၂၀၂၂ ဘံးထိရံယါထံဒိၣ်အတၢ်မၤဂ့ၤထီၣ်က့ၤ (2022 Victorian Flood Recovery) - ကညီကျိၥ် (Karen)

တၢ်အိၣ်တၢ်ဆိးအလီၢ်တစိၢ်တလီၢ်

တၢ်အိၣ်တၢ်ဆိးအလီၢ်တစိၢ်တလီၢ်န့ၣ်အိၣ်၀ဲလၢပှၤလၢအအိၣ်လၢအဟံၣ်တသ့မ့ၢ်လၢထံဒိၣ်တဖၣ်အဃိတဖၣ်အဂီၢ်လီၤ.

ကိးဘၣ် Flood Recovery Hotline ဖဲ 1800 560 760 လၢတၢ်ကဃုမၤဘၣ်လိာ်န့ၢ်နၤဒီးတၢ်အိၣ်တၢ်ဆိး အလီၢ်တစိၢ်တလီၢ်လၢအကြၢးဘၣ်ဒီးနတၢ်လိၣ်တဖၣ်အဂီၢ်န့ၣ်လီၤ.

မၤန့ၢ်တၢ်မၤစၢၤ

ကျိၣ်စ့တၢ်ဆီၣ်ထွဲမၤစၢၤ

တၢ်ဟ့ၣ်ကျိၣ်စ့, စ့တၢ်တိၥ်ကျဲၤဒီးကျိၣ်စ့တၢ်ဆီၣ်ထွဲလၢပှၤကညီဒီးမုၢ်ကျိၤ၀ဲၤကွၥ်လၢအဘၣ်ဒိဒီး ၂၀၂၂ ဘံးထိရံယါထံဒိၣ်တဖၣ်အဂီၢ်န့ၣ်လီၤ.

အီးစထြ့လယါပဒိၣ်တၢ်တတၢးတနါတၢ်မၤဂ့ၤထီၣ်က့ၤကျိၣ်စ့တၢ်မၤစၢၤၤ

နစ့တၢ်ဟဲနုၥ်မ့ၢ်လီၤမူၤလီၤမၢ်လိၤလိၤခီဖျိထံဒိၣ်တဖၣ်အဃိန့ၣ်, တၢ်ဆီၣ်ထွဲခါဆူညါအိၣ်၀ဲလီၤ.

ပတံထီၣ်ဖဲအံၤ- ဘံးထိရံယါထံဒိၣ်တဖၣ်, အီးကထိဘၢၣ် ၂၀၂၂ – တၢ်တတၢးတနါတၢ်မၤဂ့ၤထီၣ်အစ့ဆီၣ်ထွဲ

အီးစထြ့လယါပဒိၣ်တၢ်တတၢးတနါတၢ်မၤဂ့ၤထီၣ်က့ၤကျိၣ်စ့တၢ်မၤစၢၤ

ကျိၣ်စ့တၢ်ဟ့ၣ်လီၤန့ၣ်အိၣ်၀ဲလၢကမၤစၢၤပှၤလၢအဘၣ်ဒိဘၣ်ထံးဒိၣ်ဒိၣ်မုၢ်မုၢ်ခီဖျိလၢဘံးထိရံယါထံဒိၣ်တဖၣ်အဃိလီၤ.

ပတံထီၣ်ဖဲအံၤ- ဘံးထိရံယါထံဒိၣ်တဖၣ်, အီးကထိဘၢၣ် ၂၀၂၂ - အီးစတြ့လယါပဒိၣ်တၢ်တတၢာ် တနါတၢ်မၤဂ့ၤထီၣ်က့ၤတၢ်ကျိၣ်စ့တၢ်ဟ့ၣ်လီၤ မ့တမ့ၢ်ကိး ၁၈၀၀ ၅၆၀ ၇၆၀ ဒီးဘံးလီၤ ၉ လၢပှၤကတိၤကျိးထံတၢ်ဖိတဂၤအဂီၢ်တက့ၢ်

