ܦܘܼܖ̈ܣܲܬܹܐ ܕܦܘܼܠܚܵܢܵܐ ܓܵܘ ܚܲܩܠܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ (Career Opportunities in Early Childhood Education) - ܐܵܬܘܿܪܵܝܵܐ (Assyrian)

ܦܘܼܖ̈ܣܲܬܹ̈ܐ ܕܦܘܼܠܚܵܢܵܐ ܩܵܐ ܡܲܠܦܵܢܹ̈ܐ ܚܲܕܬܹ̈ܐ ܓܵܘ ܚܲܩܠܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ

ܫܘܼܠܛܵܢܵܐ ܕܒ݂ܝܼܟܬܘܿܪܝܵܐ ܫܩܝܼܠ ܠܹܗ ܥܲܠ ܓܵܢܹܗ ܕܥܒ݂ܵܕܵܐ ܦܘܼܪܫܘܼܢܝܵܐ ܒܛܲܘܲܪܬܵܐ ܕܦܠܵܛܹ̈ܐ ܩܵܐ ܟܠܲܝܗܝ ܒܲܝܬܘܼܝܵܬܹ̈ܐ ܕܒ݂ܝܼܟܬܘܿܪܝܵܐ، ܒܸܚܒ݂ܵܫܵܐ ܐܵܢܝܼ ܕܝܼܢܵܐ ܡ݂ܢ ܒܵܬܖ̈ܵܝܘܼܝܵܬܹܐ ܡܲܖ̈ܕܘܼܬܵܢܵܝܹܐ ܘܠܸܫܵܢܵܝܹ̈ܐ ܦܖ̈ܝܼܫܹܐ.

ܩܵܐ ܬܲܡܲܡܬܵܐ ܕܐܵܗܵܐ ܩܵܘܠܵܐ، ܫܘܼܪܵܝܵܐ ܒܘܼܫ ܨܦܵܝ، ܬܘܼܪܵܨܵܐ ܕܚܲܝܘܼܬܵܐ ܒܘܼܫ ܨܦܵܝ (Best Start, Best Life) ܒܸܕ ܡܲܦܠܸܚ ܙܵܘܕܵܐ ܡ݂ܢ 370 ܡܸܠܝܘܿܢܹ̈ܐ ܕܘܿܠܵܖܹ̈ܐ ܩܵܐ ܓܲܪܘܲܣܬܵܐ ܓܘܼܒ݂ܪܬܵܐ ܕܚܲܝܠܵܐ ܦܘܼܠܚܵܢܵܝܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ.

ܪܵܒܵܐ ܡܲܚܫܲܚܝܵܬܹ̈ܐ ܕܚܲܝܠܵܐ ܦܘܼܠܚܵܢܵܝܵܐ ܦܝܼܫܠܗ݉ܘܿܢ ܡܘܿܖ̈ܝܸܙܹܐ ܩܵܐ ܓܪܵܫܬܵܐ ܘܣܢܵܕܬܵܐ ܕܙܵܘܕܵܐ ܡ݂ܢ 11،000 ܡܲܠܦܵܢܹ̈ܐ ܙܵܘܕܵܢܹ̈ܐ ܓܵܘ ܚܲܩܠܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ ܡ݂ܢ ܟܠܲܝܗܝ ܦܸܢܝܵܬܹ̈ܐ ܕܐܘܼܚܕܵܢܵܐ.

ܐܝܼܬ ܣܢܵܕܝܵܬܹ̈ܐ ܙܘܼܙܵܢܵܝܹ̈ܐ ܘܐܵܦ ܠܵܐ ܙܘܼܙܵܢܵܝܹ̈ܐ ܩܵܐ ܡܸܬܩܲܖ̈ܒ݂ܵܢܹܐ ܚܫܝܼܚܹ̈ܐ ܡ݂ܢ ܟܠܲܝܗܝ ܒܵܬܖ̈ܵܝܘܼܝܵܬܹܐ ܕܒܥܵܝܵܐ ܝܢܵܐ ܕܒܵܢܝܼ ܩܵܐ ܓܵܢܲܝܗܝ ܚܲܕ ܕܲܥܬܝܼܕ ܕܦܘܼܠܚܵܢܵܐ ܓܵܘ ܚܲܩܠܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ.

