VCE ma le VCE Vocational Major (VCE and VCE Vocational Major) - Gagana Samoa (Samoan)

E uiga i le VCE ma le Vocational Major

O le Victorian Certificate of Education (VCE) o le fa'ailoga maualuga i aoga tulagalua a Victoria. E tatalaina ai ala i le iunivesite, tulaga maualuga o le TAFE po'o vasega o tusipasi o le VET, aperenitisi, a'oa'oga ma le aufaigaluega.

O le VCE ua fa'alauteleina e aofia ai le Vocational Major, o lona uiga ua mafai ona e su'esu'eina se polokalame fou e 2-tausaga le umi mo matata eseese i totonu o le VCE.

O le VCE Vocational Major o le a fa'atupuina lou tomai fa'aletagata ma fa'atinoga i uiga o le olaga. E fesoasoani atu e saunia oe mo le isi la'asaga taua o lou olaga.

E mafai fo'i ona fa'amae'aina le VET in the VCE or VCE Vocational Major. E 27 mataupu tau VCE VET e te filifili mai ai, ma e tele fo'i aoga i Vitoria o lo'o ofoina atu lenei polokalame fa'amuamua a le VET.

Po o fea e mafai ona avea ai oe e lou VCE Vocational Major

Ole VCE Vocational Major e ofoina atu se auala ile:

• aperetenisi
• a'oa'oga
• fa'aauau a'oa'oga ma a'oa'o i galuega
• iunivesite (e ala i nisi polokalame ulufale)
• galuega.

Manatua o lena e tele au taleni ma ua mafai nei ona e mauaina i lalo ole VCE fou.

Mauaina o le VCE Vocational Major

Mo le mauaina o lau VCE Vocational Major, e tatau ona e fa'amae'aina e le itiiti ifo ma le 16 iunite. O nei mea o le a aofia ai iunite i:

• VCE VM Faitautusi po'o le VCE Igilisi
• VCE VM Numera po'o le VCE Matematika
• VCE VM Tomai Fa'apitoa Fa'atatau i Galuega
• VCE VM Tomai Atina'e o le Tagata
• VET ile la'asaga Tusipasi Fa'amaonia II pe sili atu (180 itula fa'apitoa)

Tele o tamaiti aoga VCE Vocational Major latou te fa'aopoopo fo'i isi a'oa'oga VCE i la latou polokalame.

O lou faiaoga po'o le faufautua mo galuega o le a fesoasoani ia te oe e fuafua lau polokalame. Ole tele o tamaiti aoga e mae'a a latou VCE Vocational Major ile 2 tausaga.

E te fa'aogaina le poto ma tomai i totonu o tulaga fa'atino e pei o fale faigaluega. E te faia ni faatinoga fa'ale-nu'u ma galuega fa'atino e aofia ai le galue i totonu o se vaega. E mafai fo'i ona e maua fa'atagaga mo a'oa'oga i luga ole galuega.

O le a iloiloina e ou faiaoga lou alualu i luma e ala i le tele o gaoioiga. E te le maua se togi su'esu'e mo mata'upu VCE Vocational Major, o lona uiga e le faitaulia nei mata'upu ile ATAR. E mafua ona e leai ni su'ega po'o ni isi su'esu'ega mai fafo, e ese mai le General Achievement Test ma nisi o polokalame VCE VET ua togi.

A mae'a lau a'oa'oga, o le a e maua se Victorian Certificate of Education fa'atasi ai ma upu fa'aopoopo 'Vocational Major'.

VCE Vocational Major Pathway – Faigamalaga a Kamala

E fiafia Kamala e a'oa'o i le galuega ma e mana'o e avea o ia ma se tagata fau mea u'amea, o lea o le a ia lesitala i le VCE Vocational Major (VCE VM). Na te faia su'esu'ega VCE VM ma se VCE VET Certificate II i le Inisinia. O Kamala o le a fa'amae'aina le a'oga maualuga ma lana Tusipasi Faamaonia o A'oga Vitoria - Matata Eseese. Sa ia talanoaina nei mea uma ma lona aiga, faiaoga ma le faufautua o galuega i aoga.

A o leʻi oʻo i lenei tulaga, sa faʻaalu e Kamala se taimi i le faatoaga a matua o lona matua ma fesoasoani ia i latou e fausia ni nai fale. I le Tausaga 10, sa auai atu Kamala i le TAFE aso fa'ata'ita'i ma sa ia fa'amasani atu i le VET inisinia. Ona alu ai lea o ia i se malaga fa'agaluega i se fale gaosi karaveni o lo'o lata ane ma fesili pe mafai ona ia faia le a'oa'oga o le Structured Workplace i le kamupani a'o auai atu pea o ia i le tausaga 11. O lona uiga o le a ia auai atu mo sina taimi aʻoga i le fale gaosi karaveni e aʻoaʻo ai i le galuega. O le a ia maua se tusipasi mo lenei taimi e fa'aopoopo atu i lana VCE Vocational Major. A mae'a le tausaga 12, ua fa'amoemoe Kamala e maua sana aperenitisi i lea kamupani.

