மழலையர் பள்ளியின் பலன்கள் (Benefits of kindergarten) - தமிழ் (Tamil)

Transcripts

• தமிழ் (Tamil)

  மூன்று வயது மழலையர் மற்றும் ஆரம்பகால மழலையர் பள்ளி பற்றிக் கேளுங்கள்.

  அவர்கள் மிக வேகமாக வளர்ந்து வருகிறார்கள்! விரைவில் அவர்கள் கிண்டர் முன்பள்ளிக்குச் செல்லவேண்டிய நேரம் வரும். அவர்கள் எப்போது தயாராக இருப்பார்கள் என்பதை நீங்கள் எப்படி அறிவீர்கள்?

  குழந்தைகள் கிண்டர் முன்பள்ளியில் இருக்கும் போது வீடு மிகவும் அமைதியாக இருக்கும். அவர்களுக்கு அது ஒரு பெரிய படிக்கல் தான். எனது பிள்ளைகள் முதலில் போக ஆரம்பித்த போது நான் கொஞ்சம் கவலைப்பட்டேன். ஆனால் அவர்கள் விரைவாகவே பழகி விட்டார்கள்.

  ஷார்லி கிண்டர் பள்ளிக்குச் செல்லத் தயாராக இருக்கிறானா என்பது எனக்குத் தெரியாது. புதிய சிறுவர்களுக்கு முன்னால் அவன் சற்று கூச்சப்படுகிறான். அவனுக்கு அது கடினமானதாக இருக்குமென்று நான் நினைக்கிறேன்.

  எனது குழந்தைகளும் முன்பள்ளிக்குச் செல்ல ஆரம்பிக்க முன்னர் மிகவும் கூச்சப்பட்டார்கள். ஆனால் இப்போது அவர்களைப் பாருங்கள். அவர்கள் மிக எளிதாக நண்பர்களாகிவிட்டார்கள். மூன்று வயதில் முன்பள்ளியை ஆரம்பித்தமையும், பாடசாலை செல்வதற்கு இரண்டு வருடங்களுக்கு முன்பே அங்கு சென்றதும் நாங்கள் எடுத்த மிகச் சிறந்த தீர்மானமாகும். மற்ற சிறார்களுடன் எவ்வாறு விளையாடுவது என்பதைப் போன்ற பலவற்றைப் பிள்ளைகள் கற்றுக் கொண்டதுடன் தன்னம்பிக்கையையும் நன்கு வளர்த்துக் கொண்டனர். மற்றப் பிள்ளைகளின் உணர்வுகளைப் புரிந்து கொள்வதற்கும் எம்மோடும் மற்ற சிறார்களோடும் எவ்வாறு விளையாடுவது, கதைப்பது என்பதையும் கிண்டர் முன்பள்ளி அவர்களுக்குக் கற்றுக் கொடுத்தது.

  ஆம், ஆனால் சிலவேளை அவர்கள், விளையாட்டு மைதானத்திலோ அல்லது வீட்டிலோ அதனை கற்றுக்கொள்ள முடியுமென நான் நினைக்கிறேன். இப்போது அவர்கள் ஏன் முன்பள்ளிக்குப் போக வேண்டும்? எப்படி விளையாடுவது என்பதை அவர்கள் எம்மிடம் கற்றுக் கொள்ள முடியாதா?