ܡܲܪܗܘܼܢ ܥܲܝܢܵܐ ܥܲܠ ܡܵܘܕܥܵܢܘܼܬܵܐ ܕܐܸܠܬܸܚܬ ܩܵܐ ܕܝܵܠܦܝܼܬܘܿܢ ܒܘܼܫ ܙܵܘܕܵܐ ܒܘܼܕ ܕܵܐܟ݂ܝܼ ܡܵܨܝܼܬܘܿܢ ܕܗܵܘܝܼܬܘܿܢ ܡܲܠܦܵܢܹ̈ܐ ܓܵܘ ܚܲܩܠܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ.

ܒܢܵܝܬܵܐ ܕܦܘܼܠܚܵܢܵܐ ܓܵܘ ܚܲܩܠܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ

ܐܝܼܬ ܪܲܒܵܐ ܦܸܨܠܹ̈ܐ ܕܓܘܼܒܵܝܹ̈ܐ ܕܩܸܪܝܵܢܵܐ ܘܗܲܝܲܪܬܵܐ ܙܘܼܙܵܢܵܝܬܵܐ ܕܡܸܬܩܲܢܝܵܢܹ̈ܐ ܝܢܵܐ ܒܝܲܕ ܐ݉ܢܵܫܹ̈ܐ ܕܐܝܼܬܠܗ݉ܘܿܢ ܒܘܼܣܵܡܵܐ ܕܦܵܝܫܝܼ ܡܲܠܦܵܢܹ̈ܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ. ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ، ܣܲܚܒܸܪܘܼܢ: Financial support to study and work in early childhood | vic.gov.au.

ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ ܒܘܼܕ ܒܢܵܝܬܵܐ ܕܚܲܕ ܕܲܥܬܝܼܕ ܕܦܘܼܠܚܵܢܵܐ ܓܵܘ ܚܲܩܠܵܐ ܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ ܘܣܢܵܕܬܵܐ ܙܘܼܙܵܢܵܝܬܵܐ ܩܵܐ ܩܸܪܝܵܢܵܐ، ܣܲܚܒܸܪܘܼܢ Become an early childhood teacher or educator.

ܡܲܦܠܲܚܬܵܐ

ܡܲܦܠܲܚܬܵܐ ܓܵܘ ܚܲܩܠܵܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ ܦܝܼܫܬܵܐ ܝܠܵܗ̇ ܡܕܘܿܒܸܪܬܵܐ ܒܝܲܕ ܡܕܲܒܖ̈ܵܢܹܐ ܕܚܸܠܡܲܬ ܠܚܘܼܕܵܝ̈ܐ ܘܡܲܩܖܸ̈ܒ݂ܵܢܹܐ ܕܚܘܼܖ̈ܙܹܐ ܕܓܲܢܲܬ ܫܲܒ݂ܖܹ̈ܐ.

ܪܚܘܿܫܘܼܢ ܠ Early Childhood Jobs website ܩܵܐ ܕܚܵܙܝܼܬܘܿܢ ܡܵܐ ܫܘܼܓ݂ܠܵܢܹ̈ܐ ܐܝܼܬ ܘܩܵܐ ܕܩܵܪܝܼܬܘܿܢ ܛܘܼܦ̮ܣܹ̈ܐ ܝܘܼܠܦܵܢܵܝܹ̈ܐ ܡ݂ܢ ܐ݉ܢܵܫܹ̈ܐ ܕܦܠܵܚܵܐ ܝܢܵܐ ܓܵܘ ܐܵܗܵܐ ܚܲܩܠܵܐ.

ܩܵܐ ܕܘܼܖ̈ܝܵܬܹܐ ܕܝܘܼܠܦܵܢܵܐ ܕܫܲܒ݂ܪܘܼܬܵܐ ܒܟ݂ܝܼܪܵܝܬܵܐ ܕܟܹܐ ܡܲܩܪܸܒ݂ܝܼ ܣܢܵܕܬܵܐ ܙܵܘܕܵܢܬܵܐ، ܣܲܚܒܸܪܘܼܢ:  Early Childhood Tertiary Partnerships program | vic.gov.au.