E uiga i le VPC
O le Tusipasi o Ala A'oa'o i Vitoria (VPC) o se tusipasi fou e mafai ona fetu'utu'una'i.
O lo'o ofoina atu se a'oa'oga auai ma lagolagosua fa'aopoopo mo oe e atia'e ai le tomai e fa'atatau i galuega ma tulaga agava'a e mana'omia ina ia e manuia ai.
Ole VPC e masani ona fa'amae'a i le tausaga 11 ma le 12, ae e mafai ona fetu'una'i ina ia amata i se taimi vave po'o le fa'auma atu i se taimi sili atu nai lo le 2 tausaga. O le galuega tau a'oa'oga e faia lea ma tu'uina atu i se tulaga e sili atu ona faigofie nai lo le VCE ma le VCE Vocational Major. E mafai ona e a'oa'oina i le VPC i lou lava saoasaoa ma o le a su'esu'eina e ou faiaoga lou aga'i atu i luma e ala i le tele o gaoioiga a'oa'oga i potuaoga.
E mafai e lau a'oga ona fa'atagaina oe e amatalia le VPC i so'o se taimi ole tausaga aoga. E mafai ona fetu'una'i le taimi e te fa'aaogaina e fa'amae'a ai le VPC.
E tatau ona e fa'atalanoaina le talafeagai ole VPC mo oe ma lau a'oga fa'apea ma lou aiga.
O le Foundation VCAL ua suia nei i le VPC.
Mataupu filifili o a'oa'oga i le VPC
O lou VPC e aofia ai:
- VPC Faitautusi (po'o le VCE Filifiliga o le Igilisi e pei o le VCE VM Faitautusi)
- VPC Numera (po'o filifiliga o le VCE Matematika e pei o le VCE VM Numera)
- Tomai o le VPC e Fa'atatau i Galuega
- Tomai o le VPC e Fa'aleleia ai le Tagata
- auai atu mo sina taimi i se fale faigaluega e avea ai ma se vaega o lau a'oa'oga. E ta'ua lea o le A'oa'oga Fa'atulagaina i le Fale Faigaluega.
E mafai fo'i ona e fa'aopoopoina nisi vaega ole VCE po'o le VCE VM, po'o le filifili e aofia ai galuega a'oa'o ma toleniga (VET) i totonu o le VPC. A'oa'o atili e uiga i le VET i le Tusipasi o Auala A'oa'o i totonu o Vitoria.
O lou faiaoga po'o le faufautua mo galuega o le a fesoasoani ia te oe e atina'eina se polokalame e talafeagai ma ou mana'oga ma mea e te fiafia i ai.
O itu e mafai ona ave iai oe e le VCE
Afai na e misia le tele o a'oga pe iai ni mana'oga fa'aopoopo e a'oa'o iai, ole a fesoasoani le VPC ia te oe mo le aga'i atu i luma ile VCE Vocational Major, ulua'i ulufale i le TAFE, VET po'o le maua o sau galuega.
VPC Ala A'oa'o - Faigamalaga a Brandon
O Brandon e mana'omia le fetu'utu'una'i. Ua toe fo'i o ia i le aoga ina ua mae'a se malologa ona o lona tulaga fa'afoma'i. Sa talanoa le faiaoga o Brandon i e uiga i le VPC ma ia fa'atasi ma ona matua.
E fiafia Brandon i le VPC aua e mafai ona ia amataina lana polokalame aʻoaʻoga pe a manaʻo iai. Ua filifili Brandon e a'oa'o i mataupu o le VPC ona e aofia ai poloketi fa'alenu'u ma le galulue ma isi tagata. E mafai ona sili atu ma le 2 tausaga o Brandon e fa'amae'a ai lana polokalame a'oa'oga.
Nai lo le Igilisi ma le Matematika i le tausaga 10, ua faia e Brandon le VPC Vaega 1 o le Tusitusi ma le Numera. Pe a faia lana filifiliga mo le tausaga 11 ma le 12, ua iloa e Brandon o le VPC o se polokalame e talafeagai ma ia aua o lo'o ia mana'omia pea se fetu'utu'una'iga.
I le tausaga 11 na amataina ai le Tusipasi II i Pisinisi Laiti aua o lenei VET o lo'o fa'atautaia i totonu o le aoga lea e faigofie ai ona ia auai atu iai. E o'o atu i le tausaga 12, ua aoga i taimi uma Brandon ma ua lesitala i le Tusipasi II a le Salon Assistant. Na te faia le Structured Workplace Learning i totonu o se fale oti ulu o lona uiga o le a ia maua le faʻatagaga mo ana galuega fa'ata'ita'i.
E mana'o Brandon i se aperenitisi o le oti ulu pe a uma ma le a'oga.
Mataupu aoga o le Tausaga 10 a Brandon
- VPC Faitautusi Iunite 1
- VPC Numera Iunite 1
Mataupu aoga o le Tausaga 11 a Brandon
- VPC Faitautusi Iunite 2
- VPC Numera Iunite 2
- Tomai o le VPC e Fa'aleleia ai le Tagata Iunite 1
- Tomai o le VPC e Fa'atatau i Galuega Iunite 1
- VET Tusipasi II i Pisinisi Laiti (Fa'agaioiga/Fa'afouina) Iunite 1 ma le 2
Mataupu aoga o le Tausaga 12 a Brandon
- VPC Faitautusi Iunite 3
- Tomai o le VPC e Fa'aleleia ai le Tagata Iunite 2
- Tomai o le VPC e Fa'atatau i Galuega Iunite 2
- VET Tusipasi II i le Salon Assistant Iunite 1 ma le 2
- VET Fa'atulagaga o A'oa'oga i le Galuega Iunite 1 (90 itula)
Updated