Mataupu a'oa'o a Kamala i le Tausaga 11

• VCE VM Faitautusi Iunite 1 ma le 2
• VCE Matematika Fa'alaua'itele Iunite 1 ma le 2
• VCE VM Tomai Fa'apitoa Fa'atatau i Galuega Iunite 1 ma le 2
• VCE VET Tusipasi II i Vaega A'oa'o Fa'ainisinia Iunite 1 ma le 2
• VET Fa'atulagaga o A'oa'oga i le Galuega Iunite 1 (90 itula)

Kamala Tausaga 12 mataupu a'oa'o

• VCE VM Faitautusi Iunite 3 ma le 4
• VCE Matematika Fa'alaua'itele Iunite 3 ma le 4
• VCE VM Tomai Fa'aleleia o le Tagata Iunite 3 ma le 4
• VCE VM Tomai Fa'apitoa e Fa'atatau i Galuega Iunite 3 ma le 4
• VCE VET Tusipasi II i Vaega A'oa'o Fa'ainisinia Iunite 3 ma le 4
• VET Fa'atulagaina o A'oa'oga i le Galuega Iunite 2 (90 itula)

O fea e mafai ona ave ai oe e le VCE

O le VCE e ofoina atu se auala tu'usa'o i le iunivesite ma e mafai ona tuʻuina atu ia te oe se ATAR.

O le mauaina o le VCE

Mo le mauaina o lau VCE, e tatau ona e fa'amae'aina lelei le 16 iunite, e aofia ai:

• 3 iunite mai le vaega o le Igilisi, e aofia ai le iunite faasolo o le 3 ma le 4
• ma le 3 mai o isi fa'asologa o a'oa'oga o le iunite 3 ma le 4.

I le alua'e o tausaga aoga 11 ma le 12, o le tele o tamaiti aʻoga e a'oa'o i le va o le 20 ma le 24 iunite, e masani lava i le 6 o mataupu i le tausaga 11 ma toe faʻaitiitia i le 5 i le tausaga 12.

E mafai ona e a'oa'o i mataupu fou o le Faitautusi, Numera, Tomai e Patino i Galuega ma Tomai Fa'aletagata pe afai ua e lesitala i le VCE Vocational Major.

Talanoa i lou faiaoga po'o le faufautua mo galuega e uiga i le faiga o lau polokalame VCE e fetaui lelei ma oe.

VCE Pathway - Faigamalaga a Deshi

E fia avea Deshi ma loia lona uiga e mana'omia le lesitala i a’oa’oga VCE e pei o le Igilisi, Matematika, A'oa'oga Fa'atulafono, A'oa'oga Fa'amalositino, Tala'aga ma le VCE VET Fa'apisinisi. O le a fa'auma lana aoga tulaga lua ma lana VCE.

Ua filifilia e Deshi a'oa'oga e talafeagai i lana galuega i le lumanaʻi faʻapea foʻi ma nisi o galuega e fiafia i ai. Sa talanoaina ana filifiliga ma lona faiaoga ma le faufautua o matata fa'alea'oa'oga ina ia 'ausia tulaga manaomia i le iunivesite mo le aoga fa'aloia.

Mataupu o a'oa'oga a Deshi i le Tausaga 10

• VCE Vaega o A'oa'oga Fa'aletino 1 & 2

Mataupu o a'oa'oga a Deshi i le Tausaga 11

• VCE Igilisi Iunite 1 ma le 2
• VCE Metotia Fa'atematika Iunite 1 ma le 2
• VCE Mataupu A'oa'o i Tulafono Iunite 1 ma le 2
• VCE Talafa'asolopito Fa'aonapo nei Iunite 1 ma le 2
• VCE Aoga Fa'amalositino Iunite 3 ma le 4
• VCE VET Tusipasi III i Pisinisi Iunite 1 ma le 2

Mataupu o a'oa'oga a Deshi i le Tausaga 12

• VCE Igilisi Iunite 3 ma le 4
• VCE Metotia Matematika Iunite 3 ma le 4
• VCE Talafa'asolopito Fouvalega Iunite 3 ma le 4
• VCE Su'esu'ega fa'aletulafono Iunite 3 ma le 4
• VCE VET Tusipasi III i Pisinisi Iunite 3 ma le 4

Mo nisi faamatalaga

Faai'uga o le VCE ma le ATAR

Su'ega Ausia Aoao (GAT)

VCE VM Mataupu A'oa'oina

O la'u ta'iala VCE Student