ஆரம்பக் குழந்தைப்பருவக் கல்வியில் புதிய ஆசிரியர்கள் மற்றும் கல்வியாளர்களுக்கான தொழில் வாய்ப்புகள்
மாநிலம் முழுவதும் மழலையர் பள்ளி திட்டங்களை விரிவுபடுத்த விக்டோரிய அரசாங்கம் 14 பில்லியன் டாலர்களை உறுதி செய்துள்ளது. அடுத்த பத்தாண்டுகளில், விக்டோரியாவிற்கு ஆயிரக்கணக்கான ஆரம்பக் குழந்தைப்பருவ ஆசிரியர்கள் மற்றும் கல்வியாளர்கள் கூடுதலாகத் தேவைப்படும்.
ஆரம்பக் குழந்தைப்பருவக் கல்வியானது குழந்தைகள் மற்றும் குடும்பங்களின் வாழ்க்கையில் ஒரு மாற்றத்தை ஏற்படுத்துகிறது. கலாச்சாரம் மற்றும் மொழியியல் ரீதியாக வேறுபட்ட பின்னணிகளில் இருந்து வந்த ஆரம்பக் குழந்தைப்பருவ ஆசிரியர்கள் மற்றும் கல்வியாளர்கள் இன்னும் மேலதிக வித்தியாசத்தை ஏற்படுத்துகின்றனர்.
கலாச்சாரம் மற்றும் மொழியியல் ரீதியாக வேறுபட்ட பின்னணிகளில் இருந்து வந்த குடும்பங்களுக்கு மழலையர் திட்டங்களை அதிகமாக அணுகக்கூடிய வகையிலும், அத்துடன் மாநிலத்தின் பன்முகக் கலாச்சார சமூகங்களை பிரதிபலிக்கும் வகையிலும், ஆரம்பக் குழந்தைப்பருவச் சேவைகளில் உள்ள இருமொழி மற்றும் இரு கலாச்சாரப் பணியாளர்கள் உதவுகிறார்கள்.
ஆரம்பக் குழந்தைப்பருவக் கல்வியில் பணிபுரிவது பல நன்மைகளை வழங்குகிறது. இது பின்வரும் வகையில் வாய்ப்பினை வழங்குகிறது:
- குழந்தைகளுக்கும், அவர்களது குடும்பங்களுக்கும் மாற்றத்தை உருவாக்கி பலன்களை மேம்படுத்துகிறது
- குழந்தைகள் தங்கள் ஆரம்ப ஆண்டுகளில் வளரவும், கற்றுக்கொள்ளவும் உதவுகிறது
- மனநிறைவளிக்கும், மேலும் புதியனவற்றைப் படைக்கக்கூடிய ஒரு துறையில் வேலை செய்வதற்கான வாய்ப்பு
நிதியுதவி:
ஒரு ஆரம்பக் குழந்தைப்பருவ ஆசிரியர் அல்லது கல்வியாளர் ஆக ஆர்வமுள்ளவர்களுக்குப் பல்வேறு படிப்புத் தெரிவுகள் மற்றும் நிதியுதவிகள் கிடைக்கும்.
ஆரம்பக் குழந்தைப்பருவக் கல்வி மற்றும் படிப்புக்கான நிதியுதவி பற்றிய மேலதிகத் தகவல்களுக்குப் பின்வரும் இணையதளத்துக்குச் செல்லவும்: Become an early childhood teacher or educator
வேலைவாய்ப்பு:
ஆரம்பக் குழந்தைப்பருவக் கல்வியில் வேலைவாய்ப்பு என்பது, தனிப்பட்ட சேவை மேலாளர்கள் மற்றும் மழலையர் திட்டங்களை வழங்குபவர்களால் நிர்வகிக்கப்படுகிறது.
என்னென்ன வேலைகள் உள்ளன என்பதைக் காணவும், மற்றும் அந்தத் துறையில் பணிபுரிபவர்களிடமிருந்து பெற்ற விவர ஆய்வைப் (case study) படிக்கவும் Early Childhood Jobs website என்ற இணையதளத்துக்குச் செல்லவும்.
Updated