လၢကၠိဖိတဖၣ်အဂီၢ်

ဟံၣ်ဖိဃီဖိလၢအမ့ၢ်ဘံးထိရံယါကၠိဖိမ့တမ့ၢ်ကၠိဖိလၢအအိၣ်ယံၤဒီးအဟံၣ်ဖိဃီဖိလၢအဘၣ်ဒိခီဖျိဘံးထိရံယါထံဒိၣ်တဖၣ်ဆဲးလီၤအမံၤလၢတၢ်ဃ့ထီၣ်တၢ်ဆီၣ်ထွဲအဂီၢ်သ့၀ဲလီၤ. တၢ်ဆီၣ်ထွဲကပၣ်ဃုၥ်၀ဲတၢ်မၤ ပှဲၤထီၣ်က့ၤတၢ်ဖိတၢ်လံၤလၢအဘၣ်ထွဲဒီးကၠိတဖၣ် (ဒ်အမ့ၢ်ကၠိတၢ်ကူတၢ်ကၤ, လဲးပထီး(ပ), အ့ထံနဲးအ စဲးလၢတၢ်စိၥ်အီၤလၢစုတဖၣ်ဒီးလံၥ်လဲၢ်တၢ်ပီးတၢ်လီ)လၢအလီၤမူၤလီၤမၢ်မ့တမ့ၢ်ဟးဂူၤဟးဂီၤလၢထံဒိၣ်တဖၣ်အပူၤန့ၣ်လီၤ.

လၢကဆဲးလီၤမံၤအဂီၢ်, လဲၤဘၣ်ဆူ ထံဒိၣ်တၢ်ဆီၣ်ထွဲလံၥ်ပတံထီၣ်လံၥ်တကွီၢ်လၢဘံးထိရံယါကၠိအပှၤကၠိဖိတဖၣ်အဂီၢ် (Flood Support Application Form for Victorian school students) မ့တမ့ၢ်ကိး ၁၈၀၀ ၅၆၀ ၇၆၀ ဒီးဘံးလီၤ ၉ လၢပှၤကတိၤကျိးထံတၢ်ဖိတဂၤအဂီၢ်တက့ၢ်.

လၢပှၤသူၣ်တၢ်ဖျးတၢ်ဖိဒီးပှၤလၢအထုးထီၣ်တၢ်ဖိတၢ်လံၤလၢအကါဒိၣ်တဖၣ်အဂီၢ်

ပှၤလၢအထုးထီၣ်တၢ်ဖိတၢ်လံၤလၢအကါဒိၣ်အဂီၢ်ထံဒိၣ်တၢ်မၤဂ့ၤထီၣ်က့ၤတၢ်ဆီၣ်ထွဲ၀ဲဒၣ်တၢ်မၤကဆှီထီၣ်က့ၤတၢ်ဒီးတၢ်မၤဂ့ၤထီၣ်က့ၤတၢ်အတၢ်လၢၥ်ဘူၣ်လၢၥ်စ့ၤလၢပှၤလၢအထုးထီၣ်တၢ်ဖိတၢ်လံၤအကါဒိၣ်တဖၣ်အဂီၢ်မ့ၢ်ပှၤလၢလၢအတူၢ်ဘၣ်၀ဲတၢ်လီၤမူၤလီၤမၢ်မ့တမ့ၢ်တၢ်ဟးဂူၤဟးဂီၤလၢအကဲထီၣ်လိၤလိၤခီဖျိထံဒိၣ်တဖၣ်အဃိန့ၣ်လီၤ.

