တီၤဖိသၣ်အတၢ်ကဲဘျုးကဲဖှိၣ် (Benefits of kindergarten) - ကျိာ် (Karen)

Transcripts

• ကျိာ် (Karen)

  နၢ်ဟူဘၣ်ဃးသၢနံၣ်ကတီၤဆိကၠိအဂ့ၢ်ဒီးကတီၤဆိကၠိလၢတၢ်စးထီၣ်အီၤဆိအဂ့ၢ်လီၤ.

  အဝဲသ့ၣ်ဒိၣ်ထီၣ်ချ့မးလီၤ. တစိၢ်ဖိန့ၣ်အဝဲသ့ၣ်ကလဲၤဘၣ်ဆူတီၤဖိသၣ် လီၤ. နကသ့ၣ်ညါလၢအဝဲသ့ၣ်အိၣ်ကတဲ၁်ကတီၤအသးလံန့ၣ်ဒ်လဲၣ်.

  ဟံၣ်န့ၣ်ဘှ့ၣ်ဘှီၣ်ဒိၣ်မးဖဲဖိသၣ်တဖၣ်အိၣ်လၢ်တီၤဖိသၣ်, ဒီးတၢ်န့ၣ်မ့ၢ်တၢ်အပတီၢ်ဖးဒိၣ်တခါ လၢအဝဲသ့ၣ်အဂီၢ်လီၤ. ယကိၢ်ဂီၤတၢ်တဆံးတက့ၢ် ဖဲယဖိတဖၣ်စးထီၣ်သီတၢ်အခါဘၣ်ဆၣ် အဝဲသ့ၣ်ဘၣ်လိ၁်ဘၣ်စး အသးချ့မးလီၤ.

  ယတသ့ၣ်ညါ မ့ၢ်ခၠါလံၣ်အိၣ်ကတဲ၁်ကတီၤအသးလံလၢကလဲၤဝဲဒၣ်ဘၣ်, ဒီးယဆိကမိၣ်တၢ်ကကီဘၣ်လၢအဂီၢ်သ့ၣ်သ့ၣ်လီၤ.

  ယဖိတဖၣ်အမဲ၁်ဆှးဒိၣ်မး တချုးအဝဲသ့ၣ်စးထီၣ်တီၤဖိသၣ်ဒံးဘၣ်စ့ၢ် ကီး,ဘၣ်ဆၣ်ကွၢ်အဝဲသ့ၣ်ခဲအံၤ, အဝဲသ့ၣ်ဒုးအိၣ်ထီၣ်အသကိးညီမးလီၤ. တၢ်စးထီၣ်တီၤဖိသၣ်ဖဲသၢနံၣ်ကတီၢ် ဒီးတၢ်လဲၤခံနံၣ် တချုးအစးထီၣ်ဒံးဘၣ်ကၠိန့ၣ် မ့ၢ်တၢ်ဆၢတဲ၁်အဂ့ၤကတၢ် လၢပမၤတ့ၢ်အီၤလီၤ. ဖိသၣ်တဖၣ်မၤလိန့ၢ်တၢ်အါမး, ဒ်သိးကဘၣ်ဂဲၤလိ၁်ကွဲဒီး ဖိသၣ်အဂၤတဖၣ်ဒ်လဲၣ် ဒီးကဲထီၣ်ပှၤန၁်န့ၢ်လီၤသးအါမးန့ၣ်လီၤ. တီၤဖိသၣ်သိၣ်လိအဝဲသ့ၣ်လၢ ကဘၣ်နၢ်ပၢ်အဝဲသ့ၣ်အတၢ်တူၢ်ဘၣ် တဖၣ်ဒ်လဲၣ် ကဘၣ်စံးကတိၤတၢ်ဒီးဂဲၤလိ၁်ကွဲဂ့ၤဒိၣ်ထီၣ်ဒီးပဝဲဒၣ် ဒီးဖိသၣ်လၢအဂၤတဖၣ်ဒ်လဲၣ်န့ၣ်လီၤ.

  မ့ၢ်လီၤ. ဘၣ်ဆၣ်တဘျီတခီၣ် ယဆိကမိၣ်အဝဲသ့ၣ်မၤတၢ်န့ၣ် သ့လၢတၢ်လိ၁်ကွဲပျီပူၤ, မ့တမ့ၢ်လၢ်ဟံၣ်န့ၣ်လီၤ. ထဲဘၣ်လိ၁်ကွဲဒီးပှၤ ဒ်လဲၣ်န့ၣ် မ့ၢ်အဝဲသ့ၣ်မၤလိဝဲတသ့ဘၣ်ဧါ.

