Gabay para sa mga Pamilya
Tungkol sa Iyong Kinder Kit
Ang pagsali ng iyong anak sa paglalaro ay isang mahusay na paraan upang suportahan ang kanyang pag-aaral at pag-unlad. Ang mga magulang, tagapag-alaga at pamilya ang pinakamahalagang bahagi ng paglalakbay na ito.
Ang Kinder Kits ay puno ng mga libro, mga laruang pang-edukasyon at mga aktibidad na ginawa para sa iyong anak at pamilya upang kasiyahan sa bahay.
Kasama sa bawat Kinder Kit ang mga bagay na nilikha para talaga sa mga tatlong taong gulang.
Victorian Early Years Learning and Development Framework
Sinusuportahan ng mga guro at tagapagturo ng maagang pagkabata (early childhood) ang iyong anak upang lumago at matuto.
Ginagamit ng mga programa sa kindergarten ang Victorian Early Years Learning and Development Framework (VEYLDF) upang gabayan ang pag-aaral at pag-unlad ng mga bata.
Lahat ng nasa iyong Kinder Kit ay kumokonekta sa 1 o mahigit pang mga resulta sa VEYLDF.
- Identidad
- Pag-aaral
- Komunidad
- Komunikasyon
- Kagalingan
Backpack
Ang mga Kinder Kit backpack ay maaaring gamitin araw-araw para magdala ng mga bagay-bagay at maglaro.
Maaaring mag-drowing ang iyong anak sa cardboard tag sa likod, para malaman niya kung aling backpack ang kanya.
Buksan ang backpack at idikit ang mga Velcro tab upang gamitin ang felt surface para sa mapanlikhang laro.
- Higpitan o luwagan ang mga strap ng backpack upang ang bag ay nakapantay sa likod ng iyong anak.
- Lumikha ng kuwento gamit ang mga felt sticker.
- Hikayatin ang pagdrowing sa name tag.
- Magpraktis ng mga kasanayan bago magsulat.
Pagbasa
Ang pagbabasa ay isang mahusay na paraan upang gumugol ng oras na magkakasama bilang isang pamilya. Isa ito sa pinakamahalagang paraan para suportahan ang pag-unlad ng pagbasa at pagsulat.
Ang pagkakaroon ng regular na oras ng pagkukuwento sa iyong anak ay nakakatulong sa pagpapaunlad ng kanyang imahinasyon at bokabularyo.
- Magkasamang pumili ng libro.
- Humanap ng komportableng lugar para maupo at magbasa.
- Itanong sa iyong anak kung ano kaya ang susunod na mangyayari sa kuwento.
- Gumamit ng iba't ibang boses para sa mga tauhan ng kuwento.
Pagdodrowing at paggawa ng marka
Ang pagdo-drowing at paggawa ng marka ay nagbibigay-daan sa mga bata na ipahayag ang kanilang sarili nang malikhain at magkaroon ng kumpiyansa. Sa pamamagitan ng pag-eksperimento gamit ang mga krayola sa papel, ang mga bata ay:
- mapapahusay ang kanyang fine motor skills, na mahalaga para sa pag-aaral ng pagsulat
- mapapagbuti ang koordinasyon ng kanilang kamay at mata
- malalaman ang tungkol sa mga kulay, hugis, pattern at guhit
- maipapahayag ang pagiging malikhain
- matututong makipag-usap sa iba.
- Hikayatin ang iyong anak na kasiyahan ang proseso ng pagdrowing.
- Magbigay ng mga tanong na hindi lang 'oo' o 'hindi' ang sagot para magsalita ang iyong anak tungkol sa kanyang drowing.
- Pangalanan ang mga kulay at hugis na nakikita mo.
Mga malikhaing aktibidad
Ang malikhaing dula ay nagpapasigla sa lahat ng 5 uri ng pandama ng iyong anak – paningin, pang-amoy, pandinig, pandama at panlasa. Ito ay isang masayang paraan upang galugarin, tuklasin at alamin ang tungkol sa mundo sa iyong paligid.