လၢတၢ်ဂ့ၢ်တၢ်ကျိၤအါထီၣ်အဂီၢ်, ကွၢ်ဘၣ် ဘံးထိရံယါ အပှၤလၢအထုးထီၣ်တၢ်ဖိတၢ်လံၤအကါဒိၣ် အဂီၢ်ထံဒိၣ်တၢ်မၤဂ့ၤထီၣ်က့ၤတၢ်မၤစၢၤ (Victorian Primary Producer Flood Recovery Package ) မ့တမ့ၢ် ၁၈၀၀ ၅၆၀ ၇၆၀ ဒီးဘံးလီၤ ၉ လၢပှၤကတိၤကျိးထံတၢ်ဖိတဂၤအဂီၢ်တက့ၢ်.

လၢမုၢ်ကျိၤ၀ဲၤကွၥ်ဒီးပှၤတ၀ၢတၢ်လိာ်ကွဲအဂီၢ်

မုၢ်၀ဲၤအဆံးအဂီၢ်စ့တၢ်မၤစၢၤ

မုၢ်ကျိၤ၀ဲၤကွၥ်ဒီးပှၤတ၀ၢတၢ်လိာ်ခိၣ်လိၥ်ကွဲထံဒိၣ်တၢ်မၤဂ့ၤထီၣ်က့ၤကျိၣ်စ့တၢ်မၤစၢၤတဖၣ်မၤစၢၤ၀ဲတၢ်ကရၢကရိလၢအကြၢးဒိးန့ၢ်ဘၣ်တၢ်တဖၣ်ဒ်သိးကလိးက့ၤတၢ်လၢၥ်ဘူၣ်လၢၥ်စ့ၤလၢအအိၣ်ထီၣ်ခီဖျိတၢ်ဟးဂူၤဟးဂီၤလၢအမၤဘၣ်ဒိ၀ဲဟံၣ်ဃီ, တၢ်စုလီၢ်ခီၣ်ခိၣ်မ့တမ့ၢ်တၢ်ပီးတၢ်လီတဖၣ်န့ၣ်လီၤ. လၢတၢ်ဂ့ၢ် တၢ်ကျိၤအါထီၣ်အဂီၢ်, ကွၢ်ဘၣ် မုၢ်ကျိၤ၀ဲၤကွၥ်ဒီးပှၤတ၀ၢတၢ်လိာ်ကွဲထံဒိၣ်တၢ်မၤဂ့ၤထီၣ်က့ၤတၢ်ကျိၣ် စ့တၢ်တိၥ်ကျဲၤတဖၣ် (Business and Community Sport Flood Recovery Grants) တက့ၢ်..

လၢတၢ်ဂ့ၢ်တၢ်ကျိၤအါထီၣ်အဂီၢ်, ကွၢ်ဘၣ်ပ ကျိၣ်စ့တၢ်ဆီၣ်ထွဲမၤစၢၤအလံၥ်ကဘျံးတက့ၢ်.

တၢ်အိၣ်မုၥ်အိၣ်ပၢၤအဂီၢ်တၢ်ဆီၣ်ထွဲ

တၢ်အံၤမ့ၢ်တၢ်ညီနုၢ်မၤအသးလၢတၢ်ကလဲၤခီဖျိဘၣ်တၢ်တမုၥ်တလၤအတၢ်ခီၣ်ဆၢတဖၣ်ဖဲဂ့ၢ်ဂီၤအူတၢ်ဂ့ၢ်တခါကဲထီၣ်၀ံၤအလီၢ်ခံန့ၣ်လီၤ.တၢ်မၤစၢၤလၢနၤဒီးနဟံၣ်ဖိဃီဖိအဂီၢ်အိၣ်၀ဲလီၤ.