  တမ့ၢ်ထဲတၢ်ရ့လိာ်မုာ်လိာ်န့ၣ်ကဲဘျုးကဲဖှိၣ်ဘၣ်. တီၤဖိသၣ်တၢ်ရဲၣ်တၢ်ကျဲၤတဖၣ် သူၣ်ထီၣ်အသးလၢ်တၢ်လိာ်ကွဲ ဒီးသိၣ်လိဖိသၣ်တဖၣ်လၢ ကသ့ဆိကမိၣ်တၢ်လၢ်ကျဲလီၤဆီဒ်လဲၣ် ဒီးတၢ်မၤဂ့ၤထီၣ်အဝဲသ့ၣ် အအဲကလံးကျိာ် ဒီးနီၢ်ဂံၢ််နီၣ်ဒွးတၢ််သ့တၢ်ဘၣ်တဖၣ်လီၤ. အဝဲသ့ၣ်မၤတၢ်အါမး လၢတၢ်လိာ်ကွဲပျီသိၣ်လိအီၤတသ့တဖၣ်လီၤ. တဘျီဃီဖဲတီၤဖိသၣ်န့ၣ်, ဖိသၣ်တဖၣ်မၤသကိးတၢ််ဃုထံၣ်န့ၢ်တၢ်တဖၣ်, သူအတၢ်ဆိကမိၣ်ဆိကမးဒီးတၢ််မၤဘှါမၤဘၣ်ဂီၢ်တၢ်ဂ့ၢ်ကီတဖၣ်လီၤ. သရၣ်လၢအနဲၣ်အဝဲသ့ၣ်တဖၣ်န့ၣ် ထီၣ်ဘၣ်ဖၠၣ်စိမိၤ ဒီးမၤလီၤတံၢ်ဖိသၣ်ပၣ်ဃုာ်ဝဲဒၣ်ခဲလၢာ်, လၢတၢ်န့ၣ်အဃိ, ခၠါလံၣ် အမဲာ်မ့ၢ်ဆှးလၢ်အခီၣ်ထံးဘၣ်ဆၣ်, အဝဲသ့ၣ်တိစၢ်ၤမၤစၢ်ၤအီၤ ဒီးမၤအီၤလၢ်ကတူၢ်ဘၣ်အမုာ်န့ၣ်လီၤ.

  တၢ်အံၤမၤမု၁်ဒိၣ်ထီၣ်ယၤဘၣ်ဃးဒီးတၢ်ကိးမံၤန့ၣ်လီၤ. ယဆိကမိၣ်တၢ်န့ၣ်ကဂ့ၤဝဲလၢ ခၠါလံၣ်အဂီၢ် လၢကမၤညီနုၢ်အသးလၢကမၤလိတၢ်တချုးစးထီၣ်ကၠိဒံးဘၣ်လီၤ. တၢ်အဂၤလၢယဘၣ်ယိၣ်တၢ်န့ၣ် မ့ၢ်တၢ်လၢ၁်ဘူၣ်လၢ၁်စ့ၤ လၢတီၤဖိသၣ်အဂီၢ်လီၤ.