- Hikayatin ang pagiging matatag sa pamamagitan ng pagpapakita sa iyong anak na okey lang na magsimulang muli. Kung bumagsak ang mga block, huminga nang malalim at muli ninyong itayo ito nang magkasama.
- Subukang igulong ang playdough at gawin itong isang bola, gumawa ng mga hugis, patagin ito, pitpitin ito.
- Magkakasamang gumawa ng musika. Gumawa ng iba't ibang ritmo at kumpas sa pamamagitan ng pagpalakpak ng iyong mga kamay o pagtapik sa ilang bagay sa inyong bahay.
Paglalaro sa labas
Ang pinangangasiwaang paglalaro sa labas ay isang malaking bahagi ng paglaki, pag-unlad at kagalingan ng iyong anak.
Ang mga bata ay maaaring:
- pabutihin ang kanyang pang-unawa sa agham sa pamamagitan ng pagmamasid sa kalikasan
- makadama ng pagiging independiyente
- makisalamuha sa ibang mga bata
- maggalugad at matutunang gumawa ng mabubuting pagpapasya kapag naglalaro
- pabutihin ang pagkilos ng buong katawan, koordinasyon ng kamay at mata at mga fine motor skill at pagkamalikhaing kasanayan.
- Pag-usapan ang tungkol sa mga dahon at pangalanan ang iba't ibang kulay at hugis.
- Magkasamang magtanim ng mga binhi.
- Makipag-ugnayan sa kalikasan. Pag-usapan ang pangangalaga sa ating kapaligiran.
- Lumikha ng mga sandcastle.
Dramatikong paglalaro
Ang dramatikong paglalaro ay naghihikayat sa mga bata na isadula ang mga likhang-isip na kuwento at gampanan ang mga papel ng ibang mga tauhan.
Gumagamit ang mga bata ng dramatikong paglalaro upang magpraktis ng mga mahahalagang kasanayan sa wika at pakikisalamuha, kabilang ang:
- paggalugad at paglikha ng mga bagong mundo
- pagbabahagian at paghahalinhinan
- mga paraan ng pakikipag-ugnayan at pakikipag-ayos sa isa't isa.
- Pangalanan ang mga hayop sa Ingles at sa iba pang mga wika.
- Lumikha ng mga tauhan.
- Gumawa-gawa ng mga kuwento.
- Gumamit ng mga hayop upang maggalugad at ipahayag ang mga nadarama at iba't ibang emosyon.
Mga laro
Ang paglalaro kasama ang pamilya at mga kaibigan ay isang magaling na paraan upang makabuo ang iyong anak ng mga kasanayang panlipunan.
Ang mga laro ay makakatulong sa mga bata na matuto ng mga kasanayan sa matematika, wika at paglutas ng problema.
- Matuto ng mga panuntunan sa laro at magpraktis ng paghahalinhinan.
- Palakasin ang mga kasanayan sa paglutas ng problema at memorya.
- Pag-usapan ang mga numero at magpraktis ng pagbilang gamit ang mga bagay-bagay.
Pagpapatatag ng komunidad
Ang paglalaro ang paraan kung paano natutuklasan at natututo ang mga bata tungkol sa kanilang sarili at sa mundo sa kanilang paligid. Para sa mga bata, magkasabay ang paglalaro at pag-aaral. Ang mga bagay sa iyong Kinder Kit ay sumusuporta sa iyo na makipag-usap tungkol sa pagkakaiba-iba at mga iba't ibang kultura.
- Kausapin ang iyong anak tungkol sa ibang mga bansa at sa mga katutubong hayop doon.
- Tingnan ang mapa ng mundo upang makita kung saan nagmula ang iba't ibang wika.