  சமூக சூழலுக்குப் பழகிக் கொள்வது மட்டுமல்ல இதன் பயன். கிண்டர் முன்பள்ளித் திட்டங்கள், விளையாட்டை அடிப்படையாகக் கொண்டு குழந்தைகளுக்கு ஆக்கபூர்வமாக சிந்திப்பதைக் கற்றுக் கொடுப்பதோடு அவர்களது ஆங்கில மற்றும் எண் திறன்களையும் வளர்த்துவிடுகின்றன. விளையாட்டு மைதானம் கற்றுக் கொடுக்க முடியாத பல விடயங்களை அவர்கள் செய்கிறார்கள். கிண்டர் முன்பள்ளியில் சிறுவர்கள் ஒன்றிணைந்து கண்டுபிடிப்புகளை மேற்கொள்கின்றனர். தமது கற்பனைத் திறனைப் பயன்படுத்துகின்றனர். பிரச்சினைகளைத் தீர்த்துக் கொள்கின்றனர். இத்திட்டங்களை வழிநடாத்தும் ஆசிரியர்கள் பல்கலைக்கழகம் சென்றவர்கள். அனைத்துக் குழந்தைகளும் உள்வாங்கப்படுவதை அவர்கள் உறுதி செய்கின்றனர். எனவே, ஷார்லி ஆரம்பத்தில் கூச்சப்பட்டாலும் கூட அவர்கள் அவனுக்கு ஆதரவுதவியாக இருந்து, அவனை சௌகரியமாக இருக்கச் செய்வார்கள்.

  இப்போது தான் எனக்கு எல்லாம் நன்கு புரிகிறது. பாடசாலைக் கல்வியைத் தொடங்க முன்னர், கற்றுக் கொள்ளப் பழகுவது ஷார்லிக்கு நல்லது என நான் நினைக்கிறேன். கிண்டர் முன்பள்ளிக்கு எவ்வளவு செலவாகும் என்பதுதான் நான் கவலைப்படும் அடுத்த விடயம்.

  2023 முதல், விக்டோரியா முழுவதிலுமுள்ள பங்கேற்கும் சேவைகளில் மூன்று மற்றும் நான்கு வயது ‘கிண்டர்’ சேவை இலவசமாகும்.

  மூன்று வயதுக் குழந்தைகளுக்கு, வாரத்திற்கு 5 முதல் 15 மணிநேரம் வரைக்குமான மழலையர் பள்ளித் திட்டம் கிடைக்கும் என்பது இதன் அர்த்தம்.

  நான்கு வயதுக் குழந்தைகளுக்கு, வாரத்திற்கு 15 மணிநேரம் (ஆண்டுக்கு 600 மணிநேரம்) என்பது இதன் அர்த்தம்.

  இலவச ‘கிண்டர்’ என்பதன அர்த்தம், ஒவ்வொரு ஆண்டும் கின்டர்கார்ட்டின் மட்டும் இயங்கும் மழலையர் பள்ளி சேவையில் ஒரு குழந்தைக்கு $2,500 வரை சேமிப்பு என்பதைக் குறிக்கும்.

  குடும்பங்களுக்கு $2,000 சேமிக்கப்படும் வகையில், நீண்ட பகல்நேரப் பராமரிப்பு சேவைகளிலும் இலவச ‘கிண்டர்’மானியங்கள் கிடைக்கும். வேலை மற்றும் பிற கடமைகளுக்கிடையில் சமநிலை பேணும் விதத்தில், மேலதிக மணிநேரங்கள் கவனிப்பு தேவைப்படும் குடும்பங்களுக்கு இது சிறந்தது.

  ESK பற்றி நீங்கள் கேள்விப்பட்டதுண்டா?

  அப்படியென்றால் என்ன?

  உங்கள் பிள்ளைக்கு ஒவ்வொரு வாரமும் முடியுமான அதிகபட்ச இலவச மழலையர் பள்ளி நிகழ்ச்சி நேரங்களைப் பெறுவதை உறுதிசெய்ய ‘தொடக்க நிலை மழலையர் பள்ளி’ அல்லது ESK-யினால் உதவ இயலும்.

  ESK வழியாக சேர்வதானது, மூன்று வயது மற்றும் நான்கு வயது மழலையர் பள்ளித் திட்டங்களில் ஒவ்வொரு வாரமும் முழுமையாக 15 மணிநேரத்திற்கு உத்தரவாதம் அளிக்கிறது.