  စးထီၣ်၂၀၂၃ န့ၣ်, သၢနံၣ် ဒီးလွံၢ်နံၣ်တီၤဖိသၣ်ကထီၣ်ကလီဘၣ်ဝဲလၢ ဝံးထိ ရံယါအပူၤ ဖဲတၢ်ဟ့ၣ်မၤယုၤလၢအမၤဃု၁်မၤသကိးတၢ်တဖၣ်န့ၣ်လီၤ. လၢပှၤသၢ်နံၣ်ဖိအဂီၢ်, တၢ်အံၤအခီပညီမ့ၢ်ဝဲ တနွံန့ၣ်စးထီၣ်လၢ ၅ဒီးတုၤ လၢ ၁၅ နၣ်ရံၣ်တီၤဖိသၣ်အတၢ်ရဲၣ်တၢ်ကျဲၤတခါန့ၣ်လီၤ. လၢပှၤလွံၢ်နံၣ်ဖိအဂီၢ်, တၢ်အံၤအခီပညီမ့ၢ်ဝဲ တနွံန့ၣ် ၁၅ နၣ်ရံၣ် (၆၀၀ နၣ်ရံၣ်လၢတနံၣ်) န့ၣ်လီၤ. တီၤဖိသၣ်လၢအကလီအခီပညီမ့ၢ်ဝဲ ဖိသၣ်တဂၤအဂီၢ်ကိညၣ်လီၤဒီလၣ် ၂၅၀၀ ကိးနံၣ်ဒဲး လၢတီၤဖိသၣ်လၢအိၣ်ဒၣ်အတၢ်န့ၣ်လီၤ. တီၤဖိသၣ်ကလီတၢ်ဆဲးလီၤမံၤတဖၣ် တၢ်ဒိးန့ၢ်ဘၣ်အီၤသ့လၢ ဖိသၣ်တၢ်ရဲၣ် တၢ်ကျဲၤတဖၣ်အဂီၢ် ဖဲဒီတနံၤတၢ်ကွၢ်ထွဲအလီၢ်တဖၣ်စ့ၢ်ကီး, လၢအကိညၣ်လီၤ ၂၀၀၀ ဒီလၣ် လၢဟံၣ်ဖိဃီဖိတဖၣ်အဂီၢ်လီၤ. တၢ်အံၤဂ့ၤဒိၣ်မးလၢ ဟံၣ်ဖိဃီဖိလၢအဲၣ်ဒိးထိၣ်ဟူမၤဘၣ်လိ၁် တၢ်မၤဒီးမူဒါလၢအဂၤတဖၣ် ဒီးလိၣ်အါထီၣ်တၢ်ကွၢ်ထွဲအနၣ်ရံၣ်တဖၣ်န့ၣ်လီၤ.

  မ့ၢ်နနၢ်ဟူဘူ ESK အဂ့ၢ်ဧါ.

  တၢ်န့ၣ်မနုၤလဲၣ်.

  တၢ်စးထီၣ်ဆိတီၤဖိသၣ် မ့တမ့ၢ် ESK မၤလီၤတံၢ်စၢ်ၤနၤလၢ နန့ၢ်ဘၣ်တီၤဖိသၣ်တၢ်ရဲၣ်တၢ်ကျဲၤအနၣ်ရံၣ်ကလီ လၢနဖိအဂီၢ်တသ့ဖဲအသ့ လၢအအါကတၢၢ်လၢတနွံဘၣ်တနွံန့ၣ်လီၤ. တၢ်ဆဲးလီၤမံၤခီဖျိလၢ ESK အုၣ်ကီၤန့ၢ် ၁၅ နၣ်ရံၣ်ပှဲၤပှဲၤ လၢတနွံဘၣ်တ နွံ လၢပှၤသၢနံၣ် ဒီးပှၤလွံၢနံၣ်တီၤဖိသၣ်အတၢ်ရဲၣ်တကျဲၤတဖၣ် ခံမံၤလၢ၁်အပူၤန့ၣ်လီၤ. နကြၢးဃုထံၣ်န့ၢ်လၢမ့ၢ်နကြၢးဝဲဘၣ်ဝဲဒၣ်အဂ့ၢ်န့ၣ်လီၤ.

  တၢ်န့ၣ်ဖျါဂ့ၤလီၤမီၤ-မ့ၢ်ပကကြၢးဝဲဘၣ်ဝဲန့ၣ် ပကသ့ၣ်ညါအီၤဒ်လဲၣ် ဒီးပကဘၣ်ပတံထီၣ်အီၤဒ်လဲၣ်.

  ESK တၢ်ဒိးန့ၢ်ဘၣ်အီၤသ့လၢဖိသၣ်လၢအသးအစှၤကတၢၢ်သၢနံၣ် ဖဲလါအ့ဖြ့ၣ်, အနံၣ်ဖဲအဝဲသ့ၣ်ဆဲးလီၤအမံၤလၢကထီၣ်တီၤဖိသၣ် ဒီးမ့ၢ် -