တၢ်ဖဲအံၤမ့ၢ်တၢ်အိၣ်မုၥ်အိၣ်ပၢၤအတၢ်ဆီၣ်ထွဲတၢ်မၤစၢၤလၢနမၤန့ၢ်အီၤသ့၀ဲန့ၣ်လီၤ-

• ကွၢ်ဘၣ်- Lifeline – မ့တမ့ၢ်ကိး 13 11 14 – လၢတၢ်ဃံးတၢ်စ့ၤတၢ်ဆီၣ်ထွဲအိၣ်၀ဲဖဲ 24/7 ခီဖျိလီတဲစိ, တၢ်ကစီၣ်လၢလီကျိၤအပူၤမ့တမ့ၢ်လီကျိၤခိၣ်တၢ်တဲသကိး (chat)

• ကွၢ်ဘၣ် Parentline မ့တမ့ၢ်ကိး 13 22 89 တၢ်ဆီၣ်ထွဲလၢမိၢ်ပၢ်ဒီးပှၤကွၢ်ထွဲတၢ်တဖၣ်အဂီၢ်

• ကွၢ်ဘၣ် Kids Helpline မ့တမ့ၢ်ကိး – 1800 55 1800 – တၢ်ဆီၣ်ထွဲလၢဖိဒံဖိသၣ်, ပှၤလိၣ်ဘိဖိဒီးသးစၢ်ဆံးတဖၣ်အဂီၢ်

• မၤန့ၢ် NURSE-ON-CALL – ဖဲ 1300 60 60 24 – လၢဆူၣ်ချ့အပှၤသ့ပှၤဘၣ်လီၤဆီအတၢ်ဂ့ၢ်တၢ်ကျိၤဒီးတၢ်ဟ့ၣ်ကူၣ်အဂီၢ်

• ကိးဘၣ် Australian Psychological Society Referral Service – ဖဲ 1800 333 497

• ကွၢ်ဘၣ် Safe Steps မ့တမ့ၢ်ကိး 1800 015 188 – လၢကမၤန့ၢ်တၢ်မၤစၢၤလၢဟံၣ်ဖိဃီဖိတၢ်စုဆူၣ်ခီၣ်တကးအပှၤသ့ပှၤဘၣ်လီၤဆီအအိၣ်လၢနမၤန့ၢ်အီၤသ့၀ဲ 24/7

• ကွၢ်ဘၣ် Orange Door –တၢ်ဆီၣ်ထွဲတၢ်မၤစၢၤလၢပှၤဒိၣ်တုၥ်ခိၣ်ပှဲၤအဂီၢ်, ဖိဒံဖိသၣ်ဒီးသးစၢ်လၢအလဲၤခီဖျိ၀ဲဟံၣ်ဖိဃီဖိတၢ်စုဆူၣ်ခီၣ်တကးတဖၣ်

• ကွၢ်ဘၣ် Mental Health & Wellbeing Hubs – မ့တမ့ၢ်ကိး 1300 375 330 - မၤတၢ်သ့ၣ်နံၤဖးသီလၢနီၢ်ကစၢ်မ့တမ့ၢ်လီတဲစိဆူၣ်ချ့တၢ်ဟ့ၣ်ကူၣ်အတၢ်သ့ၣ်နံၤဖးသီလၢပှၤတဂၤလၢ်လၢ်လၢအတူၢ်ဘၣ်တၢ်ဆီၣ်သနံးအါအါကလဲၥ်မ့တမ့ၢ်လိၣ်တၢ်ဆီၣ်ထွဲဃုၥ်ီဒးသးဆူၣ်ချ့တၢ်ဘၣ်ယိၣ်ဘၣ်ဘှီတဖၣ်အဂီၢ်.

လၢတၢ်ဆီၣ်ထွဲအါထီၣ်အဂီၢ်, ကွၢ်ဘၣ် သးခိၣ်နူၥ်ဆူၣ်ချ့ဒီးတၢ်အိၣ်မုၥ်အိၣ်ပၢၤအတၢ်ဆီၣ်ထွဲမၤစၢၤ တက့ၢ်.

နမ့ၢ်လိၣ်ပှၤကတိၤကျိးထံတၢ်တဂၤအခါ, ကိး TIS National ဖဲ ၁၃၁ ၄၅၀ တက့ၢ်.

