડોળમાં વધારો થશે.
- સાથે મળીને પુસ્તક પસંદ કરો
- લંબાવીને બેસવા અને વાંચવા માટે આરામદાયક સ્થળ પસંદ કરો
- તેમનેપૃષ્ઠો ફેરવવા માટે કહો
- પાત્રો માટે વિવિધ અવાજોનોઉપયોગ કરો, ચિત્રો વિશે વાત કરો
સંગીત રચો (મ્યુઝિક મેકર્સ)
બાળકોના શિક્ષણ અને વિકાસ માટે સંગીતના અનેક લાભો છે. સંગીત વગાડવું એ તમારા બાળક માટે નવા શબ્દો શીખવાની, પરિવાર સાથે મળીને ગીતો ગાવાની અને પોતાને આનંદિત રાખવાની એક મનોરંજક રીત છે. નાચવું, ગાવું, ઝૂમવું, ઊછળવું અને મંજીરા વગાડવા એ દરેક મનોરંજનનો ભાગ છે.
તમારા બાળક સાથે સંગીત માણવા માટે અહીં કેટલાક વિચારો આપ્યા છે:
- તમારા મનપસંદ ગીત પર નાચો અને ઝૂમી ઉઠો
- સંખ્યાઓ શીખવવા માટે ધબકારા ગણો
- ટૂંકા જોડકણાંવાળા ગીતોની પ્રેક્ટિસ કરો
- શબ્દોમાં ઉચ્ચારણની ગણતરી કરવા માટે મંજીરાનો ઉપયોગ કરો
કીટ એક્ટિવિટી પેટી
કીટ એક્ટિવિટી પેટી પુસ્તકો અને રમકડાં લઈ જવાની પેટી કરતાં વધુ છે - તેનો ઉપયોગ ઘણી રીતે શિક્ષણ અને વિકાસને ટેકો આપવા માટે થઈ શકે છે. વ્હાઇટબોર્ડ સપાટીઓ ચુંબકથી રમવાં, પ્લેડૉ અને ચિત્રકામ માટે ઉત્તમ છે. કીટને ઘોડીમાં વાળો. કીટને સપાટ પાથરો જેથી લીલી સપાટીનો ઉપયોગ કલ્પનાશીલ રમત માટે થઈ શકે. તે સમુદ્રનું દ્રશ્ય અથવા શહેરની શેરી હોઈ શકે છે. તમે જે રીતે કિન્ડર સુધી જાઓ છો, તે કરી રહ્યા હોય તેવી નકલ કરો. કીટ પેટીનો ઉપયોગ કરવાની અહીં કેટલીક અન્ય રીતો આપી છે:
- નવું વિશ્વ દોરો
- પ્લેડૉપ્લેમેટ
- પુસ્તકો અથવા રમકડાં લઇ જવાની પેટી
- નકલી સાધનો રમવા માટે
કીટ એક્ટિવિટી પેટી પર્યાવરણને અનુકૂળ ઉત્પાદન તરીકે ડિઝાઇન કરવામાં આવી છે. જેટલું શક્ય હોય તેટલું તે રિસાયકલ કરેલ સામગ્રીઓથી બનેલું છે અને તમારા બાળકના કિન્ડરગાર્ટન સ્મૃતિચિત્રોને સંગ્રહિત કરવા માટે પુનઃઉપયોગ માટે તૈયાર કરવામાં આવ્યું છે.
સમુદાય બનાવવા
વિક્ટોરિયા એક વૈવિધ્યસભર સમુદાય છે, જે ઘણી સંસ્કૃતિઓ અને બોલાતી વિવિધ ભાષાઓનો પ્રદેશ છે. વિવિધતા, એ આપણે જે છીએ તે બનાવતો એક મોટો ભાગ છે. કીટની વસ્તુઓ વિવિધ સમુદાયો વિશેના સંચારને સમર્થન આપે છે.
- બાળકો માટે, રમત અને શિક્ષણ એક સાથે જ થાય છે. બાળકો રમતથી જ નવું જાણે છે અને પોતાના વિષે શીખે છે.
- અન્ય સંસ્કૃતિઓ અથવા તમારી પોતાની વાનગીઓ બનાવવાની નકલ કરવા માટે પ્લેડૉનો ઉપયોગ કરો
- અન્ય સંસ્કૃતિઓ અથવા તમારું પોતાનું પરંપરાગત સંગીત સાંભળતી વખતે મંજીરા વગાડો
- તમારા બાળક સાથે અન્ય દેશો અને તેમના મૂળ પ્રાણીઓ વિશે વાત કરો
ઓસલાનમાં પુસ્તકો
2023 કિન્ડર કીટમાં સમાવિષ્ટ તમામ પુસ્તકોનાં ઓસલાનમાં અનુવાદો ઉપલબ્ધ છે. વીડિયો સાથે ઓસલાન અને મથાળા (કૅપ્શનિંગ) નો પણ સમાવેશ થાય છે.
ઓસલાન એ ઓસ્ટ્રેલિયાના મોટાભાગના બધિર સમુદાય દ્વારા ઉપયોગમાં લેવાતી સાંકેતિક ભાષા છે અને તે અમુક ચાર-વર્ષીય-કિન્ડરગાર્ટન્સમાં ઉપલબ્ધ વિક્ટોરિયાના પ્રારંભિક બાળપણની ભાષા કાર્યક્રમનો પણ એક ભાગ છે.