  • ပှၤဘၣ်ကီဘၣ်ခဲ မ့တမ့ၢ် ထံးခံဟဲလၢပှၤဃ့ထီၣ်လီၢ်အိၣ်ကဒု, မ့တမ့ၢ်

  • ပှၤအဘီရကၠံၣ်ဖိ ဒီး/မ့တမ့ၢ် ထိရ့းစထြ့ပှၤကီးဖိ, မ့တမ့ၢ်

  • ပှၤလၢ်တၢ်သ့ၣ်ညါအီၤဒ်ဖိသၣ်လၢတၢ်ဟ့ၣ်ဒီသဒၢအီၤ

  ၀ိ…ခၠါလံၣ်ပှဲၤထီၣ်သၢနံၣ်ဖဲနံၣ်ခီၣ်ထံးန့ၣ်, မ့ၢ်အသးပှၢ်လၢ်ပှဲၤဝဲလၢ ကစးထီၣ်ကၠိအဂီၢ်န့ၣ်ဧါ.

  စဲးဒွးကွၢ်သးနံၣ်လံ၁်ကဘျံးပၤအိၣ်ဝဲဒၣ်လၢကမၤစၢ်ၤနၤ ဒီးတၢ်ဝဲန့ၣ်လီၤ. လၢပှ၁်ယဲၤလိၤနဃုထံၣ်န့ၢ်စဲးဒွးတၢ်ဒီးမၤတၢ်ဆဲးကျိး ဒီးလီၢ်ကဝီၤပူၤတီၤဖိသၣ်တဖၣ် လၢကတဲတၢ်ဂ့ၢ်ဘၣ်ဃးဒီးခၠါလံၣ် အတၢ်ကြၢးဝဲဘၣ်ဝဲအဂ့ၢ်န့ၣ်လီၤ. ယကဆှၢန့ၢ်နၤပှၤယဲၤသန့လၢနက ကွၢ်အီၤအဂီၢ် - တၢ်န့ၣ်မ့ၢ် vic.gov.au/kinder/translationsလီၤ.

  နမ့ၢ်အိၣ်ဒီးတၢ်သံကွၢ်တမံၤမံၤန့ၣ်, နဆဲးကျိးနလီၢ်ကဝီၤတီၤဖိသၣ် အဝဲလီၢ် ဒီးသံကွၢ်အီၤဘၣ်ဃးဒီး တၢ်ရဲၣ်တၢ်ကျဲၤတဖၣ်လၢအဟ့ၣ်လီၤဝဲ လၢပၣ်ဃု၁်ဒီးအလဲတဖၣ်န့ၣ်သ့လီၤ. တီၤဖိသၣ်အတၢ်ဟ့ၣ်မၤယူၤတဖၣ်န့ၣ်, တၢ်မၤန့ၢ်တၢ်ကွဲးကျိးထံတၢ်လၢအကလီ အတၢ်ဟ့ၣ်မၤယူၤတဖၣ်သ့ဝဲဒၣ် လၢကတိစၢၤမၤစၢၤနၤဒီးနကျိ၁်ဒၣ်နဲန့ၣ်လီၤ.

  နဆဲးကျိးနလီၢ်ကဝီၤကီၣ်ကးကရၢ, မ့တမ့ၢ် နလီၢ်ကဝီၤကူၣ်သ့ဆဲး လၤဝဲၤကျိၤ ဒီးတၢ်သိၣ်လိအဝဲၤဒၢးသ့ဝဲစ့ၢ်ကီး လၢတၢ်ဃုထံၣ်န့ၢ် တီၤဖိသၣ်အဝဲၤလီၢ်လၢနလီၢ်ကဝီၤပူၤန့ၣ်လီၤ. တၢ်ဒိးန့ၢ်တၢ်မၤစၢၤလၢနကျိ၁်ဒၣ်နဲအဂီၢ်, နကိးဒီကလု၁်တၢ်ကွဲးကျိးထံ ဒီးတၢ်ကတိၤကျိးထံ တၢ်အဝဲၤလီၢ်ဖဲ ၁၃၁ ၄၅၀, မၢပှၤကတိၤကျိးထံတၢ်လၢကကိးန့ၢ် နလီၢ်ကဝီၤကီၣ်ကးကရၢ, မ့တမ့ၢ် နလီၢ်ကဝီၤကူၣ်သ့ဆဲးလၤဝဲၤကျိၤ ဒီးတၢ်သိၣ်လိအဝဲၤဒၢးနီၣ်ဂံၢ်, ဒီးပှၤကတိၤကျိးထံတၢ်ကအိၣ်လၢလီကျိၤပူၤခဒီးကကတိၤကျိးထံန့ၢ်တၢ်လီၤ.