တၢ်ဆီၣ်ထွဲအဂၤ

နမၤန့ၢ်အါထီၣ်တၢ်ဆီၣ်ထွဲအလံၥ်လဲၢ်တၢ်ကွဲးကဲဘျုးလၢအဲးကလံးကျိၥ်သ့၀ဲဖဲလီပှာ်ယဲၤဘျးစဲတဖၣ်လၢအအိၣ်လၢလာ်န့ၣ်သ့လီၤ-

• တၢ်ထုးကွံၥ်အစဘဲစတိၤတၢ်ဘၣ်အၢဘၣ်သီပူၤပူၤဖျဲးဖျဲးဖဲထံဒိၣ်၀ံၤအလီၢ်ခံ- နမ့ၢ်မၤကဆှီက့ၤ နဟံၣ်ဖဲထံဒိၣ်၀ံၤအလီၢ်ခံန့ၣ်, ပလီၢ်သးဘၣ်ဃးဒီၤအစဘဲစတိၤတဖၣ်န့ၣ်တက့ၢ်. တဘၣ်ဖီၣ်ကွၢ် တၢ်ဖိတၢ်လံၤတမံၤလၢ်လၢ်လၢအကပၣ်ဃုၥ်ဒီးအစဘဲစတိၤတဖၣ်တဂ့ၤ.
• တၢ်လီၤပျံၤဘၣ်ဃးဒီးတၢ်ဖိတၢ်လံၤလၢအပၣ်ဃုၥ်ဒီးအစဘဲစတိၤ
• တၢ်က့ၤကဒါက့ၤဆူဟံၣ်ပူၤပူၤဖျဲးဖျဲးဖဲထံဒိၣ်၀ံၤအလီၢ်ခံ
• ဆၣ်ဖိကီၢ်ဖိဒီးတၢ်လၢအဘၣ်ထွဲဒီးတၢ်ဖိဃၢ်အတၢ်လီၤပျံၤဘၣ်ယိၣ်တဖၣ်
• တၢ်ဂ့ၢ်တၢ်ကျိၤဘၣ်ဃးဒီး ကုၤထီၣ်ဘှဲၣ်ဒီးနတၢ်အိၣ်ဆူၣ်အိၣ်ချ
• ကျိၣ်စ့တၢ်မၤစၢၤ, တၢ်ဟ့ၣ်ကူၣ်ဟ့ၣ်ဖးဒီးလံၥ်လဲၢ်တၢ်ကွဲးကဲဘျုးတဖၣ်အိၣ်၀ဲလၢမုၢ်၀ဲၤတၢ် ဖံးတၢ်မၤတဖၣ်အဂီၢ်
• တၢ်ဆီၣ်ထွဲတၢ်မၤစၢၤလၢတၢ်သူၣ်တၢ်ဖျးမုၢ်၀ဲၤတၢ်ဖံးတၢ်မၤတဖၣ်အဂီၢ်
• ဃုထံၣ်န့ၢ်ပီၢ်ရီလၢထံဒိၣ်တၢ်ဂ့ၢ်တၢ်ကျိၤအတၢ်ဂ့ၢ်ကီတဖၣ်အဂီၢ်

မုၥ်သးကလီဒီးတၢ်မၤဘူၣ်မၤတီၢ

နမ့ၢ်အဲၣ်ဒိးဆီၣ်ထွဲ၀ဲပှၤတဖၣ်လၢအဘၣ်ဒိဘၣ်ထံးဒီးထံဒိၣ်တဖၣ်အဃိန့ၣ်, နဟ့ၣ်လီၤတိၢ်မၤဘူၣ်မၤတီၢ်သ့ခီ ဖျိ ကရၢလၢတဃုအကစၢ်အဘျုးအတိၢ်မၤဘူၣ်မၤတီၢ်အတၢ်မၤစၢၤအတၢ်ဖံးတၢ်မၤ GIVIT န့ၣ်သ့လီၤ.