  நீங்கள் தகுதியானவரா என்பதை நீங்கள் கண்டறிய வேண்டும்.

  அது மிகவும் நல்லது போல் தெரிகிறது. எமக்குத் தகுதி உள்ளதா என்பதையும் எப்படி விண்ணப்பிப்பது என்பதையும் எவ்வாறு தெரிந்து கொள்வது?

  குழந்தைகள் கிண்டர் முன்பள்ளியில் சேர்க்கப்படும் வருடத்தின் ஏப்ரல் மாதம் 30ஆம் திகதியில் அவர்கள் குறைந்தது மூன்று வயதினராக இருப்பின் அவர்களுக்கு ESK கிடைக்கும். அத்துடன் அவர்கள்:

  • அகதி அல்லது புகலிடக் கோரிக்கையாளர் பின்புலத்தை உடையவர்களாக, அல்லது
  • அபோரிஜினி பூர்வீகக் குடிகளாகவும் / அல்லது டோரெஸ் ஸ்ட்ரெயிட் தீவுவாசிகளாக, அல்லது
  • ‘குழந்தைப் பாதுகாப்பு’ துறையினருக்கு அறியப்பட்டவர்களாக இருக்க வேண்டும்.

  வாவ்! இந்த வருடத்தின் தொடக்கத்தில் ஷார்லிக்கு மூன்று வயதாகிறது. எனவே அவன் கிண்டரை ஆரம்பிப்பதற்கான வயதை அடைந்துவிடுகிறானா?

  வயதைக் கணிப்பிடுவதற்கான பக்கமொன்று உள்ளது. அது உங்களுக்கு இதில் உதவலாம். இணையத்தளத்தில் நீங்கள் அந்தக் கால்குலேட்டரைக் கண்டு கொள்ளலாம். அத்தோடு உள்ளூர் கிண்டர் முன்பள்ளிகளுடன் தொடர்பு கொண்டு ஷார்லியின் தகுதியைப் பற்றிக் கதைக்கலாம். நீங்கள் பார்ப்பதற்காக நான் அந்த இணையத்தளத்தை அனுப்புகிறேன். இதோ அதன் முகவரி vic.gov.au/kinder/translations.

  உங்களிடம் ஏதேனும் கேள்விகள் இருந்தால், உங்கள் உள்ளூர் மழலையர் பள்ளி சேவையுடன் தொடர்புகொண்டு, அவர்களின் கட்டணங்கள் உட்பட அவர்கள் வழங்கும் திட்டங்களைப் பற்றி அவர்களிடம் கேட்கலாம். உங்கள் மொழியில் உங்களுக்கு ஆதரவுதவியளிப்பதற்காக இலவச மொழிபெயர்ப்பு சேவையை அணுகிப் பெற மழலையர் பள்ளி சேவைகளால் இயலும்.

  உங்கள் பகுதியில் உள்ள மழலையர் பள்ளி சேவையைக் கண்டறிய உங்கள் உள்ளூர் நகரசபையை அல்லது உங்கள் உள்ளூர் கல்வி மற்றும் பயிற்சி அலுவலகத்துடன் நீங்கள் தொடர்பு கொள்ளலாம். உங்கள் மொழியில் உதவி பெற, 131 450 என்ற இலக்கத்தில் ‘தேசிய மொழிபெயர்ப்பு மற்றும் உரைபெயர்ப்பு சேவை’யை நீங்கள் அழைக்கலாம், உங்கள் உள்ளூர் நகரசபையை அல்லது ‘கல்வி மற்றும் பயிற்சித் திணைக்கள அலுவலக’த்தின் இலக்கத்தை அழைக்குமாறு உரைபெயர்ப்பாளரிடம் கேளுங்கள், அவர் தொலைபேசி அழைப்பில் இருந்துகொண்டு உங்களுக்கு உரைபெயர்ப்பளிப்பார்.