  တၢ်ဘျုးလီၤ စီၤလီၤအဲၣ်, တၢ်အံၤကဲဘျုးဒိၣ်မးလီၤ.

  ခၠါလံၣ်, ပကဘၣ်လဲၤလီၤ. ပကလဲၤဆဲးလီၤနမံၤလၢတီၤဖိသၣ်လီၤ.

  နု၁်လီၤကွၢ်ဖဲvic.gov.au/kinder/translationsလၢတၢ်ဃုထံၣ်အါထီၣ်အဂီၢ်

  ဘၣ်တၢ်ဟ့ၣ်စိဟ့ၣ်ကမီၤအီၤလၢကူၣ်သ့ဆဲးလၤဝဲၤကျိၤ ဒီးတၢ်သိၣ်လိဝံးထိရၤယၤ

• English

  Hear about three-year-old kinder and early start kindergarten.

  They’re growing up so fast! They will get to go to kindergarten soon - how do you know when they are ready?

  The house is so quiet when the kids are at kinder, and it is such a big step for them. I worried a bit when my children first started but they settled in quickly.

  I don’t know if Charlie is ready to go; she is so shy around new kids, and I think she might find it hard.

  My kids were very shy before they started kindergarten too but look at them now, they make friends so easily. Starting kindergarten at three years old and going for two years before school was the best decision we made. The kids learnt so much, like how to play with other children and became much more confident. Kindergarten taught them to understand their feelings and how to talk and play much better with us and other kids.

  Yes, but sometimes I think they can do that at the playground or at home. Why do they have to start now? Can’t they just learn how to play with us?

  It’s not just the socialising that is beneficial - kinder programs are based on play and teach kids how to think creatively and develop their English and number skills. They do many things that the playground can’t teach them. Together at kinder, children make discoveries, use their imagination and solve problems. The teachers who lead the programs have been to university and make sure all kids are included, so even if Charlie is shy at the beginning, they will support her and make her feel comfortable.

  That makes me feel much better about everything. I think it will be good for Charlie to get used to learning before starting school. The other thing I am worried about is how much kinder costs.

  From 2023, Three- and Four-Year Old Kinder will be free across Victoria, at participating services. For three-year-olds, this means from 5 and up to 15 hours per week of a kindergarten program. For four-year-olds, this means 15 hours per week (600 hours a year). Free Kinder means a saving of up to $2,500 per child, each year at a standalone kindergarten service. Free Kinder subsidies are available for kinder programs at long day care services as well, saving families $2,000. This is great for families who have to balance work and other commitments and need extra hours of care.

  Have you heard of ESK?

  What is that?

  Early Start Kindergarten or ESK can help ensure you get the maximum amount of free kindergarten program hours possible each week for your child. Enrolling through ESK guarantees the full 15 hours each week in both Three-Year-Old and Four-Year-Old Kindergarten programs. You should find out if you’re eligible.

  That sounds great – how do we know if we are eligible and how do we apply?

  ESK is available to children who are at least three years old by the 30 April in the year they are enrolled to attend kinder and are:

  • from a refugee or asylum seeker background, or

  • are Aboriginal and/or Torres Strait Islander, or

  • are known to child protection.

  Wow! Charlie turned three at the beginning of the year, is she old enough to start?

  There is an age calculator page that will help you with that. On the website, you can find the calculator and get in touch with some local kinders to talk about Charlie’s eligibility. I will send you the website to have a look - it is vic.gov.au/kinder/translations.

  If you have any questions, you can also contact your local kindergarten service and ask them about the programs they offer, including about their fees. Kindergarten services are available to access a free translation service to support you in your language.

  You can also contact your local Council, or your local Department of Education and Training office to find a kindergarten service in your area. To get help in your language, you can call the National Translating and Interpreting Service on 131 450, ask the interpreter to call the number of your local council or Department of Education and Training office, and the interpreter will stay on the phone call and interpret.

  Thank you, Saw Law Eh, this has helped so much!

  Charlie, we need to go! We’re going to enrol you in kindergarten!

  Visit vic.gov.au/kinder/translations to find out more

  Authorised by the Department of Education and Training Victoria