Paggalang sa identidad
Ang paghikayat sa mga bata na pag-aralan ang tungkol sa lahat ng mga kultura ay bubuo ng pag-unawa, pagtanggap at pagpapahalaga. Ang mga kultura ng Aborihinal at Torres Strait Islander, at ang mga kultura ng Koorie dito sa Victoria, ay buhay at umuunlad sa ngayon. Buong karangalan naming ipinagdiriwang sila bilang mga may-akda at artist sa Kits.
Narito ang ilang mga aktibidad upang matulungan ang iyong anak na matuto nang higit pa tungkol sa mga tradisyon at kultura ng Koorie:
- Alamin ang mga simbolo ng Koorie para sa mga bagay o hayop.
- Matutunan at pag-usapan ang tungkol sa mga kultura, pinuno at bayani ng Koorie.
- Tuklasin ang kahalagahan ng Pagkilala sa Country (Acknowledgement of Country).
Mga Aklat sa Auslan
Auslan ang sign language na ginagamit sa Victoria's Early Childhood Language Program. Ang programang ito ay magagamit sa ilang Kindergarten.
Maraming benepisyo para sa mga bata ang pag-aaral ng ibang wika sa murang edad, kabilang ang:
- nadagdagan ang mga kasanayan bago makapagbasa (pre-reading) at makapagsulat (pre-writing)
- pinahusay na kakayahang iangkop ang pag-iisip
- pinabuting pagpapahalaga sa sarili at kagalingan
- pinatatag na identidad ng kultura.
Marami sa mga aklat na kasama sa 2026 Kinder Kits ay mayroong mga pagsasalin sa Auslan.
- Ipahayag ang nadarama sa pamamagitan ng Auslan.
- Mangumusta sa Auslan.
Kaligtasan at kagalingan ng bata at karagdagang suporta
Walang mas mahalaga pa kaysa sa kaligtasan at kagalingan ng mga bata. Tanungin ang iyong serbisyo kung paano nila pinapanatiling ligtas ang mga bata.
Lahat ng mga bata ay natututo sa magkakaibang paraan at sa kanya-kanyang bilis. Makipag-usap sa inyong guro sa early childhood kung mayroon kang anumang mga alalahanin. Kung kailangan mo o ng iyong anak ng karagdagang suporta, makakakuha kayo ng tulong sa pamamagitan ng mga sumusunod na paraan:
- Magpa-appointment para magpatingin sa doktor mo o maternal at child health nurse para talakayin ang iyong mga katanungan.
Tawagan ang Maternal and Child Health line sa 13 22 29 para sa mga pamilya sa Victoria na may mga anak na bagong panganak hanggang 6 na taong gulang, 24 na oras sa isang araw, 7 araw sa isang linggo.
Mga karera sa edukasyong Early Childhood
Pag-isipan ang pagsisimula ng isang karera sa lumalaking sektor ng kindergarten sa Victoria. Upang suportahan ka sa pagiging isang guro o tagapagturo sa early childhood, mayroong:
- naibabagay na mga opsyon sa pag-aaral
- mga mapagkaloob na scholarship
- mga insentibo sa pananalapi.
Ibigay ang iyong Kinder Kit
Kapag natapos na ng iyong anak ang kanyang mga bagay-bagay sa Kinder Kit, mangyaring itapon ang mga ito nang responsable.
Kung ang mga bagay ay nasa mabuting kondisyon pa, pag-isipang i-donate ang mga ito sa isang charity. Tanungin ang iyong sarili kung 'ibibigay ko ba ito sa isang kaibigan?'. Kung oo ang sagot, okey lang na i-donate ito sa charity.
Kung ang iyong mga bagay-bagay ay hindi angkop na i-donate, paki-recycle ang mga ito hangga't maaari.
Ang wastong pagbabawas at pagtatapon ng basura ay nakakatulong sa pagkakaroon ng isang mas malinis, mas berdeng Victoria.
Updated