શિક્ષણ નિષ્ણાતોએ શોધી કાઢ્યું છે કે, નાની ઉંમરે બાળકોને અન્ય ભાષા શીખવવાથી ઘણા લાભ થાય છે, જેમાં નીચેનાનો સમાવેશ થાય છે:
- પૂર્વ-વાંચન અને પૂર્વ-લેખન કૌશલ્યમાં વધારો
- બોધપાઠની સુગમતા
- આત્મસન્માન અને સુખાકારીને પ્રોત્સાહન મળે છે
- સાંસ્કૃતિક ઓળખ દ્રઢ થાય છે.
ઓળખનો આદર કરવો
આપણા રાષ્ટ્રના પ્રથમ લોકોનીસંસ્કૃતિ ઓસ્ટ્રેલિયાના ઈતિહાસનો મહત્વનો ભાગ છે. તમામ બાળકોને તમામ સંસ્કૃતિઓ વિશે શીખવા માટે પ્રોત્સાહિત કરવાથી સમજ, સ્વીકૃતિ અને ગૌરવમાં વધારો થાય છે. કીટ્સમાં આપણાં રાષ્ટ્રના પ્રથમ લેખકો અને નિર્માતાઓને પ્રસિદ્ધ કરવાનો અમને ગર્વ છે. ઉદાહરણ તરીકે, વાર્તા બ્લોક્સ, મૂળ રહેવાસીઓની વાર્તા કહેવાની જીવંત પરંપરાનું નિરૂપણ કરે છે. અહીં કેટલીક પ્રવૃત્તિઓ છે જે તમારા બાળકને રાષ્ટ્રના પ્રથમ લોકોની પરંપરાઓ અને સંસ્કૃતિઓ વિશે વધુ શીખવામાં મદદ કરે છે:
- પ્રાણીઓ અથવા વસ્તુઓ માટે આદિ પ્રતીકો શીખો
- આદિ નેતાઓ અથવા રમત વીરો વિશે વાત કરો
- રાષ્ટ્રની પ્રથમ સંસ્કૃતિ અને લોકો વિશે વધુ જાણો
સુખાકારી અને વધારાની સહાય
બધા બાળકો જુદી રીતે અને પોતાની ઝડપે શીખે છે. કિન્ડર કીટ તમારા બાળકને પુસ્તકો અને રમકડાં પ્રદાન કરે છે જેનો ઉપયોગ દરેક ક્ષમતાઓને પડકાર આપવા માટે ઘણી અલગ રીતે કરી શકાય છે. પરંતુ કેટલીકવાર તમને તમારા બાળકના શિક્ષણ માટે વધારાના સમર્થનની જરૂર પડે છે. જો તમને એવું લાગે કે તમને અથવા તમારા બાળકને અમુક વધારાના ટેકાની જરૂર પડી શકે છે, તો તમે તે કરી શકો એવી ઘણી રીતો છે:
- વિક્ટોરિયા કિન્ડરગાર્ટનના શિક્ષકો સહાયતા કરવા માટેની કુશળતા અને જ્ઞાન ધરાવે છે. તમારા પ્રશ્નો અંગે તમારા બાળકના શિક્ષક સાથે વાત કરો
- તમારા પ્રશ્નોની ચર્ચા કરવા માટે તમારા ડૉક્ટર અથવા માતૃ અને બાળ આરોગ્ય નર્સને મળવા માટે એપોઇન્ટમેન્ટ લો
- પેરન્ટલાઈનને13 2289પર મફત, ગોપનીય કાઉન્સેલિંગ અને સહાય માટે કોલ કરો
કિંડર કિટ્સ સલામત અને સમાવેશક છે
કિંડર કિટમાં આપેલી બધી જ વસ્તુઓ સંબંધિત સલામતીનાં ધોરણો અનુસાર છે અને તે કિંડર શરૂ કરવા પાત્ર ત્રણ-વર્ષની-ઉંમરના માટે યોગ્ય છે.
અમુક વસ્તુઓમાં નાનાં ભાગો છે અને તે ત્રણ વર્ષથી નાની ઉંમરનાં બાળકોના ઉપયોગ માટે યોગ્ય નથી.
આ વસ્તુઓ છે, વ્હાઇટ બોર્ડ માર્કર્સ અને લોહીચુંબકવાળું વ્હાઇટ બોર્ડ ઇરેઝર, જેમની વચ્ચે નાનું લોહીચુંબક લગાડેલું છે.
આ વસ્તુઓ જેમાં લપેટેલી છે તે પેકેજીંગ પર સંબંધિત ચેતવણીઓ સ્પષ્ટપણે લખેલ છે અને ફક્ત તેમના હેતુ અનુસાર જ તેમનો ઉપયોગ થવો જોઇએ.
જો તમારે ત્રણ વર્ષથી નાની ઉંમરનું બાળક હોય તો, કૃપા કરીને તેઓ ન પહોંચી શકે તેવી જગ્ચાએ આ વસ્તુઓ રાખશો.
દરેક ઉંમરનાં બાળકોનાં દરેક રમકડાંઓની જેમ, માતાપિતા અને સંભાળકર્તાઓએ ઉપયોગમાં લેતાં પહેલાં હંમેશા તપાસવું જોઇએ અને જ્યારે કશું તૂટેલું કે ઘસાયેલું હોય તો તેનો નિકાલ કરવો જોઇએ.
Reviewed 22 September 2023