  ரகு, உங்களுக்கு நன்றி, எனக்கு இது மிகவும் உதவியாயுள்ளது!

  ஷார்லி, நாம் போக வேண்டும்! நாம் உன்னை முன்பள்ளியில் சேர்க்கப் போகின்றோம்!

  ESK பற்றி மேலதிகமாக அறிந்து கொள்ளச் செல்க: vic.gov.au/kinder/translations

  விக்டோரியா கல்வி மற்றும் பயிற்சித் திணைக்களத்தால் அங்கீகரிக்கப்பட்டது

• English

  Hear about three-year-old kinder and early start kindergarten.

  They’re growing up so fast! They will get to go to kindergarten soon - how do you know when they are ready?

  The house is so quiet when the kids are at kinder, and it is such a big step for them. I worried a bit when my children first started but they settled in quickly.

  I don’t know if Charlie is ready to go; she is so shy around new kids, and I think she might find it hard.

  My kids were very shy before they started kindergarten too but look at them now, they make friends so easily. Starting kindergarten at three years old and going for two years before school was the best decision we made. The kids learnt so much, like how to play with other children and became much more confident. Kindergarten taught them to understand their feelings and how to talk and play much better with us and other kids.

  Yes, but sometimes I think they can do that at the playground or at home. Why do they have to start now? Can’t they just learn how to play with us?

  It’s not just the socialising that is beneficial - kinder programs are based on play and teach kids how to think creatively and develop their English and number skills. They do many things that the playground can’t teach them. Together at kinder, children make discoveries, use their imagination and solve problems. The teachers who lead the programs have been to university and make sure all kids are included, so even if Charlie is shy at the beginning, they will support her and make her feel comfortable.

  That makes me feel much better about everything. I think it will be good for Charlie to get used to learning before starting school. The other thing I am worried about is how much kinder costs.

  From 2023, Three- and Four-Year Old Kinder will be free across Victoria, at participating services.

  For three-year-olds, this means from 5 and up to 15 hours per week of a kindergarten program

  For four-year-olds, this means 15 hours per week (600 hours a year)

  Free Kinder means a saving of up to $2,500 per child, each year at a standalone kindergarten service.

  Free Kinder subsidies are available for kinder programs at long day care services as well, saving families $2,000. This is great for families who have to balance work and other commitments and need extra hours of care.

  Have you heard of ESK?

  What is that?

  Early Start Kindergarten or ESK can help ensure you get the maximum amount of free kindergarten program hours possible each week for your child.

  Enrolling through ESK guarantees the full 15 hours each week in both Three-Year-Old and Four-Year-Old Kindergarten programs.

  You should find out if you’re eligible.

  That sounds great – how do we know if we are eligible and how do we apply?

  ESK is available to children who are at least three years old by the 30 April in the year they are enrolled to attend kinder and are:

  • from a refugee or asylum seeker background, or
  • are Aboriginal and/or Torres Strait Islander, or
  • are known to child protection.

  Wow! Charlie turned three at the beginning of the year, is she old enough to start?

  There is an age calculator page that will help you with that. On the website, you can find the calculator and get in touch with some local kinders to talk about Charlie’s eligibility. I will send you the website to have a look - it is vic.gov.au/kinder/translations.

  If you have any questions, you can also contact your local kindergarten service and ask them about the programs they offer, including about their fees. Kindergarten services are able to access a free translation service to support you in your language.

  You can also contact your local Council, or your local Department of Education and Training office to find a kindergarten service in your area. To get help in your language, you can call the National Translating and Interpreting Service on 131 450, ask the interpreter to call the number of your local council or Department of Education and Training office, and the interpreter will stay on the phone call and interpret.

  Thank you, Raghu, this has helped so much!

  Charlie, we need to go! We’re going to enrol you in kindergarten!

  Visit vic.gov.au/kinder/translations to find out more about ESK

  Authorised by the Department of Education and Training Victoria